Khotbah Matius 6:12, Pekan Doa Wari V (Kamis, 27 September 2012)

Introitus :
Tapi i bas Kam lit pengalemi dosa gelah kami malang man baNdu (Masmur 130 :4)

Ogen : Masmur 130 :1-8; Khotbah : Matius 6:12

Tema :
Alemi Min Salah Kami Bagi Nialemi Kami Salah Kalak Kempak Kami

Pokok Pikiren :
1) Adi kita enggo ialemi Dibata kit ape arus nggit ngalemi
2) Gelah biak kalak si tek ngasup ngalemi emaka Dibata pe ngalemi kita (pengampunan adalah proses kehidupan)
3) Gelah kalak si tek lanai erelem-elem ibas kegeluhenna

(1) Iteruh perkuah ate Tuhan seh ka kita wari enda, wari pe-5ken kita erbahan kebaktin pekan doa ibas tahun enda. Pekan doa ngingetken kita uga pentingna ertoto man banta selaku kalak si erkiniteken, sebab man banta “ertoto eme kesah kegeluhen kinitekenta”. Bage pe ibas pekan doa e ilatih kita guna peduli/mediate nangdangi kegeluhen doni enda, sebab la gia kita ngasup ndungi persoalen doni enda, adi kita menjadi pendoa syafaat maka kita enggo mereken kontribusi si luar biasa guna ndugi persoalen si lit, sebab logikana ibas paksa kita ertoto elah gia lanai kita erbahan dosa. Si lebih ekstrim tentu selaku “pendoa syafaat” metedeh kel ateta, maka kerina pertotonta e ijawab (ikabulken) Dibata, salah sada cara merealisasiken toto eme alu “mpraktekken” kai si totoken kita e, misalna kita ertoto kerna pembrantasen “korupsi” gelah seh pertotonta e kita sendiri pe lanai terlibat/ngelakoken korupsi. Istilah kalak Karo “la gia nampati nampeti lah gia ula”. Emaka ula ngadi ertoto, sebab ertoto banci mpengadi kita erbahan dosa ras sebalikna dosa banci ka mpengadi kita ertoto.

(2) Arah Pekan Doa enda iajari kita Melatih/membiasaken diri ertoto seh kita kubas kesadaren “Berdoa bukan hanya mencari pertolongan, berdoa berarti mencari Dia” ertina ibas kita ertoto e, labo buah pertoton e kel ngenca jadi ketedehen ateta, tapi perjumpan ras Tuhan e. Bandingekn ras syair lagu PEE. No. 52 “Ateku tedeh man bandu o Tuhan, Malem me ateku jumpa si erkuasa, aku megeh di ras Kam o Tuhan sebab Kam me Kapen ulu si nasana, ……. keke me ukurku nehken peraten-Ndu. Sebab nilai pertoton e sediri labo soal kita ibegiken Dibata tapi justru kita nge si megiken Ia. Sebab uga pa pe jilen nge rancangen Tuhan asa rancangenta selaku manusia si terbatas.

(3) Pertoton kalak Kristen labo “mekanis =otomatis (hafalan) tapi harus rill, bersahaja, tulus (sungguh-sungguh) . Pertoton si ngena ate Tuhan eme ukur, ras tendi kerina terlibat ibas kai si ibelasken babah. Jadi labo gelah mejile ibegi kalak, tapi toto eme komunikasi si sejati ras Bapa surgawi. Jadi jelas kel cara ertoto menurut Yesus eme bagi si ajarken-Na sebab jelas kel ikataken :”…Berdoalah Demikian (Luk. 6:9)” bdk ras si ibas Lukas 11:12“….Apabila kamu berdoa katakanlah….” Jadi jelas pertoton siiajarken Tuhan Yesus labo hanya semacam model si banci si pelajari tapi sada keharusen jadi pola pertoton kalak Kristen. Sebab kata “berdoalah demikian” ras “Katakanlah” labo kalimat usulen tapi kalimat printah, alu bage ula padah mbue kel maga-maga (bunga-bunga) ibas kita ertoto.

(4) Pertoton kalak Kristen labo merintahken/maksaken Tuhan guna nehken kerina pemindonta, tapi toto kalak si payo eme “kegeluhenna e sendiri ibabai sentudu ras pertotonna e sendiri”. Emaka megati si begi selogan “Totoken dahinndu, dahiken totondu”. Lit sada ilusterasi kerna sie : Sada keluarga nggeluh berkelimpahen, tapi lit ka keluarga si geluhna tuhu-tuhu mesera. Emaka ibas sada berngi keluarga si berkelimpahen enda ndai makan malam, biasa ibas jabu enda megati ilakoken si minpin doa bergiliren, kebetulen seh giliren anakna sintua si maba toto man. Ope denga ibenaken toto man reh nina bapana : Nakku baba kari bas prtotondu, kerna bibi tengahndu, entah labo lit pe nakanna berngi enda, sebab ku begi beritana maka sinuan-sinuanna pe tahun enda gagal kerina, sekolah abangndu ras kakandu pe melala kel, kuakap latih kel akapna gundari e, emaka totoken. Tapi diluar dugan reh nina anakna sintua ndai : Ula kin tambahi rusur dahin Dibata, kai pe Dibata si suruh ma latih kari akap Tuhan ah, lit kalak sakit suruh pepalemna, lit kalak mbiar suruh temanina ras apulina, lit kalak melehe suruh Ia meresa nakan. Enda gia la gia suruh Tuhan meresa nakan adi mbue kel nge panganta rumah enda bereken min, ma mis dung persoalen.

(5) Bage ka me pe kerna renungenta ibas berngi si pelimaken kita erbahan pekan doa tahun enda, ise atena ialemi salahna maka ia pe harus ngalemi salah kalak. Ngalemi salah seh kel pentingna man kesehaten jiwa seri e pentingna ras nakan man kula. Dosa e seri ras kesalahen si “wajib” ibereken sanksi (ukumen). Alu ngalemi (mengampuni) maka kerina hukumen enggo ibatalken, ibarat tuduhen ndai enggo icabut, ibarat gelar ndai enggo ibersihken.

(6) Kesaksin Pustaka Sibadia, maka kerina manusia enggo erdosa, lalit si bujur sad ape lang, bahken nina kesaksin Yesaya, maka kiniulin manusia e pe melket (Yesaya 64:6 “Kerina kami kalak perdosa, kiniulin kami pe melket nge kerina…….”, alu bage kerina manusia perlu “pengalemi dosa” gelah banci ndatken pengalemi dosa maka kerina manusia harus “ngasup ras nggit” ngalemi salah kalak.

(7) Alemi salah kami bagi kami ngalemi salah kalak empak kami, ertina adi kita la ngasup ngalemi salah kalak maka salahta pe la ialemi Dibata. Adi salahta la ialemi Dibata labo lit inganta I surga, sebab kesalahen e melket, surga e badia (suci) janah isurga lalit ingan si melket. Alu bage tangakas man banta maka 1 juta temanta langa banci naruhken kita ku surga, tapi 1 jelma ateta nembeh ras la teralemi kita salahna, e enggo cukup nutup dalanta bengket ku surga. Emaka lit istilah maka “teman labo erbue-mbuesa tapi sada pe imbang mbuesa”. Ibas kita ngalemi salah kalak ije kita enggo benket kubas proses kegeluhen menuju kegeluhen si rasa lalap.

(8) Lalit alasenta la ngalemi salah kalak kempak kita, sebab kit ape manusia perdosa si laluput ibas kesalahen. Gelah ula mbertsa siakap mereken pengampunen “tataplah ku Kayu Persilang Kristus” Yesus eme guru ras Tuhanta, si patut iteladani, Ia jelas la ersalah tapi tapi isalibken, iligasi, iciduri, i fitnah, tapi ngasup Ia notoken kalak si erbahan kejahaten man ba-Na “Alemi kesalahen kalak enda sebab la itehna kai si bahanna e”, enda sada pengapul si lur biasa adi sigejapken maka kejahaten kalak man banta e erkiteken “kebodohenna (la itehna)”. Janah Yesus mate erkiteken dosa manusia, manusia ningen e ikut kita ibas. Salah sada syarat masuk surga eme erkiteken Kristus nggit nggantiken posisinta I kayu Persilang, situhuna erkiteken dosanta inganta min ndai ije, tapi nggit Ia nggantiken posisinta e gelah banci ka kita engkunduli inganna i urga. Emaka sekali kita sadar uga parahna kesalahn ras dosanta man Dibata maka ia isalibken, maka luka (sakit hati) si ibahan kalak man banta e enggo kitik kel. Emaka ula kel si pebelin-belin salah kalak empak kita, gelah ula ka siakap wajar kita erbahan salah man kalak si deban. Seh maka la pernah lit penyesalen bas dirinta erbahan dosa, janah la pernah lit pengampunen ibas kita nari. Matius 18:23-35 ije ituriken “kerina utangndu (melala kel) enggo lunas….ma patut kel ikelengindu temandu guna ngapusken utangna (si kitik) e ? Emaka adi kit ape enggo ialemi Dibata salah lepakta maka kit ape harus nggit ngalemi salah kalak kempak kita.

(9) Adi kita tetap denga rate segat man kalak si deban “uga nge ninta melasken pertoton Tuhan e ? kebaktin-kebaktin ibas GBKP biasana idungi kerina lau pertoton Tuhan, lalah setiap kita ngikuti kebaktin erberatna dosanta ? sebab erbual kita sebab ninta “alemi salah kami bagi kami ngalemi salah kalak empak kami” sementara lit denga kalak si langa teralemi kita? Enda penungkunen si perlu si renungken alu mbages. Tapi dungna lit kalak si mencoba membenarken diri, reh nina, pas bas kata-kata sie ula si belasken, sinik saja kita, atau tambahi pertoton Tuhan enda sibahan kekecualian nina “alemi salah kami bagi kami ngalemi salah kalak kempak kami kecuali mami (kepeken rubat ia ras mamina)

(10) Ngalemi salah itinjau arah segi kesehaten pe tuthu-tuhu luar biasa, sebab kebencian, dendam seri ras “sampah ras racun” ibas tubuh si menggerogoti kesehaten. Adi segat ateta kalak siidah ia “denyut jantungta pe lanai normal”, kelanormalen denyut jantung berefek kibas kerina sisitem metabolisme ibas tubuh, emaka biasana kalak si segat atena kalak, ayona pucat, dagingna nggir-gir, ipen erderep-derep (untung kap made in God adi lang banci kap nggebuk, buk e pe pajek). Siinget ia lanai entabeh siakp man piah naik me asam lambung, tunduh pe la banci si erbahan naik rusur tensi seh banci hypertensi. Adi tergangu perpan ras perpedem ma enggo jelas gegegh erdahin pe labo lit, enggo otomatis kita lanai optimal ibas ndahiken dahinta, dungna ma enggo berefek kubas ekonomita, piah kita lanai jadi manusia “siiberkati”

(11) Ngalemi salah e ibarat mersihken kulanta ibas sampah ras racun-racun. Emaka kalak si ngasup ngalemi salah, ayona pe cerah erkiteken system metabolisme bas tubuhna pe erdalan alu normal. Emaka ula kita nggit munuh bana arah ngasuhi “elem-elem” ibas pusuh.

(12) Masmur 130 nggambarken uga bertna nggeluh ibas dosa, igambarkenna ijenda alu “embang si mbages” sebab nggeluh ibas perasaan bersalah pe tuhu-tuhu menyiksa, lanai lit keriahen si lit, mela, istilah kerenna megati si begi “kuja nari lah ban ayo e”, idah kalak pe lanai pang. Tapi Pemasmur nggambarken maka uga belinna gia kesalahen e adi erlebuh man Tuhan, maka Tuhan lanai nginget kerina dosana, Tuhan pasti ngalemi salahna, mpepalem luka pusuh erkiteken penyesalen, ras Tuhan si memulihken persadanna ras Tuhan.

(13) Emaka adi ersalah kita, ula kita mela mindo maaf, ula erkiteken gengsi dosa situtupi alu dosa, guna membenarken dosa sibahan ka dosa terbelinen. Bage pa adi kalak enggo mindo maaf mislah mekuah ate. Sebab bagi kita paksa ersalah ialemimin slahta ateta bage ka nge pe kalak si deban.

(14) Hidup yang paling indah adalah jika kita bersama-sama menghindarkan kesalahan, tetapi jika terlanjur berbuat salah “ mari dari dalam hati yang paling dalam kita meminta maaf” dan bagi orang orang yang mersasa dihianati dan di lukai, jika mereka minta maaf, mari kita tiru teladan Yesus Kristus, mengampuni dan melupakan dosa.

Pdt. Saul Ginting

Catatan Sermon

1. Elem-elem mbue isebabken keganjangen ukur. Tips segelah ula segat ateta kalak ras ngalemi salah kalak eme: pebelin kepeta, si tempatken dirinta kalak si la sempurna/la meganjang ukur ntah sibelinken ngaruhta/jasanta, totoken ia erkiteken labo itehna kai sibanna e, ola memusatkan perhatianta nandangi kesalahannya. Ilustrasi: lit sekalak perbapan segat kal atena sekalak temanna. Setiap jumpa melas-melas pusuhna, tapi la terhindarken jumpa ia rusur, baik ibas adat, ibas kegiaten gereja. Emaka ibas sada paksa dahina pendetana, iturikenna perbebenna. Megi perbeben perbapan e, lawes pendeta ku meja belajarna. Ibuatna sada kertas ras ibanda sada titik mbiring ije. Iberekenna man perbapan ndai. Kai si lit idahndu ibas kertas ena, nina pendeta. Titik mbiring pendeta. Ulihi pendeta ka nungkuni, sada titik mbiring, pendeta nina ka ngaloi. Reh nina pendeta, bagem usur kita. Bage belangna kertas ibas tandu tempa lanai idahndu, tapi sada titik mbiring jelaskal idahndu. Bagem megati kita ngidah kesalahen si kitik tapi kebenarenna temanta e lang.
   

Artikel lain yang terkait: