Suplemen Bimbingen Pjj, 25 November - 1 Desember 2012, 2 Tomotius 4:6-8

Bahan  : 2 Timotius 4:6-8
Thema : “Tutus Ibas Erkiniteken Man Dibata Seh Ku Ujung Umur Geluh (Setia Sampai Akhir)”
Tujun :

1. Gelah ngawan perpulungen tetap setia ibas kinitekenna man Dibata seh ku ujung umur geluhna (Setia sampai Akhir)
2. Gelah ngawan perpulungen erbahan perayaan Natal si la bersifat sermonial saja bagepe ersikap ngalo-ngalo prioritas program pelayanen GBKP tahun 2013 : “Peningkatan Solidaritas Eksternal”

2 Timotius 4:6-8

4:6 Tapi aku, enggo seh paksana ipersembahken. Enggo seh paksana aku nadingken kegeluhen enda.

4:7 Enggo kupala-palai asa ngasupku i bas perlumban e, enggo seh aku ku garis batas, janah enggo kucikep kiniteken e.

4:8 E maka genduari enggo sikap pemere kemenangen e guna iendesken man bangku, e me rudang-rudang kebenaren si ibereken Tuhan, Hakim si adil, si iberekenNa man bangku i bas Wari e. Janah pemere e labo man bangku saja, tapi pe man kerina kalak si nimai kerehenNa alu erkeleng ate.

Setia-setialah.... setialah sampai mati....... Seperti Tuhan Yesus setia sampai mati....

Enda me lirik lagu sijadi pengajuk man banta guna tetap setia erkiniteken man Tuhan Yesus ibas kegeluhen enda kutera kai pe si jadi. Erbage peristiwa si jadi ibas kegeluhenta, tentu e jadi pengalamen seh banci tetap min iarapken pengakunta tetap setia man Tuhan sebab seh ka akhir PJJ (penutupen) ibas tahun enda kita tetap ibas kejuah-juahen erkiteken pengkelengi Tuhan. Adi sirenungken perdalanen geluh bagepe pelayanenta seh kubas ujungna ka PJJ nta, banci sidalani e kerina erkiteken kekelengenNa kap. Jadi ulihna setialah terus....

2 Timotius 4:6-8

Surat Paulus enda nuduhken kerna penggembalaan Paulus man Timotius ibas ndalanken dahin pelayanen man Tuhan Dibata. Arah surat enda ipeseh Paulus kerna dirina ibas hubungenna ras Tuhan Dibata ....

1. Pembarken berita simeriah subuk tengteng ras la teng-teng (ay. 1)

2. Cidahken, persingeti, pegegehi kalak ibas erbage kesalahenna alu dem kesabaren (ay.2).

3. Ola bene ukur ibas erbage pengajaren si la payo

4. Megenggeng ibas ngalaken kiniseran

5. Dalanken tanggung jawab selaku suruh-suruhen Dibata

Sienda kerina enggo idalanken Paulus alu dem kesetiaan, emaka :

1. seh paksana idungina dahinna (setia terus ibas dahin e)

2. Erpala-pala ras dem perjuangen seh kubas garis finish

3. ngaloken pemere Dibata eme kemenangen

4. Setialah tetap man Dibata alu nimai Ia ibas bentuk nehken keleng ate.

Lanai ndekah silakoken me Natal ibas tahun enda.

• Natal eme peristiwa kekelengen siicidahken Dibata man manusia guna mperembakken diriNa man manusia.
• Natal pe siertiken alu kekelengen Dibata siicidahken man manusia alu Ia jadi manusia.
• Natal pe mabai pembaharuan ibas kegeluhen doni enda ras isina termasuk manusia
• Natal pe mbuka keselamaten man manusia ibas kerehenNa jadi mesias.

Secara umum siertiken maka Natal enda dasarna eme “kekelengen Dibata man manusia”. Ibas pengertin enda mahan bana kita singelakoken natal arus erdasar kubas kekelengen sibagenda rupana. Ibas kita ngelakoken Natal tetap min ermulia Tuhan alu kita mpermuliaken Ia alu ncidahkensa man temanta manusia. Sada hal siibahan Dibata ibas nuduhken kekelengen eme alu “aksi” nyata kerehenNa ku doni enda. Jadi man banta ibas jamanta gundari ibas kita mperingeti Natal silakoken min aksi nyata ibas kegeluhen enda eme alu ncidahken kekelengen e. Aksi enda sibenai lebe ibas dirinta singgit ipelimbarui Dibata. Jenari sipergermetken sekelewetta, kai banci silakoken man keluarganta, gerejanta, lingkungenta. Perayaan Natal tetap jadi sada simbol keriahennta, tapi bahanlah maka perayaan e jadi ermulia Dibata labo manusia. Siman tuduhenken labo kemegahen natal alu asesoris siluar biasa tapi siman tuduhenken eme kekelengen Dibata si luar biasa. Siman pesikapen labo terjeng baju baru tapi siman pesikapen eme perukuren simbaru. Katawari enda jadi baginta tentu natal maba kemalemen ate la terjeng man banta tapi pe man kalak sideban. Sienda me singena ate Dibata guna silakoken.

Ibas Penghujung tahun enda pe sisikapken ka dirinta guna bengket ku tahun Solidaritas Eksternal. Pengertin siarus sipelimbarui eme kap dirinta enda lit kiniersadan ras kalak sideban, kai silit ibas kita epe lit sikerajangen kalak sideban, ibas kegeluhen enda kita perlu kalak sideban, ibas sada masa kita nampati, engkelengi, ngapuli kalak sideban, ibas paksa sideban kita ka pe isampati, ikelengi entah iapuli kalak sideban, rsd. Kerina enda nuduhken maka kita nggeluh ibas doni enda lit relasi, hubungen ras kalak sideban. Erpalas kubas Kata Dibata ije pe icidahken maka kita nggeluh enda, siajar-ajaren, sikeleng-kelengen, siapul-apulen, tentu enda jadi tanggung jawabta selaku anak Dibata.

Guna sienda sipesikap dirinta guna semangat baru ngelakoken dahin simulia enda. Bahanlah maka ibas kita ngelakoken dahin enda ije sicidahken dirinta jadi kalak sierguna la terjeng man banta tapi man kalak sideban pe. Siinget maka ibas kita ngelakoken dahin e alu setia maka Tuhan lebih setia nemani kita rikut ras mpengasup kita ndalankensa, janah siinget maka kekelengenNa tetap nandangi kita.

Selaku anak Dibata kita pe arus terus ncidahken kinitekenta alu mediate ras kepate nandangi kalak sideban... (la terjeng anggota GBKP) tapi pe kerina manusia. Banci jadi sigejapken erbage kinilapayon ibas lingkungen masyarakatta kerna keberadanta selaku “kelompok minoritas” tapi labo erbahanca kita ngadi erbahan mehuli man kalak sideban... Gereja arus jadi sira ras terang sibanci ernanam nandangi kalak sideban. Mari sipersiapken ka dirinta guna bengket kubas tahun solidaritas eksternal. Melala si man dahinta, melala ka tantangen siman alanken, tapi tupung kita setia man Tuhan.... Tuhan lebih setia nemani ras nampati kita. Amin

Pdt.Alexander S,S.Th

Artikel lain yang terkait: