Renungan / Khotbah Markus 8:31-38, Minggu 1 Maret 2015 (Pasion III)

Invicatio : 

Aku tetap nginget padanKu man bandu ras man kerina kesusurenndu ersundut-sundut janah perpadanen e tetap rasa lalap. Aku jadi Dibatandu ras jadi Dibata sinursurndu (Kej 17:7).

Ogen : Kejadian 17:1-7, 15-16 (Responsoria); Khotbah : Markus 8:31-38 (tunggal)

Thema : Teklah nandangi Perkuah AteNa

Teklah Nandangi Perkuah AteNa. Enda me themata ibas minggu Pasion si pe 3 ken enda. Thema enda banci pe iterjemahken ibas cakap Indonesia eme “percayalah anugrahNya” ntah pe alu kata sideban “percayalah bahwa Yesus adalah Messias” (teklah maka Yesus eme Messias), Ia me Juruslamat e. Adi tek man Yesus tentu jadi me man banta keselamaten bagi ikataken ibas Yohanes 3:16 “Karena begitu besar kasih Allah akan dunia ini, sehingga Ia telah mengaruniakan Anak-Nya yang tunggal, supaya setiap orang yang percaya kepada-Nya tidak binasa, melainkan beroleh hidup yang kekal”, sigaris bawahi “supaya setiap orang yang percaya kepadaNya tidak binasa, melainkan memperoleh hidup yang kekal”. Alu bage thema enda banci ikataken desken pastoral man banta segelah ula kita sangsi, ula la tek. Amin gia banci jadi maun petembil ras logikata, tapi ula she erbahansa kita la tek.

She paksa enda mbue denga jelma si lenga teralokenna maka Yesus e Tuhan dingen Juruslamat. Adi kin Yesus e Tuhan engkai maka ia ngenanami kiniseran she mate, arusna Tuhan labo banci mate. Bagem argumentasi si isehken ibas nulak maka Yesus eme Tuhan dingen Juruslamat. Argumentasi enda sangat manusiawi, labo tersalahken sabab Petrus pe bagekange. Ibas Markus 8:29 ije isuratken Petrus mewakili ajar-ajar sideban memahami ras ngakuken maka Yesus eme Mesias, tapi ibas perikopta Markus 8:31-38 khususna ayat 32 waktu inina Yesus “Anak Manusia si isuruh Dibata la banci lang ngenanami mbue kiniseran, janah itulak peminpin-peminpin ras imam-imam si mbelin bage pe guru-guru agama. Ia ibunuh janah kenca telu wari keke Ia ibas si mate nari”, mis iawin Petrus Yesus ras ipandangna. Ibas Matius 16:22 ije lebih jelas ikataken “tapi iawin Petrus me Yesus, emaka ipandangna Ia nina: “Mbera-mbera ipedauh Dibata si e I bas Kam nari o Tuhan! Labo banci jadi e man baNdu” (Matius 16:22).

Petrus si enggo kurang lebih 3 tahun ergaul ras Yesus janah arah cara Yesus nggeluh, ngajar ras erbahan mujisat isimpulkenna maka Yesus eme Mesias, tapi waktu ikataken maka Messias e la banci lang ngenanami kiniseran she mate la teraloken Petrus. Iblis makeken perukuren Petrus secara manusia, lanai erpalasken perukuren Dibata ntah pe kiniteken. La ikataken ijenda tapi banci jadi erkiteken keleng ate Petrus nandangi Yesus emaka lupa ia misi Mesias e, tapi arah e lit 2 pelajaren man banta: Sipemena, eme keleng ate man Yesus labo icidahken arah mbela Yesus adi ihina kalak, ntah pe nggit kita mate adi ihina kalak agamata/Tuhanta bagi ilakoken kelompok agama tertentu I doni enda. Labo bage ncidahken keleng ateta man Yesus tapi ngkelengi temanta manusiala erdobahen, ngalemi salah kalak, nampati kalak musil (bd. Matius 25:40), rsd. Sipeduaken, mewaspadai pendahin si Iblis arah menafsirken ntah pe mehamai Kata Dibata bagi ateta ngena ntah pe bagi harapenna secara manusia, misalna la lit pinakit, adi lit mis itumpang tangan ibas gelar Yesus mis madan, bagi Abraham bayak namura, adi lenga alu kerja keras, rajin ku gereja, rajin nehken persepuluhen pasti sukses rsd, pokokna bagi sura-surana min jadi. Payo ibas gelar Yesus lit kusa, payo ibas Dibata lit pasu-pasu ras ngasup Ia erbahansa kita bayak namura, tapi ula lupa ibas pustaka sibadia pe isingetken maka Stefanus si dem kiniteken ibenteri she mate, Paulus 3 kali ertoto segelah pinakitna madan tapi she ia mate isalibken pinakitna e labo madan. Apakah Paulus la erkiniteken? Contoh si terang menderang eme Yesus sendiri. Ia erkuasa sabab Ia me Anak Dibata, Ia me Dibata e sendiri (Yohanes 1:1). Ibas pelayanenna selama kurang lebih 3 tahun erbage-bage mujisat enggo ibahanna, pinakit ipepalemna, si pangpangen erdalin, si pekak erpemegi, si setanen ipulahi, bahken kalak mate I pegeluh mulihi, tapi engkai maka la ngenanai kiniseran, igombang-gombangi, ifitnah, she ipakuken ku kayu persilang? Lakin Ia ngasup mulahi dirina ibas si e kerina? Jabapenna, ngasup kal. Tapi la ikakokenna e sabab la bage sura-sura ntah pe perukuren Dibata.

Emaka terdauhen ibas perikopta ikataken Yesus man ajar-ajarna, bagepe man banta kerina gelah ula la tek nandangi Yesus amin gia Ia ngenanai kiniseran she mate I kayu persilang. Tole isingetken Yesus ise atena jadi kristen (pengikut Kristus) arus mersan kayu silangna. Kayu silang Kristus eme lambang kiniseran/penderitaan (1petrus 2:21; 4:13), kematian (Perb.Rasul 10:39), kehinaan (Heber 12:2), cemohan (Mat 27:39), penolakan (1 Pet 2:4), penyangkalan diri (Mat 16:24). Alu bage adi ikataken kalak kristen arus mersan kayu silangna ras ngikut Yesus e ertina jadi kalak kristen labo berarti lanai lit masalah, lanai lit perbeben, bahken sebalikna:

1. Kita menderita dalam perjuangan seumur hidup melawan dosa (Roma 6:1-21; 1 Pet 4:1-2) alu nalibken kerina sura-sura dosa (Gal 2:20, 6:14: Titus 2:12)
2. Kita menderita dalam peperangen ras Iblis ras kuasa-kuasa kegelapan waktu kita pebelin Kerajan Dibata bagepe penganiayaan sireh arah perlawanenta nandangi guru-guru palsu si memutarbalikken Injil si benar (Gal 1:9, Fil 1:15-17)
3. Kita menanggung kebencian ras ejekan dari dunia (Yoh 15:18-26) ketika kita bersaksi tentang kasih Allah dan perbuatan mereka yang jahat (Yoh 7:7), demikian juga ketika kita berbeda dengan dunia ini secara moral dan rohani
4. Seperti Yesus, mungkin kita juga menerima ejekan dan penganiayaan dari dunia agama (Mrk 8:31).

Tapi kinitekenta erbahansa lit pengharapenta janah pengarapen e erbahansa kita tetap setia mersan kayu persilang dingen ngikut Yesus sabab amin gia banci saja bene kegeluhen e (kehilangen nyawa) tapi ndatken kegeluhen situhu-tuhu eme keselamaten/keterkelinen. Sabab bagi isingetken ibas ayat 36-37 lit kin gunana amin gia man bana kerina doni enda tapi la terkelin (mate mate ka?), kuakap lang. Sabab keselamaten e labo tertukur alu erta kebayaken doni enda, keselamaten e ibereken man banta erkiteken perkuah atena arah kita tek man Yesus Kristus.

Tanda kalak si enggo ngaloken keselamaten ibas tek man Yesus eme:

1. Tek ia maka Yesus Kristus e eme Mesias;
2. Tek ia maka kiniseran ras kematen Yesus I kayu persilang eme erkiteken perkuah ateNa guna nebusi dosa manusia;
3. Setia mersan kayu persilang ras ngikut Yesus. Enggo ijelasken maka kayu persilang e ngambarken kiniseran/penderitaan (1petrus 2:21; 4:13), kematian (Perb.Rasul 10:39), kehinaan (Heber 12:2), cemohan (Mat 27:39), penolakan (1 Pet 2:4), penyangkalan diri (Mat 16:24);
4. La ia mela jadi kalak kristen. Sabab bagi isingetken ibas ayat 38 ise mela ngakuken Yesus itengah-tengah manusia, maka Yesus pe pagi mela ngakuken ia payo kalak kristen. Emaka ula kita mela jadi kalak kristen kuja pe kita, saksikenlah maka kita kalak kristen arah pengeranata bagepe arah perbahanenta.

Pdt. S. Brahmana

Artikel lain yang terkait: