PA MAMRE TANGGAL 01-07 MEI 2022 - TEKS: KOLOSE 3:12-17

PA MAMRE TANGGAL 01-07 MEI 2022

 

TEKS : KOLOSE 3:12-17

TEMA    :

SENTUDU KATA RAS PERBAHANEN 

(Mamre erdiate, Mamre erpemere)

 

Bagin teks PA Mamre eme Kolose 3:12-17. Judul si ibahan LAI eme kegeluhen si male ras kegeluhen si mbaru. Arah judul enda ngataken maka la lit abu-abu ibas kegeluhen anak-anak Tuhan. Nggeluh Mbaru ntah Male. Kai indikatorna?

Banci sioge mulai ayat 5-17. Ayat 5-9 ncidahken uga kin kegeluhen si male ras Khusus bagin teks PA Mamre eme si ncidahken uga kin kegeluhen si mbaru.

Kata “Kam anak-anak Dibata. Kam ikelengi dingen ipilih Dibata jadi sekerajangenNa…”  Nuduhken maka inisiatif Dibata nge kita banci ngaloken perkuah ateNa eme keselamaten ibas kuasa dosa nari. IpilihNa kita labo erkiteken kita metunggung, la bo erkiteken kita si mehulina, lang. Tapi pelin-pelin erkiteken perkuah ateNa.  Emaka bagi si ikataken Paulus ibas Efesus 2:8-9 kita la banci mujiken bana amin gia mbue talenta ibas kita, amin lit kedudukenta ibas gereja. Apai ka nganggap dirinta lebih mulia, mbelin, hebat asangken kalak sideban. Eme sababna ibas teksta enda Paulus mempersingeti perpulungen Kolose bagepe mpersingeti kita kerina alu erbahan istilah kegeluhen si male ras kegeluhen si mbaru.

Kegeluhen si mbaru berarti kalak si erkiniteken. Enda perlu ipertegas sabab la mungkin kalak lit ibas kegeluhen si mbaru tampa erkiniteken man Yesus Kristus. Sabab bagi isingetken ibas Yahones 3:16 maka banci sialoken kegeluhen si tuhu-tuhu si la erkeri-kerin e adi kita tek. Tek sinimaksud tentuna labo sekedar tek tapi erkiniteken. Sabab adi tek saja lenga tentu erkiniteken, tapi sebalikna adi erkiniteken pasti enggo tek. Kai kin sinimaksud erkiniteken? “Mempercayakan hidup kita secara totalitas ke dalam pimpinan dan pemeliharaan Tuhan Yesus”.  Sebab kita mempercayai Dia, karena hanya Dia (Yesus Kristus) yang sanggup menyelamatkan kita dari kuasa dosa. Itu berarti juga sangat mampu memeliharakan kita di dalam kehidupan kita di dunia ini sebab Dialah yang empunya kuasa di bumi dan di sorga.

Kalak si erkiniteken enggo pasti kegeluhenna “menyenangken hati Tuhan”. Salah sada dampar tentuna “Hidup mengucap syukur/ngataken bujur” (ayat 15b, 16c, 17c). Uga kin kegeluhen si “mengucap syukur”? Ibas kegeluhenta teridah biak selaku manusia si mbaru (karakter si mbaru, cara rukur si mbaru) :

• Perkuah, mehuli, rukur meteruk, lemah lembut dingen saber (12).
• La pergelut di ngen sialem-alemen salah (13)
• Sikeleng-kelengen (14)
• Ibas kegeluhenta lit dame (ayat 15)
• Siajar-ajaren alu dem kepintaren. Ngendeken mazmur, ende-enden pujin ras pertendin (16)

Erpalasken ayat 17 kesimpulen ugakin Kegeluhen si mbaru eme “Dage kai gia ibahanndu, subuk I bas ngerana ntah I bas perbahanen, bahanlah e I bas gelar Tuhan Yesus janah ngataken bujur man Dibata Bapa arah Ia”.

Ikawitken ras tema PA Mamre sendah SENTUDU KATA RAS PERBAHANEN tentuna ngingetken kita maka kegeluhenta arusna jadi teladan ibas kerina simehuli. Terteki sabab kita berintegritas. Meherga kita adi kita berintegritas. Sebalikna adi rananta ngenca medate, sikap, menyakinken tapi adi perbahanenta la sue ras kata-katata e tentu dungna kitik akap kalak kita, kedungenna la nai kita meherga ras la nai kalak tek. Emaka adi motto Mamre “Mame erdiate, Mamre erpemere” teridah lah e ibas kegeluhen mamre, ula terjeng cakap, ula terjeng motto.

 

Batam, 2 Mei 2022

Pdt. S. Brahmana

Artikel lain yang terkait: