Khotbah Kejadian 6:17-7:5, Pekan Keluarga tgl.11 Juni 2011 (Wari VII)

Introitus:

Ngaloi rasul-rasul nina, "Teklah man Tuhan Jesus gelah kam terkelin, e me kam ras isi jabundu." (Perb.Rasul 16:31)

Ogen: Galatia 3:6-9; Khotbah: Kejadian 6:17 – 7:5

Thema :

“Jabu Simetunggung iadep-adepen Dibata”

KATA PENARUH

Kunci pas guna ndatken keselamaten lalit sideban eme KINITEKEN , sinicidahken arah kepatuhen. Keluarga Nuh iselamatken erkiteken “Kasa kai siiperentahken Dibata kerina ilakokenna”(Bd.Kej. 7:5). Abraham tek man Dibata, janah kinitekenna e iperkiraken Dibata jadi kebenaren sierbanca ia rembak ras Dibata”(Ogen).

PEMBAHASEN NATS

1. Man kalak si tek si tetap njaga hubungen simehuli ras Tuhan, Tuhan encidahken/nuriken rencanaNa. Nina Tuhan man Nuh:”Kubahan ateKu banjir simbelin idoni enda”. Ibas perdalanen kegeluhen keluarganta. megati kal kita bingung, kerna rencana Dibata nandangi kegeluhenta.
2. Kepatuhen Nuh tuhu-tuhu teridah menaken ngaloken perintah Tuhan guna erbahan sada perahu, seh ndalaken perintah Tuhan guna bengket kubas perahu e. Kepatuhen enda tentu ndatken erbage-bage tantangen, olok-olokan ibas kalak sideban nari.[1]
   • Nuh enggo lit mbakona lenga nepak.
   • Nuh enggo lit mehadona tapi lenga nekak
3. Dibata pe nuruh Nuh gelah muat 7 pasang tep-tep rubia-rubia sila ipantangken[2] rikutken aturen agama bagepe 1 pasang rubia-rubia sinipantangken....dst. Teridah rencana Dibata ipercayaken man manusia guna idalanken, manusia jadi teman sekerja Dibata ibas nehi missi keselamaten man doni enda ras isina.

APLIKASI

Keluarga Nuh eme Jabu simetunggun iadep-adepen Dibata, sierbahanca jabu e ndatken keselamaten ibas ukumen nari. Kuga dage sitata jabunta gelah jadi jabu simetunggun?

Piga-piga tips refleksi jabu gelah jadi jabu simetunggung iadep-adepen Dibata.

1. Sekalak bapa mereken wibawa keleng ate, sitik ngerana mbue erdahin.
2. La nggit mandang kelepaken ndeharana ilebe-lebe anak-anakna.
3. Tetap mereken waktu guna ercakap-cakap ras isi jabuna.
4. Masalah si lit ibahas bertsama.
5. Mereken pujin setiap pendahin anak-anakna sinidahiken alu tutus.
6. Negor/mandang kesalahen anak-anakna alu rahasia/ber-empat mata
7. Meteh hobby ras keriahen kerina isi jabuna.

Pdt.Iswan Ginting Manik

GBKP RUNGGUN CILILITAN

---

[1]Dalam Cerita-Cerita Alkitab PL, PT.BPK-GM,1993,hlm. 20 diceritakan:”Sementara Nuh bekerja, orang-orangbitu datang melihat pekerjaan Muh yang aneh itu. Mereka mempercakapkan kebodohan orang tua itu, yang membuat sebuah kapal yang luar biasa besarnya didaratan. Mereka tidak mau membantunya.Dan kalu Nuh berhenti bekerja ia berbicara kepada mereka tentang hukuman berat yang akan dijatuhkan Allahg kepada mereka, mereka malah terrawa terbahak-bahak.

[2] Lihat; Sejarah Kerajaan Allah, Jilid I/1 PL. Hlm. 59. “Mungkin sekali dibawa 7 pasang dari binatang tidak haram itu, agar nanti ada binatang yang dikorbankan. Nuh masih mempunyai tujuh hari lagi, sebelum menjalankan Allah, sesudah itu hukuman Allah akan dijatuhkan.

Artikel lain yang terkait: