Monday, 30 October 2017

LITURGI NATAL PERPULUNGEN JABU-JABU GBKP KLASIS KEPRI TAHUN 2017

TERTIB ACARA
NATAL PERPULUNGEN JABU-JABU
GBKP KLASIS KEPULAUAN RIAU

THEMA    DAME SI IBEREKEN KRISTUS NGAJARI     PUSUHTA (KOLOSE 3:15)
SUB
THEMA    Ketubuhen Kristus ngajari manusia nggeluh erdame I tengah tengah 
                       kegeluhen jabu selaku kula ni Kristus.

 I.   Kata penaruh
a)      Kata pengalo-ngalo Ibabai Protokol / Panitia

Mejuah juah ras selamat natal man banta kerina ras seisi jabuta. Meriah ukurta erkiteken Kristus pe tubuh kubas jabuta, segelah jabuta pe jadi ingan jumpa ras Dibata, alu bage dame natal e pe tetap tergejap dingen teridah arah jabuta. Emaka alu keriahen e mari dage radu ras kita ermeriah ukur ibas kebaktin natalta enda. Sipuji Tuhanta Yesus si tubuh e,

b)     Rende  KEE 114:1-3                                                    (Perp Tedis)
“Sendah Jumpa Kita Wari Raya E”
1)      Sendah jumpa kita wari raya e, peringeten tubuh Tuhan Yesus e
Nusur ndahi kita manusia e, keriahen kap e
Ermulia me Tuhannta, E si puji me GelarNa
Perdamen ibre Dibata, Tuhan Yesus kap e

2)      Mari kita ku kuta Betlehem e, muji nembah man Tuhannta Yesus e
E tinenges Tuhan si perkuah e, Dibata Bapa e
Ermulia me Tuhannta, e sipuji me gelarNa
Perdamen ibre Dibata, Tuhan Yesus kap e

3)      Sembah kami man baNdu si tubuh e,Kam si maba dame ku pertibi e
Bengket min ku tendi ukur kami e, dameNdu o Yesus
Ermulia me Tuhannta, E sipuji me gelarNa
Perdamen ibre Dibata, Tuhan Yesus kap e.

II.   Kebaktin
1.         Votum- salam
L    : Ibas gelar Dibata Bapa Ulu kegeluhen s idem kedamen, ibas gelar AnakNa Yesus Kristus Raja dame, ras ibas gelar Kesah si Badia simaba pusuh manusia nggeluh ibas dame
     Perkuah ate Tuhan Dibata, ras Yesus Kristus ras kerembaken Kesah si Badia, ras kita (kam) kerina gelah. Amin.
          P      : Amin…..amin…..amin…..         (iendeken)

2.         Berita kerna perbahanen ras sura sura Dibata     (Perp. kundul)

L    Ibas berngi tupung Yesus Kristus tubuh, lit piga piga permakan sangana ngiani asuh
         asuhenna. Rempet tedis sekalak malekat Tuhan I lebe lebe permakan ndai, janah terang
         si rehna ibas Tuhan nari ersinalsal ku sekelewetna. Mbiar permakan e tapi nina: 
         Ola mbiar aku reh maba berita si meriah, si mereken keriahen si mbelin man kerina 
         manusia. Sendah I kuta Daud enggo tubuh juruselamat man bandu, 
         e  me Kristus Tuhan.
P   Glo..ria..glo..ria… muliaken Tuhan,
                Glo…ria…glo…ria.. haleluya….haleluya… (KEE  495)
L   :  Teridah nterem malekat surga tedis ras malekat si ndai dingen rende muji Dibata, 
        “Terpujilah Dibata ibas surga si meganjangna. Janah dame I doni man manusia 
         si ngena ateNa”.
P   Glo..ria..glo..ria… muliaken Tuhan,
               Glo…ria…glo…ria.. haleluya….haleluya… (KEE  495)
L   Tuhu mbelin kekelengen Tuhan arah ketubuhen Yesus si maba dame, rende kita arah :

3.         KEE 115:1-2 “Keriahen Si mbelinna

1)      Keriahen si mbelinna, si kuberitaken e
  Enggo tubuh si permakan, eme Tuhan Yesus e
  Pujilah min Dibata, ras dame dame dame man banta
  Dibatanta si erkuah ate, man kita jelma e
2)      Ibas berngi enda terang, bintang si mehelhel e
Trangna seh ku perukuren, si lanai erlayas pe
Pujilah min Dibatanta, ras dame, dame, dame man banta
Dibatanta si erkuah ate, man kita jelma e.         

4.         Vokal Group/Koor

5.         Kinata  kegeluhen manusia iadep-adepen Dibata ras pengajuk guna ngelakoken perdamen

L   :       Manusia nggeluh kejahaten. Emaka tadingkenlah kejahaten  lakokenlah kai simehuli, bulatkenlah ukurndu erbahan perdamen.
P   :       Demi pusuhku o Tuhan, alu dameNdu
            Kuasailah O Tuhan, halelu….u…ya…            2kali (iendeken  KEE 477)
L   :       Kalak situtus iperdiateken Tuhan, adi erlebuh ia ialoi Tuhan. Tapi kalak jahat iperimbangNa, emaka kenca ia mate mintes ilupaken.
P   :       Demi pusuhku o Tuhan, alu dameNdu
            Kuasailah O Tuhan, halelu….u…ya…             2kali (iendeken KEE 477)
L   :       Erlebuh kalak si bujur man Tuhan, ialoi Tuhan ia; ipulahiNa ia ibas kesusahenna. Tuhan nemani kalak si lanai piher ukurna ; isampatiNa kalak si enggo bene pengarapenna.
P   :       Demi pusuhku o Tuhan, alu dameNdu
            Kuasailah O Tuhan, halelu….u…ya…             2kali (iendeken KEE 477)
L   :       Kalak si bujur pe mbue ngenanami kiniseran tapi ipulahi Tuhan ia ibas kerinana nari. Bandanna tetap ikawali Tuhan emaka lalit sada pe tulanna si penggel.
P   :       Demi pusuhku o Tuhan, alu dameNdu
            Kuasailah O Tuhan, halelu….u…ya…             2kali (iendeken KEE 477)
L   :       Tuhan si mulahi bangsaNa, kalak si mindo penampat tentu ikawaliNa.

6.         Rende KEE 172:1-3
 “Bas Paksa Berngi Melenget”
1)   Bas paksa berngi melenget, Betlehen tunduh kam
Lakin idahndu reh terang, I salsalina kam
Nggo seh kap ku tengahndu, Penampat Dibata
Penebus dosa manusia, alokenlah Ia

2)   Tuhu kitiksa kam gia, Betlehem Efrata
I je me nina Dibata, Tubuh penebusta
Tentera bala surga, rende me kerina
Terpujilah kam o, Yesus Tuhanku penebus

3)   Dage rehlah min o, Tuhan, aloken aku min
Dosangku masap gelah ban, lah aku terkelin
Gelah aku tersampat, bas dalin mesera
Di ras Kam minter kugejap, geluhku meherga

7.         Vokal Group/ Koor

8.         Berita ketubuhen Kristus                                          (Perp tedis)

L   :     Sekalak anak enggo tubuh man banta, anak dilaki ibereken banta. Ia me pagi jadi pemimpinta. Ia igelari: “Penampat si  meganjangna”. “Dibata si Mada Kuasa”. “Bapa si rasa lalap”. Raja dame”. kuasaNa tetap reh belangna; janah kerajanNa lalap lit ibas dame. Ia jadi gancih Raja Daud . Ia merentah erpalasken kebenaren ras kebujuren, genduari nari seh rasa lalap. Si enda kerina jadi sebab bage kap sura sura Tuhan si Mada Kuasa.

9.         Si sagani lilin natal janah rende KEE 135:1-3

1)        Berngi e, nggo kepe, Yesus reh kudoni e
       Nusurlah ngangkut dosanta me kin
       Jadi kap musillah sangap pagin
       Asa sitek Tuhan e, asa sitek Tuhan e
2)         Anak e bujur pe, Singena me aku pe
KiniulinNdu tadingken Kam kap
Bengket ku doni lah t’rang si gelap
Aku daramenNdu, aku daramenNdu e
3)         Berngi e, nggo kepe Tuhan reh ku doni.
Padan Dibata teridah tetap
KinikelengenNa banta mekap
Tuhan si puji gelah, Tuhan sipuji gelah


   10.     Renungen Natal                                                   (Perp. Kundul)
a)   Ertoto ope khotbah
b)  Khotbah
c)   Ertoto kenca khotbah

11.     Pengakun kiniteken                                            (Perp. tedis)


   12.     Persembahen                                                       (Perp. kundul) 
           L       :     Meriah ukurta ibas mperingeti ketubuhen Juruselamatta  Tesus Kristus Tuhan 
                          si maba dame man banta, mari dage sibereken persembahenta alu dem pengataken 
                          bujur man Tuhan janahta :

Rende KEE 343:1-3 “Pasu-Pasu Bas Tuhan Nari”

1)         Pasu-pasu bas Tuhan nari, gejapken kami tep-tep wari
Bas paksa-paksa geluh kami, kam me kap tetap singkawali
Pasu-pasu bas Tuhan nari, jadi pergegeh tendi kami
Guna dalani wari-wari, si rehna bas Kam Tuhan nari
Reff :
Pasu-pasu dage o Tuhan, persembahen kami anakNdu
Labo kapen enda metunggung, persembahen si nggo pe pulung
ajariNdu min kami gelah min, tetap ngasup mere man Tuhan

2)         Buaten lit kami O Bapa, gejapken kami Kam empuna
 Tanda ukur kami meriah, endesken kami baNdu Bapa
 Persembahen enda o Bapa, desken bunga ncole merimna
 Persembahen ateNdu ngena, bagelah akapNdu o Bapa,
 Reff :  
       Pasu-pasu dage o Tuhan, persembahen kami anakNdu
     Labo kapen enda metunggung, persembahen si nggo pe   pulung
      ajariNdu min kami gelah min, tetap ngasup mere man Tuhan

3)         Aloken min dage o Tuhan, persembahen kami anakNdu
Labo ban beluh kami Tuhan, lako mere kuadepenNdu
Pakeken min dage o Tuhan, persembahen kami anakNdu
Guna pebelangken kataNdu, nandangi krina tinepaNdu,
Reff :
                    Pasu-pasu dage o Tuhan, persembahen kami anakNdu
  Labo kapen enda metunggung, persembahen si nggo pe pulung
ajariNdu min kami gelah min, tetap ngasup mere man Tuhan


     13.     Pertoton persembahan ras syafaat
  

      14.     Vokal Group/Koor


      15.     Tekad Natal                                                               (Perp. tedis)

      L :       Kristus reh ku doni erkiteken manusia nggeluh erbana bana sierbahanca turah perubaten lanai lit kedamen. Emaka ketubuhenna maba kedamen ku tengah kiniersadanta itengah jabu, kai dage tekadta ibas peringeten ketubuhen Yesus nandangi jabuta?
  P         :     Ibas wari wari geluhku ateku mpelimbarui geluhku, nggit mperdiateken isi jabuku, janah nggeluh guna kiniulin jabu. Njadiken jabu jadi jabu si dame seh maka metedeh ate seisi jabu guna pulung ersada ibas Kristus
    L        :     Yesus pe tubuh guna maba kedamen ku tengah tengah sector perpulungen jabu jabu I tengah runggunta, janah kita me alat Dibata. Kai dage tekadta selaku rarasan Dibata I tengah sektorta
                       P        :     Erpadan  aku Tuhan njadiken geluhku jadi si maba dame ku tengah perpulungen ni Tuhan, jadi benang penjarumi man senina turang si nggeluh ibas perubaten. Dingen pe tetap ncidahken biak biak Kristus guna kedamen I tengah perpulungen jabu jabu.
L         :     Ibas keriahen dingen dame natal enda, mari dage kita muji  Tuhan arah


       16.     KEE No 494: 1,2 “ Rende Malekat Surga”
  
   1)    Rende malekat surga, enggo tubuh Tuhannta
         Dame surga babaNa, ibrekenNa man banta
         Krina bangsa pujilah, Rende surak mriahlah
         Ras malekat mbarkenlah Yesus reh ku Betlehem
         Rende malekat surga, enggo tubuh Tuhannta

   2)      Surga muji gelarNa Tuhan si rasa lalap
Nehenlah reh Tuhannta tubuh raja mulia
Nusur ku doni enda tubuh idur Maria
Tuhan jadi manusia rembak kita ras Ia
Rende malekat surga enggo tubuh Tuhannta


        17.     Pertoton Tuhan


       18.     Pengutusen ras Pasu Pasu Dibata

L       :        Bengketlah kubas kegeluhenta (ndu), tetaplah nggeluh ibas dame janah jadikenlah geluhndu jadi simaba dame sebab enda me tujun Dibata reh ku doni enda. Guna mpepaguhi kita (kam) aloken pasu pasu idur Dibata nari:
“I pasu pasu janah ikawali Dibata kita (kam), siang ayo Dibata ersinalsal ibabota (ndu), janah malem ateta (ndu) ibahanNa, itatap Dibata ku kita (kam) janah malem ateta (ndu) ibahanNa ”. amin
P          :       Amin…. Amin… Amin…. 

19.     Perayaan natal (iaturken panitia)

Read more >>