Introitus :
Tapi sipentingna kal, daramilah lebe kinirajan-Na; janah dalankenlah singena ate-Na, maka icukupi-Na kai si perlu man bandu (Mat. 6:33)
Tapi sipentingna kal, daramilah lebe kinirajan-Na; janah dalankenlah singena ate-Na, maka icukupi-Na kai si perlu man bandu (Mat. 6:33)
Ogen : Kejadin 13:8-12; Khotbah : Matius 6:19-34
Tema :
Perayaken Jabu Kalak Kristen
Perayaken Jabu Kalak Kristen
Kata Penaruh
Megati sibegi kata-kata: “Taren ngayaki siman tadingenken lupa siman ayaken.” Kesibuken manusia ibas ngayaki erta doni, barang-barang doni, duit, emas, rumah, juma, mobil, jabatan, pangkat erbanca lupa siman ayaken eme kerna kegeluhen si rasa lalap, erta surga, keriahen, ras kemalemen ate bas Tuhan nari. Labo kita la perlu erta doni, duit, juma, rumah, ras mobil, jabaten, ras pangkat. Kita perlu sie kerina, tapi siman jagan ola min kari erkiteken sie kita lanai siangkan, lanai sitandan subuk ibas jabu bagepe ibas perpulungen ras keluarganta. Erkiteken sie kerina marilah sioge kerna kai nina Pustaka si Badia kerna renungenta enda.
Bimbingen
Tuhan Yesus nuriken kerna erta si tahan rasa lalap, si tahan ndekah. Jenari kerna erta doni enda eme barang si la tahan ndekah, banci pan ngetnget, bagepe banci tangko pinangko. Janah rusur si jadi perayaken manusia eme biakna si la tahan rasa lalap enda. Janah barang enda kerina megati erbanca manusia kecewa. Yesus nurikenca maka barang si tahan rasa lalap e, si rehna i surga nari, si la banci tangko kalak, eme biak si mehuli teridah arah karakter, perkukuren, ras perbahanen nandangi temanta manusia ras Dibata.
Erkiteken manusia usursa ngayaki erta doni maka megati la terfokuskenca kerna erta surga, eme kata Dibata. Mata si la terang ngenehen kubas masa depan e erbahanca maka manusia terjeng doni enda perukurenna, perayakenna, la seh ku masa depan, ku geluh si nggo sikapken Tuhan. Manusia rusur eraru ate erkiteken soal pangan, soal uis, janah soal si lenga reh pe, e nggo iukuri kerina seh maka lanai terukurisa, janah lanai terenungkensa kata Dibata simereken ukurna erlayas, tempa-tempa nggo ergan soal pangan ras uis asangken kesahna sendiri. Ijenda me Yesus mpersingeti kalak si megiken pengajaren-Na gelah ula aru ate nandangi kebutuhen si tep-tep wari, sebab Dibata mereken keperlun/ kebutuhen anak-anak-Na si nggit mengandalken Tuhan. Sabab ija manusia ngandalken pikirenna, mengandalken erta doni, gegehna maka la banci lang sura-sura ne la seh, teridah bagi si Lut ibas ogenta enda, ija akapna ia ndatken kemakmuren secara materi, ibas ia nggo milih inganna berusaha i sekitar Lau Jordan, ijem ka kepe melala si atena meneken ia ras meneken pengarapenna, erkiteken ia mengandalken kesuksesan secara materi. Emaka Yesus tole mpersingeti daramilah lebe kinirajan surga singena ate Dibata, erkiteken sie me Tuhan mereken keperlunta ibas perdalanen kegeluhen.
Pengkenaina
Keluarga Kristen la terlepas tutus tah la tutus membutuhken erbage-bage materi bas doni enda. Kalak si tek la terlepas ibas duit, rumah, pangkat, ras jabaten, tapi e kerina merupaken alat siibereken Tuhan guna mpemuliaken gelar-Na. Keluarga Kristen ngasup makeken kata Dibata guna menguasai kerina erta doni ras keperlun nggeluh. Keluarga Kristen ipersingeti gelah ngelebeken si ngena ate Tuhan, sura-sura Tuhan, eme ngataken bujur, nehken kekelengen, ras jadi penampat man kalak si deban. La aru atena katawari pe, erkiteken nggo igeluhkenna kegeluhenna ndarami singena ate Tuhan. Ungkapen enda, la terjeng kata-kata saja, tapi ibas praktek kegeluhen ibas jabu, subuk bapa, nande, ras anak-anak ngasup ermeriah ukur, ras mensyukuri kai siibereken Tuhan man bana, janah lit pengarapenna Dibata tetap mperdiateken ras pekena-kena, ras ngaturken kalak si tek man Tuhan ibas erbage kecibal geluhna, seh maka jabu kalak sierkiniteken ndai bagi batang kayu si turah i tepi lau maler, tupung paksa perlego meratah bulungna, tupung paksa perudan meramis buahna. Alu kata sideban, keluarga si bage, keluarga si tahan segala cuaca, subuk ibas kekurangen bagepe ibas kesuksesen ngasup ia ngataken bujur ras nggit ia nampati man kalak si perlu penampat bas kegeluhenna.
Pdt. J. Karo Sekali S.Th
Bimbingen
Tuhan Yesus nuriken kerna erta si tahan rasa lalap, si tahan ndekah. Jenari kerna erta doni enda eme barang si la tahan ndekah, banci pan ngetnget, bagepe banci tangko pinangko. Janah rusur si jadi perayaken manusia eme biakna si la tahan rasa lalap enda. Janah barang enda kerina megati erbanca manusia kecewa. Yesus nurikenca maka barang si tahan rasa lalap e, si rehna i surga nari, si la banci tangko kalak, eme biak si mehuli teridah arah karakter, perkukuren, ras perbahanen nandangi temanta manusia ras Dibata.
Erkiteken manusia usursa ngayaki erta doni maka megati la terfokuskenca kerna erta surga, eme kata Dibata. Mata si la terang ngenehen kubas masa depan e erbahanca maka manusia terjeng doni enda perukurenna, perayakenna, la seh ku masa depan, ku geluh si nggo sikapken Tuhan. Manusia rusur eraru ate erkiteken soal pangan, soal uis, janah soal si lenga reh pe, e nggo iukuri kerina seh maka lanai terukurisa, janah lanai terenungkensa kata Dibata simereken ukurna erlayas, tempa-tempa nggo ergan soal pangan ras uis asangken kesahna sendiri. Ijenda me Yesus mpersingeti kalak si megiken pengajaren-Na gelah ula aru ate nandangi kebutuhen si tep-tep wari, sebab Dibata mereken keperlun/ kebutuhen anak-anak-Na si nggit mengandalken Tuhan. Sabab ija manusia ngandalken pikirenna, mengandalken erta doni, gegehna maka la banci lang sura-sura ne la seh, teridah bagi si Lut ibas ogenta enda, ija akapna ia ndatken kemakmuren secara materi, ibas ia nggo milih inganna berusaha i sekitar Lau Jordan, ijem ka kepe melala si atena meneken ia ras meneken pengarapenna, erkiteken ia mengandalken kesuksesan secara materi. Emaka Yesus tole mpersingeti daramilah lebe kinirajan surga singena ate Dibata, erkiteken sie me Tuhan mereken keperlunta ibas perdalanen kegeluhen.
Pengkenaina
Keluarga Kristen la terlepas tutus tah la tutus membutuhken erbage-bage materi bas doni enda. Kalak si tek la terlepas ibas duit, rumah, pangkat, ras jabaten, tapi e kerina merupaken alat siibereken Tuhan guna mpemuliaken gelar-Na. Keluarga Kristen ngasup makeken kata Dibata guna menguasai kerina erta doni ras keperlun nggeluh. Keluarga Kristen ipersingeti gelah ngelebeken si ngena ate Tuhan, sura-sura Tuhan, eme ngataken bujur, nehken kekelengen, ras jadi penampat man kalak si deban. La aru atena katawari pe, erkiteken nggo igeluhkenna kegeluhenna ndarami singena ate Tuhan. Ungkapen enda, la terjeng kata-kata saja, tapi ibas praktek kegeluhen ibas jabu, subuk bapa, nande, ras anak-anak ngasup ermeriah ukur, ras mensyukuri kai siibereken Tuhan man bana, janah lit pengarapenna Dibata tetap mperdiateken ras pekena-kena, ras ngaturken kalak si tek man Tuhan ibas erbage kecibal geluhna, seh maka jabu kalak sierkiniteken ndai bagi batang kayu si turah i tepi lau maler, tupung paksa perlego meratah bulungna, tupung paksa perudan meramis buahna. Alu kata sideban, keluarga si bage, keluarga si tahan segala cuaca, subuk ibas kekurangen bagepe ibas kesuksesen ngasup ia ngataken bujur ras nggit ia nampati man kalak si perlu penampat bas kegeluhenna.
Pdt. J. Karo Sekali S.Th
0 komentar:
Post a Comment