Khotbah - Renungan Minggu Setelah Paskah/Quasimodogeneti Mazmur 42:1-6, Tgl. 19 April 2020

Invocatio:

“Kuangkat tanku ertoto man bandu desken taneh kelegon  muas aku man bandu” 

(Masmur 143:6).

Ogen: 1 Petrus 2:1-5; Khotbah: Mazmur 42:1-6

Thema: KETEDEHEN ATE MAN TUHAN/KERINDUAN KEPADA ALLAH

Mejuah-juah man banta kerina. Shalom … Tuhan Yesus tetap simasu-masu kita kerina.

Perpulungen sinikelengi Tuhan Yesus, kebaktinta ilakoken denga irumah-rumah, terus kita ertoto gelah kovid 19 enda lampas erkedungen, gelah mulihi kita banci beraktivitas bagepe kebaktin ras-ras I gereja bagi biasana.

Arah perikop khotbah Minggu enda, Mazmur 42:1-6 maka keadanta paksa genduari enda ibandingken zaman pemasmur paksa e tentuna lit ngenda peserina. Perserina eme lanai kita bebas bagi si gelgel terlebih ibas kita reh ku rumah pertoton. Bagem perasan Bani Korah ibas taneh pembuangen paksa e, lanai banci bagi ndube I Yerusalem ersembah man Dibata ku rumah pertoton, terlebih pe lit ka kalak naling-naling “dimana Allahmu?” (Ija kin DibataNdu?”). Bagem maka turah ketedehen si mabages pemasmur enda nandangi banci mulihi ersembah I adap-adepen Dibata, she maka ibanna kiasen “bagi belkih mejihe nandangi lau maler si malem”.

Perpulungen sinikelengi Tuhan, ibas keadanta genduari pe tentuna lit ngenda si menggelitik ibas pusuhta, apakah  mekelek ntah lang terlebih teman-temanta si aliren karismatik, ija nge kuasa Dibata, ija ngenda janji pemeliharan Dibata ibas situasi pandemic covid 19 enda? Uga ngenda menyikapi virus corona enda, biaren nge kita man virus enda ntah man Dibata? Kerna sienda, lit pemerhati gereja ngatakenca maka mbue jemaat si sedekah enda megiken pendetana khotbah si sangat menekanken kuasa mujizat ibas Dibata nari menuntut kebenaren e. Janah enda tantangen man hamba-hamba Tuhan ibas mereken pemahamen si payo man perpulungen. Sipasti Alkitab la ngataken maka adi enggo kita jadi pengikut Yesus Kristus si tutus la nai lit pebeben e. Ntah alu kata sideban amin gia mbelin kinitekenta labo berarti lanai lit masalah siturah ibas kegeluhenta. Inget tokoh-tokoh ibas Alkitab, stefanus salah sada 7 kalak diaken si iangkat rasul-rasul e mate ibenteri perbahanen ngataken kebenaren kerna kinitekenna. Janah mbue saksi iman si perpatena pe sangat menyedihken. Apakah Dibata la erdahin, apakah Dibata kurang erkuasa? Tentuna lang. Sabab Dibatata ibas Yesus Kristus e ibabo kerina dibata-dibata ibas doni enda, Ia Dibata sierkuasa nderbih sendah ras sidekah-dekahna, Ia me Dibata Alfa ras Omega. Emaka baik bencana alam ntah wabah pinakit bagi genduari enda, labo berarti Dibata la nai erkuasa, labo berarti Dibata e la nai keleng atena kita.

Emaka mari kita erlajar ndarami maksud Dibata mengijinken keadanta genduari terjadi ibas zamanta enda, si penting ula pernah nimpet ntah padam kinitekenta ras pengarapenta man Dibata si teridah ibas ketedehen ateta man Dibata gelah banci mulihi ersembah man baNa I gerejaNa. Bagi nina permasumur ibas "mukui" pusuhna ngidah ras mengalami kinata la bagi ukur e, bage ka lah ninta “Ku Dibata saja aku erpengarapen, jenari kupuji Ia tole, si engkelini aku dingen penampatku. Amin.

Artikel lain yang terkait: