Introitus :
Ajarkenlah man anak uga kearusen nggeluh, maka ikutkenna asa umurna nggeluh. Kuan-kuanen 22:6
Ogen : Kuan-kuanen 31 : 20 – 31; Khotbah : Ulangen 6 : 1 – 9
Tema : Orang-tua (Bapa,Nande siberkualitas)
Lit ungkapen nina:
Jika kamu ingin hidup berbulan-bulan tanamlah tanaman PALAWIJA
Jika kamu ingin hidup bertahun-tahun tanamlah tanaman KERAS
Jua kamu ingin hidup selam-lamanya tanamlah IMAN
Ibas kontek pebelin-belin ras ngajarken anak, adi jujur kita kai nge ndia selama enda sisuanken man anak-anakta, apakah kegeluhen si “erbulan-bulan”, kegeluhen si”ertahun-tahun” ngenca tah enggo sisuanken Kegeluhen sirasa lalap e.
Turang ras senina kuga dage carana “menanam IMAN” man anak anakta??
Erpalasken Ulangen 6 enda iidah kami lit 6 cara tah 6 momen sibanci siban eme:
• sanga kam irumah
• sanga ibas perdalinen
• sanga ngadi ngadi
• iketken ibas pergelangen tan
• pakeken ibas perdempaken
• suratken ibas binangun pintun
Ertina setiap saat, ijapa pe, kai pe sinilakoken kita ras anak-anakta dalam rangka encidahken kuasa ras sura-sura Tuhan ras kuga ia enggeluh bagi arusna.
Penjabaren Ulangen 6 enda banci silakoken arah erbahan “SATE SAPI” alias Saat Teduh Setiap pagi, atau “SATE SELAM” alias Saat teduh setiap malam.
Paul Subianto ibas bukuna 20 Kiat Parenting Berguru Pada Anak ibas pebelin=belin anak perlu TLC (Tender Loving Care) “Mengasuh dengan kasih sayang dan kelembutan”, Menurut Paul lit 5 bentuk TLC sibanci ipraktekken teptep wari eme:
(1) Kata-kata Lembut
Adi kita ngerana man anak-anak alu sora simegang, maka anak-anakta pe bakal megang ka sorana. Adi kita nehken kata-kata kasar merawa anakta pe bakal bage nge.Bd.Kuan-kuanen 14:4 ; “Ranan mehuli mereken kegeluhen, cakap singelukai pusuh erbahanca bene ukur”. Kuan-kuanen 15:1; “Alu jabab simelias mantak rawa sigara, tapi jabab simerampus pekeke ate merawa”).
(2) Sentuhan Mesra
Pengalamen teptep wari nuduhken maka bayi sirewel banci tunduh alu teneng kenca isapu-sapu takalna tah gurungna. Sentuhan mesra eme ungkapen secara pisik; membelai, kecupan, pelukan, rangkulan, tepuka dipundak dsbnya.
(3) Kehadiran.
Perjumpanta ras anak-anakta la banci tergantiken alu kaipe, termasuk alat komunikasi, Telephon, SMS, BBM termasuk pe “pengasuh” sicukup mehuli pengidahta. Emaka harus kita berbangga adi tedeh denga ate anakta man banta, meriah denga akapna jumpa ras nuri-nuri man banta.
(4) Hadiah
Hadiah eme symbol kekelengen ibas paksa-paksa wari “siistimewa,” siningetken maka lit denga kange perhatian/iinget orangtuangku kepe aku ate anak-anak.
(5) Ritual Kasih Sayang
Ritual kasih sayang siberulang-ulang/rutin guna nuduhken maka maka kit a engkelengi tanpa batas. Umpamana lit orangtua sierbahan Rituall Kasih sayang alu; nuri-nuri/mendongeng ope medem, salamen tah toast ope sirang rsbna.
Rikutken 6 Cara/Momen siisingetken ibas Kitab ulangen raduken ras TLC siisingetken idatas, iakap kami enda enggo nuduhken orang-tua siberkualitas, orang-tua simabai anak-anakna nggeluh alu mehuli ras tetap erkemalangen man Tuhan.
Sebagai penutup iakap kami setuju kal kita kai sinikataken ibas 3 Johanes 1 : 4 nina; “Lalit sibanci ukurku terihen, asangken megi anak-anakku nggeluh ibas kebujuren”.
Pdt.Iswan Ginting Manik
HP.081371855839
0 komentar:
Post a Comment