Khotbah Matius 6:11, Pekan Doa Wari IV (Rabu, 26 September 2012)

Introitus :
Enggo iperentahken TUHAN maka sekalak-sekalak kam pepulungsa asa iperlukenndu dua liter tep-tep anggota keluargandu. (Keluaran 16:16)

Ogen : Keluaran 16:9-26; Khotbah : Matius 6:11

Tema :
Bereken Min Kami Nakan Cukup Ibas Wari Si Sendah Enda

(1) Kemajuan zaman buen membentuk jelma si lanai meteh kai siharus ‘idarami’ ibas kegeluhenna I doni enda. Kesibuken-kesibuken ndarami materi, harta, jabatan, erbahanca manusia lupa ndarami ‘keperlun’ si utama eme erpengendes ras erkemalangen man Dibata. Misalna arah pertoton, sebab kesibuken ndarami ‘biak doni’ erbahansa pe lanai lit waktu guna Dibata. Padahal arah pertoton manusia banci ngerana man Dibata guna nuriken harapan-harapan, pujian, pengataken bujur man Dibata. Arah sie maka manusia banci peka terutama kerna kai kin sura-sura Dibata man bana labo sura-suranta saja.

(2) Ogenta ibas Keluaran 16:9-26, ncidahken kerna kuga sangatna jungut-jungut bangsa Israel man Dibata arah Musa kenca darat ibas Mesir nari. Rasa kecewa, merawa man Dibata kerna masalah panganan. Emaka erpadan Dibata man bangsa Israel ibreken Dibata nakan ibas surga nari eme Manna (roti) ibas erpagi-pagi ras keraben wari ibereken daging (leto). Tapi guna sie lit pemindon Dibata gelah bangsa Israel harus muat asa iperluken saja, 2 liter tep-tep anggota keluarga (ay. 16). Ternyata lit saja kalak Israel simuat lebih deba kurangka, masalahna si lebih buatna pe la kekurangen malahen macik jadinya roti siibuatna. Kalak si kurang buatna pe la ia kekurangan tapi cukup bas ia. Emaka Musa merawa man kalak Israel sibage ibahanna. Iperentahken Musa maka kerina harus muat secukupna guna sada wari e saja. Tapi sanga memperingeti wari Dibata atau sabat iperentahken Musa atas persetujuan Dibata kalak Israel banci muat lebih bagi biasana ras panganen e pe la macik. Hal enda ncidahken kerna kekuasaan Dibata sibanci erbahan kai pe (bnd.12) maka ise la ikut perentah Dibata kecewa hasilna (bnd. 20). Kerina e ibahan Dibata gelah kalak Israel tetap erpengharapen man Dibata tep-tep wari kerna keperlun ibas geluh e (ketergantungan hanya kepada pemeliharaan dan kemurahan Allah), terutama kerna kebutuhen jasmani. Adi perentah Dibata siikutken pasti hasilna pe memuasken ras tercukupi bahkan banci lebih iberekenNa.

(3) Bereken min kami nakan cukup ibas wari sisendah enda enda….(Matius 6::11), merupaken sada bagin ibas Pertoton Tuhan alu kata sideban Pertoton Kalak si Erkiniteken. Kata ‘berekenlah’ artina lit pemindon si iajuken eme kerna panganan. Emaka kalak si enggo lit nakannya entah pe lenga lit pasti kerina ibereken Dibata. Artina manusia e harus encari berusaha guna ngelitken nakannya ras kerina e banci terpenuhi atas kemurahen Dibata saja (bnd. Roma 9:16). Nakan si ipindoken man Dibata emekap nakan si cukup guna ibas wari enda. Pemindon si sesuai man kebutuhenta saja ibas Dibata la lebih. Engkai maka Yesus la ngajarken nakan guna ‘sada minggu, bulan atau tahun enda’? Sebab bagi Manna ras leto siibereken Dibata tiap wari gelah kita sebagai kalak si tek harus erpengarapen ras ketergantungen hanya ku Dibata sicukupi kerinana. Ras la lit pemindon kerna pakaian, kemewahan? Kerna nakan eme keperlun si paling pentingna ibas kelangsungen hidup manusia. Labo nakan si lebih tapi cukup sebab mbuen man banci sakit cholesterol. Lit pengertin sideban ‘cukup’ ipindoken man Dibata gelah sada wari e banci man la kelihen bagi wari si derbih. Emaka nakan cukup eme nakan siipindo labo hanya man banta saja tapi pe man kerina manusia khususna man kalak si geluh ibas kemiskinan, kelihen ras penderitaan (bnd. 2Korinti 8:14). Enda sada bentuk pengataken bujurta man Dibata kerna pemerena, ula egois ras merangap tapi tetap siinget kebutuhen kalak sideban. Sebab nyatana ibas doni enda lit kalak si banci tercukupina nakanna guna 7 turunan tapi lit ka kalak guna sada wari e pe lalit si banci ipanna. Sehingga kata ‘wari si sendah enda’ banci siartiken sebagai pengataken bujur man Dibata kerna nakan si banci denga ipanna guna wari pepagina atau bias seh 7 turunan. Man kalak si lenga banci tercukupi ula khawatir tapi tetaplah erdahin alu tutus ras ertoto alu kiniteken bahwa Dibata pasti ncukupisa. Arah pertoton enda banci sigejabken gua kerna keleng ate ras pemeliharaan Dibata man kerina kalak si tek tetap iberekenNa tiap wari.

Pdt.Mulianta Enaria Br.Purba

Catatan sermon

1. Kuan-kuan 31:13 rst... (Enda penekanenna nggeluh alu cerdik/pentar). Tapi Matius 6:11 ibas kontek pengendesen ntah pe ketergantungen man Dibata. Sabab ibas Amsal 15:19 ikataken adi malas jumpa nge kesusahen. Tole ibas 1 Tesalonika 3:10 “kalak si la nggit erdahin ula bere man.
2. Latarbelakang ayat enda banci saja erkiteken ibas kegeluhen ajar-ajar usur terancam kerna pangan. Labo lit usur sen ibas bendahara, Yudas Iskariot.
3. Mungkin pertotonta gundari enggo perlu ubah: bereken kami hikmat guna milih pangan si hehat man daging kula kami. Pangan si sehat mesera gundari ndatkenca erkiteken mbue enggo terkontaminasi kimiawi. Pertoton enda masih relevan erkiteken kita kesuliten milih pangan si sehat.
4. Kata "kami" pe banci ihubungken ras ikenaken man keluarga, apakah lit jam makan bersama i tengah-tengah keluarga.
   

Artikel lain yang terkait: