PA MAMRE TGL.29 APRIL-5 MEI 2012, 1 SAMUEL 24:1-12

Ogen : 1 Samuel 24:1-12
Thema: Cerdas Emosional

Catatan:

(1) Menurut data ternyata Kecerdasen Emosional (EQ= Emotional Quotient) seri pentingna bahken maun-maun banci lebih ampuh erbahansa sekalak jelma sukses asangken Kecerdasen[1] Inteletual (IQ=intelegensi Qouotient). Daniel Goleman (2006:44)[2] ngataken maka 20% ngenca (bagem simeganjangna) pengaruh kecerdasen intelektual simenentuken indevidu sukses ibas geluhna, 80% nari eme faktor-faktor sideban termasuk Kecerdasen Emosional.

(2) Bagepe masalah-masalah siterjadi itengah-tengah masyarakatta: fenomena tawuran, rubati antar kelompok, antar suku, ras agama situhuna ncidahken kurangna kecerdasen emosional. Konflik siterjadi gambarken maka masing-masing kelompok, radu ras kurang cerdas secara emosional. Uga maka bage? Gedang jawabenna. Sabab, pendidiken agama seharusna pebelin kecerdasen emosional, tapi kinatana lenga bage. Kuakap hampir kerina msyarakat Indonesia enda eragama, tapi uga maka mbue denga terjadi masalah-masalah bagi isingetken ndai? Enda me PR-ta kerina, la saja tokoh-tokoh agama, tokoh masyarakat, tapi pe kerina kita termasuk mamre. Ikataken kami mamre erkiteken mamre eme pemimpin itengah jabu. Produk masyarakat asalna eme ibas jabu-jabu nari. Pendidiken informal itengah-tengah jabu mbue mempengaruhi anak-anak si radu ras orang tua bagin masyarakat e, uga ia ersikap ras menyikapi setiap persoalen si lit.

(3) Situhuna kai sikataken Goleman labo hal baru adi sinen ibas Alkitab. Uga maka cerdas secara emosional situhuna mbue isingetken ibas Alkitab amin gia la bage istilahna tapi aplikasina/penerapenna isingetken, misalna ula pedas merawa/naik dareh (Pengkhotbah 7:9); ula pernembeh (1 Yohanes 3:15, 4:20); Sabar. Piga-piga ayat si nuduhken uga pengaruh kesabaren ibas ndalani kegeluhen: Amsal 14:17, 29; 15:18; 16:32;19:11; 25:15; Pengkhotbah 7:8; 10:4; Galatia 5:22; ras sidebanna. Daud salah sada ibas perikopta sendah encidahken uga ia ngasup mengelola emosina[3] seh maka ia ngasup muat keputusen si payo (Cerdas Emosional)..

(4) Ituriken maka Daud la saja ngasup menahan diri ibas pepuasken emosina munuh raja Saul tapi pe ngasup mempengaruhi temanna gelah ersikap seri ras ia (ayat 7). Engkai maka bage sikap Daud? Tentu enda la terlepas kubas pengangkan Daud secara payo kerna Kata Dibata. Secara manusia labo berlebihen adi Daud emosi kempak Saul ras nehken tan si jahat. Daud enggo berjasa mulahi bangsa Israel ibas intimidasi bagepe kebiaren nandangi Kalak Filistin eme arah naluken Goliat, jenari labo lit sitek pe ukurna la mehuli nandangi raja Saul, kai ka kudeta (ayat 11b). Tapi kai balasen raja Saul? Idaramina dalan lako munuh Daud erkiteken akapna banci mbahayaken kedudukenna. Bagem ibas kata Dibata siniorati kita ibaba raja Saul 3000 kalak tentara pilihen guna ndarami ras munuh Daud (ayat 11b). Tapi ternyata Daud la membalas kejahatan alu kejahaten (ayat 13), la isehkenna tan sijahat munuh Saul. Alasenna sederhana, tapi maba pengaruh siluarbiasa eme: pemena, erkiteken Saul eme raja sinipilih Tuhan. Emaka la lit hakna ras ise saja pe menghina apai ka munuhsa. Sepeduaken, lit pemahamen Daud maka Dibata labo sinik saja, isehkenna nge hukumenna man kalak sijahat, ibas si enda isehken Dibata nge hukumenna man raja Saul (ayat 12, bd. Roma 12:19).

(5) Adi bagem pentingna kecerdasen emosional ibas menuju sukses, emaka ijenda lit piga-piga Tips guna meningkatken kecerdasan emosionalta, eme:

1. Erkemalangen man Dibata. Erkemalangen man Dibata erbahansa kita jadi kalak pentar (Amsal/Kuan-kuan 1:7; 9:10; Job 28:28; Mazmur 111:10). Pintar sinimaksud labo saja secara intelektual, tapi pe khususnya “cerdas emosional” (bikajsana).
2. Erlajar megiken kalak sideban. Alu megiken kalak sideban, siteh kai sinipikirken ras si igejapkenna, enda erbahnsa kita la salah sangka nandangi ia, alu bage hubungenta banci tetap mehuli.
3. Membaca Situasi.
   
   Alu emperdiateken lingkung, kita banci ngantusi situasi situhuna ras ngangkai kai situhuna siterjadi alu bage banci sibuat keputusen alu emosi siterkendali.
4. La mbiar itolak.
   
   Ibas kerina sisi kegeluhen, pasti lit dua pilihen. Ialoken kalak ntah lang. Emaka sipersiapken dirinta ibas ngaloken penolaken kalak. Sabab tanpa persiapen simehuli, penolaken e banci erbahansa kita kehilangen kendali nandangi dirinta erkiteken sedih ras kecewa seh maka banci erbahansa putus asa.
5. Komunikasi
   
   Komunikasi eme jalan keluar ibas menyelesaikan masalah. La lit masalah si la banci ikomunikasiken. Alu membiasaken diri mengkomunikasiken masalah alu mehuli, banci meningkatken kecerdasen emosi ras menghindarken diri ibas kesalahpahamen si la penting.
6. Berempati nandangi Perasaan kalak sideban
   
   Kecerdasan emosi tinggi ijumpai ibas kalak si ngsup erempati (merasakan perasan orang lain) ras ngangkai perbeben kai si sangana lit ibas kalak e. Erempati man kalak sideban erbahansa kita banci gejapken kai si sangana inanami temanta seh maka erbahansa lit tenggang rasa.
7. Menentukan Prioritas
   
   Salah satu cara mengendalikan emosi eme ngasup nentuken prioritas baik ibs kegeluhen keluarga, pendahin ras kegeluhen social. Menentuken prioritas erbahansa kita ngasup ngelakken perasanta tertekan ras stres si banci erbahansa emosinta terganggung. Kalak si ngasup nentuken proritas ibas geluhna erbahansa lit ibas ia kecerdasen emosi si mbelin ras kestabilan emosina ibas ngatasi kerina sisi kegeluhen.
8. Berpikiran Positif
   
   Berpikiran positif memang mbue berhubungen ras perasan, tapi amin gia bage tetap arus iikuti pikiren rasional. Pikiran positif erbahansa kita la menduga-nduga/gejap-gejapen kai sinipikirken kalak sideban. Emaka pedauhlah pikiren negative ibas kegeluhenta, sabab e banci ngeracuni pusuhta ras erbahansa pikirenta la nai rasional.

Pdt.S.Brahmana – Klasis Jakarta-bandung

--------------------------------------
[1] Kata ”cerdas” menurut Goleman mengandung dua arti, pertama cerdas pikiran dan kedua cerdas emosional. Cerdas pikiran dimaksudkan adalah pikiran pada suatu model pemahaman yang lazimnya kita sadari dengan karakter bijaksana, mampu bertindak hati-hati dan merefleksi. Sedangkan cerdas secara emosional dimaksudkan adalah pikiran emosional yang merupakan satu sistem pemahaman yang impulsif dan berpengaruh besar, terkadang tidak logis (Mami Hajaroh, KECERDASAN EMOSI DAN APLIKASINYA DALAM PEBELAJARAN PENDIDIKAN AGAMA ISLAM. Akses 3 Mei 2012 (http://staff.uny.ac.id/sites/default/files/mami%20hajaroh/KECERDASAN%20EMOSIONAl%20dalam%20PAI.pdf).
[2] Mami Hajaroh, ibid.
[3] Daniel Goleman (2002 : 411) mengemukakan beberapa macam emosi yaitu :
a) Amarah : beringas, mengamuk, benci, jengkel, kesal hati
b) Kesedihan : pedih, sedih, muram, suram, melankolis, mengasihi diri, putus asa.
c) Rasa takut : cemas, gugup, khawatir, was-was, perasaan takut sekali, waspada, tidak tenang, ngeri
d) Kenikmatan : bahagia, gembira, riang, puas, riang, senang, terhibur, bangga.
e) Cinta : penerimaan, persahabatan, kepercayaan, kebaikan hati, rasa dekat, bakti, hormat, dan kemesraan
f) Terkejut : terkesiap, terkejut
g) Jengkel : hina, jijik, muak, mual, tidak suka
h) malu : malu hati, kesal

Artikel lain yang terkait: