PENGELAYASI BULAN PERKUNJUNGAN MEI 2012

Man sinihamati kami,

Runggun/Perpulungen GBKP Klasis Jakarta-Bandung

Ibas Ingan Masing-masing

Mejuah-juah ibas keleng ate Tuhanta Yesus Kristus.

Sehubungen ras Program Bulan Perkunjungen Klasis Jakarta-Bandung, ijenda isehken kami pengelayasi man banta kerina.

1. Program Bulan Perkunjungen se-Klasis Jakarta-Bandung iban ibas bulan Mei 2012. Perkunjungen enda ilakoken secara serentak ibas Runggun-runggun/Perpulungen sada bulan penuh.
2. Alu litna program Bulan Perkunjungen enda labo berarti kenca sie lanai lit iban perkunjungen-perkunjungen.
3. Gelah Program Bulan Perkunjungen enda banci ilakoken alu mehuli, enggo ibahan pembekalen/pembinan ibas bulan Februari silepas, emaka ngarap kami program enda isikapi alu persiapen-persiapen simehuli, antara lain:
   
   1. Pendatan anggota perpulungen, jenari ipelajari kecibal masing-masing anggota perpulungen e.
   2. Erbahan tim perkunjungen (perkunjungen secara tim). Tim enda banci saja lit ije unsur Pertua/Diaken, pengurus kategorial, Pengurus Pjj.
   3. Mehuli iban Pengepkep Perpulungen (Jetro System: Keluaren 18:13-27) sabab perkunjungen secara pribadi pengepkep nandangi kepkepenna e pe ilakoken. Contohna Jetro System: Sada Runggun lit 280 KK, Pertua/Diakenna lit 28 Kalak, berarti sekalak Pertua/Diaken kekepenna 10 KK. Salah sada tugas pengepkep eme ngelakoken perkunjungen secara teratur nandangi ngawan perpulungen sijadi kepkepenna.
4. Program Bulan Perkunjungen enda ilakoken sehubungen ras proritas Program GBKP Tahun 2012: Peningkaten Solidaritas Internal GBKP. Emaka siperlu pe jadi perhatinta labo saja gelah ngawan perpulungen sinikunjungi e reh ku gereja ntah ngikuti kegiaten-kegiaten gereja, tapi pe masalah simedanggel eme sakit la lit sen ertambar, anak tutus sekolah la lit biaya, nuate rusaha/erbahan usaha la lit modal, rsd. Ibas sienda Tim Perkunjungen menjembatani ngerana ras Bidang Diakonia uga solusina. Erkiteken sie me maka Program Bulan Perkunjungen enda ibahan kolaborasi ras 3 bidang, Koinonia, Marturia ras Diakonia.
5. Tim Perkunjungen arus pe terteki. Kai pe persoalen si si nijumpai ibas jabu ngawan perpulungen sinikunjungi, khususna hal-hal sisifatna rahasia la banci ikata-kataken man kalak sideban di luar Tim.
6. Ibas Pelaksanaen Perkunjungen, perlu pe: (1) pulung lebe ibas sada ingan guna mbagi tugas ras erbahan pertoton, jenari berkat ras-ras; (2) erbahan cataten-cataten setiap keluarga sinikunjungi guna menindaklanjuti kubas perkunjungen berikutna (bagi ertambar ku dokter lit rekam midikna). Jenari cataten-cataten e penting pe I inventarisir jadi pokok-pokok doa/pertoton Tim.
7. Perlu pe ibahan perjumpan-perjumpan secara teratur kerina Tim Perkunjungen Runggun/Perpulungen guna erbahan evaluasi perkunjungen sienggo ilakoken, bagepe guna saling menopang. Mejile adi ibas perjumpan e ibahan ka pembekalen ntah pembinan guna tole melengkapi Tim, tentuna sue ras kebutuhen.
8. Jenari perlu pe ibahan penilaian kondisi perpulungen ope ras kenca enggo ilakoken perkunjungen. Ibas sienda perlu pe ilibatken Litbang Runggun/Perpulungen gelah erbahan kuesioner, gelah lit evaluasi she ija pengaruhna Perkunjungen sinilakoken arah dampar: kerehen ngawan perpulungen ibas ngikuti kegiaten Gereja (Kebaktian Minggu, acara Ngapul-Ngapuli, Perpulungen Jabu-jabu, PA Kategorial, Perkunjungen Sakit, Persepuluhen, Kolekte, rsd.

Bagendame Pengelayasi enda iban gelah banci jadi acuan ibas ngelakoken Bulan Perkunjungen enda. Selamat ngelakoken Bulan Perkunjungen ibas bulan Mei 2012.

Pondok Gede, 9 April 2012

BP GBKP KLASIS JAKARTA-BANDUNG

Ketua	Sekretaris
Pdt.Sabar S.Brahmana,S.Th.,MA	Pdt.Rasmidi Sembiring,M.Th

Artikel lain yang terkait: