Suplemen Bimbingen Pjj tgl.24-30 Juni 2012, Yesaya 55:1-6

Pembacaan : Yesaya 55:1-6

Thema : Nggeluh Ibas Kata Dibata

Catatan

1. Latarbelakang Kata Dibata siman oratenta enda eme bangsa Israel sanga ibas taneh pembuangen I Babel. Banci sibayangken kondisi bangsa enda paksa e baik secara ekonimi, mental ras bagepe spiritual.
   
2. Ibas konsisi enda me ipeseh Dibata berita pengharapen/penghiburen arah nabi Yesaya man bangsa Israel alu maksud banci turah mulihi semangat nggeluh ras kiniteken man Dibata, sabab adi labo lit semangat siturah arah lit pengarapen erpalasken kiniteken labo maba pengaruh kai-kai pe sebalikna erbahansa pusuh reh sedakna.
   
3. Engkai maka kalak enda banci italuken ras itaban kalak Babel eme erkiteken bangsa Israel enggo nadingken Dibata ras kebenarenNa. Adi erlajar kita arah sejarah bangsa Israel mulai ia nadingken Mesir she ku Taneh Kanan ije she kal jelasna maka katawari bangsa enda nundalken Dibata ras la patuh nandangi perintahNa talu nari nge iban musuhna ntah reh mara nulahi bangsa enda, tapi sebalikna amin gia jumlahna labo enterem, ngamin gia secara gegeh kurang tapi adi ia patuh man Dibata labo ngsup musuhna nalukensa (Misalna uga kota Yeriko italuken, Josua 6:12-21, Ibrani 11:30).
   
4. Penekanen Perikopta senda eme bangsa Israel si enggo nundalken Dibata ras kenenarenNa e, iundang mulihi ntah ibereken kesempaten mulihi segelah mulihi reh ndahi Dibata ras nggeluh selaku bangsa Dibata guna ngaloken pasu-pasuNa. Saja ngenca lit syaratna. Amin gia pemulihen e/keselamaten e la nggalar (mangga), tapi lit kap syaratna. Syaratna eme:
   
1. Muas melihe nandangi nakan pertendin eme pengampunen ras hubungen si benar ras Dibata . Bagepe syarat guna ngaloken kuasa Kesah Sibadia eme muas melihe kerna kebenaren Dibata ras kuasaNa.
   
2. Ula tertaren-taren. Ayat 6 “Daramilah Tuhan tupung banci denga jumpa ras Ia”. Ertina enda jadi peringet segelah bagi nina ibas Heber 3:15/4:7 “Adi ibegindu sora Dibata sendah, ola pemersik ukurndu….”. Perlu siinget maka lit kap limitna kita nggeluh. Adi enggo tambat kembal-kambal e dua nari ngenca kemungkinen sekerajangenta eme sialoken selemataten e ntah sialoken hukumen kekal e.
   
5. Kita memang la bagi kalak Israel sinibuang ku taneh Babel. Saja ngenca kondisi terbuang/tertaban erkiteken erbage-bage soal banci saja lit bas kita. Kuakap arah kata Dibata sendah perlu silakoken eme:
   
1. Kita perlu meriksa dirinta sekalak-sekalak, kai nge sababna. Lalah erkiteken kita lanai setia/patuh man Dibata bagi kalak Israel? Payo ku gereja nge kita, siikuti nge kegiaten gereja, tapi reh teridahna nge kita nggeluh badia, nggeluh sue ras kata Dibata? Adilah erkiteken kita nggeluh sue ras kata Dibata kita ndatken perbeben, kuakap e arusna la erbahansa kita kecewa apai ka ngeraguken kuasa Dibata. Janji Dibata “Ya ras Amin”, ipulahina nge kita, labo pediatna kita kemalun . Sipenting bagi sinisuratken ibas II Samuel 22:4 “Kulebuh TUHAN, ipulahiNa aku i bas musuh-musuhku nari; Pujilah TUHAN”.
   
2. Adi sijumpai maka dirinta ras keluarganta lanai ntah kurang enggo setiana/patuhna man Dibata bagi kalak Israel, kata Dibata siman oratenta enda she kal relevanna man banta. Begiken kata Dibata enda, kata Dibata si erdilo segelah mulihi kita ernalem man bana, patuh man baNa teridah arah “muas melihe” nandangi Kata Dibata. Kata Dibata she kal pentingna nandangi kegeluhen kalak sitek sabab Kata Dibata e eme nakan pertendin , tendang ibas ndalani kegeluhen I doni si dem kegelapen enda , emaka tanpa kata Dibata: (1) kita pasti la ergegeh, kedungenna mate rohani, sabab manusia labo enggeluh arah roti saja tapi tapi arah tep-tep kata si ibelasken Dibata. (2) kegeluhenta jadi gelap, la erlayas, gelisah, la erkepastin sabab la lit tujun nggeluh sipasti. Eme sababna mbue kalak bunuh diri, deba menghalalken kerina cara segelah ia tetap eksis/berhasil secara doni tapi kedungenna e pe gelap kange man bana sabab la lit kepuasen ras ujung sukses idoni enda emaka tetap gelisah, aru ate, la lit dame, rsd. sebab Kata Dibata eme terang siiperluken kita ibas geluhta I doni enda. Emaka adi ateta geluhta ratur ras mehuli ogelah rusur Pustaka Sibadia.
   
6. Perlu pe tole siteh manfaat ngoge Kata Dibata secara teratur. Iteruh enda isehken hasil penelitian Dr. Jeffrey Leven dan Dr. David Larsen bagi sninilaporken i Washington Times, 30 Juli 1996. Hasilna bagenda: Membaca Alkitab secara teratur bukan hanya baik bagi jiwa, tetapi juga baik bagi tubuh jasmani. Kedua ahli itu melakukan penelitian terhadap lebih dari 500 orang selama berbulan-bulan. Ditemukan, bahwa mereka yang membaca Alkitab secara teratur cenderung mempu-nyai tekanan darah lebih rendah dan tingkat depresi lebih rendah. Lebih sedikit menderita penyakit jantung, jarang yang kecanduan obat maupun alkohol, jarang yang mengalami perpecahan dalam pererpecahan dalam perkawinan, juga tingkat kesehatannya jauh lebih baik. Bisa dipahami, sebab seumpama makanan, Alkitab adalah makanan bergizi bagi jiwa. Dengan mem¬baca Alkitab secara teratur, berarti kita memberi makanan bergizi kepada jiwa kita secara teratur pula. Sehingga jiwa kita pun akan sehat terjaga. Kondisi jiwa besar sekali pengaruhnya pada kondisi tubuh jasmani. Jiwa yang sehat akan memberi ketenangan pada hati dan pikiran. Selanjutnya hati dan pikiran yang tenang—bebas dari rasa gelisah, cemas, dan benci—akan membuat tubuh kita lebih rileks, jauh dari stres, dan lebih menikmati hidup. Sebaliknya, jiwa yang tidak sehat akan membuat hati dan pikiran kita tidak tenang, resah, galau, stres. Efeknya bisa merembet ke hal-hal lain; kesehatan tubuh, relasi kita dengan orang lain, keputusan-keputusan yang kita ambil, dan sebagainya.
   
7. Emaka payo tuhu kai si nitulis Paulus ibas 2 Timotius 3:16 “Kerina si tersurat i bas Pustaka Si Badia rehna i bas Dibata nari janah erguna i bas ngajari kalak kerna si ngena ate Dibata, mandang si lepak, pekena si salah dingen erguna i bas mereken pedah-pedah gelah nggeluh alu mehuli”. Adi bage mari sijadiken ngoke Kata Dibata la saja jadi kebiasan tapi kebutuhen. Pdt.S.Brahmana

Artikel lain yang terkait: