RENUNGAN - KHOTBAH MINGGU 8 MEI 2022 - Minggu Jubilate (Ersuraklah)

KHOTBAH MINGGU 8 MEI 2022

Invocatio:

Nterem kal jelma ngikutken Jesus. I je nterem kalak si penakiten ipepalemNa (Matius 19:2)

O g e : 1 Raja-raja 17:17-24; Khotbah: Perb. Rasul 9:36-43

Tema:

ENTEREM KALAK SI TEK MAN TUHAN

Perbahanen 9:36-43 eme turi-turin uga Petrus ajar-ajar Yesus ncidahken kuasa arah pertoton  pegeluh kalak si enggo mate si tergelar Tabita (belkih beru-beru) I kuta Jope.

Kai si ilakoken Petrus eme sue ras kai si ikataken Tuhan Jesus maka man ajar-ajarNa ibere kuasa pepalem pinakit, pelawes setan ras pe pegeluhken kalak si mate pe (bd. Markus 3:15, Lukas 9:1, Matius 10:7-8).

Bagepe si isuratken ibas pengogen 1 Raja 17:17-24 eme turi-turin uga nabi Elia pegeluhken anak diberu balu kalak Sarpat.

Simenarik arah khotbah ras pengogen eme ternyata kalak si sierkiniteken, kalak s imbue ngelakoken simehuli I bas paksana mate ka nge bagi Tabita janah diberu mbalu Sarpat enggo ngelakoken simehuli nandangi nabi Elia tapi toh anakna sakit ras mate. Tapi si membedakenca eme kematen Tabita enterem kalak si ermorah ate bahken si ersiniatip ndilo Petrus si sangana I Lida la ndauh I kuta Jope ingan Tabita lako reh ku rumah tabita. Janah kerehen Petrus maba kuasa pegeluhken tabita. Bagepe anak diberu mbalu I Sarpat e arah pertoton Elia man Dibata nggeluh mulihi.

Bagepe si tole menarik man banta arah invocation eme kalak si enterem singikutken Yesus e, pepalem Yesus pe pinakitna. Enda ngataken maka la saja kenca mate ndatken kegeluhen si rasa lalap upah ngikutken Yesus e tapi pe ibas ndalani kegeluhen I doni enda selaku ajar-ajar Tuhan, tetap kita isampatina, icidahkenNa kuasana man banta arah mulahi pebeben si lit. Emaka ula aru ateta, ula mbiar ndalani kegeluhen enda. Inget kita anak-anak Tuhan kap.

Relevansi kata Dibata enda sue ras tema “Enterem kalak si tek man Tuhan” eme:

• Kerina ajar-ajar Tuhan/kalak si enggo tek man Tuhan Yesus enggo lit kuasa ibas ia guna pepalem kalak sakit, pelawes setan ras pegeluhken kalak si enggo mate sue ras kai si ikataken Yesus ibas matius 10:7-8.
• Arah kuasa si lit ibas ajar-ajarna ertujun gelah reh belangna berita simeriah, gelah enterem kalak si tek man Tuhan.
• Bagepe cidahkenlah kinitekenta arah perbahanen si mehuli bagi tabita, bagi Janda I Sarpat. Kalak si bage amin gia lit perbeben tetap nge isampati Tuhan, ipulahi Tuhan sabab kuasa Tuhan Yesus ngelebihi kuasa kai pe si lit ibas doni enda bagepe kuasa kematen.
• Kita eme ajar-ajar Tuhan Yesus berarti kita pe surat-surat Kristus si daci ioge kalak arah kerina pengkebetta (bd. 2 Korinti 3:2-3). Penungkunen: enggo me arah kegeluhenta enterem kalak si tek man Tuhan? Ntah sebalikna erkiteken kita/keluarganta reh dauhna kalak tek man Tuhan Yesus. Ula kari bagi kesaksin E. Stanley Jones kerna Mahatma gandhi engkai maka la (Mehatma Gandhi) la jadi kalak Kristen padahal usur mengutif kata-kata Tuhan Yesus. Reh nina Mahatma Gandhi: Saya suka Kristus anda. Tapi saya tidak suka dengan orang Kristen anda!!!

 

Pdt. S. Brahmana

Artikel lain yang terkait: