Khotbah Markus 10:17-27, Minggu 23 Oktober 2011

Introitus:
Bulatkenlah ukurndu nandangi erta-erta Surga, labo nandangi perkara-perkara doni enda (Kol.3:2)

Ogen : 1 Yohanes 4:17-21; Khotbah: Markus 10:17-27

Thema :
Kiamlah ngayaki erta-erta surga

Latar-belakang :
Injil Markus eme injil si tertua, si itulis kalak Yahudi si mungkin langa itandaina Yesus sanga nggeluh denga Ia. Markus mendampingi Paulus sanga nehken berita simeriah ku daerah Yunani. Markus nulis Injilna tahun 70 langa ndekahsa ia naksiken Paulus ras Petrus bage pe enterem kalak Kristen ibunuh Kaisar Nero, puncakna kemesengen si mesangat i Roma tahun 64. Dage la man kemamangen adi ibas Injil Markus enda sangat itekanken kesediaan memikul salib ras ngikut Yesus.

Kalak bayak Markus 10:17-21
Sifat-sifat si mehuli ibas kalak bayak eme:

• Kalak bayak e ertedeh ate jumpa ras Yesus, ayat 17 ikataken kiam-kiam njumpai Yesus.
• Ija kondisi paksa sie labo menguntungken man kalak si ngikutken Yesus, erkiteken perlakuan Kaisar Nero.
• Kalak bayak e ncidahken sikap hormat man Yesus, baik arah perbahanen alu erjimpuh, bage pe arah kata si ibelaskenna : O Guru si bujur ntah “Guru yang baik”.
• Kalak bayak e, bayak ka ras taat ka man hukum. Ayat 19 enem hukum ( 5 larangen eme munuh, erlua-lua, nangko, erbual, nipu labo ibahanna, bage pe lit sada perintah si itaatina eme mehamat man nande bapa).
• Kalak e bayak kal, tapi lit kesadarenna, maka kebayakenna e labo banci erbahanca ia bengket ku surga.
• Kalak bayak e nggit berdialog guna ndatken masuken nandangi kerinduanna masuk surga.

Sifat si mehuli e memang harus iuji denga alu penungkunen : Apakah ngasup nadingken dirina sendiri ras kebayakenna e dingen memulai hidup baru bersama Yesus. Nggit dialog enggo me mehuli, tapi arah dialog e tentu arus muat keputusen eme milih diri sendiri ntah milih Yesus. Enda me tantangen man kerina kalak Kristen si atena ngikutken Yesus eme tetap milih dirina sendiri ntah nadingken diri sendiri (termasuk kerinana si lit ibas ia) kenca e milih Yesus.

Si menarik ibas perjumpan kalak bayak ras Yesus eme kalak bayak atena ngikuti Yesus gia kondisi paksa e pilihenna e labo menguntungken, bage pe nggejapken maka arah ndalanken hukum taurat langa cukup guna ndatken kegeluhen situhu-tuhu si la erkeri-kerin e. Erkiteken sie Yesus mereken solusi kuga carana.

Carana eme :

• ngikuti Yesus
• ndarami kai singena ate Dibata alu nadingken si lit ibas ia guna kalak si musil menai perdalanen geluh si mbaru ras Yesus guna terus ndarami kai singena ate Dibata
• Ternyata tuntuten Yesus si tegas ras keras mberatsa akapna perbahan bayak ia, erkiteken sie mundur ia. Kebayakenna enggo jadi penghalang guna ngikuti Yesus lako ndatken surga. Cara si itawarken Yesus hal si la mungkin bana, ibarat “sada unta mentas arah lubang jarum” . Bage me kalak bayak si tetap memegang teguh kebayakenna tentu mustahil bengket ku surga. Man manusia la mungkin, tapi ibas Dibata banci.

Pointer perenungen :

1. Kalak bayak, labo berarti la lit perbebenna. Kerina manusia lit nge perbebenna, mungkin lain bentuk ras bobotna.
2. Yesus meteh ras peduli nandangi kerina kalak, dingen Yesus meteh seh ku isi pusuh, kiniulin sesekalak, termasuk ketidak puasan dalam hidup.
3. Melala kal si mehuli si enggo ibahan kalak bayak enda, tapi lasam lagu mehuli e erkiteken lit si terpenting si langa idalankenna. Erkiteken sie pesan Yesus : “Pergilah, juallah apa yang kau miliki....berikanlah itu kepada orang-orang miskin....datanglah kemari dan ikutlah Aku”. Pesan e labo ertina kalak Kristen harus ndayaken kerina si lit ibas ia dingen merekenca man Tuhan; tapi lebih ku sada penggejapen maka kerinana si lit ibas kita e si kerajangen Tuhan kap, sedangken kita hanya “Jurukunci-Na”. Kalak bayak e lebih ngergai si lit ibas ia asangken ngergaken Tuhan. Kalak bayak e enggo melanggar hukum terbesar eme mengasihi Allah lebih dari pada segala sesuatu.
4. Sikap kalak bayak enda pe melala denga genduari. Melala nge kalak Kristen rajin ku gereja, kebaktin, PA, Koor, nehken persembahen, perpuluhen, rsd. Tapi lit denga sada si kurang eme ngendesken totalitas geluhna. Kerina kegiaten-kegiatenna hanya tambahen saja, sedangken benda-benda duniawi si ibas ia ndatken posisi si utama. Tuhan hanya menduduki posisi kedua.
5. Kai si menghalangi kita ku Tuhan? Banci saja : duit, erta, kesuliten, perbeben geluh, kade-kade, keluarga rsd.
6. Inget! Memang kalak bayak lebih meluka ras lebih nggit bersandar ku kebayakenna e asangken erkiniteken man Tuhan. Lit kecendrungen barang-barang duniawi lebih meherga akapna asangken kebutuhen rohani. Inget si Lot. Kalak bayak melala godaan, sabap cukup ibas ia guna memuasken kerina keinginen hawa nafsu-na. Iblis pe meteh kuga kiatna guna menjerat kalak bayak. Lit memang kecendrungen kalak bayak nggeluhken geluh alu mewah dingen hanya nginget dirina saja.
7. Kalak bayak ras melala erta labo dosa, tapi bersandar kubas erta ras kebayaken dingen mementingken erta lebih asangken Tuhan nge makana dosa. Ibas Pustaka si Badia melala nge kalak bayak si ernalem man Tuhan : Abraham, Raja Daud, Raja Salomo, Job rsd. Adi nina Yesus ibas ayat 25 : “Lebih mudah seekor unta melewati lobang jarum dari pada seorang kaya masuk ke dalam Kerajaan Allah”. Nina pepatah kalak Syam lobang jarum ertina pintu kota sempit seh unta la banci bengket. Adi ate unta bengket, maka harus lebe ipesusur kerina bebanna.Jadi sope kalak bayak bengket ku surga, maka harus nge lebe itadingkenna ertana.

Illustrasi :

Mungkin megati kita erbahan perdalanen ntah pindah tugas. Melala barang-barang siman baban, lanai ieteh kuga mabasa kerina. Si melukah dingen aman, iendesken man ekspedisi, cukup ialoken selembar kertas kitik tanda terima pengirimen. Si la mungkin kita mabasa kerinana, tapi jadi mungkin alu ngendesken man orang si tepat dingen ngaloken selembar kertas saja.

Bage me nai pengalamen DR.John Sung sanga er-P.I. ku Tiongkok Utara perbatasen Rusia. Lit 13 kopor barang-barang man baban, lanai itehna kuga mabasa. Dungna iendeskenna ku gerbong barang kereta api, alu ngaloken selembar kertas tanda terima.

Marilah si pake erta-erta si lit ibas kita guna ngkelengi teman-ta manusia, tandana kita erkeleng ate man Dibata. Bagi ibas kata penaruh 1 Yoh.4:17-21 Kalak si la ngekelengi seninana siidahna, labo tuhu ia ngkelengi Dibata si la idahna.(EP)

Artikel lain yang terkait: