Khotbah Efesus 5:17-24, Pekan Keluarga GBKP, Jumat 10 Juni 2011 (Wari VI)

Introitus:
I bas persadanndu ras Kristus, kam pe ras kerina kalak si deban iranggut jadi sada rumah, i ja Dibata ringan alu KesahNa (Efesus 2:22)

Pembacan: 1 Tesalonika 5:8-11; Khotbah: Efesus 5:17-24

Thema:
Peran Jabu itengah-tengah Pelayanen Gereja

Bimbingen
Ope terdauhen kita ercakap kerna thema Pekan Keluarga berngi si VI ken, si pebagesi lebe pengertinta kerna kata Dibata Efesus 5:17-24. Perikopta enda lit ibas dua judul. Ayat 17-20 ibahan LAI judulna “Nggeluh ibas terang”, sedang ayat 22-24 judulna “Kerna Ndehara ras Perbulangen”. Adi sinin Alkitab bahasa Indonesia lit sitik bedana pembagin ayat. Judul “nggeluh ibas Terang” I ujungi ayat 21 adi ibas bahasa Karo ayat 20. Bagepe judul “Kerna Ndehara ras Perbulangen” imulai ibas ayat 22, sedang bahasa Karo ayat 21. Alu ibahan judul enda, tentuna gelah ernukahna kita ngangkaisa.

Adi ayat 17-21 ibas bingkai judul “Nggeluh ibas Terang” tentuna ayat-ayat e menekanken pedah ntah nasehat segelah perpulungen ibas paksa e nggeluh ibas terang. Ugakin ngeluh ibas terang? Sibatasi ibas ayat 17-21 eme:

1. la bodoh. Kata bodoh ijenda arus ipahami kai si ikataken ibas ayat 15-16. “Ola bodoh” (jangan bebal) berarti la nai ngikuti cara ntah kebiasaan nggeluh sindekah (kegeluhen si lenga nandai Dibata/kafir). Kata enda itujuken man kalak si enggo nandai Dibata situhu-tuhu segelah ula berlaku bodoh, alu terlibat ibas kejahaten masyarakat. Adikin jaman genduari, segelah ula ikut-ikuten korupsi, ikut-ikuten ngelakoken perbahanen si enggo siteh la mehuli, ngerugiken kalak sidaban terlebih siteh e langena ate Dibata. Adi silakoken denga berarti kita kalak bodoh/bebal. Emaka ayat enda iterusken “pergermetken lah kai singena ate Tuhan guna idalankendu. Jadi perlu siksik lebe maka itindes nina kuan-kuan karo. Ukuri lebe mbages-mbages erpalasken kebenaren kata Dibata maka idalanken.
2. Idemi Kesah Sibadia.
3. Saling mpegegehi
4. Ngataken bujur ibas siugapana pe (bersyukur senantiasa)
5. Saling menghormati dan saling menghargai (patuhlah sekalak nandangi sidebanna). Payo ngelakoken nggeluh bage labo menukah, erkiteken lit kecendrungen itengah-tengah masyarakat ngenehen sekalak jelma erpalasken kai pendahinna, jabatenna, ntah status sosialna, rsd. Tapi amin bage gia, ijeme arusna simembedakenca pengikut Kristus ras doni enda, patuh ia sekalak nandangi sidebannya erkiteken mehamat ia man Kristus (nggeluh ibas terang Kristus).

Ayat 22-24 ibas bingaki judul “Kerna ndehara ras Perbulangen”. Tentu pedah-pedah si isingetken Paulus ijenda pe tetap mengacu kubas “ugakin nggeluh ibas terang”. Pokok enda ikaitken Paulus erkiteken ibas paksa e keduduken ntah pe posisi diberu meteruk kal. Enda teridah arah sikap dilaki ngenen dirina ras mperlakuken diberu/ndeharana. Contohna, tiap erpagi-pagi dilaki kalak Yahudi ertoto nehken pengataken bujurna erkiteken Dibata la njadiken ia “kalak Kafir, budak, ntah pe diberu”.[1] Terdauhen, ibas hukum Kalak Yahudi, diberu ianggap labo jelma tapi “benda”. Enda secara singkat tersinget ibas Ulangen 24:1 “Adi sekalak dilaki ngempoi sekalak diberu, dungna isirangkenna atena, erkiteken ndeharana e ngelakoken lagu langkah si man kemelanken, isuratkenna surat mulih, iberekenna man ndeharana e, jenari isuruhna ia lawes”. Emaka ibas paksa e proses perceraian seh kal nukahna adi bage ate dilaki, tapi sebalikna nandangi diberu. Lit hukum maka ndehara la berhak ngulihken/menceraikan perbulangenna kecuali alasen erkiteken perbulangenna sakit gadamen.

Emaka ibas bagin enda, Paulus ngerana kerna ugakin arusna Ngdehara ras Perbulangen nggeluhken geluh perjabunna. Khususna ibas ayat pembahasenta eme ndehara. Nina Paulus “patuhlah man perbulangenndu bagi patuh man Tuhan”. Penekanen ijenda eme patuh ndehara sehubungen ras “patuh man Tuhan”. Implikasi patuh man Tuhan (mehamat man Tuhan) eme ndehara patuh man perbulangen. Desken perpulungen patuh man Kristus takal gereja, bagem ndehara arus patuh man perbulangen selaku kepala keluarga. Ayat 24, Paulus tole menekanken kepatuhen ndehara nandangi perbulangen alu kata “ndehara arus patuh kal”… Tapi harus itambahken, kecuali adi perbulangen ngarapken ndeharana la matuhi kata Dibata, la perlu patuh. Sebab Perbulangen labo Tuhan man ndeharana.

Ibas sienda, perlu kuakap ijelasken tole. Payo Dibata netapken perbulangen jadi kepala. Tapi sienda labo berarti perbulangen banci secara egois mendominasi ndeharana ntah anak-anakna. Bahken ndehara banci la patuh adi Emaka ibas ayat 25, 28-30, 33, Paulus pe nekanken gelah perbulangen ngkelengi ndeharana bagi Kristus engkelengi perpulungen. Sienda labo tanggung jawab sikitik. Adi e siilakoken perbulangen enggo pasti ndehara pe alu dem keriahen patuh man perbulangenna si engkelengi ia bagi sinilakoken Kristus Yesus nandangi perpulungen, alu bage perbulangen ncukupi keperlun, mpeduliken, menghormati, nampati mendorong, ras mereken waktu pe man ndehara ras anak-anak.

Thema peken keluarga berngi sipe-VI-ken eme “Peran jabu itengah-tengah pelayanen gereja”. Adi ihubungken ras kata Dibata siman oratenta wari enda, maka kegeluhen jabu si harmonis eme adi ndehara ras perbulangen masing-masing nggeluh ibas terang Kristus maka situhuna ia enggo berperan ibas pelayanen gereja. Jabu e enggo jadi saksi si nggeluh, terlebih itengah-tengah jamanta genduari, ija iberitaken arah media masa, media elektronik, rsd, kerna jabu sirontang, kalak simulihen[2], jabu si erpekara, selingkuh, rsd. Emaka adi jabu itengah-tengah jaman genduari ngasup encidahken jabu si harmonis, bagepe mabai ras ngajari anak-anakna nggeluh erkemalangen man Dibata, situhuna enggo erperan ibas pelayanen. Adi jabu harmonis, anak-anak meteh mehuli tentu enda pe terbaba kubas kegeluhen perpulungen, sabab perpulungen e ibas jabu-jabu nari. Idialna jabu si ikut berperan ibas pelayanen gereja eme: perbulangen, ndehara ras anak-anak aktif ngikuti kegiaten-kegiaten gereja. Adi la bage, eme sebabna mekatep jadi cakap. Penah lit, sekalak anggota perpulungen nina man bangku, ugakin pertu ah pendeta, pertua ia tapi anak-anakna pe labo aktif, nina. Berarti alu orang tua sejak dini nuanken kata Dibata bagepe keteladanen nggeluh erkiniteken man anak-anakna, orang tua enggo berperan itengah-tengah pelayanen gereja.

Lit denga pemahamen si salah ibas piga-piga orang tua kerna ngajari anak-anak kerna kata Dibata, eme erpengakap enggo cukup anakna ngikuti sekolah minggu ras ndatken pelajaren agama ibas sekolah. Bimbingen orang tua irumah kerna kata Dibata, ras terlebih keteladanen seh kal pentingna. Emaka ula mamang-mamang ate orang tua, adi anak e waktu kitikna mehuli, aktif ngikuti sekolah minggu ras adi lit CTA dat juara, tapi kenca remaja, permata lanai terajarken. Engkai kapndu maka bage? Adi ievaluasi banci saja mbue sebabna, tapi salah sada penyebab simbelinna eme ternyata la seimbang pemeteh kerna agama, kerna keteladanen nggeluh simehuli si nisuanken orang tua ibandingken pemeteh, trent Zaman, bagepe idola (‘si la mehuli”) si idatna ibas pergaulen ras lingkungen sisemakin luas. Emaka mari selaku orang tua sicidahken peranta ibas pelayanen itengah-tengah gereja alu mperdiateken ras mereken pengajaren kerna kata Dibata ras keteladanen nggeluh.

Lit 10 aturen ugakin engkelingi anak (Ten Rules for Loving Your Children), mbera enda banci pe erguna man banta:

1. Jangan buat anak anda frustrasi (lihat Efesus 6:4). Anak tak boleh diharuskan berperilaku seperti orang dewasa. Jika anda berharap terlalu banyak dari anak, ia tidak akan lagi membuat anda senang, karena ia tahu bahwa hal itu mustahil.
2. Jangan bandingkan anak anda dengan anak lain. Biarkan ia tahu seberapa besar anda menghargai sifat-sifat unik mereka dan karunia-karunia dari Allah.
3. Beri dia tanggung-jawab di rumah sehingga ia akan tahu bahwa ia bagian penting dalam keluarga. Penghargaan adalah bahan bangunan bagi harga diri yang sehat.
4. Luangkan waktu bersama anak. Sehingga anak tahu bahwa ia penting bagi anda. Memberi materi kepada anak tak dapat menggantikan diri anda baginya. Juga, seorang anak banyak dipengaruhi oleh orang yang meluangkan paling banyak waktu bersamanya.
5. Jika anda harus mengatakan sesuatu yang negatif, katakalah secara posifif. Saya tak pernah berkata kepada anak saya bahwa ia “jelek” ketika ia tak menaati saya. Malahan, saya berkata kepadanya, “Kau anak yang baik, dan anak yang baik tidak melakukan hal yang baru saja kau lakukan!” (Lalu saya pukul pantatnya).
6. Sadarilah, kata “tidak” berarti “Saya peduli padamu.” Ketika menemukan caranya, secara intuitif anak tahu anda tak cukup peduli untuk melarangnya.
7. Harapkan agar anak anda meniru anda. Anak belajar dari teladan orang-tuanya. Orang-tua yang bijak tak akan pernah berkata kepada anaknya, “Lakukan apa kataku, bukan apa yang kulakukan.”
8. Jangan beri jaminan kepada anak anda atas masalahnya. Singkirkan batu sandungan; biarkan batu loncatan ada di jalurnya.
9. Layani Allah dengan segenap hati anda. Saya perhatikan, anak, yang orang-tuanya suam-suam kuku, jarang melayani Allah saat ia dewasa kelak. Anak Kristen dari orang tua yang belum selamat dan anak dari orang-tua Kristen yang berkomit-men penuh biasanya tetap melayaniNya ketika berada di luar “tempat asalnya.”
10. Ajarkan Firman Tuhan kepada anak. Orang tua sering memprioritaskan pendidikan anaknya tetapi gagal memberikan pendidikan terpenting yang bisa diperoleh anak itu, yakni pendidikan Alkitab.

Jatiwaringin-Pondok Gede, 25 Mei 2011
Pdt.S.Brahmana

--------------------------------------

[1] William Barclay, Pemahamen Alkitab Setiap Hari Galatia-Efesus. Jakarta: BPK Gunung Mulia, 1992, hal.253.
[2] Menurut hasil perhitungan Kementerian Agama RI tercatatat angka perceraian tahun 2009 sebanyak 250 ribu perceraian. Dari angka pernikahan yang tercatat tahun 2009 sebanyak 2,5 juta, berarti perceraian tahun 2009 setara dengan 10% (http://hizbut-tahrir.or.id/2010/02/27/waspadalahangka-perceraian-terus-naik). Di Surabaya awal tahun 2011 (Januari Februari) sudah tercatat perceraian sebanyak 883 kasus, lebih banyak dari tahun 2010 yang tercatat 823 kamus (http://hileud.com/angka-perceraian-di-awal-tahun-2011-meningkat.htm).

Artikel lain yang terkait: