Khotbah - Renungan Kebaktian Minggu tanggal 29 November 2020, Mazmur 24:7-10

KEBAKTIAN MINGGU TANGGAL 29 NOVEMBER 2020
MINGGU ADVEN 1

Invocatio :
"Tetap min kam erbenting kibul dingen ersinalsal pe lampundu” (Lukas 12:35)
O g e n : Lukas 12:35-40; Khotbah : Mazmur 24:7-10
Tema   :
ERSIKAPLAH! BENGKET ME RAJA MULIA

 

Renungen …

Perpulungen sinikelengi Tuhan Yesus, Raja kemuliaan si isingetken ibas bagin kata Dibata si jadi khotbah ibas Minggu enda, eme symbol sekalak raja si mbelin (ayat 10). Dia ialah Tuhan, jaya dan perkasa, Tuhan Perkasa dalam peperangan (Tuhan si mbisa, Tuhan si permenang I bas perang). Pemazmur menggambarken Raja Mulia e mbisa, si la pernah kalah ibas peperangen. Kai nge makna kehadiren Raja si bage? Tentuna labo soal bangga saja, tapi terutama petetap ukur, erbahan tenang, erbahan dame amin gia mbue musuh sekelewetna la nai ia mbiar sabab enggo hadir  itengah-tengahna raja si mbelin, raja si mbisa, raja si la enggo pernah kalah ibas peperangen e.

Ibas konteks kegeluhen kalak Israel jaman Pemazmur enda eme ija ia ikelilingi musuh-musuhna, eme bangsa si lit I sekelewetna. Janah ibas jaman e ise simegegeh ia me penguasa ras engkuasai, ia me si rate-ate. Emaka kegeluhen ibas kondisi ntah keadan si bage tentu usur lit perasan la tetang, perasan khawatir, la dame ras sidebanna. Erkiteken si eme maka bangsa enda metedeh nandangi kerehen sekalak pemimpin si luar biasa si banci mimpin bangsa e naluken musuh-musuhna ntah paling tidak musuh-musuh si lit e la nai pang gasgasi ntah pe erperang ras bangsa Israel.

Ibas konteksta genduari tentu lanai jaman perang secara fisik, tapi sisedari ntah lang situhuna mbue erbahansa kita ikuasai perasan la nyaman, perasan mbiar, aru ate, la tenang, la dame ras sidebanna. Engkai? Sabab situhuna mbue nge musuh-musuhta baik arah darat dirinta nari bagepe arah bas dirita nari. Arah darat nari misalna bagi siterjadi paksa genduari si erbahansa kita kerina mbiar eme pandemic covid 19 ntah pe virus corona, virus enda desken musuh si mehantu si la teridah tapi maba dampak si luar biasa sebab la saja memporakporandaken perekonomian doni enda tapi pe maba kematen, lenga ka masalah sideban si erbahansa aru ate, mbiar ras erguapa ndia kerna soal masadepan usaha ras pendahinta, anak-anakta baik persekolahenna, perjabunna ras sidebanna, bagepe musuh arah bas dirinta nari bagi perasan minder,  keterbatasenta, bahken nginget kematen si la tersilahken tuhu-tuhu erbahansa jelma mbiar, erugapa ndia ras sidebanna. Janah salah sada musuh si she kal luar biasana eme kuasa dosa si erbahansa la saja mate secara fisik tapi pe mate si rasa lalap. Eme sababna Raja Mulia, Tuhan si mbisa, Tuhan si permenang si nimaksud Pemasmur eme nubuaten kerna kerehen Yesus Kristus sebagai mesias, sebagai juruslamat membebasken manusia ibas kuasa dosa nari.

Uga maka banci lit itengah-tengahta Raja si Mbelin, Raja Simulia, eme Tuhan si mbisa ras sipermenang e? Ibas ayat 7 ikataken “angkatlah pintu gerbang sinuria maka bengket Raja Mulia”. Enda ertina langkah sipemena eme angkatlah pintu gerbang, labo mbuka pintu gerbang. Kai bedana ngangkat ras mbuka pintu gerbang? Payo sama-sama tujunna gelah la lit hambaten bengket ku bas kuta ntah pe benteng e. Saja cara ras perjuangenna berbeda. Adi mbuka pintu gerbang, kenca buka ntah talangi enggo dung lanai membutuhken tenaga, santai saja nimai she bengket Raja ras rombongenna e, tapi beda adi ngangkat pintu gerbang. Disamping membutuhken tenaga si mbelin guna ngangkat pintu gerbang e (apai ka adi pintu gerbang e galang ras iban ibas kayu si meteguh), perlu pe kinigenggengen tetap ngangkatsa. Tentuna la e saja I iperluken ibas ngalo-ngalo Raja Mulia e, tapi si la kalah pentingna eme arus tetap erjaga-jaga gelah katawari pe reh Raja Mulia e mis sigap ntah stanbay ngangkat pentu gerbang e.

Adi si kaitken ku bas kegeluhenta genduari eme banci ikataken pusuhta enda desken pintu gerbang e. Perlu iangkat mbukasa ertina isamping ersikap tetap erjaga-jaga alu dem ketedehen ngalo-ngalo kerehen Raja Mulia e, arus ka lit upaya ngangkat pintu gerbang e gelah bengket Raja Mulia e. Memang erjaga-jaga ntah ersikap ngalo-ngalo kerehen Raja Mulia e bagepe ngangkat pintu gerbang e labo pendahin si gampang, sabab ije membutuhken kesabaren, kesetian ras pe perjuangen. Perjuangen ningen e erkiteken naluken natur dosanta e la gampang eme sura-sura dagingta, bagepe perjuangen kesabaren, ketekunen kesetian gelah katawari reh Raja Mulia e gelah mis siangkat pintu gerbangta gelah ia bengket ku bas pusuhta.

Bagem temata Minggu Advent sipemena enda eme ERSIKAPLAH! BENGKET ME RAJA MULIA. Advent ibas bahasa Latin Adventus ertina kerehen (kedatangan). Emaka ibas masa Advent iertiken waktu persikapen ngalo-ngalo kerehen Tuhan eme Yesus Kristus. Tentuna masa Advent enda lit dua tujunna si pemena eme persiapen ngalo-ngalo perayan Natal sinilakoken kita setiap tahun bulan Desember, bagepe sekaligus terus-menerus mpersingeti kita gelah tetap ersikap nimai kerehen Yesus Kristus sipeduakaliken ntah pe Advent sipeduaken. 

Ngerana kerna persikapen mperingeti ntah merayaken Wari Natal tentuna labo soal lahiriah siniutamaken bagi soal baju, soal man, ergendang ras sidebanna tapi soal pusuh si idemi keriahen ras pengataken bujur man Dibata erkiteken peristiwa kerehen Yesus Kristus selaku Mesias I bas masa si enggo lepas. Terlebih ibas masa pandemic covid 19 bagenda, perayan ntah peringeten Natal e labo arus kita pulung meriah-riah bagi ope jaman pandemic covid 19, tapi pe banci si cidahken keriahen ras pengataken bujurta e arah nehken donasi, ntah nampati aksi social si ibahan gereja ntah kelompok masyarakat Kristen I sekelewetta ras sidebanna si ncidahken keriahen ras pengataken bujurta. Terlebih si la kalah pentingna eme upaya mbersihken pusuh adi lit denga kin lenga erdame ras kalak sideban, baik antar komponen jabu: bapa, nande ras anak-anak, antar keluarga, antar sapih-sapih anggota jemaat bagepe ras ise saja. Alu bage masa advent enda tuhu-tuhu erbahansa kita ngasup mperingeti ntah ngerayaken Natal uga arusna, ras sekaligus mpersingeti kita gelah tetap ersikap ngalo-ngalo kerehen Yesus si peduakaliken.

Minggu enda pe ibas gerejanta GBKP Tiban ilakoken acara ngawanken kenca anak-anakta ngikuti katekisasi siniaturken gerejanta. Gelah she kubas acara ngawanken enda tentuna membutuhken perjuangen eme arah ngikuti setiap pelajaren alu tutus ras mencapai target kehadiren, jenari arus lulus pe ibas ujian baik tulisen bagepe lisan. Tapi semua ini bukanlah akhir perjuangan, tapi merupakan awal perjuangen yang sesungguhnya. Sebab setiap orang yang sudah dingawanken atau sudah diangkat sidi berarti sudah menjadi jemaat dewasa yang mempunyai hak dan tanggungjawab dewasa pula yang seterusnya memposisikan diri sebagai permata yang kehadirannya menjadi berkat baik ditengah keluarga, gereja dan masyarakat, bukan sebaliknya, sebab seorang yang sudah di ngawanken harusnya orang yang dapat dipercaya, juga melakukan setiap pekekerjaan dengan sungguh-sungguh dan bertanggungjawab. Dia orang yang menyenangkan, lemah lembut, ramah dan takut akan Tuhan.

Selamat pe man bandu orang tua si enggo berhasil memenuhi perpadanendu waktu anakta enda iperidiken, maka kam rutang ngepkep ia alu tutus, ngiahken ras naruhken ia ku bas pengajaren kerna Kata Dibata gelah itandaina Tuhan Yesus.

Dage mari kita kerina ibas masa advent enda silakoken persiapen ngalo-ngalo perayan ntah mperingeti Natal ras sekaligus mpersingeti kita pe gelah tetap erbenting kibul bagi si isingetken ibas invocation ras ogenta ibas ngalo-ngalo kerehen Yesus sipedua kaliken. Amin.

Artikel lain yang terkait: