Khotbah: Mazmur 66:19-20
Pendahuluan
Kerina kita enggo pasti ersura-sura segelah pertotonta ibegiken ras isehken Dibata. Tapi simekatep jadi eme pertoton siiseehken kita e, deba enggo ijabab Dibata, mbuen ka lenga. Erkiteken buen si lenga terjabab, terlebih si lenga terjabab eme siakap sipentingna, mekatep sienda erbahansa turah kebimbangen, penungkunen kerna eksistensi Dibata lit ntah lang, keleng ntah lang ate Dibata, rsd. Apai ka adi siakap kita enggo bujur, enggo mbue erbahan simehuli, rajin ngikuti kerina kegiaten gereja, persepuluhen pe enggo menda ilakoken setiap bulan, rsd, pikiren ras penggejapen sibege banci reh kelekna. Hal si enda wajar-wajar saja. Ise pe kita, pikiren ras penggejapen si bage banci saja turah, saja sikelek-keleken ras sidekah-dekahen. Ngkai maka bage? Banci mbue jababna. Tapi ibas simbue e akap kami eme erkiteken lenga kita seh ku level erkiniteken. Kita memang enggo kalak kristen, kita memang enggo igelari kalak si tek, tapi lenga seh kubas level erkiniteken. Tek ras erkiniteken akap kami labo seri[1]. Kalak si tek lenga tentu erkiniteken, tapi kalak si enggo erkiniteken enggo pasti kalak sitek. Erkiniteken eme kalak si enggo ngasup mpercayaken dirina/kegeluhenna man Dibata secara total. Artina kinitekenna e iikuti alu pengendesen nggeluh sitetap setia ngelakoken ras ngaloken kai pe peraten Dibata. Sebalikna kalak si tek saja. Alu kata sideban kalak si enggo erkiniteken ngasup ngaloken la gia bagi ukurna secara positif. Endame si enggo icidahken Yesus Kristus man banta paksa ia ngenanami kiniseran. La ia jungut-jungut, idalanina kegeluhenNa alu tetap setia ngelakoken ras ngaloken kai pe peraten BapaNa. Puncakna eme paksa ia i Taman Getsemane. Payo secara kemanusianNa ipindona adi banci ula min mentas calung e arah Ia, tapi kesadaren spiritualna melampaui kemanusiaaNya sierbahansa ngasup tetap erkiniteken simbabai Ia kubas pengangkan maka kai pe sura-sura Bapana eme si mehulina emaka nina “peratendu jadilah”. Bage ka pe rasul Paulus. Amin gia sura-surana la seh eme enggo totokenna telu kali gelah pinakit si lit ibas daging kulana iangkatken/ipepalem Dibata, la erbahansa turah pikiren negatif nandangi Dibata. La urak kinitekenna, sebalikna reh gegehna pe[2]. Payo secara konkrit la isehken Dibata bagi pemindon Paulus, tapi la berarti pemindon Paulus la ijabab Dibata. Eme siniangkai paulus. Igejapken Paulus lit sura-sura Dibata si terulin arah la isehken Dibata pemindonna e. Bage gia, labo ka payo adi sigeneralisasi kai siterjadi nandangi Yesus bagepe Paulus, sebab ibas bagin sideban pustaka sibadia pe ngataken maka ibegiken Dibata nge pertotonta, khususna kai si isaksiken pemasmur ibas nas khohbah pekan keluarga berngi pemena enda.
Pebagesi Nas
Kata Dibata siman oratenta ibas Pekan Doa si pemena enda eme Mazmur 66:19-20. Gelah reh jelasna man banta nasta enda, mehuli adi sioge mulai ayat 16 nari. Judul perikopta enda eme ende-enden pengataken bujur. Adi sihubungken ras nasta maka inti pengataken bujur labo saja kepe persembahen pengataken bujur, tapi pe kesaksin kerna perbahanen Dibata[3].
Alamat kesaksin pemasmur enda itujuken man kerina kalak sierkemalangen man Dibata, eme kalak si tek kempak Dibata si “mehantu kal perbahanenna i tengah-tengah manusia” (ayat 5). Kesaksin e banci ibagi dua. Pemena eme kesaksin pemasmur kerna pengalamen nini pemasmur (bangsa Israel) si enggo ipulahi Dibata ibas perbudaken Mesir, khususnya kejadin ija lawit teberau/merah jadi kerah ibahan Dibata segelah bangsa Israel erdalan arah e ngepar, alu bage ipulahi me bangsa Israel ibas musuh singayaki ia eme raja Mesir ras tentarana[4]. Sipeduaken eme kesaksin pribadi pemasmur sendiri kerna Dibata si isembahna eme Dibata simegiken pertoton ras sierkelengate man bana. “Enggo ibegiken Dibata aku, ialokenNa pemindonku” nina pemasmur (ayat 19). Maksudna jelas, eme segelah arah kesaksinna kerina bangsa Dibata banci pe muji-muji Dibata bagi si ilakoken pemasmur.
Arah nasta enda, pemasmur pe mbukaken rahasia ntah pe tips uga maka pertotonna ibegiken Dibata. Ibas ayat 18 eme rahasiana. Nina pemasmur “Bicara aku ersura-sura erbahan si jahat, ugapa pe TUHAN la nggit megiken pertotonku”. Endame si mekatep silupaken. Siakap ugapa pe kondisi pusuhta, Dibata tetap nggit megiken pertotonta. Arah kata Dibata si niorati kita paksa enda kepeken e la benar. Pusuh si la bersih, pusuh si ilum-lumi dosa denga, kitik ntah galang, sitik ntah mbue, kepeken eme si ngolangi pertotonta seh man Dibata. Kerna sienda jelas pe isingetken ibas kitab Yesaya 59:1-2 “Ola akapndu maka kurangsa gegeh TUHAN lako ngkelengi kam tah pe paseksa akapndu Ia lako ndengkehken sorandu erlebuh. Erkiteken dosa-dosandu nge maka la idengkehkenNa kam. Dosa-dosandu nge si nirangken kam ras Dibata”. Adi siterusken sioge Yesaya 59:3, jelas ije maka la kepe munuh (ngamburken dareh) ngenca erdosa tepi pe kerina bentuk kejahaten, bagepe melasken guak ras tipu. Payo la kita munuh, tapi mekatep mesera siakap nguasai babahta gelah la erbual, la cekurak. Janah kedungenna sianggap e biasa-biasa saja. Tapi la kepe bage pengidah Dibata. Si e kerina seri bahayana ras dosa simbelin si erbahansa la idengkehken Dibata pertotonta.
Kebersihen pusuhta pe tergantung ka kai ateta si pindo si lit ibas pusuh ras pikirenta. Sebab la sisadari mekatep ka kita terjebak kubas erbage-bage pemindon si labo kal perlu manbanta, sipindo kai simemuasken sura-sura daging si erbahansa erdauhna kita ras Dibata. Emaka motivsi ibas nehken pemindonta penting kal siperdiateken. Bagi si ikataken ibas Jakub 4:3 “Janah adi ipindondu la idatndu, sabap erkiteken tujunndu la mehuli; kai si ipindondu guna pesenangken dirindu saja ngenca”. Implikasi pusuh sibersih arusna erbahansa kita metenget nandangi kai si ipindo kita. Emaka pusuh sibersih arusna erbahansa kita ngasup mindo sue ras peraten Dibata, labo sue ras peratenta guna memuasken sura-sura dagingta si seh kal buena e. Alu kata sideban, ertoto erpalasken pusuh sibersih berarti reh ngadap Tuhan alu pusuh si dem keleng ate, pengampunen, pertobaten, ras alu meteruk ukur (tulus) nehken pertoton man Dibata sue ras peratenNa, maka banci ipastiken pertotonta ras puji-pujinta ibegiken Dibata.
Pointer Aplikasi
(1) Pertoton eme ercakap-cakap ras Dibata. Arah pertoton me si belasken ntah pe sisehken sura-suranta/pemindonta. Payo Dibata meteh kai pe siperlu man banta, tapi kita isuruh segelah ertoto mindo man baNa. Engkai maka bage? Sebab tandana kita anak-anak Dibata eme lit hubungenta, komunikasinta ras ketergantungenta man Dibata. Ibas Dibata kap rehna pasu-pasu, emaka pindolah man bana arah pertoton sibelasken. Themata: Ibas Toto Kubelasken… Peratendu Jadilah! Artina ibas kita nehken pertoton sisadari maka banci kap la payo/la sera pemindonta e, pemindonta e adi isehi labo mbaba kiniulin man banta emaka erpalasken pengangkan si bage alu meteruk ukur nintalah PeratenNdu Jadilah. Tek kita Dibata nge lebih ngangkai kerna simehulina man banta[5].
(2) Banci saja lit pertotonta lenga ibegiken Dibata. Kerna si enda si sitikna lit 5 alasen engakai maka bage.
- Erkiteken la alu pusuh sibersih sisehken pertotonta e (Masmur 66:18). Alu kata sideban banci erkiteken lit denga dosanta (Yesaya 59:1-3), motivasinta la payo akap Dibata (Jakub 4:2-4).
- Lit roh-roh jahat si ngolangi, emaka kita arus megenggeng ibas ertoto ras erpuasa bagi Daniel. Ula lemah ras gampang menyerah (Daniel 10:12-13; bd.Efesus 6:12)).
- La tek maka Dibata ngasup ngelakoken tanda sengget/mujizat man banta (Markus 6:2-6a)
- Paksa Tuhan lenga seh (Yohanes 2:1-4)
- Erkiteken petembil ras sura-sura Dibata (1 Yohanes 5:14).
Catatan tambahan ibas sermon:
(3) Kai kin sienggelu ibas Paulus maka ngasup ia ngaloken lagia ibegiken Dibata pertotonna? Erkiteken anugrah keselamaten si enggo lit ibas ia lebih asa kai pe, eme simehergana iakap paulus, oge epe Filipi 1:21.
(4) Ertoto bagi kita datas perahu, labo pelabuhen sitarik reh ku kita tapi perahu erlayar ku pelabuhen. Melabuhken sura-suranta ku pelabuhen Tuhan.
(5) Kita manusia labo sempurna. Dibata nge sempurna. Emaka keputusen Dibata nge si mehulina. Adi siikutken kata Tuhan ituntunna kita kubas sura-suraNa, janah bagi siikataken ibas Yeremia 29:11, sura-sura Dibata nandangi kita eme mereken simehuli.
Pdt.S.Brahmana
Jl.Jatiwaringin Raya No.45/88 Pondok Gede
HP: 0816502242
DISKUSI : (Iban Moderamen)
- Gargari, kuga sikapta nandangi pertoton selama enda, pernah nge sihubungken ras isi pusuh ras perukuren si lit i bas kita ?
- Kai si ban sebagai latihen, gelah pertotonta mpengaruhi (mengkoreksi) sikap moral ras perbahanenta si tep-tep wari ?
----------------------------------------
[1] Ilustrasi: Seorang akrobatik membentangkan seutas tali melintasi air ter-jun Niagara. Ia berteriak-teriak mempromosikan keahliannya bahwa ia sanggup untuk berjalan di atas talr tersebut. Orang-orang mulai berkumpul makin lama makin bertambah banyak. Kemudian ia me-mulai akrobatnya berjalan pelan-pelan di atas tali itu. Penonton me-nahan napas menyaksikannya. Setelah sampai di ujung yang lain-dengan selamat, penonton bertepuk tangan memberikan sarrvbutan. -
"Terima kasih!" kata akrobatik, "Apakah saudara percaya bah-wa saya dapat kembali ke ujung sana dengan membawa kereta dorong ini?" Tanya akrobatik sambil mengambil kereta dorongnya.
"Percaya... Percaya...!" teriak sebagian besar penonton.
Dan benar, ia sampai di ujung sana dengan selamat juga. Penon-ton pun menyambutnya dengan tepuk tangan yang meriah.
"Terima kasih, sekarang saya akan memberi beban pada kereta dorong ini, apakah saudara percaya saya dapat melakukannya?" ta-nya sang akrobatik.
"Percaya... percaya!" jawab sebagian penonton.
"Nah siapa yang berani duduk di kereta dorong ini?"
Semua terdiam, tidak ada yang menjawab karena resiko yang di-akibatkan oleh kesalahan akrobat adalah kematian. Tidak ada se-orang pun yang berani, ketika sang akrobat turun dan bertanya, banyak mereka yang menolak dengan banyak alasan. "Maaf, saya punya penyakit jantung! Maaf, istri saya menunggu di rumah! Maaf, saya sudah terlalu tua! Maaf saya tidak tahan!" dan masih banyak lagi alasan.
Akhirnya ada seorang pemuda yang mau dan menyerah. Pemuda itu naik ke kereta dorong dan dimulailah akrobat yang menegangkan itu. Sementara orang-orang berbisik, "Siapakah, anak yang berani itu?" Selidik punya selidik, akhirnya ketahuan bahwa anak itu tadi adalah anak daripada tukang akrobat itu. "Pantas kalau begitu," desis mereka.
Dan ternyata berhasil, semua memberikan tepuk tangan & sam-butan yang meriah.
Anak itu tahu kemampuan Bapanya. Demikian juga kita sebagai anak-anak Allah tidak ada alasan untuk tidak menyerah dan memper-cayai kemampuan Bapa kita yang di surga.
"Janganlah takut sebab Aku menyertai engkau, janganlah bim-bang sebab Aku ini Allahmu, Aku akan meneguhkan bahkan ine-nolong engkau; Aku akan memegang engkau dengan tangan ka-nanKu yang membawa kemenangan " (Yesaya 41:10)
[2] 2 Korinti 12:7-9
[3] M.C.Baerth & B.A.Pareira, Tafsiran Alkitab Mazmur 42-89. Jakarta: BPK Gunung Mulia, 1989, hal.155
[4] Ayat 5-6; bd. Keluaren 14:13-31
[5] Ilustrasi: Seorang wanita yang hanya mempunyai seorang anak berkata kepada istri pendetanya, "Saya tidak berani untuk berkata kepada Tuhan 'kehendakMu yang jadi' karena saya takut Tuhan akan meng-ambil anak laki-lakiku satu-satunya dan juga memberiku pencobaan-pencobaan yang berat!"
Mendengar hal itu temannya menjawab, "Seandainya anakmu datang kepadamu dan berkata bahwa anakmu ingin melakukan apa saja yang ibunya inginkan", apakah engkau akan berfikir; "Nan ini-lah kesempatan supaya segala pekerjaan saya digantikannya. Saya mau memberi pekerjaan yang berat baginya, supaya ia tidak dapat bermain di luar hari ini?"
"Oh., tidak," kata si ibu, "tentu saja saya akan memberinya pekerjaan yang dapat dikerjakannya."
"Apakah engkau berpikir bahwa Tuhan yang penuh kasih itu tidak mempunyai hati yang lebih baik dari hatimu?" tanya wanita itu lagi.
"Yah, sekarang saya mengerti!" jawab si ibu.
Kita sekarang tidak perlu lagi kuatir untuk berkata "kehen¬dakMu yang jadi, Tuhan". Segala sesualu yang datang dari Tuhan tidak pernah mecelakakan anakNya tetapi justru mendatangkan berkat.
"Jadi jika kamu yang jahat tahu memberi pemberian yang baik kepada anak-anakmu, apalagi Bapamu yang di surga!...." (Lukasll:13).
0 komentar:
Post a Comment