Tertib Acara Mbuka Kunci Rumah

TERTIB ACARA MBUKA KUNCI RUMAH

 

Acara i Kesain Rumah

      -  Rende PEE 5:1,2

(1)   Meriahlah ukurta mujikenca

Dibata Raja mbelin si mulia,

Peblinken min gelarNa si Badia,

Ban Ia ngerajaisa sinasana.

Refrein:
Maka bujur nge Dibata man pujin,
Nai-nai nari genduari seh pagin,
Ban tandaiNa kita k’rina sisuin
sembah Ia me madin.

(2)  Dagena mari pujilah Dibata      
Si inget min kerina pemereNa            
'Lah tetap ras megegeh pe tendinta     
Mehuli me jadina krajang jelma (Reff)

-  Ertoto …..

  

Mbuka Kunci Rumah

1       Pengakun Simada Rumah

L   : Begiken jenari aloilah penungkunen si kusehken bandu si mengket rumah enda :

1)    Tek nge kam man Dibata si sada Bapa, AnakNa Yesus Kristus ras man Kesah si Badia ?

2)    Tek nge kam bagi si tersurat ibas Pustaka si Badia, maka doni enda ras kerina isina, termasuk Rumah enda pe Yahwe kap empuna ?

3)    Erpadan kam man Dibata, maka ipakeken kam rumah enda guna nehken si ngena ateNa ?

ADI TUHU BAGE ATENDU, NINDULAH:

                                 “TUHU BAGE ATEKU”

Ialoi si mengket rumah: “TUHU BAGE ATEKU"

2       Ngendesken Kunci

(Simada rumah ngendesken kunci man Pendeta)

3      Pendeta Nalangi Pintun Rumah (nina):

Alu kekelengen ras perkuah ate dibata, rumah enda ibereken man bandu guna i iani ras ipakeken kam gelah reh gegehna kam nehken singena ateNa. IBAS GELAR DIBATA BAPA, ANAKNA YESUS KRISTUS RAS KESAH SIBADIA. AMIN

4      Rende  PEE 78: 1, 2, 3

1)    Labo erkiteken beluhku

Labo erkiteken pentarku

Tapi perbahan penampatNdu

Mbelin tergejap bas ngasupku

2)    Labo erkiteken dahinku
Labo erkiteken pangkatku
Tapi perbahan perkuahNdu
Malem ateku tuhu-tuhu

3)    Labo erkiteken ertangku

Labo erkiteken Bayakku

Tapi perbahan pemerendu

Pasu-pasuNdu simpar tuhu.

(Tupung rende, pendeta nalami sukut simengket rumah, jenari perpulungen ngarakkenca).

Kebaktin Ibas Rumah

 1.  Votum   : Kebaktin mbuka Kunci Rumah Riandy Hagai Sembiring enda ibenaken i bas gelar Dibata Bapa, AnakNa Yesus Kristus ras Kesah Sibadia.

 2. Salam  : Penampat man bandu reh ibas Yahwe nari, sinepa langit ras doni, singkawali perberkat ras permulihndu genduari nari seh rasa lalap. Amin.

Perp          : 1  7  6  5   1  7  6  5   4  3  2  1

                     A.....min,   A.....min,   a.......min

3.  Introitus       :

   “Percuma kap encari alu latih erdahin, lampas medak dingen melawen tunduh. Sabap TUHAN mereken rejeki man kalak si ikelengiNa, tupung si ikeliniNa sangana tunduh” (Masmur 127:2)

4.  Rende KEE  204:1,2

1)    Kata ni Dibata seh kal e perluna bas geluh enda.

Ogelah pustaka je Ia ngerana man banta krina

Gegeh ibas geluhku, kataNdu situhu-tuhu

Ras pasu-pasuNdu

2)    Kata ni Dibata, e jadi senjata, bas geluh enda

Lawanlah musuhta, la arah gegehta, ipemenangna

Tetap kal ukur kami, la lit kebiaren nari

Tuhan sinampati.

          5.  Nehken Kata Dibata: 

          6.  Pengakun Kiniteken                             

7.  Nehken Persembahen:                     

     Rende: PEE 103:1-Kol.

(1)    Simpar Tuhu pemereNdu

JujurkenNdu kap man bangku

Ermengkah kal me ukurku

La ku lupa lias ateNdu

Refrain:
AlokenNdu o Tuhanku
Persembahen anakndu
Usekenlah pasu-pasu
Peteguhi perpulungenNdu

(2)    Benih si isuan kami
E pe kap i bas Kam nari
KuasaNdu mahanca turah
KuasaNdu mahanca erbuah (Ref:...)

(3)   BreNdu kami kepentaren
G'lah nirangken kepapaken
Ajar kami kebujuren
Maka pinter ka perukuren (Ref:...)

8.  Pertoton Syafaat & Persembahen

9.  Rende: PEE 95:1,2                               

1)    O, Tuhanku Kam kap Permakanku

Emaka la kekurangen aku

Ku mbal-mbal mrahtah aku babaNdu

I pesenang-senangNdu geluhku

Refrein:
Permakanku sinjayam geluhku

Malem ateku senang tuhu

KelengNdu tetap maler man bangku

Kam me Tuhanku, Permakanku

2)    IteguNdu kempak lau si maler

IbahanNdu ateku nggo malem

E maka tedeh ate tendingku

Kempak kegluhen si sikapkenNdu (Ref…)

10.  Pertoton Tuhan

11.  Pemasu-masun

          L      :   PERKUAH ATE TUHAN YESUS KRISTUS, KEKE-LENGEN DIBATA BAPA RAS KEREMBAKEN KESAH SIBADIA RAS KAM KERINA GELAH. AMIN.

   P     :    5  .  6  .  5  .  6  .  5  .  4 .  3

               A  min    A  min    A .......  min

Artikel lain yang terkait: