Khotbah Filipi 1:9-14, Pekan Doa wari II (Senen 26 September 2011)

Introitus :

Tapi kalak si ernalem kempak Dibata, tetap ipelimbaruiNa gegehna. Desken rajawali kabang, lalap ia reh ganjangna. Kiam ia, tapi la ia ngelabuh, erdalan ia tapi la akapna latih (Yesaya 40:31).

Ogen : Jesaya 40 : 28 – 31; Khotbah : Filipi 1 : 9 – 14

Tema :

Ertoto guna meningkatkan spiritualitas kerina anggota sektor

1. Ertoto eme erbahan hubungenta akrab ras Tuhan, mindo gegeh erkiteken kita manusia si labo sempurna. Labo kita ngasup erdalin adi arah gegehta sendiri, emaka arus me lit si nampati kita si lebih erkuasa asangken manusia eme dibata si njadiken langit rasa doni enda bage pe kerina isina. Man Ia me kita ertoto alu meteruk ukur , gelah pertotonta ibegikenNa. Tentu adi kalak mindo labo arah das tanna tapi arah teruh tanna mindo. Ertina peterukken ukur eme sada syarat ibas kita ertoto man Tuhan. Kita menyadari kerna kelangasupenta, adi la kin Dibata si nampati ras simereken gegeh man bannta ibas ndalani kegeluhen enda. Bagepe arah ertoto man Dibata nge maka ngasup kita ngangkaisa apai sura-sura Dibata bas geluh ta.
2. Nas khotbahta sendah eme pertoton Rasul Paulus man Dibata kerna perpulungen I Filipi. Rikutken pengalamen Rasul Paulus ertoto enda seh kel perluna ibas kegeluhen kalak si erkiniteken. Rasul Paulus ibas meritaken berita simeriah melala i jumpaina perbeben tapi ia megegeh erkiteken ia la lupa nuriken perbebenna arah ertoto man dibata. Emaka i pelimbarui Dibata me gegehna, ras i ingetna bahwa perpulungen Filipi pe asa gegehna enggo i nampati ia ibas meritaken berita simeriah janah tetep icidahken perpulungen enda ketutusen nampati Rasul Paulus. Emaka nginget hubungen Rasul Paulus akrab ras perpulungen Filipi , I cidahken Rasul Paulus kekelengenna man perpulungen enda arah totona man dibata. Isi toto Paulus kerna perpulungen i Filipi eme gelah ertambahna min keleng ate Ndu janah rikut ras pemeteh ras pengangkan situhu-tuhu. Arah litna pengangkan enda banci perpulungen enda meteh milih apai simehuli si arus idalankenna ibas geluhna. Bagi raja Salomo ipindona man dibata sura-sura dibata eme khikmat kebijaksanaan guna ngasup mbedaken apai simehuli ras silamehuli gelah ia ngasup mimpin bangsa Israel. Ietehna la kap lit gegehna maka i pindona man Dibata gelah kesah Sibadia ngajarisa ras pe mereken pemeteh situhu-tuhu man bana. Themanta : Ertoto guna meningkatkan spiritualitas kerina anggota sektor
3. Adi ngerana kita kerna peningkatan spiritualitas, labo terjeng kita ndeher ras Dibata untuk kepentingan dirinta saja, tapi pe man kalak sideban. Man temanta manusia pe arus ka nge sibahan simehuli. Jelma simemiliki spiritualitas tinggi eme jelma si ertoto alu bulat ukur ras idemi alu kesah Dibata ,janah kesah Sibadia e me sinegu-negu ia erbahan perbahanan simehuli (Gal 5:22-23a). Kalak si ngandalken Tuhan ras tetap ertoto nge si memiliki spiritualitas.
4. Arah kitab Nabi Yesaya 40 : 28-31. Dibata eme Dibata sijadiken langit ras doni enda kerina. La pernah Ia latih ras kote. Janah man kalak silatih ras kote iberekenNa gegeh ibas menghadapi tantangen-tantangen kegeluhen. Tanpa kuasaTuhan kita la megegeh, perbahan kulanta enda murah kote hanya erkiteken gegeh si rehna ibas dibata nari maka kita megegeh bagi rajawali kabang lalap ia reh ganjangna. Bagepe kalak sitetap ernalem man Tuhan labo ia kote, tapi i pelimbarui Dibata lalap gegehna gia reh angin kaba-kaba ntah pe kalingsungsung ia tetap berdiri paguh.

Bogor, 6 September 2011

Pdt.Ediwati Ginting

Catatan sermon:

1. Ibas sektor sitoto-toton, labo saja soal jasmani tetapi pe rohani. Eme segelah tehna apai simehili ras la mehuli, segelah simehulie dominan dalanken perpulungen, alu bage bagi rajawali.
2. Sektor e laapna penting sektor sideban, padahal sektor e ibahan segelah pelayanen reh terjangkauna. Bas sektor lit sektor gemuk ras kurus secara ekonomi/kas. Ibas sienda perlu isehken segelah prinsip simegegeh nampati si la megegeh banci idalanken.

Artikel lain yang terkait: