Liturgi Pelantikan Pengurus Perpulungen Jabu-jabu (PJJ)

LITURGI PELANTIKAN PENGURUS PJJ GBKP

O Senina ras turang, ijenda tedis senina/turangta si enggo terpilih jadi Pengurus perpulungen jabu-jabu …………….. GBKP Runggun ……………………………….. Periode ……………seh………………….

Genduari sisehken dahhin enda man bana.

Man bandu si terpilih jadi Pengurus perpulungen jabu-jabu ……………………….. Isingetken lebe man bandu aturen dahin ibas kam ndahiken kepengurusen Perpulungen Jabu-jabu. Dahin e erpalasken ku bas Pustaka Sibadia sinaksiken maka Dibata simada dahin e eme Dibata sidem kiniraturen. Pengurus Pjj muat bagin I bas dahin gereja eme: Persadan, Kesaksin ras Pelayanen. Guna kiniulin ras kiniraturen dahin e ilitken Pengurus Pjj. Dahin pengurus Pjj eme:

a.    Ngelakoken ras engkoordinir dahin persadan, kesaksin, pelayanen ras perduiten.

b.    Erbahan evaluasi, koordinasi ras komunikasi ras Pertua/Diaken Pjj.

c.    Ikut Musyawarah Sidi

Kerina enda lit ibas pengaturen/koordinasi Runggun Gereja. Guna sie gejapkenlah maka dahin enda eme dahin si iendesken Dibata man bandu.

1. Jagai dirindu, dingen jagai pe kerina kalak si enggo itetapken Kesah si Badia man kepkepenndu. Permakanilah perpulungen Tuhan si enggo itebusiNa. (Perb. 20:28).
2. Ola meganjang ukurndu, ola erpenalem pe i bas kebayaken si la erketentun, tapi erpenalemlah i bas Dibata, si mereken man banta kai perlu i bas geluhta. (Bd. I Tim. 6:17).
3. Si erdahin Dibata, erdahin ia alu kinibujuren, alu kiniulin, alu pemeteh ras kepentaren, alu ate saber, alu penampat Kesah si Badia, alu keleng ate si tuhu-tuhu, alu meritaken berita si tuhu-tuhu, janah alu gegeh si rehna i bas Dibata nari. (Bd. II Kor. 6:6-7).
4. Dage ersinalsallah min terangndu i lebe-lebe kalak si enterem, gelah adi idahna perbahanenndu si mehuli, ipujina Dibata Bapandu si ni isurga (Mat. 5:16).

Genduari enggo ibegindu kerna palas ras dahin pengurus Pjj dingen si e Dibata jine simereken gegeh ras kepentaren man bandu ndahiken dahin e.

Emaka iendesken dahin e man bandu.

“ADI TUHU BAGE ATENDU, NINDULAH:

TUHU BAGE ATEKU”

Ibas gelar Runggun GBKP …………… ilantik kami me kam:

Si ……………………………………… (oge gelarna/Merga/beru ras jabaten sekalak-sekalak) jadi pengurus Pjj ………………………………….

IBAS GELAR DIBATA BAPA, ANAKNA YESUS KRISTUS RAS KESAH SIBADIA. AMIN.

(Isalami sada-sadai iher ngogeken):

“Emaka Tutuslah atendu ndahiken dahin Tuhan sabab la kap sia-sia siidahikenndu ibas Tuhan”.

Kata Pengendesen man Perpulungen (Si ilantik ngala ku Perpulungen)

O Senina ras turang, alokenlah Pengurus Perpulungen Jabu-jabu enda, pehaga dingen totoken kami ia gelah megegeh ras mbiar ia man Dibata ibas ndahiken dahinna.

Rende       : ……………………………….

Ertoto       :

Rende       :  ……………………………… (Nehken Persembahen)

Artikel lain yang terkait: