Khotbah Yohanes 17:21-23, Pekan Penatalayanen Wari VI, Jumat 25 Januari 2013

Introitus :

Pilipi 2:2b (“kupindoken man bandu: Ersada min arihndu, sikeleng-kelengen min kam, ersada min geluhndu dingen ersada ukurndu.”)

 

Ogen : 2 Kor 8:1-5 Khotbah : Yohanes 17:21-23

Thema :

“Kesah Si Badia Make GBKP Jadi Aron Dibata Ibas Ndalanken Misi Gereja-Gereja Indonesia”

 

(1) Kiniersadan/ persadan eme siniarapken setiap kalak/ manusia. Emaka manusia tetap berusaha maka kiniersadan enda tetap ipupuk alu mehuli, sebab nina pepatah “Bersatu kita teguh, bercerai kita runtuh”. Emaka ibas kegeluhen enda persadan ras kiniersadan merupakan sada kekuatan guna membangun masa depan si lebih mehuli, tanpa kiniersadan sulit untuk melakukan sesuatu apaika adi ateta guna hal-hal simehuli. Kerina kiniulin e harus itempuh arah kiniersadan. Contohna: adi purih sada ngenca sulit untuk ipergunaken kecuali ngeligas erbahan ate kalak mesui, tapi adi ipesada ia melala maka banci igunaken napui halamen si melket.

Bagepe nai I kutanta guna ngerintak kayu I kerangen nari, adi ersadalah gegeh, semangat pasti kayu e aminna galang pe pasti seh I kuta, luar biasa nggeluh ibas kiniersadan e. Emaka sebagai kalak Kristen, tetap semangat, menyemangati persadan ras kiniersadan e guna membangun persekutuan masa depan si lebih baik.

(2) Rasul Paulus arah suratna man perpulungen Korinti, maka ipujikenna perpulungen e arah kiniersadanna guna ikut muat bagin ibas nampati Jemaat I Jerusalem si sangana ngenanami erbage-bage kesuliten si mberat. Emaka arah enda kuga perpulungen Makedoni ersada ia mpepulung penampat e guna ipeseh man teman-teman sada kiniteken I Yerusalem.

Ternyata ibas kiniersadan e labo erkiteken bayakna tapi erkiteken tanggung jawab kiniteken, sebab arah kai sini ibahanna e labo merugiken bana tapi man kalak ernanam. Hal enda ngajuk kerina kita warga GBKP, ikut ertanggung jawab gna erbahan si mehuli arah kita ikut muat bagin lako nampati, janah kiniersadan e membangun kalak si deban arah kai silit ibas kita.

Jemaat Makedoni mengacu ku bas penggejapen si prihatin, emaka arah kekurangenna pe ikut it nampati, arah atena mekuah emaka ersada arihna mis ia ambil bahagian (2 Kor 8:3).

Sungguh luar biasa perbahanen si mulia e ndatken apresiasi ibas Rasul nari. Kapan kita juga berbuat seperti Jemaat Makedonia..? Perbahan e labo iukur arah jumlah tapi rasa peduli langsung berbuat erpalasken kiniteken man Yesus sebagai Pemilik segalanya. Jangan tunggu hari esok, kai sibanci siban wari enda simehuli lakukanlah, aminna gia sitik, si penting niat baik.

(3) Ibas kitab Yohanes 17, Yesus berdoa syafaat, emaka arah pertoton-Na man Bapa I Surga iawaliNa guna notoken diriNa sendiri, Ia lanai ndekahsa iendesken me man penguasa doni enda, sebab lanai terelakken pengorbanen-Na I kayu salib e. Emaka ibas pertoton-Na nina: “O Bapa genudari nggo seh paksana, pemuliakenlah AnakNdu gelah AnakNdu pe mpemuliaken kam” (Yoh 17:1-5) Kenca bage maka iterusken-Na doa syafaat-Na guna notoken murid-murid-Na gelah ersadalah ia sebagai sekerajangen Dibata, gelah banci nerusken karya keselamatan doni enda. Gelah murid-murid nggejapken maka ia enggo iajari lebih 3 tahun guna meritaken Berita Si Meriah (ay 6-19) Emaka Yesus nerusken doa syafaat-Na guna kerina manusia si enggo tek man Ia gelah ersada min kerina ibas ndalanken tugas tanggung jawab guna meritakan Berita Si Meriah (ay. 20-26).

Arah Yesus enggo mereken tugas man kalak Kristen erpalasken Matius 28:19-20, emaka Berita Si Meriah berkembang ku belang-belang doni enda, emaka enggo enterem kal kalak si ngikuti kai siniajarken Yesus e, emaka seh asa gundari perberita si meriah terus erberita, erkiteken sie maka Dibata mereken gegeh man anak-anak-Na emaka sungguh luar biasa pertumbuhen kekristenan e.

Emaka Kesah Si Badia mereken gegeh man GerejaNa gelah tetap ipupuk kiniersadan ibas membangun kiniteken. “O Bapa, ertoto Aku man baNdu gelah ersada min ia kerina. Ersadalah min ia ras kita, bagi kam ersada ras Aku ras Aku ersada ras Kam” (Ay 21).

Gereja-gereja I Indonesia enda ipersada arah litna kiniersadan si ibenaken Tahun 1950, ija gereja-gereja membentuk sada persadan sini igelari DGI (Dewan Gereja-Gereja di Indonesia), gundari berubah gelar menjadi PGI (Persekutuan Gereja-Gereja di Indonesia).

Arah persadan enda mereken sada kekuatan guna ikut muat bagin membangun gereja ras bangsa. Emaka enggo melala hal-hal simehuli sinilakoken Gereja-Gereja Indonesia enda. Emaka kita sebagai warga GBKP mengacu kubas kai sini itotoken Yesus arah Yohanes 17:21, ras harus menyadari maka kita enda sada aron guna ndalanken Misi Gereja I Indonesia enda.

Emaka erkiteken kita sada aron ibas Tuhan Yesus harus saling mendoakan, labo saling menjatuhkan (sipandang-pandangen). Alangkah indahna arah kiniersadan ibas membangun pertumbuhan iman kalak Kristen I tiap-tiap persekutuan ibas Gereja masing-masing alangkah indahna.

Kiniersadan sini itotoken Yesus labo kesatuan organisasi tapi kesatuan rohani pengikut-pengikutNa, si berdasarken kegeluhen ibas Ia (ay 23), sebab si nandai Ia eme kalak si enggo nggejabken kekelengen-Na si luar biasa. Emaka setiap kalak si enggo ngaloken Ia jadi Juruselamat harus taat nandangi Kata Dibata, ras bage pe mabai kalak gelah banci tetap setia/ tek nandangi Kata Dibata.

Emaka itegasken Rasul Paulus arah Pilipi 2:2b, ersadalah min arihndu, sikeleng-kelengen min kam, ersada min geluhndu dingen ersada ukurndu (Introitusta). Hal enda banci terlaksana adina kita nggeluh ibas erkiniteken man Tuhan Yesus. Emaka usaha guna membentuk sada kiniersadan pusuh sidem pengataken bujur man Dibata arah pemereNa si pelain-lain e tapi tetap sada ibas Ia.

(4) Tahun enda eme Solidaritas Eksternal, kuga kita mediate nandang temanta manusia di luar persadanta GBKP enda. Tanggung jawab enggo iampeken Dibata man banta sekalak-sekalak, emaka lanai lit kata tidak sanggup, tapi berbuatlah bagi perpulungen Makedoni, kai kita ngasup erbahansa bahanlah si penting erpalasken kiniteken man Tuhan Yesus. Dingen ersada ukur ibas Tuhan labo erpalasken kiniganjangen ukur.

 

Salam,

Pdt. A. Brahmana, S.Th., MA

Artikel lain yang terkait: