TERTIB ACARA
NATAL RUNGGUN GBKP KLASIS KEPRI
Desember 2017
THEMA : DAME
SI IBEREKEN KRISTUS IBAS PUSUHNDU MIN SINGAJARI KAM IBAS ERBAHAN
KEPUTUSEN-KEPUTUSENDU (Kolose 3:15A)
SUB
THEMA : Dame Natal mabai kita reh ngasupna muat
keputusen nggeluhken geluhta sisentudu ras peraten Tuhan ibas jabu, gereja,
masyarakat ras pe pilihen politik itengah-tengah Bangsa ras Negara.
I.
PEMBUKAAN
a)
Kata
pengalo-ngalo Ibabai Protokol/Panitia
b)
Ertoto :………….
c)
Rende : KEE 239:1,3
1)
Si endekenlah ‘nde-‘nden si meriah
Man Tuhannta si ‘nggo
tubuh bas pelangkah
Sabab patut nge k’rina
kita nembah
Ban babaNa terang ngaruh
ras petuah.
Reff:
Dage mari kita kerina
‘Lah si puji gelar Dibata
Ula na iukur erbera,
Tuhan Yesus me kap Rajanta.
3)
Gelgel nari suratken nabi-nabi
Reh me s’kalak si nampati
ku pertibi
Em pemere idur Dibata
nari
Enggo tubuh i Betlehem
tengah berngi (Reff).
d)
Prosesi:
Kerina simuat bagin (si ertugas) ibas
kebaktin Natal bengket ku bas ruangen kebaktin.
II. KEBAKTIN ---
Perpulungen Tedis ----
1. Votum/Salam
L : Kebaktin
Natal Runggun Tahun 2017 enda ibenaken Ibas Gelar Dibata Bapa, AnakNa Yesus
Kristus ras kesah si Badia. Penampat man bandu (banta) reh ibas Yahwe nari si nepa langit ras doni, singkawali perberkat
ras permulihndu (ta) genduari nari seh rasa lalap. Amin.
P : Amin – Amin – Amin (Iendeken)
2. Invocatio:
“Dage ntah kai gia ibahandu, subuk
ibas ngerana ntah ibas perbahanen, bahanlah e ibas gelar Tuhan Jesus janah
ngataken bujur man Dibata Bapa arah Ia” (Kolose 3:17).
1) ‘Bas si nasa tinepaNa tetap k’rina rende t’rus‘Nde-enden pujin badia muji gelar penebusReff:Glo… ria muliaken Tuhan!Glo… ria muliaken Tuhan!2) ‘Bas ingan simeganjangna bala Tuhan I surgeRende m’riah Ia k’rina man Tuhan penebusta (Reff)3) K’rina ginemgem Dibata pehaga si Tubuh eSurga doni rende ia, k’rina alokenNa pe (Reff).
---Perpulungen kundul---
4.
Pembacan
Ayat-ayat I (Latarbelakang ras Janji Kerehen Yesus
Kristus).
a. Kejadian
3:8-15 (Sekalak Mamre)
b. Kejadian
6:5-7 (Sekalak Moria)
c. Roma
3:9-18 (Sekalak Permata)
d. Roma
6:23 (Sekalak anak Sekolah Minggu)
5. Puji-pujin …….
6.
Pembacan
ayat-ayat II , Kegenapen kerehen Yesus (iogeken 3 kalak
Mamre).
a. Matius
1:16-18
b. Lukas
24:25-27
c. Ketangkasen
12:10
7. Puji-pujin
8.
Pembacan
ayat-ayat III, Sikap ngalo-ngalo Yesus (iogeken 3
kalak Moria).
a. Markus
8:27-29
b. Yohanes
1:40-42
c. Yohanes
20:31
9. Puji-pujin
10. Responsoria: (L=Liturgi, PK=Pelayan Lhusus
(Pdt/Pt/Dk), P=Perpulungen)
L : "Dage
genduari," nina Josua ngumputi rananna, "pehagalah TUHAN janah
sembahlah Ia alu tutus ate ras patuh. Pedauhlah dibata si nai isembah
nini-ninindu i Mesopotami ras i Mesir, janah man TUHAN sajalah kam ersembah.
PK : Adi la
iakapndu mehuli ersembah man TUHAN, pilihlah sendah ise atendu isembahndu,
dibata si isembah nini-ninindu i Mesopotami, ntah dibata kalak Amori si
inganindu tanehna genduari. Tapi adi aku ras isi jabungku, TUHAN saja ngenca
isembah kam.
P : Ngaloi
bangsa e nina, "Ndigan pe la kami nggit nadingken TUHAN jenari nembah man
dibata si deban.
L : Nina
Josua man bangsa e, "Tapi ntah labo kam ngasup nembah man baNa. Ia Dibata
si Badia, Sitonggal! Ia Dibata si mecimberu. La ialemiNa dosandu. Adi
itundalkenndu jenari nembah man dibata-dibata si deban. Tapi erkusur Ia
ngelawan kam jenari iukumNa kam. La banci la ikernepkenNa kam, aminna gia mehuli
Ia gelgel nari man bandu.
P : Nina
bangsa e man Josua, "Lang! Ate kami nembah man TUHAN saja.
11. Rende
KEE 309:1-3
1)
Pengasup
kami o Tuhan
Gelah pedahNdu banci idalanken
Em kap tending kami bas kegeluhen
KataNdu si man gelemen
Gelah tangkas kata ras perbahanen
Ban kami tetap bas kebujuren
SurgaNdu kap perayaken.
2)
Temani
kami o, Tuhan
Bengket ku doni si dem keguluten
SampatiNdu kami lako naluken
Dosa si man sirangken
E maka ola kal kami tadingken
I bas kami ndalani kegeluhen
G’lah dat kami kemenangen.
3)
Kawali
kami o, Tuhan
Alu gegeh ras kuasaNdu si mbelin
Olangilah kami idur si setan
Si atena encedaken
DameNdu gelah tetap kuarapken
Ban kelengNdu ngenca kap kami atan
Bengket ku bas kesangapen.
12.
Pembacan
ayat-ayat IV, Kegeluhen singena ate Dibata
a. Roma
6:1-4 (Sekalak Mamre)
b. Pilifi
2:1-4 (Sekalak Moria)
c. 1
Korinti 13:4-7 (Sekalak Permata)
d. Roma
12:1-2 (Sekalak Anak Sekolah Minggu).
13. Puji-pujin
14. Nagani
lilin ku lebe
Sinagani
lilin ku lebe eme kap :
|
1. Pelayan
Firman
2. Mewakili
Runggun
3. Ketua
Panitia
4. Sekalak
Moria
|
5. Sekalak
Mamre
6. Sekalak
Permata
7. Sekalak
Sekolah Minggu
8. Wakil
Undangen
|
(Kerna cara nagani lilin iaturken
Runggun/Panitia).
Rende
ibas KEE 135:1-3
1)
Berngi
e, enggo kepe. Yesus reh ku doni e
Nusurlah ngangkut dosanta me kin
Jadikap musillah sangap pagin
Asa si tek Tuhan e, asa si tek Tuhan
e
2)
Anak
e Bujur pe, singena me aku e
KiniulinNdu tadingken Kam kap
Bengket ku doni lah t’rang si gelap
Aku daramenNdu e, aku daramenNdu e
3)
Berngi
e, enggo kepe. Tuhan reh ku doni e
Padan Dibata teridah tetap.
KinikelengenNa banta mekap
Tuhan sipuji gelah. Tuhan sipuji
gelah.
15.Khotbah ----Perpulungen Kundul---
16.Pengakun Kiniteken
---Perpulungen Tedis---
17.Nehken persembahen
---Perpulungen kundul---
L : - Seh paksana sisehken persembahenta alu
palas kata Dibata sitersinget ibas Ulangen 8:18:
“Ingetlah maka Tuhan Dibatandu nge simereken gegeh man bandu erbahansa kam
bayak. Sienda ibahanNa sebab she wari enda Ia tetap setia nandangi
perpadanenNa.”
- Tupung
sisehken persembahen, ras kita rende KEE 136:1-3
1)
Kam
krina si tek mari surak janah puji,
Pedas min kerina ku Betlehem.
Nehenlah anak tubuh man Tuahta
Mari kita nembah, mari kita nembah
Mari kita nembah man Raja.
2)
O,
Raja mulia si njujurken k’rina
La mela Kam Tunduh ibas ampun
Kam me Dibata mula-mula nari
Mari kita nembah, mari kita nembah
Mari kita nembah man Raja
3)
Kam
krina malekat pujilah man Tuhan,
Ersurak-ersurak man baNalah
Puji Dibata, i surga ras i doni
Mari kita nembah, mari kita nembah,
Mari
kita nembah man Raja.
18.Pertoton Persembahen & Syafaat
19.Responsoria ---Perpulungen
tedis---
L : Dibata singkelini kita ersura-sura gelah
kerina manusia selamat dingen nggeluh ibas keselamaten e, eme nggeluh sisentudu
ras peraten Tuhan ibas jabu, gereja, masyarakat
ras pe pilihen politik itengah-tengah Bangsa ras Negara.
P : Pegegehi aku Tuhan gelah ngasup nggeluh
sentudu ras peratenNdu.
L Payo,
nggeluh sisentudu ras peraten Tuhan ibas jabu, gereja, masyarakat ras pe
pilihen politik itengah-tengah Bangsa ras Negara labo nukah, tapi labo berarti
la ngasup sebab Natal siiperingeti kita jaminen man banta maka ise saja sitek
man “Anak” e, Kesah Sibadia nggeluh ras erdahin guna pengasupkenca.
P : Pegegehi aku Tuhan gelah ngasup nggeluh
sentudu ras peratenNdu.
L : Sangap kal kalak si malang man TUHAN, si
nggeluh ngikutken kerina perentahNa. Ipanna me ulihna latih, sangap nggeluh,
mehuli sikerajangenna.
L+P:
Amin.
20.Rende KEE 200:1,2
1)
O
Tuhan babai min dalanku bas doni,
Labuh ras la kesah gegehku.
SoraNdu terbegi man bangku nemani
Lalap Kam me kuban temanku.
2)
O
Tuhan sampatlah geluhku gundari
Ola Kam erleka ras aku
Kawali geluhku suari ras berngi
Lalap Kam me kuban temanku.
21.Pertoton Tuhan
O, Bapa kami si ni surga / GelarNdu
iperbadia min / reh min KinirajaaNdu/ Sehlah min peratenNdu, ibas doni enda,
bagi ni surga / Bereken man kami nakan cukup ibas wari sendah enda / Alemi
salah kami, bagi nialemi kami salah kalak empak kami / Ola min kami ibaba Kam,
kubas percuban / tapi olangilah kami
idur si ilat nari / Sabab Kam kap simada Kinirajaan / ras kuasa / ras
kemuliaan si ndekah-ndekahna / Amin.
14. Pemasu-masun
L : Ipasu-pasu
janah ikawali Dibata kam, siang ayo Dibata ersinalsal ibabondu, janah melias
ateNa ngenehen kam, itatap Dibata ku kam, janah malem atendu ibahanna.
P : A...min,
A...min, A....min. (iendeken)
ooo000ooo/asbrahm@
Cataten:1. Kerna Sub Tema, banci isesuaiken ras konteks runggun masing-masing.2. Kerna Pembacaen ayat-ayat pe labo keharusen banci la iban.3. Bagepe kerna sinagani Lilin banci itambahi ntah ikurang sue ras kebutuhen.
|
|||||||
0 komentar:
Post a Comment