SUPLEMEN BIMBINGEN PA MORIA TGL.10-17 JUNI 2012

Thema : Moria si mehuli
Ogen : Perbahanen Rasul 16:13-15

Catatan:

1. “Kita tahu sekarang, bahwa Allah turut bekerja dalam segala sesuatu untuk mendatangkan kebaikan bagi mereka… yang terpanggil sesuai dengan rencana Allah” (Roma 8:28). Ayat enda banci pe ipahami maka rencana Dibata maun la tersifati kita, emaka la gia bagi ukur sangana terjadi, ula mis erbahan kesimpulen maka kita me siliahna, iukum Dibata kap sangana aku, rsd. Tapi tetaplah erpengendes man Dibata, iaturkenna nge/tuduhkenna nge si terbaik man banta. Perhatikenlah Lidia ibas bahan PA-ta Minggu enda.
2. Ketetapen Dibata erdahin ibas kegeluhen Lidia. Perbahan Kesah Si Badia ngambati Paulus ras teman-temanna meritaken Berita Si Meriah i Propinsi Asia e maka lawes ia arah Perigia ras arah Galati. Kenca seh ia i perbalengen Misia, lawes atena ku Propinsi Bitinia. Tapi Kesah Jesus ngambati ia. E maka lawes ia ku Troas arah Misia (ayat 6-8). I bas berngi e Paulus ngaloken sada pengenehenen. I bas pengenehenen e idahna sekalak kalak Makedoni tedis janah erdilo man bana nina, "Marilah ku Makedoni, sampati kami!" (ayat 9)
3. Lidia labo kalak Makedonia. Asalna eme Tiatira kota kitik I Asia. Ia enggo ngelakoken perdalanen seh ku Filipi I Makedonia erbinaga uis simeherga, ungu rupana. Amin gia ia labo kalak Yahudi (Ia sekalak kalak Yunani), tapi enggo eragama Yahudi. Labo kebetulen, Lidia leben seh I Filipi asangken Paulus. I negeri asing eme Lidia megiken Injil ras bertobat. Ibas sie Dibata enggo merancang kerinana maka e banci terjadi. Bagem kerna kita kerina, kai gia sababna ras dalan-dalanna maka kita jadi kalak Kristen e labo kebetulen, tapi ketetapen Dibata nge e, emaka sisikapilah alu nggeluh bertobat. Sabab adi lang, bene me kita. Kesempaten si enggo ibereken la sisikapi alu mehuli, seh kal kita rugina.
4. Payo rencana Dibata segelah kita kerina terkelin. Guna sie kita harus bertobat. Uga carana maka kita tuhu-tuhu bertobat? Labo kita ngasup erbahansa kita bertobat. Mbue kalak Kristen lenga bertobat teridah arah sikap geluhna. Rajin pe ia ku gereja, ngikuti kegiaten gereja bagi PA Moria enda, tapi teridah arah gaya geluhna ia lenga ertobat. Engkai maka bage? Sabab reh pe ia ku gereja labo tutus atena megiken kata Dibata. Mbue nge diberu-diberu simegiken paulus nuri-nuri kerna kata Dibata, kerna Yesus Kristus, tapi Lidia ngenca ikataken tutus atena megiken kai siikataken Paulus. Emaka iperidiken ia ras seisi jabuna.
5. Ula kita latah ngatakenca maka perbapan eme imam itengah jabu. Perbapan labo iman itengah jabu, sabab la lit ayat ngatakenca e, adi pemimpin payo. Pemimpin ras imam labo seri, emaka ula kita latah melasken maka mamre/perbapan eme imam itengah jabu. Tapi kerina kalak sitek nge situhuna imam. Ibas 1 Petrus 2:9 jelas ikataken sienda: “Tetapi kamulah bangsa yang terpilih, imamat yang rajani (Imam-imam raja), bangsa yang kudus, umat kepunyaan Allah sendiri, supaya kamu memberitakan perbuatan-perbuatan yang besar dari Dia, yang telah memanggil kamu keluar dari kegelapan kepada terang-Nya yang ajaib”. Janah arah kata Dibata siman oratenta ibas PA Moria end ape ijelasken maka Lidia sekalak diberu menjadi pelopor pertobaten kerina isi jabuna. Ise nge iman ijenda?
6. Kita kerina tentu ersura-sura bertobat (Moria si mehuli). Tapi labo tergegehi segelah kita bertobat, Dibata ngenca ngasup erbahansa kita bertobat eme alu italangi Tuhan ukur ras pusuhta. Uga maka seh ku proses bagi Lidia? Sibanci sigegehi eme ula la reh kita ku perpulungen (Ibrani 10:25), emaka usahaken konsentrasi kita megikenca ertina bereken man Kesah Sibadia nalangi ukurta maka sialoken katana. Tandana eme meriah siakap mengiken kata Dibata, labo sebalikna gedangsa siakap usur kalak sikhotbah e, jenari meriah siakap erteman ras kalak si erkiniteken, sienggo bertobat, labo sebalikna (bd.Lidia, ipindona Paulus kesilang ku rumahna).
   

Pdt.S.Brahmana

Artikel lain yang terkait: