Introitus : Yohanes 10:11; Ogen : Esekiel 34:11-16
Khotbah : Matius 9:35-38
Khotbah : Matius 9:35-38
Thema :
Gerja ncidahken tindaken sinyata
Ise kin gereja e? Adi nina ende-enden Sekolah Minggu gereja bukanlah gedungnya, tapi orangnya. Gereja ibas erti sienda banci ka ibagi 2:perpulungen secara kolektif/persekutuan misalna GBKP Jakarta Pusat, PJJ sektor 1 GBKP Jakarta Pusat ras jemaat secara pribadi-pribadi.
Ibas PB kalak sitek ipebali Yesus seri ras sira ras terang doni. Alu sie ate Yesus ngataken ntah ngingetken segelah kehadirenta la terjeng hadir, tapi kehadirenta kehadiren si erguna/bermakna/berarti nandangi kalak sideban. Berarti pe la terjeng icakapken ntah teori saja, tapi pe action sinyata.
Ibas berngi enda ipersingeti me kita segelah ibas kita ngerana kerna diakonia, kerna perbahanen gereja nandangi sekelewetna la terjeng ngerana-ngerana ngenca ntah ncakapken kai-kai siperlu iban (payo e labo la perlu, saja ngenca segelah ula terjeng program tapi lalap lenga irealisasiken). Bagi lit sada sektor PJJ (la padah ikataken ija),beluh kal erbahan program khususna kerna diakonia, tapi she tande tahunna lalap kai pe lenga iban, piah she ka ku bas pokok percakapen si seri. Kuakap labo bage GBKP Jakarta Pusat enda.
Ugakin sibahan maka selaku gereja ngasup ngelakoken tindaken si nyata? Ope sijabab e, la salahna adi si cakapken lebe kai kin sinimaksud tindaken sinyata? Kuakap enda pe perlu kange sicakapken. Tentuna kerina hal si sifatna aksi/tindaken/perbahanen si mehuli nandangi kalak sideban. Arah tindaken e erbahansa temanta (sesama manusia) tersampat, apakah e secara (1) papan/sandang/pangan, (2) Pisik (sakit pinakit), (3) ras non pisik (psikologis), (4) spiritual. Berarti la saja terjeng ekonomi, tapi pe dampar sideban misalna ngapuli, memotivasi, nuduhken dalan/informasi soal pendahin, tambar, dokter adi sakit pinakit, rsd. Inget ibas PJJ-ta minggu enda ndai. Petrus ras Yohanes labo lit senna, tapi ki si lit ibas ia iberekenna eme kuasa menyembuhken. Emaka lebih asa siniarapken kalak sipampangen e alokenna eme banci mulihi ia erdalan berarti mulihi ngasup produktif. Bagepe contoh I DKI mulai SD seh SMP negri la nai nggalar uang sekolah (i subsidi pemerintah sekitar 129.000/anak). Arusna enda sada penampat siterakapkal man masyarakat, terlebih si kurang mampu, tapi kinatana menurut informasi piga-piga guru anggota jemaatta maka nina lit ka kepe dampak sekolah geratis e, eme semangat ras disiplin anak sekolah e reh urakna. Ibas kasus sibagenda tindaken nyata sibanci siban eme mereken pengangkan pentingna sekolah nandangi orang tua bagepe anak alu cara pribadi-pribadi mereken waktunta ercakap-cakap ras tetanggata adi lit sibage.
Adi bage kin, bagi penungkunen si enggo isehken ndai: Ugakin sibahan maka selaku gereja ngasup ngelakoken tindaken si nyata? Erlajar arah perikop renungenta, lit piga-piga hal sibanci si jadiken motivasi man banta eme Keteladanen Yesus. (1) Lit keinginen. Enda tahap pertama. Adi la nai lit keinginen berrti labo nari manusia normal, sabab enggo mate rasa; (2) mekuah ate (tergerak oleh belas kasihan). Ibas si enda siinget Yesus enggo leben ngkelengi kita. Perban perkuah atena nge maka banci kita terkelin. Uga maka banci kita tergerak belas kasihan? “Bicara kam min sekali arah aku enda” bagem nina bagin syair lagu Cari Pasal. Kuakap penghayaten bageme maka banci kita kepate, banci tergerak belas kasihan (3) pernyataan “mbelang kap man siman peranin. Enda mpersingeti kerina kalak sitik, mbue kap tugasta. Desken peranin, mbelangkap siman peranin. (4) Ertoto. Ayat 38 “pindolah…gelah isuruhNa …. Kai ertina? Labo maksudna adi ertoto: enda aku Tuhan suruhlah kalak ah. Tapi segelah reh buena kalak ngaloken berita simeriah, jadi pengikut Kristus alu bage reh teremna ndahiken dahin e. Sabab kerina kalak sitek idilo kap guna nehken berita si meriah, baik arah erkhotbah bage pe arah perbahanen/sikap nggeluh ras tindaken nyata. Arah ayat enda pe ngingetken kita lit kap kuasa si luar biasa arah pertoton. Uga gia buena perbahanenta mehuli ibas nehken keleng ate, uga gia beluhta ngerana kerna kata Dibata labo ngasup kita erbahaansa kalak tek man Yesus Kristus adi la kin erkiteken pendahin kesah sibadia.
Tambah si e, gelah ergiah-giah kita ncidahken tindaken nyata perlu pe siteh rahasia perpulungen pemena I Jerusalem maka ergiah-giah kal ia erbahan perbahanen si mehuli eme lit pemahamen ibas ia la nai ndekah reh Tuhan Yesus si peduakaliken. Uga kita genduari? Siingetlah wari Tuhan e bagi pinangko la siteh katawari ia reh, sada hal si pasti ibas paksana kerin kita la banci la mate. Ndigan e? Saa pe la lit kita metehsa, emaka ula sia-siaken waktu si lit alu terus erbahan si mehuli. Gelah reh Tuhan Yesus e si pedua kaliken kita idilona ras iposisikenna kita arah kemuhen eme ingan biri-biri, labo sebaliknya arah kawes ingan kambing. Tambah si e pe bagi niamini Paulus ibas Roma 2:10a, maka man kalak si ngelakoken si mehuli ipasu-pasu Dibata kap, iberekenNa kemulian, kehamaten, ras kemalemen . Emaka mari ergiah-giahlah kita ncidahken tidaken si nyata eme perbahanen si mehuli nandangi kerina jelma. Amin.
Pondok Gede, 30 September 2009
Pdt.S.Brahmana
Ibas berngi enda ipersingeti me kita segelah ibas kita ngerana kerna diakonia, kerna perbahanen gereja nandangi sekelewetna la terjeng ngerana-ngerana ngenca ntah ncakapken kai-kai siperlu iban (payo e labo la perlu, saja ngenca segelah ula terjeng program tapi lalap lenga irealisasiken). Bagi lit sada sektor PJJ (la padah ikataken ija),beluh kal erbahan program khususna kerna diakonia, tapi she tande tahunna lalap kai pe lenga iban, piah she ka ku bas pokok percakapen si seri. Kuakap labo bage GBKP Jakarta Pusat enda.
Ugakin sibahan maka selaku gereja ngasup ngelakoken tindaken si nyata? Ope sijabab e, la salahna adi si cakapken lebe kai kin sinimaksud tindaken sinyata? Kuakap enda pe perlu kange sicakapken. Tentuna kerina hal si sifatna aksi/tindaken/perbahanen si mehuli nandangi kalak sideban. Arah tindaken e erbahansa temanta (sesama manusia) tersampat, apakah e secara (1) papan/sandang/pangan, (2) Pisik (sakit pinakit), (3) ras non pisik (psikologis), (4) spiritual. Berarti la saja terjeng ekonomi, tapi pe dampar sideban misalna ngapuli, memotivasi, nuduhken dalan/informasi soal pendahin, tambar, dokter adi sakit pinakit, rsd. Inget ibas PJJ-ta minggu enda ndai. Petrus ras Yohanes labo lit senna, tapi ki si lit ibas ia iberekenna eme kuasa menyembuhken. Emaka lebih asa siniarapken kalak sipampangen e alokenna eme banci mulihi ia erdalan berarti mulihi ngasup produktif. Bagepe contoh I DKI mulai SD seh SMP negri la nai nggalar uang sekolah (i subsidi pemerintah sekitar 129.000/anak). Arusna enda sada penampat siterakapkal man masyarakat, terlebih si kurang mampu, tapi kinatana menurut informasi piga-piga guru anggota jemaatta maka nina lit ka kepe dampak sekolah geratis e, eme semangat ras disiplin anak sekolah e reh urakna. Ibas kasus sibagenda tindaken nyata sibanci siban eme mereken pengangkan pentingna sekolah nandangi orang tua bagepe anak alu cara pribadi-pribadi mereken waktunta ercakap-cakap ras tetanggata adi lit sibage.
Adi bage kin, bagi penungkunen si enggo isehken ndai: Ugakin sibahan maka selaku gereja ngasup ngelakoken tindaken si nyata? Erlajar arah perikop renungenta, lit piga-piga hal sibanci si jadiken motivasi man banta eme Keteladanen Yesus. (1) Lit keinginen. Enda tahap pertama. Adi la nai lit keinginen berrti labo nari manusia normal, sabab enggo mate rasa; (2) mekuah ate (tergerak oleh belas kasihan). Ibas si enda siinget Yesus enggo leben ngkelengi kita. Perban perkuah atena nge maka banci kita terkelin. Uga maka banci kita tergerak belas kasihan? “Bicara kam min sekali arah aku enda” bagem nina bagin syair lagu Cari Pasal. Kuakap penghayaten bageme maka banci kita kepate, banci tergerak belas kasihan (3) pernyataan “mbelang kap man siman peranin. Enda mpersingeti kerina kalak sitik, mbue kap tugasta. Desken peranin, mbelangkap siman peranin. (4) Ertoto. Ayat 38 “pindolah…gelah isuruhNa …. Kai ertina? Labo maksudna adi ertoto: enda aku Tuhan suruhlah kalak ah. Tapi segelah reh buena kalak ngaloken berita simeriah, jadi pengikut Kristus alu bage reh teremna ndahiken dahin e. Sabab kerina kalak sitek idilo kap guna nehken berita si meriah, baik arah erkhotbah bage pe arah perbahanen/sikap nggeluh ras tindaken nyata. Arah ayat enda pe ngingetken kita lit kap kuasa si luar biasa arah pertoton. Uga gia buena perbahanenta mehuli ibas nehken keleng ate, uga gia beluhta ngerana kerna kata Dibata labo ngasup kita erbahaansa kalak tek man Yesus Kristus adi la kin erkiteken pendahin kesah sibadia.
Tambah si e, gelah ergiah-giah kita ncidahken tindaken nyata perlu pe siteh rahasia perpulungen pemena I Jerusalem maka ergiah-giah kal ia erbahan perbahanen si mehuli eme lit pemahamen ibas ia la nai ndekah reh Tuhan Yesus si peduakaliken. Uga kita genduari? Siingetlah wari Tuhan e bagi pinangko la siteh katawari ia reh, sada hal si pasti ibas paksana kerin kita la banci la mate. Ndigan e? Saa pe la lit kita metehsa, emaka ula sia-siaken waktu si lit alu terus erbahan si mehuli. Gelah reh Tuhan Yesus e si pedua kaliken kita idilona ras iposisikenna kita arah kemuhen eme ingan biri-biri, labo sebaliknya arah kawes ingan kambing. Tambah si e pe bagi niamini Paulus ibas Roma 2:10a, maka man kalak si ngelakoken si mehuli ipasu-pasu Dibata kap, iberekenNa kemulian, kehamaten, ras kemalemen . Emaka mari ergiah-giahlah kita ncidahken tidaken si nyata eme perbahanen si mehuli nandangi kerina jelma. Amin.
Pondok Gede, 30 September 2009
Pdt.S.Brahmana
0 komentar:
Post a Comment