Introitus:
Dage ersinalsallah mis terangndu ilebe-lebe kalak sienterem, gelah adi idahna perbahanenndu si mehuli ipujina Dibata Bapandu si i surga (Matius 5:16)
Ogen: Kuan-kuanen 16 : 1-6; Khotbah: II Kor 2:14-17
Thema:
Kegeluhen Kalak Kristen si Erteologia, Erspiritualitas ras peningkatan Mutu Ibadah.
Ibas introitusta maka kalak si erkiniteken man Tuhan arus teridah arah perbahanenna si mehuli, si banci iidah ras inanami kalak sideban, maka ia tuhu-tuhu kalak si erkiniteken man Dibata. Kekelengen si enggo ialokenna ibas Yesus nari, jadi palas ibas kegeluhenna setiap wari, maka ia pe banci ka naksikenca ibas kegeluhenna. Alu bage arah perbahanen ras kekelengen si lit ibas kalak si erkiniteken mabai kalak sideban (si la tek) jadi tek ia man Tuhan ras ipujina Dibata Bapa si i surga.
Khotbah Jesus idatas uruk gelah orrentasi kegeluhen kalak si erkiniteken la berpusat kubas dirina, tapi gelah kegeluhenna ngasup jadi sira ras terang doni. Kalak Kristen sibanci erguna, berarti ras nggit berkorban, baik waktu, tenaga ras materi guna nehken kekelengen man sekitarna.
Arah Kitab Kuan-kuanen pe ngajuk maka tetaplah lit hubungenta ras Dibata, erkite-kiteken kai si ibereken Dibata man banta e ka psi mehulina guna kegeluhenta. Manusia berencana, tetapi keputusenna eme Dibata si erbahanca si akapNa mehuli man banta, aminna kai pe si rencanaken manusia, tapi keputusen si ibereken Dibata eme si terulin. Emaka manusia arus ngasup ngalokenca alu meriah ukur ras ngataken bujur man Dibata.
Tuhan enggo mpertimbangken kai si mehuli siatena berekenNa man banta, pertimbangenta la seri ras pertmbangen Dibata, sebab pertimbangennta lenga tentu maba kiniulin bas geluhta, tapi pertimbangen Dibata adi si imani, enggo pasti maba kiniulin man banta (kegeluhen erteologia ras spiritualitas). Emaka ibas manusia ndahiken dahinna, arus nge ia mindo pasu-pasu Tuhan guna pendahinna, maka seh bagi si isurakenna.
Kerina si enggo ibahan Tuhan lit kap tujunna. Man kalak jahat tujunna penghukumen, tapi man kalak si tek man Dibata, berekenNa kemalemen (Kuan-kuanen 16:4-6). La ateNa ngena kalak si meganjang rukur, si mengandalken dirina saja, tanpa erpersukuten man Tuhan.
Pengalamen Rasul Paulus sebagai persuruhen Dibata, janah wakil Kristus, ia meritaken Berita si Meriah man kerina kalak (baik si nuju ku keselamaten bage pe si nuju kempak kematen). Ertina Rasul Paulus ngasup menyesuaikan diri dengan keadaan sekitar, alu la sitik pe terpengaruh kubas kinitekenna. Ia menyesuaiken diri ras situasi – keadaan si lit lako mabai kalak si lit ibas kegelapen ku terang Yesus Kristus. Rasul Paulus ncidahken arah kiniteken ras perbahanen-perbahanenna si mehuli, seh ia meritaken Berita si Meriah kujapape (labo man kalak si tertentu saja, tapi ugapa pe keadaanna) Rasul Paulus ergiah-giah lako meritaken Berita si Meriah seh maka ia bali ras bau kumenen si merim.
Rasul Paulus tetap megenggeng bagepe ngandalken Dibata ibas Yesus Kristus si iberitakenna. La akap Rasul Paulus asakai kiniseran si inanamina ngidah keselamaten si bakal ialokenna. Perban enggo idahna alu mata kinitekenna hadiah si bakal ialokenna. Emaka ibas ayat 14 iungkapkenna kerna keriahen bagepe pengataken bujurna man Dibata ibas ia ibereNa kesempaten guna ikut selaku tawanen bagepe ikut ibas arak-araken kemenangen Kristus.
Pointer Aplikasi :
Dibata arah Yesus Kristus tetap erkeleng ate man kita (manusia) baik reh si la bagi ukur, bage pe si bagi ukur, kerina mabai kita gelah rembak ras Tuhan.
Ibas kerina dampar kegeluhenta ngasup kita encidahken erkemalangen man Dibata ras tetap erpersukuten man Dibata ibas kaisi ilakoken kita bas gelhta.
Ngataken bujur man Dibata arah siiberekenNa man banta.
Tutus beribadah si ilakoken i tengah-tengah gerejanta ras mpraktekkennca ibas geluhta.
Pdt.Ediwati Br Ginting
GBKP Rg. BOGOR
HP : 0812-641-901-31
0 komentar:
Post a Comment