Kotbah: 1 Timotius 2:1-5
Sada hal silabanci lalit ibas kalak sierkiniteken eme ertoto. Ertoto eme kesah/nafas kalak Kristen. Adi kita nggeluh la ibas pertoton maka situhuna kegeluhenta hanya secara fisik nggeluh tapi secara pertendin/iman mate. Bagem pentingna pertoton ibas geluhta silabo banci sitadingken. Pertoton eme perjumpaan (ibas percakapen) kita ras Dibata, emaka ertoto labo perlu ikarang-karang gelah ntabeh megisa saja, tapi pertoton eme ungkapen hati/perukurenta siipeseh man Dibata. Pertoton e labo ipeseh guna mindo saja, tapi pe ungkapan syukur, pengakun, pemindon, penyerahen diri, rsd.
Ibas kita ertoto perlu pe pemahamennta guna mpedauh sikap egois, ertina kita terjeng ngukuri dirinta saja/ertoto guna kita saja. Gia iperluken pertoton secara pribadi, tapi perlu pe ibas pertotonta ibaba kalak sideban. Pertoton sie enggo icidahken Kristus maka Ia pe ertoto guna manusia segelah ersada (Introitus). Ibas Pekan doa si pe-5 ken enda ibabai ka kita kubas pertoton syafaat si iertiken kita ertoto guna kalak sideban.
Pendalaman Nats
Ogen Yeremia 29:7-14
Kerusuhen siterjadi i Babel tahun 594 mabai turah upaya-upaya pemberontaken i Babel, janah piga-piga nabi (Ahad bin Holaya ras Zedekia bin Maaseya) pe ikut mabai “hasuten” guna kalak ikut ibas pemberontaken man Babel. Pemberontaken enda maba ukumen siseh kel beratna man kalak Yahudi sierbanca melala kalak iukum mate. Ibas kecibal sibagenda me Yeremia mpeseh suratna man kalak sitading denga guna mempersiapken diri tading i Babel, nggeluh ras berkarya i Babel janah ertambah-tambah ibas jumlah pe. Sada hal sipenting siipeseh Yeremia eme kerna bangsa e ertoto man Tuhan guna kesejahteraan Babel. Tentu hal simberat kel ilakoken bangsa e erkiteken pengalamen siitindas penguasa Babel. Tapi enda ipeseh sebab kesejahteraan Kota Babel e jadi kesejahteraan sitading ije. Unsur penting ibas pikiren Yeremia : eme kesejahteraan man kerinana janah banci nggeluh sikeleng-kelengen alu meneken kegeluhen ernembeh ate. Ide enda banci sihubungken ras kai siikataken Yesus : “Kelengilah imbangndu” (Mat. 5:43-48). Pemikiren Yeremia enda mabai kita nggeluh guna ertoto nandangi kalak sideban gia ia ernembeh ate man banta (imbangta), ertoto kerna penguasa gia banci jadi melala siakap labo pas ibas situasi siterjadi.
Ibas 1 Timotius 2:1-5
Enda bagin nasihat Paulus kerna “Ertoto nandangi kerinana”. Nasihat Paulus enda ilatarbelakangi situasi litna ajaren sesat ibas kalak Jahudi bagepe gnotisisme singertiken maka keselamaten terjeng man sada bangsa saja. Arah nasihat Paulus enda ibabai perukuren kerna Dibata simereken keselamaten selaku Dibata si universal. Lit 6 hal siituriken Paulus kerna sie:
- Sifat ras kekelengen Dibata selaku penyelamat
- Keesaan Allah selaku penyelamat situhu-tuhu man manusia
- Yesus sebagai pengantara Dibata ras manusia
- Tujun Dibata eme menyelamatken kerina manusia
- Tujun Dibata ibas penggenapen janjiNa
- Peran dirina (Paulus) sebage pengajar non Jahudi
Ibas nasihat Paulus enda: ngelakoken sapaat man Tuhan subuk ibas pemindon, pengataken bujur man Dibata, pertoton guna raja-raja/penguasa, erkemalangen man Dibata janah nggeluh dame arah lagu langkah sipayo.
Arah nasihat Paulus enda banci siidah bentuk pertoton e:
1. Pemindon kerna kebutuhen siiperluken,
2. Pemindon secara umum
3. Pemindon ibas kininggiten ras ukur ersuruh ibarengi labiar-biaren
4. Pengataken bujur ibas jawaben doa.
Pointer Aplikasi
1) Dibata erkeleng ate man kerina manusia. Keleng ateNa e ncidahken maka ia selaku Dibata si universal nandangi kerina manusia. Pengertin enda mabai kita nggeluh guna sikeleng-kelengen nandangi kerina manusia, janah salah sada bentuk kongkrit kerna sie eme kita muat bagin ibas notoken kalak sideban. Sebab kesejahteraan manusia secara umum jadi kesejahteranta kerina. Malem ateta adi malem ate kalak janah susah siakap adi susah akap kalak sideban. Ula sebalikna...
2) Bagin-bagin siperlu tetap ibas pertoton syafaatta :
- Kita ras keluarganta (1 Timotius 3:4-5, 12)
- Senina turangta ibas sada kiniteken (gereja) (Lukas 22:31-32; Yak 5:16)
- Gerejanta/jemaatta (Kol. 1:3-11; 1 Tes. 5:17)
- Serayan Tuhan (Efe. 6:18-19; Ibrani 13:18)
- Pemerintah ras negaranta (Roma 13:1-4; 1 Tim. 2:1-4)
- Kerina imbangta/musuh (Mat. 5:43-44; Roma 8:27-28)
3) Melala pergumulen ibas gerejanta bagepe gereja-gereja sideban itengah-tengah bangsanta. Kuasa Doa mabai kita guna saling menopang sada ras sidebanna. Kuasa Doa njadiken kita tetap megegeh ibas ngalaken tantangen.
4) Bangsanta ibas erbage-bage situasi ras kondisi simegati labo bagi ukurta. Melala kange pemimpin-pemimpinta si mempimpin labo bagi arusna bagi singena ate Tuhan, tapi kita pe ertanggung jawab tetap notokenca segelah lit perubahen ibas bangsanta ku lebih mehuli. Jangan putus asa.
5) Doa yang benar bukan hanya mengaminkan doa itu tapi juga melakukan doa itu. Tupung pertotonta guna kiniulin, maka kita perlu lebe tetap ncidahken ras nggeluh mehuli, lihatlah akan terlihat kekuatan doa itu yang mengubahkan... Amin
Catatan tambahen ibas sermon
6) Jemaat ipersingeti segelah tertinggel-tinggel kerna situasi siterjadi imasyarakat (baik arah TV, Surat kabar, rsd) segelah isehkenna pe pertoton syafaat. Sebab eme salah sada pendolo man banta kerina selaku perpulungen ni Tuhan, ertoto syafaat.
Pdt.Alexander Simanungkalit, S.Th
GBKP Runggun Bekasi-Galaxi; HP: 081386498009
-----------------------------------------
DISKUSI : (Iban Moderamen)
- Kai sibanci idalanken gereja ibas ndalanken pedah Tuhan “erdahinlah guna kiniulin kota-kota...” (Jeremia 29:7a) ras ”ertoto guna raja-raja...” (I Tim.2: 1-2). Turiken ras ban contohna !
- Kita isuruh ertoto, kai nge siperlu ibassa ? Gedangna ntah gendekna totonta ntah isina siperlu? Uga arusna ?
- Adi lalap turah rasa curiga di antara kita (misalna masyarakat curiga man pemerentah sikorup, sicurigai ka pe temanta korupsi erkiteken metersa siakap ia bayak ras sidebanna.), ngasup nge kita ertoto alu bulat ukur suasana lit rasa curiga? Uga arusna sikap ngawan gereja? Diskusiken!
0 komentar:
Post a Comment