Suplemen Bimbingen PA MAMRE, Tgl. 15-21 Februari 2015, Nas Kejadian 1:26-28

Thema : Tugas Ras Tanggungjawab Mamre GBKP

Teks    : Kejadian 1 : 26-28

Tujuan : 

• Mamre Meteh Tanggungjawabna Rikutken Tujun Dibata Nepasa E Me Ija Ia Hadir Maba Kiniulin

Penciptaan manusia eme siterakhir kal ilakoken Dibata, eme wari sipenemken. Engkai...? tentuna manusia eme ciptaan sitermulia maka harus leben i persiapkan inganna tading, gelah ibas kehadiranna maka kerina kebutuhenna enggo tersedia. Hal enda me Dibata ncidahken keleng atena man manusia e, gelah manusia e nggeluh ibas keriahen. Ras pe penciptaan nandangi manusia e berbeda kal ras ciptaan sidebanna ija Dibata erbahan sada rencana si me huli nandangi penciptaan manusia, alu ngataken sijadikenlah manusia si sentudu ras tempasta, simenam seri ras kita (ay 26). Sementara sidebanna Dibata hanya ngataken jadilah, emaka jadi kai sini ibahan Dibata.

Hal enda ncidahken maka Dibata erbahan perencanaan si mateng nandangi kehadiran manusia ndai, sebab manusia eme si engkuasai kerina si enggo ijadikenNa.Bageme kepeken gelah manusia (kita) sadar, kuga Dibata erkeleng ate nandangi kita, emaka sehasa gundari Dibata nikapken kai kin sini i butuhken manusia ndai, ras pe Dibata njadiken kita segambar gelah kehadiran ta ijapape maka e nggambarken kehadiran Dibata arah kita. Emaka haruslah kita menjaga kehadiranta sebagai mamre ijapape kita. Baik ibas persekutuanta bagepe ibas keseharianta, i kantor, i lingkungan, i pasar, i kerja-kerja gelah ula kari arah kita sebagai gambar Dibata i curnaken kalak Dibata. Kita tetap berusaha gelah arah kehadiranta turah kemalemen ate kalak, sebab idahna kita idahna Dibata.

Dibata njadiken manusia ndai dilaki ras diberu, janah sentudu ras tempasna. Hal enda ncidahken maka manusia (Dilaki-diberu) Dibata sinjadiken ca, sura-sura Dibata gelah ibas kehadiranna erbahanca kemalemen ate antara dilaki ras dibaeru, sebab duana jadi sada kini ersadan i tengah-tengah doni enda bagepe i tengah-tengah jemaat. Dilaki diberu duana terus jadi pasu-pasu nandangi sesamana (ay 28).

Dibata masu-masu manusia ndai alu ngataken ertuahlah jadi enterem dingen taluken doni enda (ay 29). Dibata pe merestui manusia berkembang jadi enterem ras Dibata pe ngarapken gelah tetap silebih tinggi dari ciptaan lain (erkuasa ngkuasai). Tapi perlu si inget kita erkuasa, labo memusnahken. Emaka kalak sierkiniteken erkuasa erpalasken ate keleng ras ertanggung jawab labo asal-asalen saja. Harus mperdiateken keseimbangan sada ras sidebanna, diantara ciptaan si enggo i ciptaken Dibata.

Perbapaan GBKP eme Mamre gelarna, ibereken Dibata tugas ras tanggung jawab si mberat eme kuga kit ngaturken anak jabunta ras ngaturken kerina silit bekas tinepa Dibata enda. Janah kita harus menjadi model sibanci itatap anak ajabu bagepe jelma sienterem, gelah arah kita reh teremna manusia nandai Dibata, bagepe reh teremna kalak ngaloken berita simeriah. Situhuna adina siukuri enggo 125 thn berita simeriah seh man kalak karo, pasti nai sipertama ngalo-ngalo perberita simeriah perbapan, janah arah perbapan e kang nai mpeseh man anak jabuna, emaka seh asa gundari berita simeriah sini beritaken GBKP enggo tersebar luas. Arah sienda dage mari sisehken tugas tanggung jawabta sebagai perbapan GBKP guna ngkelengi kerina tinepa Dibata,tapi si mulai ibas jabunta nari. Gelah arah kita reh ulinna kerina kai sienggo ijadiken Dibata termasuk lingkungan hidup, alu e perlu si inget :

1. Kita eme tinepa simulianakal, sebap Dibata erbahan rencana simateng, emaka kita pe sebagai mamre harus terus punya rencana simehuli guna keluarga ras ciptaan sidebanna.
2. Kita i jadiken menam seri ras Dibata (segambar), erkiteken sie maka kujape kita tetap maba gambar Dibata arah ayo ras perbahanenta, hadir kita eme kehadiren Dibata.
3. Kita erkuasa ibas kerina sinasalit, emaka kita iajuk guna pekena-kena kai si enggo jadiken Dibata gelah tetap jadi kini ulin man banta.
4. Dilaki ras diberu, eme bekas tinepa Dibata, erkiniteken sie maka labo ise si hebatna, tapi arah kita (bapa nande) teridah kehebatan Dibata sinjadiken kita.
5. Dibata mengijinken manusia ertuah kenca i pasu-pasuna, emaka si ajarken man anak-anakta, maka ula kai ngelakoken pergaulan bebas (sex sebelum nikah).
6. Kita ertuah jadi enterem, ngingetken kita maka keturunen si er kwalitas (takut akan Allah, setia pada kehidupan, menjalankan kebaikan dan tetap menjaga hubungen baik ras sesama).
7. Tugasta eme menjadiken teladan man anak jabu, man jelma sienterem

Salam

Pdt A. Brahmana S.Th

(0813 17054961)

Artikel lain yang terkait: