Introitus:
“Emaka kerina bangsa Israel ngarakken Peti Perpadanen e seh ku Jerusalem alu surak-surak simeriah, ngembus terompet ras tanduk bage pe malu ceracak, ras ngkuit kulcapi (I Kronika 15:28)
“Emaka kerina bangsa Israel ngarakken Peti Perpadanen e seh ku Jerusalem alu surak-surak simeriah, ngembus terompet ras tanduk bage pe malu ceracak, ras ngkuit kulcapi (I Kronika 15:28)
Ogen: Esra 3:1-6; Khotbah: Perbahanen Rasul-rasul 12: 6-17
Tema:
Menuju Ibadah Kontekstual ibas GBKP
Menuju Ibadah Kontekstual ibas GBKP
Kata Perlebe
Kata ibadah ras kontekstual arus tangkas man mbanta. Kata ibadah (lbadat) eme ibas bahasa Arab nari siertina:
Kata ibadah ras kontekstual arus tangkas man mbanta. Kata ibadah (lbadat) eme ibas bahasa Arab nari siertina:
- Perbuatan atau penyataan bakti kepada Allah atau Tuhan yang didasari peraturan agama.
- Segala usaha lahir bathin yang sesuai dengan perintah agama yang harus dituruti oleh pemeluknya.
- Upacara yang berhubungan dengan agama.
Kata kontekstual berhubungen ras situasi, tempat, waktu, ras lingkungan. Jadi ibadah kontekstual eme ibadah sibanci ierti/pengangkaan si lebih jelas, alu bage ibadah e lanai asing man perpukungen/ anggota GBKP. Ibadahnta arus lit luah perpulungen. Perpulungen la banci reh, kundul , mulih la maba kai pe. Searusna perpulungen mulih ibas ibadah nari lit semangat, tekad, ras pergegeh gelah reh ngasupna geluh bagi si ngena ate Tuhan.
Alu bage ibadah ibas pengertin tema eme: perjumpaan kalak sitek man Tuhan (ekklesia = kalak si idilo ibas gelap nari ku bas terang, ibas kematen nari ku kegeluhen = iserapken ibas doni enda nari selaku sikerajangen Dibata Heber 10:25). Persadan kalak si tek (akrab sapih-sapih kalak si tek bagepe akrab ras Dibata = band. Hubungen ibas kula si melala ringringna, entah hubungen perpulungen selaku mempelai perempuan Kristus = I Kor. 6:15,16). Kalak si akrab eme kalak si lit ibas hubungen si mehuli. Kalak si lit ibas hubungen si mehuli lit ibas ia kekelengen. Kakak si lit ibas ia kekelengen lit ibas ia pusuh si nggit megiken ras erbahan simehuli.
Kegeluhen Ibadah jemaat GBKP la terjeng ibas rumah ibadah saja tapi arus teridah ibas kegeluhen si tep-tep wari (Roma 12:1), teridah ibas hubungen sangkep geluh, ibas kerja-kerja, ibas pendahin, cara rukur, pengerana ras perbahanen. Sienda tujunna eme guna pemuliaken Tuhan Dibata ( Matius 5: 13-16 jemaat bagi fungsi sira ras terang).
Pembahasen Nats Perbahanen Rasul-rasul 12:6-17
(1) Ibas ayat 5 ayat sope nats khotbah perpulungrn tutus ertoto. Isi pertotonna eme kerna keselamaten rasul Petrus si ibas penjara. Aminna secara perukuren manusia,lanai lit dalan pulah man Petrus, tapi pengarapen perpulungen maka Dibata ngasup nampati la pernah nimpet. Ertoto jadi bukti ibadah ibas kegeluhen tep-tep wari. Bage pe kita jemaat GBKP ibas kecibal geluhnta si mungkin lanai siakap llit serpang pulah, ibas Dibata lit serpang pulah, ibas sulit, Dibata buka jalan, ibas kote, Dibata mereken gegeh…, lbas …, Dibata… Pindolah, ngalo, ndarami, ndat me, nuktuk, italangi (Matius 7:7). Ija dua kalak si benar ertoto, mbelin kuasana (Jakobus 5:16)
Alu bage ibadah ibas pengertin tema eme: perjumpaan kalak sitek man Tuhan (ekklesia = kalak si idilo ibas gelap nari ku bas terang, ibas kematen nari ku kegeluhen = iserapken ibas doni enda nari selaku sikerajangen Dibata Heber 10:25). Persadan kalak si tek (akrab sapih-sapih kalak si tek bagepe akrab ras Dibata = band. Hubungen ibas kula si melala ringringna, entah hubungen perpulungen selaku mempelai perempuan Kristus = I Kor. 6:15,16). Kalak si akrab eme kalak si lit ibas hubungen si mehuli. Kalak si lit ibas hubungen si mehuli lit ibas ia kekelengen. Kakak si lit ibas ia kekelengen lit ibas ia pusuh si nggit megiken ras erbahan simehuli.
Kegeluhen Ibadah jemaat GBKP la terjeng ibas rumah ibadah saja tapi arus teridah ibas kegeluhen si tep-tep wari (Roma 12:1), teridah ibas hubungen sangkep geluh, ibas kerja-kerja, ibas pendahin, cara rukur, pengerana ras perbahanen. Sienda tujunna eme guna pemuliaken Tuhan Dibata ( Matius 5: 13-16 jemaat bagi fungsi sira ras terang).
Pembahasen Nats Perbahanen Rasul-rasul 12:6-17
(1) Ibas ayat 5 ayat sope nats khotbah perpulungrn tutus ertoto. Isi pertotonna eme kerna keselamaten rasul Petrus si ibas penjara. Aminna secara perukuren manusia,lanai lit dalan pulah man Petrus, tapi pengarapen perpulungen maka Dibata ngasup nampati la pernah nimpet. Ertoto jadi bukti ibadah ibas kegeluhen tep-tep wari. Bage pe kita jemaat GBKP ibas kecibal geluhnta si mungkin lanai siakap llit serpang pulah, ibas Dibata lit serpang pulah, ibas sulit, Dibata buka jalan, ibas kote, Dibata mereken gegeh…, lbas …, Dibata… Pindolah, ngalo, ndarami, ndat me, nuktuk, italangi (Matius 7:7). Ija dua kalak si benar ertoto, mbelin kuasana (Jakobus 5:16)
(2) Penampat Dibata reh ibas paksa si tepat. Sope rasul Petrus ibaba Herodes ku jelma si nterem guna i adili, rasul Petrus si ibas Penjara ijaga 16 kalak prajurit, i iket ali dua rante besi. Ruang penjara, penjaga ras dua rante besi la ngasup menjaraken rasul Petrus (ay. 6-7). Rasul Petrus i pulahi Malekat Tuhan, terang ersinalsal, i ingetina Rasul Petrus, itamaken malekat tanna ku babo bara Petrus nina: Kekekenlah… mosar dua rante besi... genditkenlah genditndu, pake sepatundu…pake jubahndu ( ay. 7-10). Ay. 11 sedar Petrus: Genduari enggo ipulahi Dibata aku. Malekat eme roh-roh si niutus Dibata guna nampati kalak si enggo iselamatken. Mosar rante besi ras kekekenlah simbol serpang pulah (keselamaten). Bageme pe man jemaat GBKP mosar me si erbahan kita susah, mosar me permasalahen-permasalahen (pinakit, pusuh la dame, kebiaren, aru ate, rsd) ibas kita nari janah perentah kekekenlah, mabai kita nggeluh ibas keriahen ras kemalemen ate. Nggit me kita keke alu ngelakoken singena ate Tuhan ras la nggit ngelakoken si ilarang Tuhan.
(3) Ayat 11-17 Rasul Petrus nuriken kuga Tuhan enggo mulahi ia ibas penjara nari. Perbahanen Dibata sienggo ialokenna la terjeng ia saja tapi iberitakenna alu lawes ku rumah Maria nande Johanes Markus. Ibas rumah enterem kalak pulung ertoto (ay, 12-13). Meriah kal akap Rode (ay. 14) maka Petrus enggo pulah, iberitaken man teman-teman,tapi teman-teman la tek (15-16). Janah kedungenna ibukaken pintu man Petrus (ay. 17).
Pointer Aplikasi :
(1) Menuju ibadah Kontekstual ibas GBKP eme kuga kita nikapken ibadah GBKP gelah banci menyentuh ku bas pengalamen kongkrit jemaat. Lit pesan ibadah e, sibanci jadi pergegeh, mereken semangat, mereken terang ibas permasalahenna ras kecibalna gelah ia banci pulah, keke, ras ngasup ngidah simehuli ibas kerina kecibal (Roma 8:28).
(1) Menuju ibadah Kontekstual ibas GBKP eme kuga kita nikapken ibadah GBKP gelah banci menyentuh ku bas pengalamen kongkrit jemaat. Lit pesan ibadah e, sibanci jadi pergegeh, mereken semangat, mereken terang ibas permasalahenna ras kecibalna gelah ia banci pulah, keke, ras ngasup ngidah simehuli ibas kerina kecibal (Roma 8:28).
(2) Gelah seh ku bas tema ibadah kontekstualisasi ibadah ibas GBKP, perlu piga-piga siman perdiateken eme:
• Persiapan simehuli (siterlibat ibas ibadah tutus ertoto).
• Ruang ibadah si nyaman (la gejek ras la ngisah = kurangi sora kipas).
• Ndauh ibas gangguan nari.
• Perlengkapen sound Systim/ audio nVisual si mehuli.
• Persiapan simehuli (siterlibat ibas ibadah tutus ertoto).
• Ruang ibadah si nyaman (la gejek ras la ngisah = kurangi sora kipas).
• Ndauh ibas gangguan nari.
• Perlengkapen sound Systim/ audio nVisual si mehuli.
(3) Ibadah simehuli si enggo ilakoken i gereja, jadi ibadahnta ibas kegeluhen tep-tep wari. Kuga kita nggeluh ersenina, erturang, erkelimbubu, erkade-kade, ermasyarakat, ibas kita encari, rukur, ngerana rsd. Kita jadi Kata Dibata singgeluh, sibanci i oge kalak, ersaksi kita kerna kai si enggo ibahan Tuhan (Matius 28:18-20) …Amin.
Pdt. Rasmidi Sembiring STh.
0 komentar:
Post a Comment