Ogen : Matius 24:45-51
Tema : Nggeluh Bujur Maba Kemalemen Ate
Tujun :
.
Gelah
ngawan perpulungen meteh ulu kemalemen ate
.
Gelah
ngawan perpulungen nggeluh ibas kebujuren
Perlebe
Lit lagu pop tahun 80-90 judulna
“Pria Yang Jujur” si iendeken Ade Putra. Ibas bagin syairna lit ije ikataken “oh … pria yang jujur … oh susah di cari”.
Cerita I balik lagu enda eme ija sekalak singuda-nguda ndarami anak perana si
bujur, tapi ternyata la nukah ndatkenca. Payo, mbue anak perana si ganteng,
tapi si bujur “susah dicari”. Bagepe para pengusaha tentu ngarapken kerina
pegawena nggeluh bujur, tapi uga kinatana? Arusna min ndai masyarakat Indonesia
berkomitmen tinggi nggeluh alu bujur erkiteken kerina enggo eragama, tapi
kinatana? Mbue denga si idah masalah korupsi, ulih pengadilen si mencedrai rasa
keadilen masyarakat, rsd. Bagepe kekristenen khususna, megati sibegi kata enda:
“sada kiniteken tapi la siteken”. Kata
enda iban erkiteken labo kerina kalak kristen nggeluh bujur. Ironisna lit
pengusaha kristen, pangen ia merekrut pegawena si la kristen. Ngkai maka bage?
Menurut kesaksinna erkiteken ternyata kalak kristen e labo lebih bujur asangken
kalak si la kristen. Enda me tantangen man gereja. Emaka arah PJJta minggu enda
iajuk kita segelah nggeluh bujur, sabab e maba kemalemen ate baik I doni enda
terlebih ibas kerehen Yesus si peduakaliken dem kemalemen ate e.
Pebagasi Nas
Judul bagin Nas PJJta Matius 24:45-51
eme “Perumpaman kerna juak-juak si tutus ras juak-juak si la tutus”. Bagin enda
la banci ipahami pulah ibas bagin ope nas enda eme kerna kerehen “Anak
Manausia” ise pe la matehsa seyakatan Bapa (ayat 36). Erkiteken si e kata kunci
ibas merespons “kerehen Anak Manusia” e eme “erjaga-jagalah” (ayat 44).
Uga kin kalak si erjaga-jaga? Adi
labo siteh katawari pinangko e reh maka sikap erjaga-jaga eme memastiken
pintu-pintu rumah enggo terkunci, terdauhen banci I pasang alram ntah sisi TV,
rsd segelah adi reh pinangko e banci ieteh.
Adi erjaga-jaga e sehubungen kerehen Yesus si peduakaliken, uga? Ibas
nasta isingetken uga carana. Arah perumpaman juak-juak situtus ras si la tutus
enggo banci sijabab ras si dalanken, eme: si pemena, memposisiken diri selaku
juak-juak/hamba. Uga kin sekalak juak-juak? Sekalak juak-juak eme:
- Kalak si la lit hak atas dirina erkiteken ia enggo itukur tuanna. Alu bage dirina enggo jadi milik penuh tuanna. Bagem kita kerina si enggo ngaku tek man Kristus Yesus. Kita eme sekerajangen Kristus erkiteken enggo itukur Dibata meherga kal (1 Kor 6:20), kita enggo itebus alu dareh Kristus si meherga (1 Pet 1:19). Erkiteken si e nina Paulus “muliakenlah Dibata arah kulandu”. Ertina secara totalitas kegeluhenta iarahken guna mpermuliaken Dibata.
- Pelayan/pekerja. Sekalak juak-juak arus ndalanken tugas ntah pe pendahin si iendesken tuanna man bana alu tutus.
- Tunduk nandangi otoritas tuanna. Sekalak juak-juak labo banci milih, ngatur ras nentuken pendahinna sue ras sura-surana. Kerina juak-juak si tutus dingen pintar meteh maka ia la banci nulak adi tuanna nuruh ngelakoken pendahin kai pe e. Sabab kemulian ras nilai sekalak juak-juak lit ibas kepatuhenna nandangi tuanna.
- Ngaloken penghargan adi idapeti tuanna ia sangana ndahiken dahinna alu tutus.
Si peduaken, Tutus ndahiken dahin si iendesken
subuk ije ras la ije tuanna. Ertina ia erdahin terus-menerus. Katawari pe
tuanna reh, ia idapeti terus erdahin sue ras dahin si ipercayaken man bana. Pernah
terjadi Johanes Calvin ibujuk gelah ngadi ndahiken pelayanenna, emaka alu nada
jengkel nina jababsa: apa? Kamu mau
membuat Tuanku mendapati aku sedang menganggur?[1] Sipeteluken,
La saja mehuli ukurna nandangi tuanna tapi pe nandangi sapih-sapih juak-juak. Ertina
sekalak juak-juak si mehuli eme lit hubungen si mehuli ras sapih juak-juak.
Pengkenaina
Thema eme “Nggeluh Bujur Maba
Kemalemen Ate”. Payo kal thema enda. Saja ngenca guna ngasup nggeluh bujur e
labo nukah. Sabab bagi lit istilah “jujur terbujur”. Arah kuan-kuan enda
ngataken maka ibas bujur e lit tanatangen baik ibas diri sendiri bagepe idarat
nari. Ibas diri nari eme kecendungen manusia la bujur erkiteken dosa si ngerimrim
bagi nina Paulus: “amin gia lit sura-suraku erbahan si mehuli, si kudalanken
labo bage (Roma 7:18). Idarat nari eme kalak si la erngena ate silakoken si
bujur sabab arah kita bujur erbahansa teridah kelabujuren kalak si la bujur.
Amin gia bage tentu la erbahansa kalak si tek nggeluh la bujur sabab nggeluh
bujur eme salah sada si ngena ate Dibata janah ise saja si ngelakokenca lit
ibas ia kemalemen ate[2]
(Bhs. Indonesia: kelegan, damai sejahtera). Payo bagi isingetken ibas pustaka
sibadia maka kalak bujur pe ngenanami kiniran nge (Mazmur 34:20a) tapi:
- Ipulahi Tuhan ia ibas kerinana nari (Mazmur 34:20b)
- labo pediat Dibata bene sabab iklini ras ikawali Dibata kap ia (Mazmur 37:39),
- isalihken jadi kemalemen ate (bd. Kuan-kuan 11:8a),
- ndatken simehuli (Kuan-kuan 11:31),
- terdauhen sinursur kalak bujur ipasu-pasu Dibata (bd. Mazmur 37:25; Kuan-kuan 10:6a)
- Beda ras kalak jahat. Kalak jahat idempar kesusahen (Kuan-kuan 11:8), ikernepken Dibata (Kuan-kuan 10:29), rsd.
Adi bage mari sipetetap ukurta tetap
nggeluh bujur. Terlebih erpalasken kata Dibata siman oratenta, ise pe la
metehsa katawari kerehen Yesus si pedua kaliken emaka tetap nggeluh bujur eme pilihen
sitepat ncidahken kita selaku juak-juak situtus si katawari pe erjaga-jaga. Selamat
man banta kerina si pang tetap nggeluh bujur.
Pdt.S.Brahmana
[1]
http://alkitab.sabda.org/commentary.php?passage=matius+24%3A45-51
[2]
Bd. Mazmur 64:11; 97:11; Kuan-kuan 10:6
0 komentar:
Post a Comment