Introitus :
Kerinalah kam ngergaken perjabun. Kegeluhen perbulangen ras ndehara i bas perjabun la banci melket. Dibata pagi ngukumsa kalak si erlagu la mehuli bage pe si erlua-lua (Heber 13:4).
Ogen : Efesus 1:3-6; Khotbah : Heber 13:4-6
Thema : Tantangen Jabu
Tuhu mbue tantangen jabu, terlebih ibas jamanta genduari. Tantangen enda banci inen ibas dua sisi. Sisi internal ras eksternal. Internal: (1) mpertahanken 2 jadi sada/memperjuangken kesepadanan. Tuhu enda labo nukah. Terlebih apai ka duana erdahin, duana mejile, duanaka berbakat jadi pemimpin; (2) pebelin-belin anak. Kerna sienda pe mektep petembil orang tua. Sada pebelin anak alu disiplin, sada atena ola rawai anakna, rsd. Bagepe kerna menentuken sekolah anak enda pe mekatep petembil orang tua, bagepe anak ras orang tua; (3) Pengelolan sen; (4) Sikap nandangi orang tua (mama/mami, bibi/bengkila; (5) kegeluhen seks; (6) la lit anak; (7) rsd, banci itambahi. Tantangen eksternal: (1) godaan social. Jaman gundari mbue godaan erbanca kalak selingkuh. SMS (Selangkah menuju Selingkuh, Semakin mau selingkuh). Terlebih alu litna social media arah chatting I BBM, internet, Hand Phone erbahanca reh buena reh gampangna kesempaten selingkuh. Apai ka ibas jaman genduari nilai sacral perjabun enggo reh pudarna. Enda idukung marakna pemberitan kawin cerai, khususna arah TV Infotement; (2) Sarana ras prasarana sirebahansa lanai setia man pasangen. Enda sehubungen ras keluhen seks (3) Roh jaman: individualistis, materialistis, konsumeristis, hedonistis; (4) rsd, banci itambahi.
Erpalasken kata Dibata si man oratenta ibas Pekan Keluarga wari si 4 ken guna menghadapi tantangen jabu, khususna sehubungen ku bas tantangen si mbelinna banci menghancurken rumah tangga/jabu eme:
(1) kegeluhen perjabun e sendiri. Ibas si enda secara khusus kubas tantangen masalah mempertahanken kebadian perjabun (kegeluhen perbulangen ras nderaha bas perjabun la banci melket). Kerna mengatasi tantangen enda, nasehat penulis ibrani man perpulungen alamat surat enda, bagepe man banta gundari eme: sipemena, ngergaken perjabun (penuh hormat terhdap perkawinan). Kata enda mpersingeti kita ku bas pendilo perjabun (Matius 19:5-6 “Jenari nina si Nepasa e, 'Erkiteken si enda itadingken si dilaki me nande-bapana jenari ersada ia ras ndeharana janah si dua e enggo jadi sada. E maka lanai bo ia dua, tapi sada. Dage si enggo ipersadaken Dibata la banci isirangken manusia”). Payo mpertahanken jadi sada tuhu-tuhu labo nukah. Perban la nukah pindo gegeh man Dibata segelah lit turah ibas jabu 5S (Sikelengen, Siangkan, Siangken, Siteken, ras Sitedehen). Melcik ukurta, bagi isingetken ibas ayat 6: Tuhan kap nampati aku. Emaka labo aku mbiar. Kai kin banci ibahan kalak man bangku? Sipeduaken, nginget maka iukum Dibata pagi kalak si la ngergaken perjabun eme si erbahanca melket kegeluhen perjabun alu perzinahen. Ibas 1 Korinti 6:9-10 ikataken “Tentu enggo ietehndu maka kalak si la adil la dat bagin i bas Kinirajan Dibata. Ola tipu bandu. Kalak si erlagu la mehuli, ntah si nembah berhala, ntah perlua-lua, ntah erlagu la mehuli sapih-sapih dilaki. Ntah penangko, ntah si rangap, ntah pemabuk, ntah pengisak-ngisak, ntah tukang kompas -- sada pe la dat bagin i bas Kinirajan Dibata”.
(2) Masalah merangap nandangi duit/hamba uang (ayat 5). Masalah enda (keserakahan/merangap) cukup deher ras masalah tantangen si pmena (kedursilan= kecemaren/melket). Enda banci sibandingken ras 1 Korinti 6:9-10 ndai, bagepe khususna Kolose 3:5 “Dage bunuhlah biak-biak doni si la mehuli, umpamana: erlua-lua, erlagu la mehuli, peraten daging, sura-sura si jahat, bage pe rangap (sabap rangap e me nembah man berhala”. Erkiteken cinta kelempahen harta ras kemewahen bagepe sura-sura si la erngadi-ngadi reh bayakna kepeken mbuka peluang terjerumus ku dosa-dosa seksual. Eme sababna maka kenca ngerana kerna ngergaken perjabun (ayat 4), ayat 5 ngerana kerna nasehat ula merangap nandangi duit ibas perikopta. Guna mengatasi masalah enda ntah pe tantangen enda, penulis Ibrani mereken 2 tips: sipemena, Ermengkahlah atendu asa si lit ibas kam/cukupkanlah dirimu dengan apa yang ada padamu. Berarti mensyukuri, ngataken bujur kai si lit ibas kita. Sipergunaken e sue ras kecibalta. Berarti ula morahi klak si lebih asa kita. Sabab uga gia bayakna sekalak jelma seri nge tujunna eme kemalemen ate/kebahagiaan. Ibas sisi sideban arusna ngataken bujur kita ibas keadanta masing-masing. Kuban contohna, ku kataken bujur aku bagenda. Gendek, mbiring, la ka merupa. Sabab adi bagi Sarukkhan ndai aku, ntah uga nge kecibalku. Sipasti la aku jadi pendeta. Sipeduaken, kerna janji Dibata “Asa ndigan pe la kam Kutadingken, asa ndigan pe la kam Kupulahi” (ayat 5 ras bd. Ayat 6). Kata Dibata ya rasa min. Adi bage pasti kita menang ngalaken tantangen-tantangen siatena meneken jabunta. Bagepe tantangen-tantangen bagi enggo isingetken ndai, masalah nak, rsd.
Jenari ingetpe bagi siikataken ibas pengogenta, Efesus 1:3-6 maka kita enggo kap ipilih jadi sekerajangen Dibata arah persadanta ras Kristus Yesus. Enggo kita ibanna jadi anak-anakNa. Adi bage mari siergaken pemere Dibata e alu nggeluh badia, jabuta badia, jabu singukuri ras ndalanken singena ate Dibata. Selamat ngalaken tantangen ras jadi pemenang. Amin.
Pdt.S.Brahmana
0 komentar:
Post a Comment