PERPULUNGEN JABU-JABU (PJJ)
TANGAL 31 JANUARI – 6 FEBRUARIU 2021
TEMPAS DIBATA I BAS DIRINDU
Kejadin 1:26-27
(Konfesi GBKP: Manusia)
Penjelasen.
Ibas Pjjta Minggu enda mulihi kita ercakap kerna manusia erpalasken Kejadin 1:26-27 janah ibabai kita kubas tema “TEMPAS DIBATA IBAS DIRINDU”.
Sehubungen ras sienda, adi sinen ibas Konfesi GBKP Bab IV kerna
Manusia situhuna enggo mereken penjelasen si lengkap, ija ikataken:
1. Manusia adalah ciptaan Allah yang segambar
dengan Allah, laki-laki dan perempuan dengan martabat yang sama (kejadian
1:26-27). Manusia diperlengkapi Allah dengan hikmat dan akal budi serta
dimahkotai dengan kemuliaan, hormat dan kuasa (Mazmur 8:6-7). Enda enggo
gambarken maka manusia lit erkiteken ia ijadiken Dibata. Beda ras tinepa
sideban, manusia itepa iperlengkapi hikmat ras akal budi bagepe imahkotai
kemulian, hormat ras kuasa. Dilaki ras diberu seri nge ilebe-lebe Dibata sabab
itepa segambar ras Dibata. Adi bage arusna la nai lit penggejapen ergan dilaki
ntah diberu.
2. Manusia diciptakan dalam kesatuan tubuh, roh
dan jiwa, yang harus dipelihara untuk kemulian Allah (Kejadian 2:7; 1 Korintus
3:16, 6:17-20; 1 Tesalonika 5:23; Yakobus 2:26). Ertina baik dilaki bagepe
diberu banci nggeluh erkiteken iembusken Dibata kesah kegeluhen ku bas igungna.
Arah end ape ncidahken kesetaran ibas manusia dilaki ras diberu e.
3. Manusia memiliki kehendak beabas (Bd. Matius
10:12-14). Bagin enda jabab penungkunen engkai maka manusia banci dabuh ku bas
dosa alu man buah batang kayu sinilaran Tuhan. Sabab manusia I tepa labo desken
robot. Lit ibas diri manusia selaku tinepa simenam seri ras Dibata (menurut
gambar Allah).
4. Manusia jatuh kedalam dosa disebabkan
ketidaktaatan dan keinginan menjadi sama
dengan Allah (Kejadian 3:1-24; Roma 5:12). Dalam keadaan berdosa, manusia tidak
memiliki kemauan dan kemampuan untuk bertemu dengan Allah (Roma 3:10-18; 1
Korintus 1:18-31). Bagin enda gambarken engkai maka manusia ndabuh ku bas dosa
sekaligus dampakna man manusia eme ibas manusia la nai lit sura-sura ras
kengasupen jumpa ras Dibata.
5. Manusia dapat kembali bersekutu dengan Allah hanya melalui Yesus Kristus(Yohanes 14:6; 11:25; 6:16). Poin enda jadi penting erkiteken isingetken ija manusia si enggo erdosa e banci mulihi jumpa ras bersekutu ras Dibata hanya arah Yesus Kristus. Alu kata sideban arah Yesus me ngenca dalinna maka manusia e banci ipulihken.
Arah konfesi enda enggo menggambarken secara kronologis ise kin
manusia e. Janah man banta selaku kalak si enggo tek man Yesus Kristus, kita
eme kalak si tuhu-tuhu sangap erkiteken kita enggo ipulihken, kita enggo
ipelimbarui. Alu bage tempas Dibata ibas dirinta si enggo ipelimbarui e ntah
enggo ipulihken e jagi kebangganta, mehergalah siakap. Penggejapen enda arusna
terus-menerus mendorong kita gelah:
1. Tetap waspada, metenget, hati-hati gelah
kebangganta e eme tempas Dibata e si lit ibas kita e ula nari ceda erkiteken la
patuh man Dibata.
2. Ncidahken dirinta maka payo tempas Dibata e
enggo ipulihken alu ncidahkenca arah caranta nggeluh si enggo berubah ras
erbuah. Sabab adi KTP ngenca Kristen tapi perbahanenta la ncerminken kita
anak-anak Tuhan tentu e ngatakenca maka labo tuhu gambar Dibata e enggo
ipulihken ibas kita.
3. Tandana enggo pulih tempas Dibata e ibas kita teridah pe kita ngasup nggeluh tutus ersembah man Dibata, keriahenta ibas ngorati kata Dibata, muji-muji Dibata bagepe komunikasita ras Dibata arah pertoton, enda secara vertical, janah secara horizontal kengasupenta jadi manusia nandangi temanta manusia laboi sebalikna jadi serigala nandangi temanta manusia, bagepe tentuna jadi alat Dibata guna jagai ras pekena-kena tinepa Dibata sidebanna.
Bagem banci isehken man banta kerina sehubungen kata Dibata siman oratenta ibas Pjj berngi enda. Tuhan simasu-masu ras mpegegehi kita nggeluh selaku tempas Dibata lit ibas dirinta. Amin.
Pdt. Sabar S. Brahmana, S.Th, MA
0 komentar:
Post a Comment