Monday, 15 September 2014

Renungan / Khotbah 1 Yohanes 4:9-10, Pekan Doa Wari III, Selasa 23 September 2014

Introitus : 
Kataken bujur man TUHAN , sabap mehuli kal Ia, keleng ateNa tetap rasa lalap (Masmur 136 :1)

Ogen : Perngandungen 3:22-27; Khotbah : 1Yohanes 4:9-10

Tema : Keleng ate Dibata si la erkeri-kerin

Kata Perlebe
Kekelengen eme perasaan si turah ibas pusuh erkiteken sikerajengenna akapna (merasa memiliki). Kekelengen merupaken ukuren keteriketen pemilik ras si imilikina. Erbelinna ate hubungenna rasa memiliki maka erbelinna kekelngen e. Erbelinna kekelengen e maka erbelinna ka usaha guna njagai barang si kelengina gelah ula ceda, ula bene. Bahken guna njaga barang si aterna jadi e kesahna pe nggit ia ngasamkenca, bagi istilah nina : “jalan-jalan ke kota paris, banyak rumah berbaris-baris biar mati di ujung keris asal dapat si canttik manis”. Alu Alu ia mpertahanken kekelengenna i ijeme teridah kesetianna ras kekekelengen si la erkerti-kerin.

Ibas bahan Pekan Doanta wari si peteluken enda ngerana kita kerna Keleng ate Dibata si la serkeri-kerin. Tema enda menarik guan ibahas, erkiteken konsep keleng ate Dibata la serti ras konsep kekelengen si lit ibas manusia. Konsep kekelengen ibas manusia seri ras perukuren danak-danak... kai pe atena iberken...kai pe ilakokenna ola ilarang, sebab adi kune ilarang ras itegor (irawai) mis katakenna labo atendu keleng aku... mungkin mbue denga nge bage kalak Kristen maka perlu tema enda iangkatken.... memang sada pergumulen maun-maun uga kita nggejapkn kekelengen Tuhan si tetap e adi ibas kegeluhen e paksana kita ngenanami kiniseran...kecedan ate, amun-maun kiniseran e reh labo si gejap erkiteken kesalahenta ..... mbaru-mbaru enda rombongen Permata Tangerang lawes atena ku Kebayoran Lama er-PA terjadi kecelakaan lit permatata sekalak Diberu sidilo Dibata, rombogen gereja GBI puncak nari mengalami kecelakaan enterm si wafat....

Penungkunena man banta sekalak-sekalak.... tuhu nge si gejapken keleng ate Dibata e la erkeri-kerin ? Enda me si man bahasenta ibas pekan Doanta wari sipeteluken enda.

Pembahasen
Adi sipelajari isi Pustaka Sibadia, menaken Dibata njadiken doni enda enggo icidahkenna kekelengen si mbelin, sebab manusia ijadiken Dibata kenca kerina siiperluken manusia nggeluh leben ibahnanna, gelah manusia ndai banci nggluh ibas kecukupen kai pe la kurang. Keleng ate Dibata si mbelin pe isehkenna man manusia ibas ia mereken “kepercayaan” guna ngusahai ras njagai doni enda alu kata si deban manusia e iperlakuken masnusia si “merdeka”. Labo terukuri manuis si pertama soal “pendamping” kegeluhen epe enggo isikapken Dibata pasangen si sepadan, gelah banci ermeriah ukur guna ndalanken tugas ras tanggung jawabna. Lebih konkritna keleng ate Dibata man manusia ibas Ia nikapken sada taman ingan manusia ndai nggeluh, eme taman Eden. Ibas taman e entah piga ribu jenis buah-buahen ras sinuan-sinuan si banci ipan....sada kel ngenca si la banci ijemak entah ipan, em dasar manusia si la pernah puas ...si sada ndai pe “ijerngusna/isarutna” la ia ngasup ndalanken kai si kataken Dibata. Padahal enggho jelas ikataken Dibata adi jemak entah ipanndu mate me kam. Enda me awal pemberontaken manusia.

Aminna manusia la nagsup njaga “kemerdekaanna”, erkiteken sura-surana jadi seri ras Dibata amina manusia ndai enggo memberontak tapi kelen ate Dibata tetap icidahkenna. Aminna pe Dibata ngataken man manusia ndai ibas kam man buah batang kayu si lit ibas peken enda mate nge kam, tapi la semata-mata Adam ras Hawa ipematai Dibata, tapi iberekena kesempaten ngguluh, bahken Dibata menutup “aib (rasa mela) adam ras Hawa (Kej.3:21), janah ibas kisah enda ijelasken man banta maka aminna pe Dibata e tetap erkelng ate tapi dosa e tetap nge ndatken konsekwensi ibas Dibata nari.
Bageme adi siterusken si baca pusataka sibadia dosa e tambah wari tambah buena seh ibas zaman Nuh (kejadian 6:7 “, "Kusasapkenlah manusia si enggo Kujadiken e, bage pe kerina rubia-rubia ras perik-perik, sabap erkadiola Aku njadikenca kerina."), amin bage gia keleng ate Tuhan e tetap ka nge labo ikerikenna kel manusia e seh masap. Aminna pe dosa e terus nge ertambah-tambah bas kegeluhen enda tapi keleng ate Dibata tetap icidahken.

Yohanes 3:16 “Sabab bage pengkelengi Dibata doni enda, e maka iberekenNa AnakNa Sitonggal, gelah ola bene isie pe si tek man Bana, tapi gelah dat kegeluhen si tuhu-tuhu si la erkeri-kerin. Dalam rangka penyelamatern doni ernda maka “Ia sendiri reh ku doni renda” janah erpalasken Pilipi 2 ipeterukna ba-Na (nadingken Zona Aman), muat rupa seri ras manusia seri ras juak-juak janah mate i kayu Persilang.
Yohanes 15: 13 “ Labo lit keleng ate si belinen asangken keleng ate kalak si nggit ngasamken kesahna guna teman-temanna.” Bahken tole itambahi Paulus ibas suratna man kalak Roma pasal 5: 6-8 ”Yesus mate labo erkiteken manusia e enggo mehuli, tapi ibas dosa denga”.
Emaka ibas bahan Khotbahta jelas kel ikataken maka Gelah kita selamat iberekn-Na anakna si tonggal gelah kita nggeluh arah Ia. Erti kata tonggal eme istilah kalak jakarta enda “semata wayang” sada kel ngenca nina kalak karo....satu-satunya nina kalak Indonesia, ertina ban kelengna atena doni enda si karajangenna si “sada” e pe la Ia ertahan.
Keselamaten e labo erkiteken “usaha manusia” labo erkiteken kebujuren manusia ras labo erkiteken manusia enggo ngasup engkelengi Dibata. Tapi keselamatern e erkiteken Dibata si berinisiapif, Dibata si bertindak, Dibata si berkorban guna ndameken kita ras Dibata alu ngalemi dosa manusia.

Jadi arah kerina kesaksin Alkitab enda jelas kel man banta maka kekelengen Dibata e la erkeri-kerin. Pas bagi siikataken Ibas pengogenta keleng ate Tuhan e Bahas Indonesia (Baru Tiap pagi = mbaru tiap pagi ertina setiap wari special keleng ate Dibata man banta, pasu-pasu e la seri ras wari si nderbih aminna pe seri dahinta, la seri ras kalak si deban sebab kita pe la seri ras kalak si deban meka pang kita ngataken kita “special i mata Tuhan bage pe pasu-pasuna sue ras akap-Na pas man guna pribadinta.

Ibas paksa kita ngenanmi kegeluhen si la mengenakken...entah duka, entah perbeben maka banci si gejapken keleng ate Tuhan e la erkeri-kerin, bagi istilah-istilah si rusur si begi kita “ada pelangi sehabis hujan”, memang harus si sadari maka kai pe bas geluh enda labo terukuri kita....kitiksa takalta enda ngukuri perbahanen Dibata... gendeksa matata ngenehen wari si pagi (si langa reh), tapi yakinlah kita ibabo sie kerina Kuasa Dibata nge si la ersibar...si meteh kai si terjadi ibas arah lebe geluhta, guna memahami keleng ate Dibata kami ngandingken

Anak kami lit 2 Diberu, sintua agak mbur janah selera manna pe cukup tinggi. Si nomor diu agak kertang janah selera manna pe la lalit (imbang akapna nakan)

Adi anak sintua ilarang man maka ndele atena tapi anak si nomor dua justru isuruh man maka ndele atena. Tentu kita sebagai orang tua pasti merencanaken si terbaik man anakta.... emaka labo cocok akap anak sintua ilarang man (jadi sada perbeben kel bana) bahkan sementara adi agina isuruh-suruh rusur man, bahken adi berhubungen ras pangan kai per pindo agina ibererken. Em si turah ibas ukur kakana maka ia ibeda-bedaken, katakenna maka kelengen ate man agina asangken man bana, la iangkana maka ia ilarang man ras jajan, ngemil ertkiteken keleng ate man bana, sebab adi enggo kari seri belang dagingna ras gedangna ma enggo repot.

Bage ka me pe soal keleng ate Dibata, megati kel kita mbanding-mbandingken keleng ate Tuhan man banta ras man man kalak si deban, pelu siimani maka pasu-pasu (salib) si man banta enge maka pas man banta ...pasu-pasu(salib) kalak ah labo cocok man banta.

Nggeluh ibas doni enda ibarat kita lit ibas sada lorong (gua) si gelap, tentu perlu kel kita seberkas cahaya (terang) sebab adi kalak erdalan ibas lorog (gua) si gelap cahaya e jadi penuntun perdfalanen maka banci kita ndara ibas kegelapen e nari. Sisi sideban banci jadi lit warna si la isenangi kita (pobia warna) tapi adi paksa kita ibas lorong si gelap si idah warna megersing, aminna pe kita situhuna ersegat ate nangdangi warna mgeresing...la tepat waktuna ninta aku la senang wara megersing adi ateta ndarat ibas lorong e nari, adi ateta selamat suka entah la suka warna e harus ilewati. Bage me perdalanen kegeluhen enda aminna pe “warna kegeluhenta e” la ngena ateta tapi warna e me siibereken Tuhan man banta guna nelamatken kita. Pemere Dibata nangdangi warna kegeluhenta e merupaken keleng ate Tuhan sebab adi lanai erwarna ..e enggo dung, adi erwarna denga banci denga kita erdalan ije me si gejapken keleng ate Dibata si tetap....emaka ula raguken kelenga ate Dibata kai per warna kegeluhenta dalani alu meriah ukur... Roma 8:28 si mehuli ras si la mehuli ipake Dibata ngerehken si mehuli.... Yeremia 29:11” rancangen Tuhan labo rancangen krcelakaan tapi rancangan damai sejahtera”, adi kalak lawes ku pantai labo idarima si la ergelombang...tapi daramina si lit gelombangna sebab alu litna gelombang e maka banci ia landek-landek das selancar.
Teklah keleng ate Dibata la erkeri-kerin....amin. 

Pdt.Saul Ginting

Read more >>

Wednesday, 10 September 2014

Renungan / Khotbah Perbahanen Rasul 4:23-31, Pekan Doa Wari VII, Sabtu 27 September 2014

Introitus : 
Bahanlah sie kerina alu ertoto, Mindo penampat man Dibata. Ertotolah ibas (bukuna) alu kuasa kesah. Erkiteken si e erjaga-jaga dingen tutuslah kam ibas ertoto. Ertotolah rusur guna anak-anak Dibata. (Efesus 6:18)

Ogen : Johanes 6:1-5; Khotbah : Perb. Rasul 4: 23-31

Tema : Ertoto ras Erdahin (Ora et Labora)

Pokok Pikiren
1. Nuriken erti ertoto ras erdahin
2. Nuriken contoh ertoto ras erdahin (teks ogen ras khotbah)
3. Ulih ertoto: reh tutusna ertoto ras erdahin

PERLEBE
Erkiteken perkembangen ras tuntuten zaman nterem manusia sigenduari ituntut untuk menjadi manusia super cepat bagepe super sibuk, piahna melala ka nggo terjerumus ku "gila kerja" (Workaholic). Sehingga lanai lit je keseimbangen hidup guna "Kristus, Keluarga ras Kade-kade", seh maka nilai-nilai kekelengen nggo menipis, erkiteken kesibukenta sendiri. Kerja keras labo salah, sisalah eme adi silupaken Tuhan erkiteken pendahinta. Megati turah ibas pusuhta sada anggapen "adi la kin bekas kebeluhenku ras gegehku encari, labo band aku sukses ntah bayak" memang kita sindahikenca tapi adi sipikiri uga gia gegehta ras beluhta encari adi la kin ipasu-pasu Tuhan band kin berhasil bagepe bermanfaat man banta? band kari si lit epe keri. Janah harus ka si maknai bahwa gegeh ras kebeluhenta e tetap sumberna ibas Tuhan nari. Emaka ibas pendahinta e sikataken bujur man Tuhan arah totonta, janah sipindo ka arah totonta gelah tep-tep wari ibereken Tuhan banta gegeh ras kepentaren siertambah tambah guna ndahiken dahinta (Ora et Labora).

Sekalak penulis Amerika, Norman Mailer ngataken keadaan alami ibas manusia abad ke-21 eme kecemasan ntah pe rasa khwatir, janah enda merupakan sada hal sienggo ianggap biasa, bahkan menurutna enda nggo jadi bagin sila terpisahkan ibas kegeluhen manusia si genduari. Tapi sayangna kecemasan enda la hanya menjadi milik manusia duniawi saja, tapi enda pe nggo ngelangketi sebagian besar manusia si ngataken dirina tek man Yesus. Tep-tep wari mbiar ras aru ate turah ibas dirita guna ndalani kegeluhen enda, padahal janji Tuhan nggo jelas "perbahan si e ola aru atendu kerna nakan ras inemen si iperlukendu ibas geluhndu ntah kerna uis siman pakendu" (Matius 6:25a). Emaka akhirna gejala-gejala siniuraiken idatas ndai terakumulasi ibas sada sikap sincidahken minat guna bersekutu ras Dibata arah toto, kebaktin, rsd pe nggo berkurang. Tentu adi sinen arah kaca mata kekristenan sienda labo payo. Engkai maka kalak kristen megati denga ihinggapi erbage-bage kebiaren nggeluh? Bahkan mungkin paksa kita ngoge tulisen enda pe kita sangana ibayang-bayangi erbage-bage kebiaren.

PENJELASEN
1. Adi simulai pengogen kerna nats khotbahta enda mulai ayat sipemena, band siidah uga situasi sinihadapi Petrus ras Yohanes si sangana iadili. Kalak enda iadili labo erkiteken perbahanen si jahat, tapi erkiteken ngajarken tentang Yesus. Alu la biar-biaren kalak enda ngajarken kerna Keselamaten lit ibas Tuhan Yesus ngenca (bnd. Ayat 12). Sikap kalak enda si tuhu-tuhu pang kel ngajarken tentang Tuhan Yesus erbahanca mamang ate petinggi-petinggi Yahudi, erkiteken Petrus ras Yohanes labo kalak si erpendidiken (ayat 13), bahkan pendahinna sebage nelayan. Tapi, apakah sienda ngatakenca kalak enda sama sekali la pernah erlajar? Emaka ibas bagian akhir ayat 13 ikatekenna kalak enda ieteh sebage ajar-ajar Yesus. Berarti, Yesus erne sebage guru kalak enda emaka kalak enda langsung erlajar ku Yesus. Kalak enda ndatken pendidiken non formal ibas Yesus nari. Selain kerna kuasa Kesah si Badia, pelajaren ras pengalamen melayani ras Tuhan Yesus erbahanca kalak enda reh semangatna asangken sebelumna. Turah rasa percaya diri erkiteken nggo datna pemeteh ras pergegeh ibas Tuhan Yesus nari.

2. Amin gia lit hambaten ras tantangen la erbahansa semangat Petrus ras Johanes surut, tapi arah kejadian enda teridah uga kiniersadan ras semangat kalak enda semakin ertambah. Emaka semangat enda iendeskenna man Dibata guna tetap njagai bagepe ngarak-ngarak pelayanen kalak enda. Arah toto ipindona gegeh gelah ngasup meritaken kerna kata Dibata alu labiar-biaren. Sebab tek ia kuasa Dibata la band italuken kuasa-kuasa penguasa doni, sebab Tuhan jine siempuna doni enda. Pasrah bukan berarti menyerah, enda me sicidahken ajar-ajar paksa si e. Reaksi menentang sicidahken peminpin-peminpin Jahudi kerna pengajaran sipeseh ajar-ajar "ilawan" ajar-ajar arah ncidahken kualitas pelayanen si lebih berkualitas, emaka ipindona man Tuhan guna ngasup mpepalem kalak sisakit bagepe ncidahken tanda-tanda sengget si rehna ibas Tuhan nari, seh maka kalak enda berpasrah diri nimai reh na penampat Dibata ibas totona. "cakap saja labo lako" mungkin enda me ate ajar-ajar icidahken ibas pelayanenna, ertina orientasi pelayanen sicidahkenna labo terjeng berita arah kata-kata tapi berita arah tindaken nyata. Penyertaan Tuhan tetap ipindo ajar-ajar ibas totona ibas kai-kai pe sidahiken kalak enda, emaka teridah buah penyertaan Tuhan arah pelayanen ajar-ajar (bnd. Ayat 31). Ertoto ras Erdahin idealna jadi gaya hidup kalak sierkiniteken man Dibata, alu pengangkan kai pe pendahinta enda harus ibenai lebe arah toto, bagepe sidahiken kita enda merupaken tindak lanjut kerna kai sienggo itotoken kita, seh maka penampat ras gegeh kuasa kesah sibadia e mengalir ku kerina rongga-rongga kegeluhen si teridah arah Perbuatan, Pikiren, Perkataan si memang memuliaken Tuhan. Janah enda pe harus ilakoken alu berimbang, ertoto pe adi la sikerjaken totota nuai labo banci datken hasil bagepe erdahin pe kita adi labo sisertaken Tuhan ibas pendahinta e labo ka jadi pasu-pasu man banta.

3. Kunci ndatken kemalamen ate bas kegeluhen enda kepeken nggit ngikut Tuhan bagepe Mindo man baNa. Enda me sicidahken ajar-ajar paksa sie, penolaken sicidahken peminpin Jahudi la itanggapi kalak enda alu kebiaren, putus asa, rsd. Mungkin adi secara kemanusiaan siukuri banci saja kalak enda tetap ibayang-bayangi kebiaren, erkiten ngukuri pertentangen sicidahken peminpin si berkuasa i tengah-tengah kalak Jahudi i ja kalak enda ringan si pasti "mengancam " ketentramen bagepe keselamatenna. Tapi eteh ajar-ajar kai si payo siharus ilakokenna eme reh ku Tuhan bagepe mindo penampatNa. Ibas Pengogen Johanes 6:1-5, band si idah uga kekelengen Tuhan Yesus mana kalak si reh man baNa, kenca idahNa enterem jelma singikut ia, mis isungkun Yesus si Pilipus "i ja ndia banci situkur pangan guna kalak enda?" minter Yesus ngukurken kerna kai siman pangan guna jelma sienterem singikut ia, ertina Yesus langsung ngukurken kerna "kegeluhen" erkiteken makanen sumber tenaga guna penyambung kegeluhen. Berarti, jaminen kegeluhen lit ibas kalak singgit ngikut Tuhan, sebab ibas kita nggit ngikut e Tuhan nggo ngukurken kerna keperlunta. Bahkan paksa keadaan kegeluhen si mungkin dem perbeben si erbahanca kita berpikir lanai lit nari serpang pulah si banci ndungi perbebenta, je reh Tuhan mereken sada tanda sengget si erbahan kita ngaloken kemalemen ate, bagi Tuhan Yesus erbahan tanda sengget mere man enterem jelma alu lima ngikubul roti ras dua ikan (bnd. Ayat 9), amin gia megati pengakunta bagi pengakun Pilipus si lebih memainkan akal logika asangken kinitekenna, tapi arah kai sinibahan Tuhan Yesus nggo ncidahken kemahakuasaanNa si ngasup erbahan kai pe guna kita asal kita nggit reh ku la janah sibereken dirita ingan Tuhan ncidahken kemuliaanNa ibas geluhta.

KESIMPULEN
Arus siakui maka jaman enda nuruh kita erdahin reh tutusna, la saja menuntut kita untuk kerja keras tapi harus kerja Cerdas, artina sieteh apai sipayo singena ate Tuhan silakoken ibas pendahinta, seh maka arah pendahinta e tetap ermulia gelar Tuhan. Lit nge deba kalak enggo kote erkiteken sura-surana silatersehi aminna erbage cara enggo ilakoken. Lit deba erdahin suari ras berngi emaka lanai ternanamisa ulihna encari e. "Mbue kam ngamburken benih, tapi sitik ngenca iperanindu. Tuhu man nge kam, tapi la besur. Lit anggur man inemendu, tapi la bias seh puas. Tuhu ruis nge kam tapi bergehen denga. Kalak upahen ibunikenna upahna ibas perbeliten pultak-pultak. Ma enggo iangkandu engkai maka jadi sienda man bandu?" (Hagai 1:6-7). Aturna kesibukenta, dahin-dahin, bagepe masalah kegeluhen la erbahanca kita ndauh sirang ras Dibata tapi ngasup encidahken kiniersadaan simehuli ras Dibata. Erpengendes man Tuhan, janah ngasup nggeluh bagi singena ateNa ibas ndahiken dahinta maka kepentaren ras gegeh ibas Tuhan nari tetapa ngajari kita. Sigejapken maka Dibata nge simereken ulih pendahin, tentuna man Tuhan kita ernalem, sebab jaminen kegeluhenta lit ibas tan Tuhan seh maka tek kita pasti la kita kekurangen.

Det. Jery K Tarigan
Perp. Karawang-Rg. Bekasi

Read more >>

Renungan / Khotbah Perbahanan Rasul 12:6-12, Pekan Doa Wari VI, Jumat 26 September 2014

Introitus : 
E maka akukenlah dosandu sekalak-sekalak i lebe-lebe temanndu, janah ertotolah kam pekepar kerna teman, gelah malem kam. Pertoton kalak si bujur ergegeh kal (Jakub 5:16).

Ogen : Juna 2:1-10; Khotbah : Perbahan Rasul 12:6-12

Thema : Toto si empelimbarui

Pokok Pikiren
1. Nuriken erti kata "ipelimbarui" (Transformasi)
2. Nuriken perbahanen si terjadi ibas diri Petrus ras Juna erkiteken pertoton
3. Ulih ipelimbarui.

Senina ras tutang sinikelenge Tuhan Yesus Kristus, lit sekalak mistikus India nuriken kerna dirina sehubungen ras ertoto, nina bagenda:

"Saya adalah seorang revolusioner ketika masih muda, dan doa saya waktu itu adalah, "Tuhan, berilah saya tenaga untuk mengubah dunia".

Ketika saya hampir berusia setengah abad dan merasa bahwa setenga umur hidup saya sudah berlalu tanpa saya berhasil mengubah satu orang pun, saya mengubah doa saya demikian, "Tuhan, berilah rahmat untuk mengubah orang yang berhubungan dengan saya, yakni keluarga dan sahabat-sahabat saja, maka saya akan puas". Sekarang saya sudah tua dan hidup saya tidak akan lama lagi, dan saya pun mulai melihat betapa bodohnya saya. Maka doa saya sekarang adalah demikian, "Tuhan, berikanlah saya rahmat untuk mengubah diriku sendiri". Seandainya saya sudah berdoa seperti ini sejak dahulu, maka saya tidak akan menjadi sia-sia.

Arah kisah enda teridah amin gia terlambat, mistikus India mpelimbarui totona. Toto sitantangna mengarah ku enterem kalak (Tuhan berilah saya tenaga untuk mengubah dunia), jenari mengarah ku kalak si lit isekelewetna (Tuhan, berilah rahmat untuk mengubah orang yang berhubungan dengan saya, yakni keluarga dan sahabat-sahabat saya), janah kedungenna mengarah ku dirina (Tuhan, berilah saya rahmat untuk mengubah diriku sendiri). Situhuna labo salah toto e, mulia nge maksudna. Tapi arah cerita enda lit pesan si penting kal erne maka ibas persfektif Kristen, kita kepe lebe harus berubah. Ula arapken kalak banci siubah adi dirinta pe lenga barubah. Emaka ibas pendungi cerita enda lit penyesalen, engkai maka la ia ertoto bagi siterakhir e marenda nari. Alu bage penting terjadi transformasi toto segelah toto sipemena iarahken man dirinta segelah berubah, segelah ipelimbarui, jenari maka man kalak sideban ras doni enda. Kata ipelimbarui (Transformasi: berarti perubahan rupa, bentuk, sifat, fungsi, rsd.). Adi sioge Jakub 5:16b "Pertoton kalak si bujur ergegeh kal". Kata bujur ibas ayat enda penting. Alu terjadi perubahen dirita ibas si la bujur jadi kalak bujur erkiteken kuasa toto, maka pertoton kalak sibage ergegeh kal, ertina erkuasa mengubah kalak sideban, bahken erkuasa mengubah keadan bagi sinialami Rasul Paulus ras Juna ibas perikop khotbah ras ogen.

Senina ras turang sinikelengi Tuhan Yesus Kristus, Ibas ogen ituriken Juna ertoto ibas beltek ikan. Adi si oge ibas pasal 1, ije ituriken erkiteken Juna la patuh nandangi perintah Tuhan emaka ibenterken me ia ku lawit ras itelen nurung si galang. Ibas beltek nurung enda nari me Juna ertoto janah luar biasa, pertotonna ibegiken Dibata emaka iutahken nurung ndai ia ku daraten. Bage ka me ibas kata Dibata siman oratenta, ituriken uga malekat Tuhan mulahi Petrus ibas penjara nari. Cara Dibata mulahi Petrus seh kal luarbiasana. Bayangken Petrus ipenjara alu penjagan si seh kal ketatna. Ibas ayat 6 ije ituriken la saja Petrus iiket alu dua rante, i lebe-lebe pintun lit ka perajurit erjaga, janah tunduh pe ia ikelang-kelang dua kalak perajurit. Secara akal sehat la mungkin Petrus banci pulah ibas penjara nari, terlebih lit dua penjagan si arus itentasi jenari siterakhir gerbang besi si arus ibuka maka banci ndarat. Tapi kinatana Petrus pulah ibas penjara e nari. Apakah kebetulan e terjadi? Lang! Lit sababna. Sababna eme ibas ayat 12, lit perpulungen situtus notoken Petrus.

Bagem pentingna ertoto la saja man dirinta tapi pe man kalak sideban. Enda ka me pemahamen Paulus maka ipindona kal segelah perpulungen notoken ia. "Janah ertoto pe man gunangku, gelah ibereken Dibata man bangku kata-kata si payo adi aku ngerana, dingen gelah pang aku ngerana dingen mpetangkas rahasia Berita Si Meriah e" (Efesus 6:19). "Ertoto pe min gelah ipulahi Dibata kami i has kalak si kejam dingen si jahat nari. Sabap labo kerina kalak tek nandangi berita e" (2 Tesalonika 3:2). Dage ibas Pekan Doa berngi sip e VI enda, mari sitransformasi totota segelah totonta e erbahansa kita berubah alu bage pertotonta pe banci erkuasa mpelimbarui kalak sideban (Toto simpelimbarui).

PdtS.Brahmana

Read more >>

Renungan / Khotbah Nehemia 1:1-5, Pekan Doa Wari V, Kamis 25 September 2014

Introitus : 
Ertotolah katawari pe, janah katakenlah bujur man Dibata i bas si kugapana pe. Enda me si ngena ate Dibata ibahanndu i bas geluhndu selaku kam kalak si enggo ersada ras Kristus Jesus. (I Tesalonika 5:17-18)

Ogen : I Timotius 2:1-5; Khotbah : Nehemia 1:1-5

Tema : Kam Bagin Geluhku

Pokok Pikiren
1. Nuriken kerna erti ertoto guna kalak sideban (Pertoton syafaat)
2. Nuriken kerna erti teks Pustaka Sibadia (Pertoton Nehemia)
3. Contoh kalak si ertoto syafaat
4. Ulih ertoto syafaat (man si ertoto ras si itotoken)

BENA KATA
Ertoto eme sada bagin si mendasar i bas agama. Ertoto rusur pe i kataken bagi kesah man kalak si erkiniteken. Jadi adi kalak enggo ngaku sebagai Anak-Anak Tuhan tapi la ertoto, situhuna enggo mate i bas kiniteken.

Ertoto sebagai alat komunikasinta man Dibata, arusna sipakai guna ngataken bujur, pengendesen ras mindo kerna kai si perlu man banta. Siperlu siinget kerna ulih pertoton eme : Pertotonta mungkin minter ibereken Dibata, danci kange la ibereNa, entah pe isuruhNa ertima, sebab sura-sura Dibata i bas mereken kai si ipindo kita e, eme gelah maba kiniulin man banta terlebih jadi kemulian man Dibata.

URAIAN
Ibas wari pelimaken kita ngelakoken pekan doa, subuk arah introitus, pengogen ras bahan khotbah, nuduhken kerna pentingna ertoto guna pribadinta, keluarga, entah pe pertoton syafaat.
Ibas I Tesalonika 5:17-18, Rasul Paulus ngajuk perpulungen Tesaloiiika guna tetap ertoto janah ngataken bujur man Dibata sebab kegeluhen ras perbahanen si bageme singena ate Tuhan. Alu ertoto ras ngataken bujur merupaken bukti kita ersada ras Kristus Jesus.

Ibas pengogen, Rasul Paulus ngajuk entah pe nuruh Timotius gelah ertoto secara syafaat guna kerina manusia, Raja-raja, kerina si erkuasa (Pemerintah). Nina Rasul Paulus adi enda ilakoken, danci nggeluh i bas senang, dame. Arah pertoton pe reh ngasepna kita erkemalangen man Dibata.

Tema bahan khotbah "Kam Bagin Geluhku". Tema enda nuduhken sada sikap entah pe penggejapen rasa empati nandangi kalak sideban. Ngejapken perbeben, masalah kalak sideban merupaken perbeben ras masalahta, sebab siakui kalak sideban sibermasalah adalah bagin kegeluhenta. Nehemia si paksana tading i bas kuta kalak sideban megi berita kerna kota Jerusalem ehggo ceda (rontas). Ibas megi berita e, ceda kal ate Nehemia, ndele atena emaka ertoto ia, janah mindo man raja gelah dorek min ia ku Jerusalem gelah ipekenana mulihi tembok Jerusalem.

Ope isehken Nehemia pemindonna man raja Artaserses, leben ia ertoto kerna sura-surana e man Dibata. Teridah ulih pertoton Nehemia ibereken raja ijin man bana, sebab tutus atena ertoto ras srpuasa (Nehemia 1:4).

Piga-piga contoh ibas Pustaka Si Badia kerna kegeluhen kalah si ertoto (bersyafaat):
  1. Daniel ibas kegeluhenna tutus kal ertoto emaka iarak-arak Tuhan ia ibas kerina pendahin ras masalah geluhna (Daniel 9:3).
  2. Samuel anak Hannasi merupaken ulih pertoton si tutus si ilakoken Hanna. E sebabna anak e iberekenna ku rumah pertoton sebab ibas Dibata nari ipindona (I Samuel 1).
  3. Musadanci mulahi bangsana, mbaba darat i Mesir nari ku Taneh Perjanjin epe erkiteken tutus ia ertoto (Keluaran 32:11-55).
  4. Esterertoto gelah sura-sura Haman guna engkernepken bangsa Jahudi la seh (Ester 4:15-17).
  5. Elia ertoto gelah bangsa Israel reh tangkasna penandaina kerna Dibata, gelah la papak entah pe sesat (I Raja-Raja 18:36-55).
  6.  Rasul Paulus pe rusur kal ertoto kerna perpulungen-perpulungen, janah ia mindo gelah perpulungen pe notoken Rasul Paulus kerna pendahin/pelayanenna (II Tesalonika 3:1-2).
  7. Tuhan Jesusertoto kerna ajar-ajarNa/perpulungen tetap ersada. Ope Tuhan Jesus nadingken doni enda leben itotokenNa gelah perpulungen tetap ngasup ersada (Johanes 17).
Bagem belinna erti ras ulih ertoto, janah adi la ertoto situhuna enggo erdosa (I Samuel 12:23).Piga-piga hal siperlu siangkai kerna pertoton:

(1) Ngkai maka kita ertoto?
a. Kita ertoto sebab Dibata nuruh kita gelah ertoto (Lukas 18:1).
b. Adi kita ertoto, kita band menang ibas percuban nari (Efesus 6:12).
c. Adi kita ertoto, dat kita Pengertin/Hikmat (Masmur 119:27).
d. Adi kita ertoto, kita danci sukses ibas usaha/pendahinta (Masmur 119:31).

(2) Kuga kin ertoto gelah pertotonta megegeh/erkuasa?
a. Adi pertotonta e sue ras sura-sura Dibata (I Johanes 5:14).
b. Pertotonta erkuasa adi kita ertoto ibas gelar Jesus Kristus (Johanes 14:13-14).
c. Adi kita isampati Kesah Si Badia (Roma 8:26).
d. Pertoton megegeh adi ibas kiniteken ras alu tutus (Yakub 5:16).
e. Adi ertoto alu tujun si mehuli (Yakub 4:3).
f. Adi ibas ertoto e la lit cian ate (Markus 11:25-26).
g. Ertoto alu sabar dingen tutus (Roma 12:12).

KESIMPULEN
1. Nggeluhlah tetap ibas toto, subuk notoken pribadi, gereja, keluarga, bangsa ras negara (Syafaat).
2. Ibas ertoto sidahikenka dahinta alu tutus (Ora Et Labora).
3. Ibas ertoto dat kita kemalemen ate.

Graha, 27 Agustus 2014
Pdt. A. Ginting Jawak

Read more >>

Renungan / Khotbah Mazmur 119:97-105, Pekan Doa Wari IV, Rabu 24 September 2014

Introitus : 
“KataNdu kap tendang man nahengku, nerangi dalan si kudalani” (Masmur 119:105)

Ogen : Markus 1:9; Khotbah : Masmur 119:97-104

Thema : “Nggeluh Ibas KataNdu”

Kata Penaruh
Itengah tengah kegeluhen kalak Kristen maun kita jumpa perpulungen mbelin kal ketedehen atena mpelajari Alkitab, arah sekolah Alkitab malam, kuliah theologia program s1, s2, s3 ras berhasil alu prestasi baik. Ketutusen mpelajari kata Dibata erbahanca hebat pemetehna kerna kata Dibata, tapi pemeteh kerna kata Dibata e langa tentu mengubah sikap geluhna, nadingken kegeluhen si ndekah ras nggeluhken kegeluhen si mbaru. Bagepe maun si begi berita “isu” kerna pandita si inilai menguasai melala pemeteh kerna kata Dibata tapi pe bertentangen lagu langkahna ras pemetehna e. Turah penungkunen “Engkai maka banci jadi bage, adi ibas kata Dibata erkuasa nge gegeh Dibata?” Engkai maka meganjang pemetehna kerna kata Dibata tapi la bias kengasupenna mbedaken si benar ras si salah, kurang tegas ibas muat keputusen, melket lagu langkahna; pernembeh-dendam, cian, perbual ras erbage bage perbahanen dosa sidebanna? Labo bias tujun mpelajari kata Dibata saja, tapi pe perlu mperdiateken motivasi mpelajarisa e me gelah erkinibayaken ndalanken kata Dibata.

Pembahasen-pemberitan
Nina pemasmur “Lanai tanggung keleng ateku man undang undangNdu, kukusur kusur ibas ukurku gedang gedang wari.” Lit pribasa cinta nina “Dihatiku ada kamu, di pikiranku ada kamu, di dompetku ada kamu, di waktu waktu hidupku ada kamu, dimana mana dan kapan saja bagiku kamu hadir!”. Kalak si bage cara nggeluhna, pertimbangen pertimbangenna bahkan semangat ras tujun nggeluna ipengaruhi cintana. Bageme ketedehen ate pemasmur nandangi undang undang Dibata emaka katawari pe waktuna, ija pe ras kaipe situasina lalap nge atena mpelajari undang undang Dibata. Adi ipelajarina undang undang Dibata tetambari me tedeh atena jumpa ras pedah pedah Dibata si atena ngena e. Iberekenna ingan undang undang Dibata e ibas ukurna, ikusur kusurna, iberekenna gegeh, kinibayaken, kesetian ras geluhna bagi sura sura undang undang e.

Pemasmur nuriken piga piga untungna mpelajari undang undang Tuhan alu ngkusur kusursa ibas pusuh e me:

1. Pentaren pemasmur asangken imbang imbangna.
Aminna pe kalak enggo erkiniteken tetap nge geluhna i teruh ancamen ibas imbang imbangna nari (si mperimbang ia), ras ibas doni enda nari. Biasana imbang si mengintai e maka ia lebih siap diri alu strategi ras persenjatan tempurna, sebab enggo ipelajarina si tuasi kalak si i intaina. Tapi nina pemasmur lalap nge pentaren “lebih berhikmat” kalak si la erngadi ngadi mpelajari (melatih diri) ras mpersenjatai dirina alu perentah-perentah Dibata (bdg. Efesus 6:10-18 senjata si ibereken Dibata-perlengkapan rohani). Kalak jahat ibuatna keputusen erpalasken keuntungena, labo iperhitungkenna gulut iakap kalak tapi kalak si erngena ate man undang undang Tuhan idahikenna keputusen si mbaba keuntungen man jelma si enterem, idahikenna kedamen kalak sideban.

2. Pengertin pemasmur ngelebihi pengertin guru si ngajari ia.
Lit kin murid pentaren asangken guruna? Sini imaksud pemasmur labo lebih erpemeteh (pengetahuan) tapi lebih erpengertin (berakal budi). Pengertin (akal budi) labo ulih pemeteh saja tapi pertubuhenna mehuli erkiteken perenungen perunungen si murni ras tutus.

3. Belinen kepentaren pemasmur asangken orang-orang tua.
Orang-orang tua e me tua tua si kundul i batar batar i pintu gerbang kota si ertugas nampati kalak ibas perbeben geluhna (bdg Ulangen 21:19). Ibas kebiasan nggeluh kalak Yahudi; anak (kalak si nguda) la pantas ngajar orang tua, tapi ibas paksa umur Yesus sepuluh dua tahun ngerana ngerana Yesus ras guru guru agama kalak Yahudi, ngelakoken percakapen alu si sungkun sungkunen ras iberitaken maka Yesus si asum si e nguda denga ngerana Ia alu pemeteh si meganjangna. (Lukas 2:46-47)

4. Menang pemasmur nilahken perbahanen si jahat.
Melala kalak si ndabuh ku bas dosa labo erkiteken la ietehna milih dalan si benar entah salah, tapi ndabuh ia erkiteken godan ngelakoken perbahanen si jahat. La tertalukenna sura sura dagingna, umpamana bagi ndabuhna Adam ras Hawa kubas dosa sebab sura surana gelah seri ia ras Dibata bagepe iblis berhasil nggodasa. Adam ras Hawa la megegh ngelawan sura surana ras godan iblis. (Kejadin 3:1-13). Mpelajari ras ngkusur kusur undang undang Dibata ibas pusuh mpeturah perayaken ndalanken kata Tuhan, teridah bagi si ilakoken Yusuf, la ia ndabuh asum igoda ndehara Potipar (Kejadin 39).

5. Erguru man Dibata ertina ndalanken kata Dibata.
Ndatken sada sada hal si lebih asli ras erkualitas e me alu cara datkenlah e ibas sumberna nari ija kin asalna. Bageme pe guna ndatken pemeteh kerna kata Dibata ergurulah ku Dibata sumber si nehkenca. Ibas hal si e nina pemasmur labo sekolah tapi alu perbahanen, lagu langkah ndalanken kebenaren kata Dibata, e me cara erguru ku sumberna.

6. Man pemasmur undang undang - aturen Tuhan e entebu lebihen asa tebu tengguli.
Kesalahan Adam ras Hawa i taman Eden e me ngelanggar aturen Dibata. Melala jelma labo ngena atena iatur bahkan nina nggeluh iteruh aturen merupaken siksan si mberat, kegeluhen si pagit, la bebas. Labo seri ras kegeluhen kalak si erngena ate nandangi aturen Tuhan; ndalanken aturen merupaken kesenangenna, janah lalap kurang mbue iakapna ndalanken kiniulin ras kebenaren kata Dibata.

7. Arah ndalanken undang undang Tuhan idat pemasmur kepentaren emaka ciga atena kata si la tuhu.
Kata Dibata ibas 1 Yohanes 1:6 “Dage, adi ninta ersada kita ras Ia, tapi nggeluh kita ibas gelap, erbual kap kita ibas kata ras perbahanenta.” Bagepe ibas Matius 5:37 “Katakenlah, ue adi tuhu janah katakenlah, lang adi la tuhu. Lain asangken si e iblis nari kap rehna.” Yohanes 8:44 nina “…Nai nari iblis pemunuh kap. La pernah ikapitina si benar, saba la lit si benar i bas ia. Adi erbual ia biakna nge, sabab ia perguak dingen bapa kerina kalak si perguak.” Setia ndalanken undang undang Tuhan ertina ndalanken kebujuren ras jujur, la ipermainkenna kebenaren kata Dibata, terteki ibas kai kai pe.

Kesimpulen
Kalak si erkeleng ate nandangi undang undang Tuhan, si tutus atena mpelajarisa ras ngkusur kusursa ibas pusuhna idatkenna me pemeteh kerna kata Dibata, itandaina kebenaran ras ibas ia lit gegeh guna ngelawan sura sura si jahat. Tedeh atena nandangi kebenaren emaka la erngadi ngadi lalap idahikenna kiniulin. La ia ngukurken keuntungen man bana saja tapi pe idahikenna kiniulin man kalak si deban. Kata dibata enda pe jadi perenungen, ngajak Pandita, Pertua, Diaken ras kerina si tutus mpelajari kata Dibata gelah ula terjeng ngayaki pemeteh ras kinibeluhen nurikenca saja, tapi jadi prestasi iman min, jadi semangat ibas ndalanken kebenaren, kejujuren ras megenggeng.

Pdt.Ekwin W.Ginting

Read more >>

Renungan / Khotbah Mazmur 51:1-19, Pekan Doa Wari II, Senin 22 September 2014

Introitus : 
Nina anakna e man bana, 'O bapa, aku enggo erdosa man Dibata dingen ersalah man bandu. Lanai metunggung pe aku igelari anakndu (Lukas 15 : 21).

Ogen : Lukas 15 : 11 – 21.; Khotbah : Mazmur 51 : 1 – 19.

Thema : 
Kuntandai diringku iadepen Tuhan

Pendahuluan
- ) Sada pengakun dosa biasana muncul pasti lit sabab akibatna.
- ) Mazmur 51 enda isina doa penyesalen silit hubunganna ras 2 Samuel 12: 1-25 eme ugaNabi Natan (disuruh Dibata), Nina Tuhan engkai maka la iergaindu perentah Ku (12:19).
- ) Tuhu-tuhu Daud menyesal nina: “Aku enggo erdosa man Tuhan (2 Samuel 11: 1-5), Nina Natan njababsa: Tuhan enggo ngampuni kam, la kam mate (12:13)
- ) Daud Tuhu-tuhu itandaina dirina, dosana mpedauh dirina ras Dibata she kubas penyesalen, lalit ketenangen ukurna.

a) Sada sisi Daud ngakuken ken dosana ras iakuina dosana secara terbuka ras jujur ngaloken ukumen Dibata( Maz 51:1).
b) Sisi lain Daud tuhu merinduken pengampunen dan pembaharuan Tuhan, igejabna lanai lit gegehna i perhadapken ku bas dosana.
  • Pusuhna getem (Hancur)
  • Mela iakapna (memalukan)
  • Idabuh ken (dijatukan)
- ) Daud desken ibas jurang simbages ras tuhu-tuhu butuh penampat Tuhan Dibata.
  • O Dibata mekuah min ateNdu.
  • Sasapkenlah dosangKu
  • Peridi min aku, urasi maka masap dosangku.
- ) Salah lepakku kuetehnge, aguilah dosangku maka aku bersih. Tepa min ukur simeciho ibas aku O Dibata, ola buangNdu aku ibas adep-adepenNdu nari ( Maz 51: 3-19).

Pertoton Daud
- ) Pengakun dosana ras mindo pengampunen dosa, maka banci ia nggeluh mulihi ibas keselamaten ras ibas keleng ate Dibata.
- ) Daud erpadan tobat/jera ras erdalan ibas dalan Tuhan, ibaharui kesah Tuhan siBadia. Daud erjanji ngajar ken perentah-perentahNdu man siperdosa gelah tobat ( Maz 51 : 15-17).

Anak Si bene
Kenca anak singuda mindo erta sikerajangenna man bapanna, idayakenna, isia-siakenna duitna seh susah akapna. Nina laweslah aku ndahi bapangku ningku. O bapa aku enggo erdosa man Dibata dingen ersadalah man bandu.
  • Sikap sibapa ngalo-ngalo anak si bene, ndauh denga pe iayakina, i pelukna, i emmana ( ayat 20)
  • Penyambuten Si bapa tuhu-tuhu merespon pertobaten anak si bene enggo reh mulihi (ayat 22-24).
Aplikasi
a) Tuhan Dibata la kalatenangenamanusianggeluh ibas dosa si arus i ukum. “Kalak Simuniken dosana la banci sangap, kalak Singakuken dosana ialemi Dibata kap” (Kuan 28: 13).
b) Lit kata bijak : Orang bijak berani minta maafatas kesalahannya, tapinyatanya di Indonesia sulit minta maaf, beda dengan negara lain salah minta maaf, jika penjabat mau mengundurkan diri. Karena kesalahan mirip penyakit. Satu penyakit sulit disembuhkan jika yang sakit tidak merasa dirinya sakit, atau malu dan menutupi sakitnya.
c) 1 Yoh 1: 8-10, Adi ninta maka la lit dosanta sitipu kap dirinta, janah kata Dibata lalit ibas kita, tapi adi siakuken dosanta ialemiNa, ibersihken Na kita.
d) Ibas Pekan Doa enda perlukal sitandai dirinta iadepen Tuhan.
  • Adi sadar kita nandangi pelanggarenta ras dosanta, Tuhan maha kasih dan pengampun
  • Kalak sibujur ras terbuka, terus terang, terang terus ngakui dosanna, pasti ialemi Tuhan, ibersihkenna gelah jadi mbaru sipatuh man Tuhan.
  • Sipindo kesah siBadia nampati kita jadi manusia simbaru ncidahken buah kesah (Gal 5: 22-23).
  • Pertobaten lenga sempurna adi la teridah ibas geluh simbaru.
  • Tuhan Yesus sumber pemulihen ras Juruslamat, ibas keleng ateNa kita nggeluh maba Damai Sejahtera, Amin..
Depok, 11 Agustus 2014.
Pdt. Em. M. K. Sinuhaji.

Read more >>

Renungan / Khotbah Mazmur 93:1-5, Pekan Doa Wari I, Minggu 21 September 2014

Introitus : 
Apulilah bangsangku/'nina Dibata, apulilah ia kerina (Yesaya40 : l)

Bacaan : Keluaran 3:1-6;  Khotbah : Mazmur 93 : 1-5 

Thema : Dibata Si Erdolat

Pokok Pikiran
1. Nuriken kerna pengertin erdolat
2. Nuriken kerna erti kedolaten Dibata (bd.Introitus, ogen ras khotbah)
3. Nuriken contoh-contoh kedolaten Dibata
4. Muji Dibata ibas kedolatenNa bas kegeluhen

Senina ras turang gundari enggo ka seh kita ku pekan doa GBKP ibas tahun enda, emaka sada minggu kita pulung guna megiken kata Dibata arah Khotbah, bagepe ertoto syafaat bagi enggo itentuken gerejanta GBKP. Pekan doanta sekali enda erne kegiatan si pemena kenca pengukuhen ras penangkuhen Pt-Dk periode 2014-2019. Emaka arah kegiatan enda pe band ka sitotoken bas doa syafaat ta tentang Pt-Dk ta ibas periode enda gelah ndahiken dahin Dibata reh ulina, janah ulin asa si enggo na. Berngi sipemenaenda sebagai Themanta eme"Dibata si erdolat", hal enda ngingetken kita kerina maka Dibata sinjadiken kita ras kerina isina ibas doni enda enggo lit rancangenna, terutama kerna penyelamatan/keselamatan umatNa gelah nggeluh tenang/senang bagi singena ateNa. Kata erdolat iterjemahken ibas kata ke megahan, ras la erkuasa dingen asa ndigan pe la tergoyahken. Kuasana nai sendah seh rasa lalalp tetap janah tindakenNa pe terus nandang ciptaanNa khususNa nandangi anak-anak si kelengiNa. Arah kepedulianNa nandangi bangsaNa Israel si enggo cukup menderita i tanah Mesir erkiteken penguasa Raja Mesir, emaka arah tindaken/dolatNa la (Dibata/turun tangan guna nyelamatkenca gelah band mulih ku tanah perpadanncn e erne tanah kanaan. Emaka Dibata njumpai Musa si sangana ermakan i teruh deleng sinai, ija labo isangkana maka malekat Tuhan hadir njumpai ia, ija Dibata mpetandaken mulihken dirina man Musa si enggo 40 thn tadingkenna mesir akibat tindakenna munuh mandor-mandor kalak Mesir (Kel. 2 : 4). Dibata erlebuh nandangi Musa, ija Dibata ndilo/ngelebuhken gelar Musa. Musa ....! Musa....! jawab Musa "Enda Aku". Arah pendilo Dibata nandangi Musa maka rencana Dibata gelah Musa megiken tentang kai sienggo terjadi nandangi umat Tuhan i Mesir. Mungkin saja selama40 thn kenca enggo i tadingkena Mesir lanai pernah begina hal-hal siterjadi nandangi kaum na i Mesir. Emaka Dibata ngingetkenca gelah i sadari Musa maka ia i butuhken hadir i Mesir guna membebasken umat si enggo menderita. Dibata mpetandaken diriNa: Aku kap Dibata nini-ninindu Dibata Abraham, Isak ras Jakup. Sura-sura Dibata erne nelamatken umatNa gelah ngenanami kesenangen i tanah si enggo i padanken man nini-nini na gelah band iani bangsana mulihken.

Senina ras turang, Dibata eme Raja, Dibata bertindak arah dolatNa bagepe kuasaNaguna ngkuasai kerina sinasa silit idoni enda emaka aminna gia lit hal-hal siterjadi si megati si erbahan anak-anak Tuhan njumpai kini serat, emaka Ia (Dibata) bertindak guna nelamatkenca, sebap siterjadi bas doni enda kerina i eteh Dibata, sebap lalit seh rasa lalap seh rasa lalap.Emaka pengakuan pe Mazmur maka kini raja Dibata paguh, laband runtuh seh rasa lalap. Hal enda band si idah menurut pe Mazmur maka lawit si mbages pe erlebuh, erdeso-deso dingen ergererunguh, baik ilangit Tuhan erkuasa. Janah kuasaNa gegehen asa galumbang laut.

Senina ras turang, gambaren enda nddahken man kalak sierkinitekten/kalak Kristen eme kita ija dolat Dibata menjadi teladan man banta ibas kita ndahiken dahinNa ibaskegeluhenta baik pelayan bagepe jemaat GBKP. Ija Dibata enggo men jamin kita kerina arah kuasaNa sitetap ergegeh arah la erkuasa kerina sinasa, lawit ras kerina isina. Emaka kewajibanta sebagai kalak erkiniteken mindo man Tuhan arah totonta maka Dibata tetap ngapuli ras mpegegehi umatNa ibas ndalani wari-wari kegeluhen, aminna gi tetap saja lit kebiaren bagi gambaren lawit siergeruhguh ras erdeso tapi arah kehadiran kuasa kemulianNa maka la tetap nguasai kita, bagi Dibata njumpai Musa ras mpegegehi la gelah band lawes ku Mesir guna mulahi umat Israel si enggo nderkuh mindo ibebasken. Emaka Dibata Abraham, Ishak,Jakub tetap mperdiateken umatNa termasuk kita. Kita harus tetap mengandalken kekuatan Dibata, janah kuasana ras undang-undangNa asa ndigan pe la tergoyahken, janah, tetap rasa lalap, janah arah undang-undang na maka Dibata ngajuk umatNa guna hadir ku rumahNa, sebab la lit ibas rumahNa si Badia.

Senina ras turang, bengi si pemena enda ngingetken kita kerina warga GBKP gelah tunduk nandangi kuasa ras kedolatan Dibata, sebab kita la ngasup ndalani kegeluhen enda tanpa lit na campur tangan Tuhan si menjamin kegeluhenta. Janah kita pe i pake Dibata guna membebasken kalak si perlu pembebasen ibas erbage-bage persoalen kegeluhen, baik pribadi, keluarga bagepe perpulungenta. Arah pertotonta maka Dibata erdahin arah gerejaNa guna i pake jadi sira ras terang nangdangi jelma sienterem, gelah arah kita kedolatan Dibata e banci i gejapken kalak, ras arah e maka terjadi sada perobahan ibas kegeluhen si mehuli ras erguna. Emaka manusia pe terus menerus ngakui kedolatanNa singatur doni enda ras isina termasuk pe manusia si lit i doni enda

Renungen:
  1. Pasu-pasu Dibata man anak-anakNa sitetap ertoto guna bangsana, guna kalak sideban bagepe guna dirina
  2. Arah kita ertoto maka ke dolatan Dibata si ngkuasai kegeluhenta ibas kita ndalani kegeluhen enda.
  3. Pertotonta pe ngadirken Dibata, maka kita tetap i apuliNa ibas kita ke lungunen, ras kekhawatiren bas kegeluhen enda. (band Introitus)
  4. Janah kalak si ertoto tetap i pegegehi, tetap semangat dingen nandai ras nggejapken kuasa Dibata (band ogen)
  5. KinirajanNa mpepaguh kita ibas dampar kegeluhen ibas doni enda si tetap lit kebiaren bagi galumbang laut (band Khotbah).
  6. Emaka erlajar kita arah perdalanen kegeluhen Hana ibas la ndalani warina. Ija igejapken Hana maka ertoto erne buah kiniteken kalak si erkiniteken (thema Pekan doa I Sam 1 : 12-16).

Salam,
Pdt. Andarias Brahmana S.Th
081317054961

Read more >>