Introitus :
usahakenlah ndalanken kai si tuhu-tuhu ngena ate Dibata, nehken tanggung Jawabndu selaku kalak si tek , nehken keleng ate dingen nggeluh alu dame raduken Kalak situtus mindo penampat man Tuhan ( 2 Tim 2 : 22b )
Ogen : Pilipi 2 : 1 – 4; Khotbah : Epesus 4 : 11 – 16
Tema : Tanggungjawab keluarga GBKP ibas kategorial ras unit-unit pelayanen GBKP
Perlebe
I doni enda lit erbage-bage persadan siturah erkiteken kesamaan entah pe keseragaman. Misalna persadan erkiteken sada merga, sada kantor, sada ingan tading, hobby si seri ras sidebanna. Ibas persadan e iaturken kai aturen singerakut kerina anggota subuk ibas kegiatanna bagepe adangenna. Gereja berbeda ras persadan i doni enda sebab gereja eme persadaan kalak si tek man Tuhan Yesus. Singerakutsa eme kiniteken. Paulus ngandingken gereja bagi kinersadaan kula, ija erbage ring-ring irakut, erfungsi rikutken baginna masing-masing tapi kerina ersada. Guna banci perdalanenna mehuli emaka gereja itengah doni enda lit organisasina bagi gerejanta GBKP. Ibas GBKP lit persadaan kategorial GBKP eme wadah pelayanan kategorial guna dahiken tugas panggilan Gereja, eme :
(1) Berdasarken usia ras gender : Ka/Kr ( anak ras remaja ), Permata ( pemuda ), Moria ( kaum ibu),Mamre ( kaum bapak )
(2) Persadaan kategorial profesi : petani, pendidik, medis, pedagang, TNI/ POLRI, penegak hukum Birokrasi
Unit-unit pelayanan GBKP eme :
(1) Unit pelayanan penunjang ( Secretariat umum ) : litbang, secretariat/administrasi, humas ras informasi, hukum dan harta benda, oikumene, penggalian pelestarian dan pengembangen budaya ( BP3B ), pengembangan ibadah dan music gereja, konven GBKP, pengawasan keuangan dan harta benda GBKP.
(2) Unit pelayanan pelaksana ( dibawah koordinasi ketua bidang ) :
- Marturia : PI kedalam, PI keluar, buluh awar mission
- Koinonia : Ka/kr, permata, moria, mamre, kategorial profesi, PPWG, Retreat Center, Pastoral Counseling
- Diakonia :Panti Asuhan GBKP, YKPC Alpha Omega, PPOS ( Panti pelayanan
- orangtua sejahtera ), Yayasan ate keleng, badan pelayanan kesehatan GBKP, komisi
- HIV/AIDS dan NAPZA, program komisi penanggulangan bencana.
- Bidang dana dan usaha : PPWG, RC Sukamakmur, asrama pemuda maranatha, Warta
- Gereja Maranatha, Juma lingga, PT jasa nioga, PT namo tiara, KWK berastagi, took buku
- Abdi karya.
- Bidang personalia/SDM : Pendeta, pertua/diaken, YPK GBKP, biro Theologi
- Bidang keuangan
Pebagesi pengangkan
Ayat 11 : Tuhan mereken erbage pemere-pemere manusia eme : deba ibahanNa jadi Rasul, nabi, perberita si mehuli, mpermakani perpulungen, guru-guru.
(1) Rasul : Sijadi rasul gel-gel ifahami eme ia sipernah ngidah Yesus ntah pe si jadi saksi kerna kekeken Tuhan Yesus ( contoh : ajar-ajar Tuhan Yesus ). Paulus ngataken maka dirina sekalak rasul erkiteken ia pernah ngidah Tuhan Yesus ( 1 kor 9: 1 ). Alu sie maka banci jadi jabaten sebage rasul bene erkiteken seiring perdalanen waktu melala si nggo mate. Dungna ifahami alu la beneken pemahamen sebelumna maka rasul eme : ise singajarken kerna Kristus ietehna kerna Kristus, janah ise si atena nehken kuasa Kristus man kalak si deban maka seharusna ia jine nggo nggejabken kerna kuasa kekeken Kristus ibas geluhna.
(2) Nabi : lit berfungsi sebagai nabi kultis eme nabi sidahiken dahinna ibas rumah pertoton ntah nabi singaturken peribadahan ras sebagai nabi prophetis siernubuat kerna peraten Dibata. Gundari nabi lanai lit bas gereja, erkiteken lit pemahaman ngataken : paksa terjadi penganiayaan bas gereja melala nabi jadi korban guna kiniteken. Seiring perdalanen gereja berkembang secara local emaka organisasi gereja setempat ngaturken pelayanna rikutken aturen administrasina. Lit gereja lanai ngaloken kerehen nabi pengembara erkiteken lit na penyalah gunaan keduduken sebagai nabi guna kepentingen pribadi enda me simegati igelari nabi palsu.
(3) Perberita si mehuli ( evangelis ) : sindahiken dahin erberita simeriah alu mengembara. Megati igelari sebagai Misionaris. Misionaris eme tenaga gereja si berstatus penyebar-penyebar injil ku ingan-ingan si lenga ijangkau berita simeriah.
(4) Sipermakani perpulungen ras guru-guru : sindahiken dahin pelayanan tetap tading itengah-tengah perpulungen la mengembara. Berfungsi sebagai gembala ( pendeta/pastor ). Ia me singajari perpulungen kerna kata Dibata, gelah perpulungen banci nggeluh nandai Dibata ras nggeluh rikutken singena ate Dibata.
Ayat 12-14 : ibereken Tuhan pemere-pemere sipelain-lain e guna sikap ndahiken dahin pelayanen majekken kula Kristus. Mpermakani perpulungen jadi persadan siteguh ibas Tuhan. Istilah bahasa Yunani si ipake paulus ijenda eme Katartismon ( asal kata Katartizein ) ibas dunia kedokteran ertina : menyambung yang retak ntah pe namaken mulihi ku bas inganna. Alu pengertin enda banci sifahami gereja erguna ngajari dingen mabai kalak ku bas pengajaren Tuhan, geluh ibas kiniteken sidewasa lanai bali ras doni enda, la mesukah ijole-joleken pengajaren si papak. Tujun sideban pe uga gereja banci nehken pelayanen erdalan alu mehuli. Gereja la terjeng ngerana secara teori tapi harus ngelakoken pelayanan secara praktis. Tugas gereja membangun karakter-karakter sibaik labo erbahan kekacauan. Gereja lit ibas dame labo perubaten. Gereja harus ersada labo perpecahen. Gereja banci jadi teladan simehuli man sekelewetNa. Gereja mencerminken kristus ibas geluhna.
Pengkenaina
Gereja iibaratken Rasul Paulus bagi kula. Ibas kiniersadan kula melala ring-ring, sada ras sidebanna ersada la lit si sirang. Gereja harus ratur, kerina bagin erfungsi alu fungsina dingen erfungsi alu mehuli. Gereja banci nggeluh alu mehuli adi kerina bagin-bagin gereja e nggeluh alu mehuli : Permatana nggeluh, moria nggeluh, mamre nggeluh, Ka/Kr nggeluh. Gereja la hanya nggeluh tapi pe harus turah dingen ertambah. reh dewasana secara kiniteken, rajin lanai man iah-iahenken lalap tapi nggo jadi singiah-ngiahi. Tambah nterem rusur pulung. Terjadi persadan si lebih mehuli, pelayanan lebih mehuli. Labo gel-gel lalap pertumbuhen gereja tapi semakin maju ibas kerina dampar unit-unit pelayanan. Gereja pe harus lalap ibangun ibas kekelengen siertambah, banci tergejab kehadiran gereja itengah-tengah keluarga ras masyarakat. Ibas pekan keluarga berngi pe-VI ken enda iajuk kerina keluarga-keluarga GBKP muat bagin ertanggung jawab guna memajuken kategorial ras unit-unit pelayanen GBKP. Sebagai contoh tentu mehuli siakap adi ibas sada jabu lit bapa tutus ku mamre, nande tutus ku moria, anak-anak ku Ka/kr ras permata. Kerina anggota jabu muat bagin ibas persadan siniaturken gereja. Itengah jabu geluh ibas perdamen la lit si rubat-rubat, anak-anak pe ratur kegeluhenna. Tambah si e muat bagin nehken pelayanen ibas ibas baginna masing-masing : lit jadi pengurus, lit jadi pemain music gereja, lit jadi tenaga sukarelawan ngaturken soundsistem ras sidebanna. Persadan gereja GBKP banci nggeluh adi ibas kerina bagin sikitikna ibas gereja GBKP pe nggeluh eme kerina keluarga-keluarga GBKP. Keluarga-keluarga GBKP turah ibas kedewasaan kiniteken, terus berubah jadi lebih baik labo gel-gel saja, bersekutu lebih baik melayani lebih baik. GBKP lalap ibangun bertambah labo hanya gedungna tapi ibas kekelengen alu bage enterem kalak ertedeh ate pulung ras banci jadi pasu-pasu man sekelewetna. Amin
Pdt Karvintaria br Ginting, STh
GBKP Rg Cijantung-
HP: 08126359640
0 komentar:
Post a Comment