Pengelayasi Musyawarah Ngawan GBKP Klasis Jakarta-Bandung Tahun 2013

Man Sinihamati,

BP GBKP Runggun Klasis Jakarta-Bandung

Ibas Ingan masing-masing

Mejuah-juah man banta kerina.

La segejap enggo ka seh kubas agenda kerja GBKP erbahan Musyawarah Ngawan sinilakoken ibas wari Minggu 24 Maret 2013. Erkiteken ibas tanggal 23-24 Maret 2013 Sidang GBKP Klasis Jakarta-Bandung, emaka iarapken kerina runggun menyesuaikensa waktuna, jenari mpersiapken ras ngelakokensa Musyawarah Ngawan enda alu mehuli. Rikutken Tata Gereja Bab IV Pasal 21 butir 2.c. salah sada tugas BP Runggun eme “Merencanakan dan melaksanakan Sidang Majelis Jemaat dan Musyawarah Anggota Sidi Jemaat”. Janah ibas Bab V Pasal 31 enggo iaturken pe kai kin Musyawarah Ngawan, urgensina, bagepe cara pelaksananna eme:

1. Musyawarah Anggota Sidi Jemaat merupakan keikutsertaan warga jemaat untuk menggumuli kehidupan Marturia (kesaksian), Koinonia (Persekutuan), Diakonia (Pelayanan) (1 Petrus 2:9-10).
2. Musyawarah Anggota Sidi Jemaat bukan merupakan sarana pengambilan keputusan.
3. Tugas Musyawarah Anggota Sidi Jemaat adalah untuk mendengar laporan perkembangan jemaat dan usul-usul tentang kehidupan Marturia (Kesaksian), Koinonia (Persekutuan) dan Diakonia (Pelayanan) guna pertumbuhan dan pembangunan jemaat.
4. Usul/masukan tentang kehidupan Marturia (Kesaksian), Koinonia (Persekutuan) dan Diakonia (Pelayanan) harus ditampung dan merupakan bahan untuk diputuskan pada Sidang Majelis Jemaat.
5. Peserta Sidang adalah anggota sidi jemaat setempat melalui sistem langsung atau perwakilan dari Perpulungen Jabu-jabu (Sektor) dan Persekutuan Kategorial yang jumlahnya ditetapkan oleh Majelis Jemaat.
6. Sidang ini dilakukan setiap tahun selambat-lambatnya pada bulan Maret dan dipimpin oleh Majelis Jemaat.

Alu bage dage, amin gia Musyawarah Ngawan enda labo muat keputusen, tapi labo berarti Musyawarah Ngawan e la penting, erkiteken Musyawarah Ngawan eme wadah ija kerina ngawan perpulungen ilibatken guna ras-ras menggumuli “Tritugas panggilen Gereja” eme Marturia (Kesaksian), Koinonia (Persekutuan) ras Diakonia (Pelayanan). Menggumuli maksudna la saja membahas ras mengevalusi laporen perdalinen perpulungen si ibahan BP Runggun, tapi pe mereken usul-usul ntah masuken-masuken guna pertumbuhen ras perkembangen Gereja/Perpulungen.

Guna sie, ibas Musyawarah Ngawan enda hal penting si perlu i laporken antara lain:

1. Statistik Perpulungen (Statistik sinimaksud eme data perpulungen: Piga KK, Kuh ras si la nai kuh, Jumlah Jemaat si enggo ngawanken (Mamre, Moria, Permata), Jumlah jemaat si lenga ngawan (remaja, anak kitik), bagepe anak perpulungen si lenge peridiken, rsd.sinianggap perlu guna menerangken statistik Runggun). 
2. Data perkembangen jemaat (Data perkembangen jemaat sinimaksud eme: (a) Jumlah anggota tahun 2010 ras tahun 2011; (b) Tubuh; (c) Idilo Dibata; (d) Peridin Kitik; (e) Peridin Mbelin; (f) Ngawanken; (g) Pasu-pasu; (h) Aloken luar PGI; (i) Aloken pengekepen khusus; (k) Pindah keluar; (l) pindah datang; (m) Rst…
3. Laporen ras Evaluasi Koinonia, Marturia ras Diakonia.
4. Laporen Keuangen ras evaluasina.
5. Program tahun 2012.
6. Inventaris Gereja
7. Lampiran-Lampiren.
8. Ras sidebanna siakap perlu ilaporken.

Arah litna laporen enda, iarapken peserta Musyawarah Ngawan meteh keadaan perpulungen secara jelas ras transparan alu litna laporen si ipeseh BP Runggun rikut ras evaluasina secara uga litna. Ibas sienda, tentu lit ngenda kelebihen ras kekurangen pendahiken pelayanen e. Emaka tetaplah peserta Musyawarah Ngawan nginget tujun Musyawarah Ngawan e eme uga maka perpulungen ku wari sireh enda reh berkembangna. Alu bage Musyawarah Ngawan labo kesempaten saling menyalahken, tapi saling mpersingeti ras mpegegehi. Jenari segelah banci pe iikuti BP Klasis kerna perkembangen tep-tep Runggun, maka iarapken 1 exemplar buku Laporen Musyawarah Ngawan ikirimken ku Klasis. Bageme isihken kami pengelayasi enda, iarapken kerina Runggun ngelakoken Musyawarah Ngawan tahun enda ibas waktu si enggo itentuken, bagepe segelah sada examplar Laporan Musyawarah Ngawan ikirim ku Klasis..

Pondok Gede, 25 Januari 2013

An.BP GBKP KLASIS JAKARTA-BANDUNG

Ketua			Sekretaris
Pdt.Sabar S.Brahmana,S.Th.,MA			Pdt.Rasmidi Sembiring,M.Th

Artikel lain yang terkait: