Khotbah Efesus 5:22-28, Pekan Keluarga Wari IV (Rabu, 8 Juni 2011)

Introitus :

Kam gelgel nari ibas gelap, tapi genduari enggo ibas terang, erkiteken kam enggo jadi anak-anak Tuhan. E maka kam arus nggeluh bagi kalak ibas terang. Sabap mbelin perulihen terang, eme erbage-bage si mehuli, si bujur ras si tuhu-tuhu. Ep.5:8-9

Ogen: Matius 7:1-5; Khotbah : Epesus 5:22-28

Tema:

Jabu si terbuka, ula pekulah-kulah (Ula erbuni-buni)

Penaruh :

1. Kitab Epesus si iakui itulis Paulus sanga ipenjaraken i Roma sekitar 62-63, lit kemiripen ras surat Kolose, si labo nekanken akhir zaman, tapi lebih mementingken zaman akhir eme kondisi kenca Pentakosta, zaman Gereja, “zaman Kesah Si Badia”.
2. Arah Perb.19:20 ituriken kuga keberhasilen Paulus nehken berita si meriah i Epesus, seh maka lit perdebaten ibas kelompok dewi Artemis si berpengaruh paksa e. Dampakna lit geraken si erbahan perpecahen itengah-tengah perpulungen Epesus.
3. Ibas kondisi si rawan nandangi perpecahen e, Paulus ngangkat tema utama kitab Epesus eme “Kristus ras Gereja” si menggaris bawahi masalah “kesatuan dalam jemaat”.
4. Paulus merinduken, maka ibas zaman akhir kalak si ngoge suratna banci “bertumbuh dalam iman, kasih” ras “layak iadep-adepen Tuhan”. (Nen.Pertoton Paulus ibas Ep.1:15-17).
5. Pertumbuhen si mehuli arus make standard khusus eme standard Kristus, berani tampil beda. Menurut catatan lit 160 kali ipake kata-kata (dalam Kristus, dalam Tuhan, dalam Dia), dingen ibas surat Epesus enda lit 36 kali. Ertina nekanken kuga pentingna nggeluhken geluh ersada ras Kristus, “hidup dalam Kristus”. Ibas bimbingen Pekan Kebaktin Keluarga make istilah “tatanan hidup baru”. Adi perpudi enda megati si begi ibas usaha istilah ISO = International Organization for Standardization, bage pe ibas bidang pendidikan Akreditasi A, B, C ras RSBI (Rintisan Sekolah Bertaraf International). Sada kebanggaan tersendiri erkiteken lit pengakuan si-ibereken sada badan si berwewenang kenca inilai, maka lembaga e enggo memenuhi syarat kriteria tertentu.
6. Epesus 5:22-28 merupaken saran ras nasihat Paulus nandangi anggota keluarga, kuga relasi perbulangen ras ndehara. Paulus ngarapken, anggota keluarga si ibas Kristus,arus ncidahken prilaku si sentudu ras ajaren Yesus. Hidup mereka berpadanan dengan panggilan Allah. Hidup ber-standard Kristus. Hubungen ndehara ras perbulangen ibas perjabun pe bagi hubungen Kristus ras perpulungen. Kristus si badia, la lit cacat cela, ngkelengi perpulungen, nggit ngorbanken diriNa guna perpulungen e. Bage ka pe min, maka ndehara ras perbulangen saling sihamat-hamaten.

Pendalamen :

(1) Tugas ndehara : ayat 22-24.

Ndehara arus lebe patuh man perbulangen (tunduklah kepada suamimu). Ibas Kej.2:18-25, ituriken diberu ijadiken kenca dilaki, diberu ibuat ibas dilaki nari, ijadiken guna nampati dilaki. Perintah enda megati ipake perbulangen sebagai “lampu hijau” guna erbahan bagi ate-atena saja (sewenang-wenang). Lit kesan merendahkan harkat ras martabat diberu. Tapi adi si gargari lebih mbages tentu lit 2 (dua) hal si idah :

• Payo manusia ijadiken sentudu ras tempas Dibata setara ertina seri kerinana tinepa e gia lain golongen, keduduken, budayana.
• Tapi kenca tubuh manusia e, ihiasi alu kecakapan ras ketrampilen si labo seri, si erbahanca jadi sada pribadi si khas, lain sada ras sidebanna. Perbedaan e merupaken otoritas ibas Dibata nari, si wajib iergai kalak sideban. Alu bage ibas sada ndampar : perbulangen, ndehara, orangtua, anak, tuan ras budak seri ilebe-lebe Dibata, tapi ibas ndampar sideban : peranan sada ras sidebanna pelain-lain sue ras aturen si enggo itetapken Dibata (equality of worth is not identity of role = setara dan semartabat tapi tidak sejabatan). Dibata nge simereken otoritas e guna iakui ras idalanken alu tertib ras santun. Jadi kata tunduk ibas teks-ta (Yunani =kk hypotassomai, asal kata taksis ertina tata tertib). Jadi adi ndehara patuh man perbulangen bagi patuh man Tuhan; anak-anak pe ngikutken ajar orangtua, sue ras peraten Tuhan; budak pe patuh man tuan, tempa e idahiken guna Kristus; janah gejaplah maka Tuhan nge si mendelegasiken otoritas e. Jadi sedauh perbulangen, orangtua ras tuan tunduk man Kristus nge, maka ndehara, anak ras budak e tunduk bana, erkiteken otoritas Kristus nge si iberlakuken ije. Jadi adi singaloken otoritas e menyalah gunaken pendelegasian ibas erti perbulangen nuruh erbahan si ilarang Tuhan, maka pihak si wajib e hukumna lanai wajib tunduk. Harus lebih taat man Dibata asangken man manusia, “kami arus ngikutken Dibata, labo manusia”(Perb.5:29). Jadi otoritas Dibata labo banci ipake secara egois, tapi guna kepentingen kalak sideban.
• Kata kunci tugas ndehara eme patuh ntah tunduk ertina menyerahkan diri kepada suami.

(2) Tugas perbulangen : ayat 25-28.

Bage pe kata kunci tugas perbulangen eme ngkelengi ntah mengasihi ertina menyerahkan diri bagi istri.

Kasih Kristus adalah dasar hidup suami istri. Sifat keleng ate Kristus memotivasi perbulangen guna ertanggungjawab ibas perjabun. Jadi si itekanken Paulus labo otoritas ntah kekuasaan perbulangen nandangi ndeharana, tapi keleng ate perbulangen nandangi ndeharana. Payo nge perbulangen sebagai kepala si memimpin ras berinisiatif, bagi Kristus pe berinisiatif guna nelamatken manusia. Otoritas ijenda tangkas guna memelihara labo meneken. Lit 3 (telu) kali Paulus menggaris bawahi :

• Hai suami, kasihilah istrimu (ayat 25)

• Suami harus mengasihi istrinya (ayat 28)

• Bagi kamu masing-masing berlaku : kasihilah istrimu (ayat 33).

Jadi adi ate perbulangen ndatken kepatuhen ibas ndeharana, e ka me dalanna perbulangen arus alu tulus ngkelengi ndeharana.

Pengkenaina :

(1) Pakar Psikologi Humanistik Abraham Maslow si mbagi kebutuhen manusia ibas 5 bagin eme :

• Kebutuhen dasar siberhubungen ras fungsi bage pe kegiaten kegeluhen : man, minem, seks, rsd.
• Kebutuhen rasa aman dingen bebas ibas kebiaren.
• Kebutuhen keleng ate ras rasa memiliki.
• Kebutuhen iakui, iergai, ihamati.
• Kebutuhen aktualisasi diri, mengembangken diri, memaksimalken potensi si lit ibas ia.

Guna memenuhi kebutuhen pemena ras peduaken melala perbulangen-ndehara banci denga si sampat-sampaten. Tapi ibas memenuhi telu kebutuhen terakhir, megati mengalami kesuliten. Terlebih ibas kemajun enda, ndehara pe banci seh kubas sada titik jenuh ras bosan ntah depresi, adi la lit kesempaten guna mengembangken diri. Emaka ia pe mengembangken diri, meningkatken martabat seri ras perbulangen “emansipasi”. Perbulangen pe si merasa tersaingi erga dirina ras kurang ihamati, apai denga ka buen penghasilen ndehara, mahanca banci mpeturah ketidak harmonisan ras kurang saling menghargai. Kondisi enda banci semakin parah adi ibarengi kesibuken ras kelatihen. Penilaian pe lanai payo, janah kesalahen ras kekurangen temanta mis lebih teridah, bagi ituriken ibas pengogen Matius 7:1-5.

(2) Tema : Jabu si terbuka, ula perkulah-kulah (Ula erbuni-buni).

• Ibas perjabun kalak Kristen lit komitmen untuk menerima ertina perbulangen ngaloken ndeharana secara utuh, bage pe ndeharana ngaloken perbulangenna secara utuh, subuk ibas kiniulin ntah kinigenjengen. Ia ijadiken sentudu ras tempas Dibata, labo tempas perbulangen ntah tempas ndehara. Jadi ia orang lain dingen punya kepribadian sendiri. Ibas sie perlu terus menerus erlajar gelah semakin menyerupai Kristus, erkiteken ISO-ta Kristus. Ibas mbuat keputusen-keputusen, tentu simehulina arih ras guna ndatken kesepakaten bersama dingen mengacu standard Kristus.
• Konflik megati terjadi erkiteken kesalah pahamen. Lit si pang ngadapisa gelah idungi; tapi lit ka la pang ngadapisa dingen mbiar turah perubaten. Payo teridah tenang, tapi ibas pusuh la lit damai. Situhuna konflik banci jadi alat guna meteh apai si payo, guna mbuka hubungen komunikasi. Tapi adi la terbuka, ienggo-enggoken, maka terjadi “damai semu”. Jabu si lit ibas damai si semu, labo bahagia, la tahan ndekah janah banci pe peturah pinakit.
• Introitus-ta merupaken persinget, gelah arah Pekan Kebaktin Keluarga Tahun 2011 enda mbaba ras mbuka sada perubahen si mbaru, labo terjeng ”rutinitas ras seremonial” saja bagi ipersingeti ibas kata penaruh. Ertina mungkin masa lalu ibas jabu gelap, tapi min arah Pekan Kebaktin Keluarga Tahun 2011 lit peningkaten teologi, spiritualitas arah erbahan ibadah keluarga. Arah litna Ibadah keluarga, mbuka sada wadah dialog, dingen mahan bana memperkecil kecurigan. Alu bage kita banci mperani si mehuli, si bujur ras si tuhu-tuhu.

Bo, 17.05.11.EP.

Artikel lain yang terkait: