Sermon Pjj Ibrani/Heber 10:25-35, Tanggal 19-35 Februari 2012

Ogen: Heber 10:25-35
Thema : MUSYAWARAH NGAWAN

Tujun

1. Gelah ngawan ni perpulungen meteh sukat-sukat jadi keluarga Dibata
2. Selaku keluarga Dibata ijemba kita erlajar guna ngalemi ras ndungi “Konflik”.
3. Gelah ngawan ni perpulungen ertanggungjawab ibas suksesna perdalinen musyawarah Ngawan

Catatan Sermon

(1) Menurut agenda GBKP Musyawarah Ngawan ilakoken ibas tanggal 25 Maret 2012. Musyawarah Ngawan penting erkiteken:

(A) Amanah Tata Gereja. (1) Rikutken Tata Gereja Bab IV Pasal 21 butir 2.c. salah sada tugas BP Runggun eme “Merencanakan dan melaksanakan Sidang Majelis Jemaat dan Musyawarah Anggota Sidi Jemaat”. (2) Bab V Pasal 31:

1. Musyawarah Anggota Sidi Jemaat merupakan keikutsertaan warga jemaat untuk menggumuli kehidupan Marturia (kesaksian), Koinonia (Persekutuan), Diakonia (Pelayanan) (1 Petrus 2:9-10).
2. Musyawarah Anggota Sidi Jemaat bukan merupakan sarana pengambilan keputusan.
3. Tugas Musyawarah Anggota Sidi Jemaat adalah untuk mendengar laporan perkembangan jemaat dan usul-usul tentang kehidupan Marturia (Kesaksian), Koinonia (Persekutuan) dan Diakonia (Pelayanan) guna pertumbuhan dan pembangunan jemaat.
4. Usul/masukan tentang kehidupan Marturia (Kesaksian), Koinonia (Persekutuan) dan Diakonia (Pelayanan) harus ditampung dan merupakan bahan untuk diputuskan pada Sidang Majelis Jemaat.
5. Peserta Sidang adalah anggota sidi jemaat setempat melalui sistem langsung atau perwakilan dari Perpulungen Jabu-jabu (Sektor) dan Persekutuan Kategorial yang jumlahnya ditetapkan oleh Majelis Jemaat.
6. Sidang ini dilakukan setiap tahun selambat-lambatnya pada bulan Maret dan dipimpin oleh Majelis Jemaat.

(B) Amin gia labo muat kepeutusen, tapi Musyawarah Ngawan eme wadah ija kerina ngawan perpulungen iikutsertaken menggumuli “Tritugas” Gereja eme Marturia, Koinonia ras Diakonia. “Menggumuli” maksudna la saja membahas ras mengevalusi laporen perdalinen perpulungen si ibahan BP Runggun, tapi pe mereken usul-usul ntah masuken-masuken guna pertumbuhen ras perkembangen Gereja/Perpulungen.

(2) Hal-hal penting siperlu isehken/ilaporken ibas Musyawarah Ngawan antara lain:

1. Statistik Perpulungen (Statistik sinimaksud eme data perpulungen: Piga KK, Kuh ras si la nai kuh, Jumlah Jemaat si enggo ngawanken (Mamre, Moria, Permata), Jumlah jemaat si lenga ngawan (remaja, anak kitik), bagepe anak perpulungen si lenge peridiken, rsd.sinianggap perlu guna menerangken statistik Runggun).
2. Data perkembangen jemaat (Data perkembangen jemaat sinimaksud eme: (a) Jumlah anggota tahun 2010 ras tahun 2011; (b) Tubuh; (c) Idilo Dibata; (d) Peridin Kitik; (e) Peridin Mbelin; (f) Ngawanken; (g) Pasu-pasu; (h) Aloken luar PGI; (i) Aloken pengekepen khusus; (k) Pindah keluar; (l) pindah datang; (m) Rst…
3. Laporen ras Evaluasi Koinonia, Marturia ras Diakonia.
4. Laporen Keuangen ras evaluasina.
5. Program tahun 2012.
6. Inventaris Gereja
7. Lampiran-Lampiren.
8. Ras sidebanna siakap perlu ilaporken
   

(3) Lit piga-piga penekanen arah Kata Dibata siman oratenta, Ibrani 10:25-35
(A) Pentingna Persekutuan (Ola la kita reh ku perpulungen).

1. Gelah tetap megegeh, sebab ibas perpulungen lit pertoton, puji-pujin, kata Dibata, sharing saling mpegegehi, rsd. Ilustrasi: bagi api unggun. Adi ranting e ersada, apina gurlah, tapi adi ipisahken la ndekah mate ia. Bagem pentingna bersekutu. Tambah si e pertemuan ibadah/persekutuan ibarat taneh si mehumur nandangi tersemaina kinitekenta, sebab uga gia gegehna kinitekenta tapi adi labo iasuhi ibas persadan ras teman sada kiniteken, sada saat pasti lemah.
2. Emaka tugasta si iahiahen. Piga kali kita ngiahken temanta? Sedekah kita nggeluh, salah sada pendilota eme “siah-iahen”, baik arah kurumah-rumah, ntah arah telepon/HP.
3. Erkiteken Wari kerehen Tuhan, reh me. Emaka arus kita tetap megegeh, tetap erkiniteken. Wari Tuhan e, rikut ras Dogmatikata maka kalak si enggo mate iadili me ia masuk surga ntah neraka, emaka sanga nggeluh me ngenca kesempaten jera ntah tetap erbahan dosa. Erpalasken pemahamen enda maka banci pe ipahami isamping kerehen Tuhan si peduakaliken, eme wari kematenta. Adi sekalak enggo mate lanai lit kesempaten bertobat.
   

(B) Payo, rajin pe ku perpulungen labo jaminen terkelin, adi lalap denga erbahan dosa (sengaja). Ayat 26 tangkas kal ikataken kerna sienda, ija ikataken maka la lit persembahen sideban sibanci nasapken dosa. Kerna sienda, lit sekalak ahli Kitab nulis semacam Katekismus, ija pendungi tulisenna ibanna alu penungkunen: “Apa yang akan terjadi jika manusia tidak mengindahkan tawaran Yesus Kristus?. Jawabnya ialah bahwa hukuman dengan sendirinya akan menimpanya, lebih lagi karena engkau telah membaca buku katekismus ini”. Alu kata sideban reh buane pemetehta kerna Alkitab reh belinna dosa adi la kita nggeluh erpalasken pemeteh e. Eme sebabna keyakinen penulis Heber eme adi menurut hukum sindekah la patuh nandangi undang-undang Musa iukum she mate, maka genduari apai denga kalak si le ngergaken Kristus, ngeri kal …( ayat 28-31).

(C) Arah perikopta enda lit 3 batasen kerna dosa (ayat 29): (a) Dosa eme La ngergaken anak Dibata; (b) Dosa eme simekarus nandangi padan Dibata si enggo mbersihken ia ibas dosa nari; (c) Dosa eme megombang nandangi Kesah Dibata.

(D) Ayat 32-35, penulis Heber ngidah maka simekatep terjadi eme tantangna kita jadi kalak sierkiniteken megegeh kita, amin erbage-bage pencoban reh nderpa tetapi tetap megenggeng (igengkendu alu meriah ukur, ayat 34) sebab lit pengangkan maka lit denga siterulin sitahan rasa lalap. Pengangkan enda arusna tetap gara, tetap nggeluh megegeh ibas kalak kristen guna si menurut penulis Heber hal sipenting ilakoken eme “ULA KITA LA REH KU PERPULUNGEN”.

(4) Sehubungen ras thema “Musyawarah Ngawan, bagi enggo isingetken ibas poin 1 ras 2, maka:

1. Lit kepe tanggungjawab kerina ngawan perpulungen guna ngukuri, mendorong ras ngupayaken segelah reh majuna perpulungen/gereja baik secara kuantitas bagepe kualitas, labo saja kepe tugas pelayan khusus (Pendeta, pertua ras Diaken) ntah pe pengurus-pengurus si lit ibas gereja. Tujunna jelas eme gelah arah reh ulina perdalinen perpulungen si mengacu kubas Tritugas Pendilo Gereja, ngawan perpulungen tetap megegeh ras kedungenna bagi sinikataken ibas Yakub 1:12 “Ketuahen kalak si megenggeng ibas erbage-bage percuban. Sabap kenca menang i bas percuban e, ialokenna me ulih kemenangenna, e me kegeluhen si enggo ipadanken Dibata man kalak si ngkelengi Dibata”.
2. Ngerana kerna Musyawarah Ngawan berarti ngerana pe kerna keadan ras perkembangen perpulungen sehubungen ras dahin Tritugas Panggilen Gereja sinilaporken BP Runggun. Ibas sienda, tentu lit ngenda kelebihen ras kekurangen pendahiken pelayanen e. Emaka tetaplah peserta Musyawarah Ngawan nginget tujun Musyawarah Ngawan e eme uga maka perpulungen ku wari sireh enda reh berkembangna. Alu bage Musyawarah Ngawan labo kesempaten saling menyalahken, tapi saling mpersingeti ras mpegegehi.
   

Pondok Gede, 17 Februari 2012
Pdt.S.Brahmana

Artikel lain yang terkait: