Khotbah Kejadian 12:1-9, Pekan Penatalayanan, Senin 17 Januari 2011 (Wari II)

Introitus :
O Tuan mari ngadi lebe janah singgah ku rumahku. Berelah maka aku ngidangi kam (Kej. 18:3)

Ogen: Heber 11: 17-19; Khotbah: Kejadian 12:1-9

Tema:
"Spiritualitas Abraham"

Kata Perlebe
Spiritualitas ibas cakap Inggris nari spirit ertina roh, kesah, gegeh, ntahpe semangat. Jadi Spiritualitas Abraham eme semangat Abraham ibas ndalanken kinitekenna = Bapa kalak sierkiniteken. Spritualitas banci iidah arah kegeluhen tep-tep vvari (pengerana ras perbahanen= kesalehen= ketutusen ersembah=kekelengen=erbahan mehuli bd. Introitus Kejadian 18:3,Abraham ngalo-ngalo temuena alu seh ulina.
Contoh: ibas bimbingen Spiritualitas uskup Smirna si pang ngelawan pemerintahen ras mpertahanken kintekenna man Jesus alu ngataken: "Sedekah 86 tahun aku enggo erdahin guna Tuhan, Tuhan Yesus la pernah erbahan la mehuli man bangku. Kuga ningku danci mersoken ras enghina Tuhan Yesus si enggo nelamatken aku. Pang ia mate mpertahanken kinitekenna.

Pembahasen Nats Kejadin 12:1-9.
1. Bahan khotbah Kejadian 12:12-19 banci siabaiken alu alasen:

• aLa terterangken tema ras bahan.
• Bahan bimbngen la nuduhken ku nats 12:12-19 (pembahasen ras diskusi)
• Penguraian bimbingen pas ku Kejadian 12:1-9

2. Bahan renungan 12:1-9

• Ay. 1-2 Tadingkenlah kutandu ( Kade-kadendu, rumah bapandu) ku ja Dibata negu-negu (heber 11:8). Perdalanen langsung Dibata simabaisa. Ibas kepatuhen Abram ia nddatken janji sinursur jadi bangsa simbelin, pasu-pasu, gelar terberita janah jadi pasu-pasu man kalak sideban. Pendilo man Abram eme sirang ras kuta, ras bangsa, ras rumahna, jadi bangsa si asing. Janah enda jadi prinsip maka kita idilo guna nirangken hal-hal si jadi penghalang ibas rencana Tuhan.
  
• Ay. 3 Jadi pasu-pasu man kerina bangsa-bangsa. Ayat enda nuduhken pasu-pasu pertendin ibas sunursur Abraham nari. Janah tugas jadi pasu-pasu pe seh man man banta. Ibas Padan Simbaru enggo igenapi (Matius 7:12).
  
• Ay. 4- 7 Abram patuh sue ras perintah Tuhan. Patuh ia, nadingken rumah ras kutana, tek nandangi pengasuhi Dibata.
  
• Ay. 7-9 Tuhan encidahken dirina man Abram janah- Tuhan nuduhken taneh perpadanen. Taneh sinituduhken Abram eme kanaan gelar kuno guna Palestine Abram penyembah Tuhan; i Sikhem ipajekkenna batar-batar ingan ersembah man Tuhan janah i Betel ibahanna batar-batar pe rsembahen man Tuhan.
  

Pointer Aplikasi:
1) Gelah banci Spritualisme Abraham jadi sikerajangennta, arus sitingkatken kepatuhennta man Tuhan Dtoata. Pedah 10, Matius 22:37-40 ras pengakun kiniteken arus teridah ibas kegeluhen tep-tep wari. Adi nai secara langsung Dibata nemani Abraham, genduari kita ibas enggo ngaloken Tuhan Yesus, itemani Kesah Sibadia, simerekn gegeh man banta maka kita banci ras ngasup patuh Man Tuhan Dibata.

2) Tandana kita patuh man Tuhan, mbue si la ngena ate Tuhan siarus ibuang ibas kita nari. Silangena ate Tuhan eme sura-sura-sura daging (dosa = ngelakoken si ilarang Tuhan ras la ngelakoken si iperentahkenNa).

3) Kita arus jadi penyembah Tuhan sisejati (Roma 12:1-2), alu bage banci me kita jadi saluren pasu-pasu/ berkat man kalak sideban. Kenca dun sada-sada dahin mis kataken bujur man Tuhan, arah pertoton, muji Tuhan ras nehken pengataken bujur. Cth. Ibas enggo taruhken Tuhan prdalanen, mis ngataken bujur, puji Tuhan.

4) Man kalak si enggo ngaloken pasu-pasu Tuhan labo berarti tanpa masalah, mungkin saja lit masalah ras perbeben tapi banci ibentasi perbeben e. Kita jadi kalak pemenang labo kalak si talu. Perbeben ras permalahennta asa ngasupnta ngenca kita muat bagin ndungisa, selebihna Tuhan sendiri ndungisa ( Roma 8:20,1 Korinti 10:13).

Cileungsi, 11 Januari 2011
Pdt. R. Sembiring STh.

Artikel lain yang terkait: