Suplemen Bimbingen Pjj tanggal 2-8 September 2012, Perbahanen Rasul 10:27-35

Bahan : Perbahanen Rasul 10:27-35

Thema : “Kerina Kalak Si Tek Bali Iadep-adepen Dibata”

Tujun :

1. Gelah ngawan perpulungen tek ras ertanggung jawab iadep-adepen Dibata
2. Gelah ngawan perpulungen la mbedaken manusia si ijumpaina ibas kegeluhen ras pelayanenna
3. Gelah ngawan perpulungen erlajar ngelai alu ertanggung jawab.
   

Perbahanen Rasul 10:27-35
Ibas perikop enda icidahken kerna keberadaan Petrus :

• Petrus eme sekalak Jahudi si megati ipengaruhi perukuren Kejahudian janah tading i Jope
• Petrus ijadiken selaku Rasul jenari nehken berita SimeriahPerukuren Awal Petrus : Keselamaten eme man kalak Jahudi, jenari ibas perkembangenna terjadi perubahen ibas ia ngaloken pengajaren ibas Kristus (bd. Pengenehenen Petrus (ay. 11-18).
• Pengenehenen Petrus enda mengubahken paradigma perukurenna kerna kalak si berbeda ras ia termasuk kerna keselamaten bagepe hak ndatken pengajaren (bd ay. 34)
• Kekuasaan Dibata mutlak ibas Petrus seh maka ngasup ia mengubah perukuren ras pe pemikirenna kerna nehken berita simeriah.
  

Kornelius

• Ia tading i Kesarea selaku kalak si terhormat
• Ia komandan pasuken Romawi i daerah e.
• Ia labo kalak Jahudi, tapi kalak situtus ndalanken aturen Agama
• Ia dem alu keleng ate seh maka melala kalak musil isampatina
• Tiap wari ia ertoto seh maka ibegiken Dibata pertotonna alu mpejumpaken ia ras Petrus.
• Pemabai Dibata ibas perjumpaan enda guna nehken keselamaten man Kornelius arah pengajaren si payo ibas Petrus nari eme arah petandaken Yesus Kristus si nelamatken.
• Perjuangen Kornelius guna ngaloken keselamaten ilakokenna alu tutus dingen dem alu kiniteruken ukur sebab labo iandalkenna pangkatna selaku komandan Romawi.
  

Arah nats enda banci sibuat piga-piga pengertin guna banci sipakeken ka ibas kegeluhenta ibas jaman enda :

1. Dibata eme dem alu kuasa si ngaturken kegeluhen enda alu mehuli
2. Rancangen Tuhan eme segelah kita ndatken dame sejahtera, jenari ngaloken keselamaten ibas keleng ateNa.
3. Manusia labo erndobahen iadepen Dibata, singertiken man banta maka keleng ate Dibata nandangi kerina manusia gia lit perbedaan sada ras sidebanna
4. Keselamaten labo idatken arah ngelakoken simehuli saja, sebab keselamaten eme pemere / Anugerah Dibata
5. Kerina manusia arus siergan gia lit perbedaan, sebab Dibata ngergai kita gia erbage-bage keberadanta.
6. Kalak sindatken keselamaten eme kalak si nggit ngaloken pengajaren, ertina labo erkiteken kiniliten, jabaten, pangkat rsd.
7. Meriah ukur Dibata ibas kita banci siergaan sada ras sidebanna.
   

Arah gambaren enda banci sirenungken keberadanta ibas jaman enda, melala perbedaan isekelewetta, subuk budaya, bahasa, warna kulit, status sosial, pendidiken bagepe agama, tapi kerina labo mabai kita jadi imbang/musuh. Berkaryalah kita ibas perbedaan e eme alu nehken pengajaren bagi siniajarken Dibata man banta. Banci jadi melala tantangenta ibas kita kelompok si kitik (minoritas), tapi pengajaren Dibata sisehken alu dem keleng ate. Asa gegeh ras ngasupta sicidahken kekelengenta, kerna mengubahken manusia lit ibas Dibata. Ergailah Dibata alu kita pe ngergai teman manusia.

Pdt.Alexander Simanungkalit,S.Th

Artikel lain yang terkait: