Serba-serbi er PI kenca Sinabun Meletus :
TUTUS LA TUTUS, OKULTISME, ERGURU,SERAYAN,JUDI RAS KERJA TAHUN
TUTUS LA TUTUS, OKULTISME, ERGURU,SERAYAN,JUDI RAS KERJA TAHUN
(X) Er-PI ku kuta2 sekitar deleng Sinabun :Sukanalu,Bekerah Simacem, Kuta Rayat,Kuta Gugung, Jeraya,Ndeskati, Pintu Mbesi, Kuta Mbelin, Gung Pinto, Sigarang-garang ras Kebayaken, melala ijumpai hal-hal unik sekaligus perbeben man perpulungen.
Kenca meletus Sinabun 28 Agustus 2010 silewat, kerehen ku gereja umumna meningkat seh Natal.Bage aktifitas deleng mulai normal, kerehen jemaat mulai menurun bagi sigel-gel.Merata kerehen jemaat perlu idorong mulihi, terkesan adi lit kebiaren/aruate perlu penampat eme DIBATA.Bege aman enggo ka kurang tutus, banci kataken tutus la tutus.Bahken lit ka pengakap anak kuta ras piga-piga jemaat GBKP, mungkin Dibata e kurang Ergegeh ras Erkuasa emaka ilitken ka ipiga2 ingan bagi: Gurki, Kuta Rayat, Suka Ndebi ras Lau Kawar nehken “p e r s e m b a h e n” man dibata si la itandai.Sienda hanya spontanitas, bege GBKP mengantisipasi arah kebaktin ras pertoton, seh gundari hal sibage lanai bo lit, amin pe bentuk2 penembahen tetap nge lit ipiga2 ingan.
(x) Okultisme ras Sinkritisme seh gundari cukup dominan denga ikuta-kuta pelayanen PI Klasis Jakarta-Bandung enda.Emaka,sanga ilitken KKI ras penyembuhen I Sukanalu 25 Oktober 2011 silewat, reh 400 kalak lebih, janah mindo itotoken secara khusus lit sekitar 80 kalak.Tim PI si-ikordinir Ev.Drs.Syarikat Bangun STh kerja keras seh jam 01.00 erpagi-pagi, piah dungna ibatasi.Jadi pe mujijat paksa e, ija sekalak pernanden enggo 5 tahun bas kursi roda labanci tedis ras erdalan, kedungenna banci tedis dingen erdalan 5 m p.p.Kuasa Kesah Sibadia tuhu-tuhu erdahin arah tim PI simelayani.
Kebiasan sikurang mehuli mekatep denga ijumpai ibas anggota perpulungen,ija adi lit pinakit, minter ibaba ku guru siipahami meteh kecibal “kerina” pinakit.Ternyata ertambar ku guru, apaika mulih-ulih,erbanca biaya tinggi, kadang ergan asa dokter spesialis.Pinakit stres, struk sikedungenna lumpuh cukup melala ijumpai. I Kabanjahe, dokter spesialis syaraf cukup melala penggemarna, deba ertambar ku Medan tah ku Penang.Engkai melala stres? Ibas percakapen ras piga-piga Dr Spesialis Syaraf I Kabanjahe, secara umum terkait “Pola rukur”ras kurang ernalem ras erpengendes man Tuhan.Erbintuas ia ku juma, ternyata sinuan-sinuan la mejile tah la jumpa erga, mesukah memicu stres.Terlebih, bulangen katepen I kedai kopi, ngulas silaman ulasen tah erjudi, mesukah memicu pernanden stres, lanai siangkan bas jabu, erbanca kisat ku gereja ,pjj,PA tah kegiaten gerejani sidebanna.Secara umum, kerehen pernanden ku gereja tetap dominan, ndauh lalan asa dilaki.PA moria umumna erdalan, tapi PA Mamre rata-rata mandek, terlebih pasca Sinabun meletus, lit mamre lanai er PA .
(x) Rata2 ibas kuta siilayani Tim PI Klasis Jakarta Bandung judi cukup marak, togel,dadu, joker rsd.Tiap kedai kopi, 2 tah 3 meja ipake ingan erjudi, la saja idaerah pelayanen PI, tapi pe ikuta-kuta sideban, judi enggo merajalela, terlebih ka adi lit kerja tahun.Kenca Kapolri Sutanto igantiken, judi mulihi subur.La saja idaerah karo, tapi pe Deli Serdang, bagi Kec.STM Hulu, Hilir ras Sibiru-biru (Pos Metro Medan 24/10/11).Momen Kerja Tahun pe imanfaatken erban “Lapak Judi”, banci 3 seh 4 lapak.Tiap lapak iergai sekitar Rp 2 juta perlapak man pengelola simengkoordinir.Siparahna ka, cukup melala serayan Tuhan ikut-ikuten, lanai jadi usihen man perpulungen.Melala kisah-kisah penderitaan bas keluarga akibat judi enda.Labo sitik jabu rukrak pengelako judi, rumah terdaya, juma tergadai, kai silit pindah tangan erban anak jabu pinakiten, stres rsd.Dekahen rubat asa kujuma, piah lanai ku gereja, PA tah pjj, akibatna prosentasi kerehen jemaat pe menurun.Kerna marakna judi enda enggo jadi rahasia umum, emaka perlu idarami solusi sitepat, khususna peran gereja, pemerintah begepe tokoh2 masyarakat.Dukungen lembaga-lembaga gereja bagi moria tah permata enggo saatna erban aksi penentangen.Terkesan aparat kepolisian lanai kebiaren, tempa-tempa terjadi “simbiose mutualistis”, mudah-mudahen dugaan e salah.
(x) Bage pe siidah kami, la maksimalna kerehen perpulungen la terlepas kurang kekompaken ras kiniersadan sesama serayan. Megati lit kelompok-kelompok ntah pe erbana-bana bas serayan erbahanca terimbas kuperpulungen. Mehuli guna ku lebe perlu itingkatken pembinaan ras solidaritas serayan.
(x) Sepanjang bulan Oktober daerah Simpang Empat, Naman Teran seh ku Lau Kawar pegancih Kerja Tahun, puncakna melala ipake wari Sabtu ras Minggu.Tiap Kerja Tahun rata-rata 3 wari, adi nai seh 5 wari, nina Pt.Rencana Sitepu Ketua Rgn Naman Teran.Wari pemena motong babi, pepagina motong lembu janah wari sipeteluken mata kerja , ije enterem temui reh japanari pe, la sajaii kuta-kuta sindeher, tapi pe reh Medan tah Jakarta nari.Wari si peempatken igelari “rebu”(semacam wari sabbat), la banci ku juma tah ndarat kuta.Wari pe limaken igelari (ngambur-ngamburi), iartiken mere page sanga page paksa tekaan.Gundari, terlebih kenca Berita Simeriah enggo bengket, wari pe-4 ras pe-5 ken lanai iban, aktifitas anak kuta normal mulihi.Kerja Tahun eme wadah mburo ate tedeh, saling berkunjung antar kelurga sikedauhen.Tapi pe la lepas ibas ncidahken prestasi ras prestise, baik temue sireh, begepe keluarga siidahi.Enterem temue reh maba mobil lit ije nilai tambahna, kebanggaan tersendiri man kelurga siidahi.Emaka semal nge memakan biaya cukup tinggi, perabot itambahi, rumah icat, ipesan babi, lembu tah manuk sebab mbue ka temue muslim. Kebiasan melengkapi snak bagi cimpa, lemang, tape, rata-rata kelurga nikapkenca.Berngi puncak acara umumna ilitken gendang-gendang/kibot, baik musisi lokal seh ku Keleng Barus, konon bertarif Rp 15 juta, berngi nari seh jam 5 erpagi-pagi.Em ka erbanca, Mingguna merak-rak si ku gereja, banci 10% ngenca, pernanden umumna irumah ngalo-ngalo temue.Mungkin mehuli ka iusulken, adi puncak acara wari Minggu, kebaktin iundur karaben, sebab umumna temue enggo mulih pkl.3 karaben.
Bagenda me rangkumen piga-piga cataten sijadi perenungenta radu ras sanga er-PI isekitar Deleng Sinabun.Kendala khusus kal labo lit, umumna tim PI ialo-alo alu meriah ukur. Awal-awalna agak sulit beradaptasi ras cuaca, launa bagi es, tapi kedungenna banci teratasi.Kecuali keberadan “laneng” perban pupuk kandang, man arus erlomba cepat ras laneng, la saja suari tapi pe berngi.Aneh, rata-rata anggota tim PI mulih ku Jakarta tambah kilona.(Dk.Em.Djeremia Sinuhadji).-
Kenca meletus Sinabun 28 Agustus 2010 silewat, kerehen ku gereja umumna meningkat seh Natal.Bage aktifitas deleng mulai normal, kerehen jemaat mulai menurun bagi sigel-gel.Merata kerehen jemaat perlu idorong mulihi, terkesan adi lit kebiaren/aruate perlu penampat eme DIBATA.Bege aman enggo ka kurang tutus, banci kataken tutus la tutus.Bahken lit ka pengakap anak kuta ras piga-piga jemaat GBKP, mungkin Dibata e kurang Ergegeh ras Erkuasa emaka ilitken ka ipiga2 ingan bagi: Gurki, Kuta Rayat, Suka Ndebi ras Lau Kawar nehken “p e r s e m b a h e n” man dibata si la itandai.Sienda hanya spontanitas, bege GBKP mengantisipasi arah kebaktin ras pertoton, seh gundari hal sibage lanai bo lit, amin pe bentuk2 penembahen tetap nge lit ipiga2 ingan.
(x) Okultisme ras Sinkritisme seh gundari cukup dominan denga ikuta-kuta pelayanen PI Klasis Jakarta-Bandung enda.Emaka,sanga ilitken KKI ras penyembuhen I Sukanalu 25 Oktober 2011 silewat, reh 400 kalak lebih, janah mindo itotoken secara khusus lit sekitar 80 kalak.Tim PI si-ikordinir Ev.Drs.Syarikat Bangun STh kerja keras seh jam 01.00 erpagi-pagi, piah dungna ibatasi.Jadi pe mujijat paksa e, ija sekalak pernanden enggo 5 tahun bas kursi roda labanci tedis ras erdalan, kedungenna banci tedis dingen erdalan 5 m p.p.Kuasa Kesah Sibadia tuhu-tuhu erdahin arah tim PI simelayani.
Kebiasan sikurang mehuli mekatep denga ijumpai ibas anggota perpulungen,ija adi lit pinakit, minter ibaba ku guru siipahami meteh kecibal “kerina” pinakit.Ternyata ertambar ku guru, apaika mulih-ulih,erbanca biaya tinggi, kadang ergan asa dokter spesialis.Pinakit stres, struk sikedungenna lumpuh cukup melala ijumpai. I Kabanjahe, dokter spesialis syaraf cukup melala penggemarna, deba ertambar ku Medan tah ku Penang.Engkai melala stres? Ibas percakapen ras piga-piga Dr Spesialis Syaraf I Kabanjahe, secara umum terkait “Pola rukur”ras kurang ernalem ras erpengendes man Tuhan.Erbintuas ia ku juma, ternyata sinuan-sinuan la mejile tah la jumpa erga, mesukah memicu stres.Terlebih, bulangen katepen I kedai kopi, ngulas silaman ulasen tah erjudi, mesukah memicu pernanden stres, lanai siangkan bas jabu, erbanca kisat ku gereja ,pjj,PA tah kegiaten gerejani sidebanna.Secara umum, kerehen pernanden ku gereja tetap dominan, ndauh lalan asa dilaki.PA moria umumna erdalan, tapi PA Mamre rata-rata mandek, terlebih pasca Sinabun meletus, lit mamre lanai er PA .
(x) Rata2 ibas kuta siilayani Tim PI Klasis Jakarta Bandung judi cukup marak, togel,dadu, joker rsd.Tiap kedai kopi, 2 tah 3 meja ipake ingan erjudi, la saja idaerah pelayanen PI, tapi pe ikuta-kuta sideban, judi enggo merajalela, terlebih ka adi lit kerja tahun.Kenca Kapolri Sutanto igantiken, judi mulihi subur.La saja idaerah karo, tapi pe Deli Serdang, bagi Kec.STM Hulu, Hilir ras Sibiru-biru (Pos Metro Medan 24/10/11).Momen Kerja Tahun pe imanfaatken erban “Lapak Judi”, banci 3 seh 4 lapak.Tiap lapak iergai sekitar Rp 2 juta perlapak man pengelola simengkoordinir.Siparahna ka, cukup melala serayan Tuhan ikut-ikuten, lanai jadi usihen man perpulungen.Melala kisah-kisah penderitaan bas keluarga akibat judi enda.Labo sitik jabu rukrak pengelako judi, rumah terdaya, juma tergadai, kai silit pindah tangan erban anak jabu pinakiten, stres rsd.Dekahen rubat asa kujuma, piah lanai ku gereja, PA tah pjj, akibatna prosentasi kerehen jemaat pe menurun.Kerna marakna judi enda enggo jadi rahasia umum, emaka perlu idarami solusi sitepat, khususna peran gereja, pemerintah begepe tokoh2 masyarakat.Dukungen lembaga-lembaga gereja bagi moria tah permata enggo saatna erban aksi penentangen.Terkesan aparat kepolisian lanai kebiaren, tempa-tempa terjadi “simbiose mutualistis”, mudah-mudahen dugaan e salah.
(x) Bage pe siidah kami, la maksimalna kerehen perpulungen la terlepas kurang kekompaken ras kiniersadan sesama serayan. Megati lit kelompok-kelompok ntah pe erbana-bana bas serayan erbahanca terimbas kuperpulungen. Mehuli guna ku lebe perlu itingkatken pembinaan ras solidaritas serayan.
(x) Sepanjang bulan Oktober daerah Simpang Empat, Naman Teran seh ku Lau Kawar pegancih Kerja Tahun, puncakna melala ipake wari Sabtu ras Minggu.Tiap Kerja Tahun rata-rata 3 wari, adi nai seh 5 wari, nina Pt.Rencana Sitepu Ketua Rgn Naman Teran.Wari pemena motong babi, pepagina motong lembu janah wari sipeteluken mata kerja , ije enterem temui reh japanari pe, la sajaii kuta-kuta sindeher, tapi pe reh Medan tah Jakarta nari.Wari si peempatken igelari “rebu”(semacam wari sabbat), la banci ku juma tah ndarat kuta.Wari pe limaken igelari (ngambur-ngamburi), iartiken mere page sanga page paksa tekaan.Gundari, terlebih kenca Berita Simeriah enggo bengket, wari pe-4 ras pe-5 ken lanai iban, aktifitas anak kuta normal mulihi.Kerja Tahun eme wadah mburo ate tedeh, saling berkunjung antar kelurga sikedauhen.Tapi pe la lepas ibas ncidahken prestasi ras prestise, baik temue sireh, begepe keluarga siidahi.Enterem temue reh maba mobil lit ije nilai tambahna, kebanggaan tersendiri man kelurga siidahi.Emaka semal nge memakan biaya cukup tinggi, perabot itambahi, rumah icat, ipesan babi, lembu tah manuk sebab mbue ka temue muslim. Kebiasan melengkapi snak bagi cimpa, lemang, tape, rata-rata kelurga nikapkenca.Berngi puncak acara umumna ilitken gendang-gendang/kibot, baik musisi lokal seh ku Keleng Barus, konon bertarif Rp 15 juta, berngi nari seh jam 5 erpagi-pagi.Em ka erbanca, Mingguna merak-rak si ku gereja, banci 10% ngenca, pernanden umumna irumah ngalo-ngalo temue.Mungkin mehuli ka iusulken, adi puncak acara wari Minggu, kebaktin iundur karaben, sebab umumna temue enggo mulih pkl.3 karaben.
Bagenda me rangkumen piga-piga cataten sijadi perenungenta radu ras sanga er-PI isekitar Deleng Sinabun.Kendala khusus kal labo lit, umumna tim PI ialo-alo alu meriah ukur. Awal-awalna agak sulit beradaptasi ras cuaca, launa bagi es, tapi kedungenna banci teratasi.Kecuali keberadan “laneng” perban pupuk kandang, man arus erlomba cepat ras laneng, la saja suari tapi pe berngi.Aneh, rata-rata anggota tim PI mulih ku Jakarta tambah kilona.(Dk.Em.Djeremia Sinuhadji).-
0 komentar:
Post a Comment