Khotbah Nehemia 1:1-10, Pekan Doa Wari VI (Jumat 30 September 2011)

Introitus :

Adi kalak bujur mandang dingen ngukum aku, tama kiniulin kap e man bangku. Tapi pujin kalak jahat nari la kualoken, sabab aku rusur ertoto ngelawan perbahanen si jahat (Masmur 141:5).

Ogen : Bilangen 21:6-9p; Kotbah : Nehemia 1:1-10.

Tema :

Ertoto guna meningkatken spiritualitas man kerina kalak Karo.

Kata Perlebe

Lit dua kata si perlu iperdiateken iibas tema wari pe enemken Pekan Doa tahun 2011 enda eme ertoto ras spiritualitas. Ertoto eme teladan ibas Tuhan Yesus Kristus nari ras Tuhan Yesus ngajar ajar-ajarNa ertoto. Tuhan Yesus ngataken bujur kerna pangan, ertoto guna mpelawes setan, etoto sope milih ajar-ajarNa. Ertoto sada hal si istimewa man Tuhan Yesus.

Perpulungen sipemena tek kal maka totona ibegiken Dibata, alu alasen keleng ate Dibata (Mark. 11:24). Syaratna eme kiniteken ras ndalanken perentah Dibata sue ras isi pertoton (Cth. Ngalemi salah kalak). Ertoto ras-ras (syafaat), e sada kebiasaan perpulungen sipemena (Mark.11:25). Spiritualitas cakap Inggris nari eme Spirit si ertina Roh, Kesah, Gegeh, ntahsa semangat. Alu bage siniertiken alu spiritualitas eme kalak si nggeluh ibasa sada gegeh, ntahsa pe Kesah, ntah pe semangat si bersumber ku bas kiniteken entah bersumber ku keselamaten sinialoken kita ibas Tuhan Yesus kristus nari. Alu bage spiritualitas teridah arah kualitas kegeluhenna sierpalasken ku bas keselamaten (engkelengi Tuhan Dibata ras engekelengi teman manusia).

Pembahasen Nehemia 1:1-10

1. Fokus Kitab Nehemia eme pembangunen mulihi tembok Yerusalem, erbeda ras kitab Ezra si Fokusna eme pembanguen mulihi Rumah Pertoton (Bait Allah), tapi duana kitab enda nekanken: pemulihen rohani (kiniteken)/mpelimbarui komitmen man Dibata ras Kata-Na. Megegeh sada tembok nentuken status bangsa e, sebab tembok kota jadi pertahanen ibas peperangen.
2. Nehemia 1:1-10 bagin petoton syafaat Nehemia kerna Yerusalem (Nehemia 1:1-2:8). Nehemia nadingken Persia ku Jerusalem tahun 444 Sope Kristus, guna jadi gubernur i Yehuda. Sue ras perentah raja Persia guna mbangun tembok Yerusalem(2:7-8). Amin pe mbue tantangen Nehemia mbangun tembok Yerusalem 52 wari (6:15). Ia sekalak si lit bakatna, kalak perpang, megenggeng, ras ngandalken pertoton.
3. Nehemia kepate (terbeban) nandangi kecibal bangsana ras pendahin Tuhan eme ibas bangsa na paksana ngenanami kiniseraan ras igombang-gombangi bangsa sideban. (cataten : Adi bangsa si deban megombang man bangsa Israel, enda seri ras megombang man Tuhan. Band. Tupung Goliat megombang man Daud).
4. Kenca ibegi Nehemia kecibal bangsana; ngandung ia (menangis), erceda ate (berkabung), ras erpuasa. Itungtungken (dicurahkannya) isi pusuhna man Dibata arah puasa ras ertoto janah tangis, erdandanken kiniseran bangsana i Yerusalem.
5. Isi pertotonna eme: Pengakun dosa (ay. 6-7). gelah nginget Kata Dibata (ay. 8). Gelah mperdiateken kemulian Dibata ras sura-sura Dibata (ay. 5-8). Pertoton syafaat la erngadi-ngadi nandangi bangsa Israel (ay. 6).
6. Alasen ras palasna ertoto syafaat eme : maka bangsa Israel eme suruh-suruhen Dibata, si enggo ipulahi arah kuasa ras gegeh Dibata si mbelin (ay. 10).

Pengenaan/Pointer Aplikasi :

1. Perlu kita meteh jelas kuga kin keadaan kalak Karo genduari; beritana sindube jadi andalen genduari lanai terandalken (contoh: Rimo), kuasa permainen iblis (dadu, domino, joker, togel, rumkit, sogok menyogok, korupsi, rsd), sinambah kiniseran man sibersangkutan ras man mbana sendiri.
2. La saja terjeng meteh saja, bagi Nehemia kepate nandangi keadaan bangsana, bage me GBKP pe arus kepate nandangi kercibal kalak Karo arah mbangun kecibal kegeluhen secara ekonomi ras mbangun kiniteken arah notoken, erbahan penginjilan mulihi man kalak si enggo ngaku Kristen ras man kalak si langa ngaloken Tuhan Yesus Juruselamat. Proyek Penginjilan eme proyek mercu suar simembutuhken dana simbue.
3. Adi Nehemia erpuasa, ertoto, ras tangis enda ngataken man mbanta maka ibas bangun kiniteken Bangsa Israel ras jadi bangsa terhormat alu mengandalken Dibata.. Bage me pe kita ibas ertoto guna meningkatken spiritualitas man kerina kalak Karo (gelah geluhna lebih ndeher ku bas kegeluhen si ngena ate Tuhan Yesus), arus mengandalken Dibata (mengandalken keleng ate Dibata (band. Ogen Bilangen 21:6-9).
4. Silakoken singena ate Tuhan, sisilahken si la ngena ateNa, janah si inget kata Dibata Pengerana 3:11, Masmur 119:105, Matius 7:12), ngeluh ibas kemulian Dibata (Roma 12:1-2), ras nggeluh ibas toto (nggeliuh ibas sura-sura Dibata).

Cileungsi, 07 September 2011

Pdt. Rasmidi Sembiring STh.

Artikel lain yang terkait: