Pengelayasi Program Tahun 2015 GBKP Klasis Jakarta-Bandung

Man sinihamati kami, 

BP GBKP Runggun/Bajem se-Klasis Jakarta-Bandung

ibas ingan masing-masing

Mejuah-juah ,

Arah surat enda isehken kami pengelayasi ntah pe catatan-catatan siman pandang-pandangen ibas erbahan program tahun 2015 erpalasken prioritas program “PENINGKATAN SOSIAL EKONOMI, BUDAYA JEMAAT”.

(1) Iarapken maka Runggun/Bajem erbahan program tahun 2015 erpalasken prioritas program tahun 2015 eme Peningkaten Sosial Ekonomi ras Budaya.

(2) Program siniban erpalasken PME (Program Monotoring & Evaluasi)*

(3) Sue ras GBP GBKP Tahun 2010-2015, secara khusus menyangkut prioritas program tahun 2015, Runggun/Bajem banci erbahan program:

• Pembinaan. Tahun 2015 enggo imulai Pasar Bebas Asean si igelari AFTA (ASEAN Free Trade Area). AFTA enda arus isikapi alu meningkatken kualitasta ibas ngelakoken kai pe usahanta segelah ngasup bersaing, misalna masalah kebersihen binagata, ingan usahanta, sikap ras cara ngelai sinukur ntah langganen, rsd.
• pekarangen si lit alu nuan kebutuhen dapur bagi lacina, sere, bawang, rsd. Sehubungen ras sienda banci ibahan program ngelitken bibit lacina si enggo turah I polybag. Bibit enda isediaken alu gratis man perpulungen. Perpulungen tading nikapken pot ras tanehna gelah isuan ije. Ngelitken bibit lacina, bawang, sere, rsd enda banci kerjasama ras Dinas Pertanian.
• Menginventarisir usaha-usaha si lit itengah-tengah jemaat, misalna: usaha catering, si erbinaga gallon air minum, gas, rsd. Jenari iban buku pintar si risiken daftar anggota jemaat siperbinaga, catering, rsd ilengkapi alamat, nomor telepon/HP segelah adi ngawan perpulungen si membutuhken banci ihubungina. Banci pe ngawan perpulungen, misalna si beluh erbahan arsik, tasak telu, rsd. itama ku buku pinter e ntah pe itamaken ku momo/mading segelah adi lit jemat si merincuh arsik, tasak telu, rsd. banci pesanna.
• Informasi lapangen kerja alu membangun jejering guna ndatken informasi ras menginformasikenca man jemaat baik arah momo, mading, bagepe website Runggun.
• Menyediaken modal alu erbahan koprasi, CU/CUM ibas Runggun. 
• Sehubungen ras budaya: Banci ibahan program pelatihen landek, ertutur man KA-KR/Permata, Seminar adat man jemaat, mbabai percakapen ibas acara adat (maba belo selambar, nganting manuk, kerja adat, ibas kalak mate, rsd).
• Rsd.

Bagendame banci isehken kami pengelayasi ntah pe cataten siman pandang-pandangen ibas erbahan program tahun 2015 erpalasken prioritas program tahun 2015.

Gede, 22 Juli 2014

BP GBKP KLASIS JAKARTA-BANDUNG

Ketua,                                                              Wkl.Sekretaris,

Pdt.Sabar S.Brahmana,S.Th.,MA                             Pt.Eddy Temanta Keliat

Artikel lain yang terkait: