Suplemen Bimbingen PJJ Tanggal 19-25 April 2015, Ogen Mazmur 128:1-6

Ogen: Masmur 128:1-6

Tema: Jabu Si Sempabu (Harmonis)

Tujun:

• Gelah ngawan ni perpulungen meteh erti jabu si sempabu

• Gelah ngawan ni perpulungen ngasup ncidahken jabu si sempabu ibas kegeluhenna

Secara umum KItab Masmur ncidahken man banta kerna kerina lingkup perasaan ras pengalamen manusia, mulai bas depresi si mberat sinialamina seh ku keriahen ukur si meluap-luap. Kerina enda berakar pada peristiwa-peristiwa tertentu, tapi labo ibatasi waktu. Mazmur, ende-enden pujin bas Padan Si Ndekah (Perjanjian Lama), si merupaken himpunan lima kitab:

Kitab I: pasal 1-41; Kitab II: pasal 42-72; Kitab III: pasal 73-89; Kitab IV: pasal 90-106; Kitab V: pasal 107-150. I bas pendungi setiap bagin (misalna 41:14; 72:18-19) lit jeda ije si ibahan alu tanda “doksologi” (pujian formal man Tuhan Dibata). Ogenta ibas bahan PJJ si sendah enda masuk ibas kelompok kitab pelimaken ras pe i berdasarken isina Masmur 128:1-6 enda masuk ku bas kelompok ende-enden kepentaren (nyanyian ziarah-memaknai perjalanan hidup) kerna uga kegeluhen kalak si erkemalangen man Tuhan. I jenda pemazmur nuriken secara khusus kerna uga kin jabu kalak si erkemalangen man Tuhan, ulih ibas ia erkemalangen man Tuhan e kepeken banci si teridah ibas kegeluhen jabuna.

Adi sungkuni masing-masing kita, pasti setiap jabu (keluarga) ersura-sura maka kegeluhen jabuna e sehat ras berhasil. Berhasil i jenda menyangkut arti “sempabu” (harmonis) si identik kel ras “bahagia, rukun, damai sejahtera, sukacita ras pe sehat mejuah-juah”. Tapi keharmonisen e labo banci reh entahpe tercipta dengan sendirina. Harus lit upayanta guna meraih entahpe najdiken jabunta jadi jabu si sempabu (harmonis). Keharmonisen keluarga labo banci i tukar entah i tukur alu materi, tapina harus i bangun arah “kemauan yang tulus” dengan “membayar harga”. Melala si i dah fakta enterem kalak si mengalami keberhasilen bas pendahinna, keuangen-materi si mapan, karir-jabatan, ras sidebanna, tapi la i datna keberhasilen/keharmonisen i bas jabuna. Uga carana kita meraih keberhasilen/keharmonisen ibas jabu ras pasu-pasu e pe banci maler ku bas keluarganta?

(Ay.1-2) Prinsip dasarna eme erkemalangen man Tuhan, e ulihna kesangapen (kebahagiaan). Perbulangen jadi kepala keluarga, jadi imam keluarga, pengayom; bagepe ndehara jadi penolong, pendidik, pengasuh keluarga (bd. Amsal 31:10-31). Erkemalangen man Tuhan berarti ngerana kerna “skala prioritas” si benar ija perbulangen, ndehara ras anak-anak harus ngelakoken tugas ras fungsina masing-masing alu benar. Skala prioritas ras fungsi enda ndai labo banci i tukar-tukar (ay.4). Perbulangen engkelengi ndehara, ndehara tunduk (tidak mendominasi) nandangi perbulangenna. Tambah si e, bas kita ngataken erkemalangen man Tuhan tentu banci teridah ibas sikap si lit ibas kita nandangi pasangenta ras isi jabunta. Sikap si utama kel si i butuhken ibas mencapai keberhasilen/keharmonisen keluarga eme:

(1) Saling “memahami” (erpengangka ras erpengagak).

Perlu kel lit bas kita kerna si enda. Kerina isi jabunta harus min banci saling memahami. Labo terjeng kita saja ngenca ateta i pahami kalak, kit ape harus nggit ras mampu memahami kalak si deban (isi jabunta terutama). Harus ka si persada pemahamennta ras isi jabunta kerna prioritas hidup, kesempurnaan hidup, dan kenyataan hidup.

Kerna prioritas hidup, kerina isi jabu harus memahami prioritas hidupnya alu benar. Skala prioritas hidup si benar eme: Tuhan sebagai yang utama, selanjutna keluarga, pekerjaan, pelayanen ras si terakhir kel diri sendiri (la banci itukar-tukar urutenna). Banci membagi waktuna alu benar bas kegeluhen masing-masing anggota keluarga mbabai keharmonisen keluarga (sebab banci si bagi waktunta antara erdahin, istirahat, berolahraga, beribadah, melakukan refreshing ras si debanna).

Kerna kesempurnaan hidup, masing-masing anggota keluarga harus memahami bahwa kegeluhen manusia labo lit si sempurna. Emaka masing-masing kita harus siap ngaloken kekurangen sada ras sidebanna, la membanding-bandingken. Perbulangen-ndehara, orangtua-anak, mertua-menantu pasti lit nge kerina kekurangen, kelemahen, keterbatasen, bahkan kegagalen entah pe kelepakenta masing-masing. Tapi si jelas lit kang kelebihenna. Manusia mekatep kel ngenehen kekurangenna asangken kelebihenna (bagepe nandangi kalak si deban). Tuhan nggit ngaloken kita uga litna kita, emaka harus ka pe kita bagi Ia.

Kerna kenyataan hidup, la banci kita menutup mata ibas kinata si lit bahwa dalam setiap keluarga tentu banci turah konflik/perbeben. Tapi uga responnta kerna si e? berpikiran positif entah negatif nge kita? Konflik/perbeben geluh wajar terjadi sebab bage kin ia orat geluh. Konflik (si terjadi akibat perbedaan pendapat/perpektif/pola piker) misalna wajar kel banci terjadi sebab manusia i tepaNa “unik” sada ras si debanna, labo bagi “robot” si enggo terprogram dengan pasti. Ula rusur kita ndarami kesalahen entahpe saling menyalahkan, tapi saling mengalah ras menanggapi sa alu pikiren positif gelah tercipta tetap hubungen si sehat seh ngadi pendungina. Bangun komunikasi dua arah. Ibas komunikasinta pe si pakelah kata-kata si membangun ras mbaba dame (Matius 5:9). Hindari kata-kata kasar, menyudutkan entah melecehkan si banci menimbulkan sakit hati. Asa bancina, mari jadi “pendengar” yang baik, ija lit paksana kita ngerana lit ka paksana kita mbegiken kalak si ngerana. Si hargai temanta ngerana e (Yakobus 1:19).

(2) La Mementingken Diri Sendiri/Egois

Kinata kerna kegeluhen manusia eme sebagai makhluk sosial ngertiken man banta mutlak kel kita perlu kalak si deban (perbulangen perlu ndehara, anak-anak perlu orangtua bagepe sebalikna) guna saling melengkapi, saling ngajarken, saling membangun (1Korinti 12:20-26). Emaka i jenda iperluken banyak introspeksi, evaluasi ras koreksi diri.

(ay. 5-6) Mari si bangun pemahamen si benar ras si endesken kegeluhenta ku bas teruh perkuah ras keleng ate Tuhan gelah tercipta kerukunen, kedamaian, kesejahteraan, sukacita ras kebahagiaan jabu nta. Sehat mejuah-juah kita seh ku kesusurenta (kempu-kempunta) ras jabunta pe banci jadi pasu-pasu nandangi kalak si deban.

Cataten:

Ay.3: pohon anggur ras pohon zaitun eme lambang kedamen ras kelimpahen-simpar pasu-pasu Tuhan.

Pdt. Andinata Ginting Munthe

GBKP Rg. Palangka Raya

Diskusi (Bagi si enggo iban ibas Bimbingen PJJ GBKP):

1. Kai nge siakap ertina erkemalangen man Tuhan? Bereken contohna ibas kinata kegeluhen.
2. Kai-kai saja siakap genduari tantangen jabu si erbanca banci lanai jabunta e jadi jabu si sempabu/ janah kai si ban maka jabunta tetap sempabu?

Artikel lain yang terkait: