Khotbah Matius 12:38-42, Minggu 20 Maret 2011 (Passion III)

Introitus:
Adi kalak si pusuhna ikuasai sura-sura ukurna mate kap; tapi adi kalak si pusuhna ikuasai Kesah Dibata nggeluh me ia dingen malem atena (Roma 8:6).

Pembacaan: Roma 5:1-5; Khotbah: Matius 12:38-42

Thema:
Icidahken Yesus Tanda Sengget ras KuasaNa man kalak singena AteNa.

Renungan
Minggu enda, Minggu Pasion si pe III. Minggu-minggu ija kita ibabai nginget kiniseran Tuhan Yesus ibas ndalanken missina nelamatken manusia. Ibas ndalinken missiNa situhuna mbue ibahan Yesus tanda sengget, khususna ilebe-lebe ajar-ajar, tapi man guru-guru agama ras kalak Parisi lang. Eme sebabna Kata Dibata siman oratenta Minggu enda nuriken kerna guru-guru agama ras kalak Parisi reh ndahi Yesus mindo segelah ibahan Yesus tanda sengget. Labo guna ncubai Yesus, tapi ate kalak enda memereksa Yesus payo sekalak nabi ntah lang. Pemahamen kalak enda, sekalak nabi ntah sekalak sireh maba pesan khusus ibas Dibata nari isahken alu tanda sengget si ilakokenna. Terlebih-lebih: (1) paksa e enggo ndekah la lit nabi itengah-tengah bangsa Israel (kecuali Yohanes Pembabtis), (2) Yesus enggo jadi tokoh fenomenal, tokoh si mperlakuken diriNa selaku nabi si mbelin.

Tapi kalak enda kecewa, sebab ibas ayat 39 Yesus ngataken “Labo Kubahan!” Engkai maka la ban Yesus? Alasen Yesus eme kalak enda jahat ras la setia. Kejahaten kalak enda eme kesombongen, serakah ras kurang kekelengen. Endame sada pinakit ibas jelma si nganggap dirina hebat, erkuasa, bayak, rsd. Kalak enda eme guru-guru agama ras kalak Parisi, adi istilah genduari kalak enda eme “teolog”, kalak simbue ngangkai kata Dibata. Tapi justru ibas kalak enda mbelin kesombongen e. Alu bage dage kerina jelma banci kena pinakit enda, termasuk pendeta, pertua ras diaken. Reh ganjangna sekolah pendeta e, reh dekahna jadi pertua ntah diaken reh kengna, reh meserana kerjasama.

Nina Yesus, labo Kubahan Tanda sengget seyakatan tanda sengget nabi Yuna. Kai kin tanda sengget Nabi Yuna? Tenda sengget e, eme Yuna pernah ringan ibas beltek nurung 3 wari 3 berngi. Turi-turin nabi Yuna enda pasti iteh Guru-guru agama ras kalak Parisi e. Labo tanda sengget Nabi Yuna si itekanken, tapi tanda sengget si bakal ibahan Yesus man kerina manusia eme ibas paksana Ia mati isalibken jenari ikuburken 3 wari 3 berngi Ia ibas doni kalak mate. Kenca si e ibas wari peteluken keke Ia ibas simate nari.

Tanda sengget si bakal ibahan Yesus eme tanda sengget si maba pengaruh kal nandangi masa depan manusia. Ise si tek nandangi mujizat enda terkelin me[1]. Tandana tek eme nggeluh ibas pertobaten. Kalak Niniwe ibas zaman Yuna, jera/bertobat ia emaka la iukum Dibata. Uga kita?

Arusna kita nggeluh ibas kiniteken sipayo eme nggeluh rembak ras Dibata. Nggeluh sibage ula kari siakap nukah. Mbue godaan. Terlebih godan si lit isekeleweta. Pengaruh kalak si la erkiniteken. Bagi ilustrasi enda[2]. Godan e banci erbahansa kita menderita. Tapi bagi nina Paulus ibas Roma 5:1-5, khususna ayat 3 “megah pe siakap ibas kiniseran e, sabab arah kiniseran e turah saber ate. Ibas saber ae teridah kita enggo menang ibas pengujin, janah erkiteken kita enggo menang ibas pengujin, lit pengarapenta”. Pengarapenta e labo erbahanca kita kecewa.

Pdt.S.Brahmana

.......................................................
[1] Roma 10:9
[2] Kabing atau Anjing?
Kehidupan keluarga Pak Pandir sangat sulit. Sehari-hari ia hanya bergantung dari hasil penjualan kayu bakar yang mereka peroleh dari hutan. Beberapa hari lamanya Bapak dan Ibu Pandir tidak dapat pergi ke hutan karena agak sakit. Guna menyambung keperluan hidup mereka, mereka sepakat menjual kambing mereka yang tinggal satu-satunya ke pasar hewan di kota. Di perjalanan menuju kota Pak Pandir harus melewati beberapa kampung yang agak sunyi. Tiba di kam-pung pertama, Pak Pandir disapa seorang pria yang tak dikenal, "Hai, Pak Pandir, anjing itu hendak kau bawa ke mana?" Pak Pandir tidak menyahut, sambil berjalan terus ia berpikir, Gila, masa kambing dianggap anjing!

Ketika tiba di kampung kedua, ada orang yang menyapanya lagi, "Jalan-jalan dengan anjing, ya Pak?" Pak Pandir bertambah heran. Maka tibalah ia di kampung yang ketiga, dan terdengarlah suara dari suatu kebun, "Masa, anjing sekotor itu kau bawa jalan-jalan, Pak!"

Sambil terus berjalan Pak Pandir berpikir: Sudah tiga kali ini ada tiga orang yang menyebut binatang yang kutuntun ini anjing. Mungkin benar juga, binatang ini bukan kambingku melainkan seekor anjing. Karena begitu terpengaruh pendapat orang lain yang ternyata penjahat, akhirnya Pak Pandir melepaskan harta satu-satunya itu.

Orang Kristen kadang-kadang mudah terpengaruh oleh pendapat orang lain yang bertujuan untuk menyelewengkan iman kepercayaannya. Kita harus berpegang teguh, bahwa Alkitab adalah sumber kehidupan kita yang benar.

Janganlah kita terpengaruh oleh pendapat orang-orang yang tidak beriman, sehingga kita kehilangan harta yang kekal di surga. "Marilah kita teguh berpegang pada pengakuan tentang pengharapan kita, sebab la, yang menjanjikannya setia" (Ibrani 10:23).

Artikel lain yang terkait: