Ogen : Kejadian 2:15; 3:17-19Thema : ERDAHIN
Pendalamen
Labo payo adi lit pemahamen erkiteken dosa nge maka manusiaarus erdahin (bekerja keras), sabab ibas perikopta bagin pertama (Kejadin 2:15) isingetken maka ope denga manusia ndabuh kubas dosa pe, erdahin eme tanggungjawab siibereken Dibata (Kenca bage, itamaken TUHAN Dibata manusia ndai i Peken Eden, guna ngusahai ras njagaisa). Alu bage, erdahin labo kutuk. Erkitekenerdahin eme salah sada biak Dibata. Bagi isingetken ibas Kejadian2:2 “I bas wari si pepituken enggo idungi Dibata dahinNa”. Tole isingetken ibas Yohanes 5:17 maka Dibata erdahin kap lalap. Alu bage perikopta bagin si peduaken, Kejadian 3:17-19 labo menekanken maka erdahin (bekerja keras) eme erkiteken akibat dosa, tapi situhuna maksudna eme sipemena, mereken penegasenkerna dosa sinilakoken Adam. Ijenda Dibata lanai nungkuni Adam bagi ibas ayat 11, tapi langsung nehken berita penghukumen. Sipeduaken, mereken penekanen kubas kata “pangan”. Kata enda lit 4 kali isingetken ibas ayat 17-19 (Bahasa Indonesia). Erkiteken dosa Adam “man buah batang kayu siilarang Tuhan”, emaka hukumen pe sehubungen ras pangan. Ndube alu nukah/gampang Adam man buah batang kayu sinilarang e, genduari sebalikna susah akapna man pangan sindube ipediat, bahkan isediaken Tuhan (Kejadian1:29).
Kenca enggo sada pengankanta kerna 2 bagin kata Dibata siman oratenta, genduari tole sipebagasi pengangkanta kerna erdahin.Tole sigargari kata Dibata kerna erdahin.
Adi sioge 1 Korinti 15:10, ije Paulus ngenehen perspektif erdahin selakuanugrah (charis, pemberian Tuhan!). Pendahin sinialokenna ibas Dibatanari nuduhken maka pendahin e ipercayaken Tuhan man bana. Alu bage,pendahin e sada kehormaten siperlu ijaga. Pendahin e sada hal sibernilai. Alu pemahamen pendahin e eme anugrah, maka (1) meriah ukurta ndahikenca, (2) sikapta ibas ndahikensa pe berubah. Alu bage bagi Paulus, lanai kita menganggap remeh pendahinta, lanai asal-asalen ibas ndahikensa. Sabab orientasi erdahin man kalak Kristen labo semata mata sen, gengsi, rsd, tapi sue ras tujun enggeluh manusia eme Gloria Dei (kemuliaan Dibata). Adi bage, bagi nina Johanes calvin, maka ngerana kerna erdahin labo soal jenis dahin sipenting tapi uga kita ndahiken dahin e alu dem tanggungjawab man Tuhan.
Kesimpulen
Substansi dahin lit 2 hal: (1) Substansi Teologis; ras (2) Substansi Etis. Bagi enggo isehken ndai maka erdahin labo saja soal dat sen ntah soal kebutuhen enggeluh. Sabab ibas Kejadin 1-2, ije ituriken maka kerina kebutuhen enggeluh enggo isediaken Tuhan, tapi toh manusia iperintahken erdahin eme guna ngusahai ras jagaisa peken e (Kejadian 2:15). Alu bage situhuna substansi teologis mbelin kal ibas erdahin sabab erdahin eme citra Tuhan siterus erdahin. Emaka ibas kita erdahin situhuna kita (1) sangana ngelakoken perintahTuhan, (2) mbuktiken maka ibas kita lit biak citra Dibata sitetap erdahin.
Sipeduaken, subsatansi etis arah pendahin eme ncidahken nilai-nilai etis alu erdahin la serampangen. Bagepe melibatken aspek moralitas, melibatken rasa tanggung jawab simbelin. Emaka selaku kalak kristen harusna ngasup membedaken pendahin sipayo (benar) ntah pe si la payo (tidak benar), janah berjuang/rusaha nilahken si la payo.
Pemahamen enda tentuna erbahansa megegeh etos kerja kalak kristen.
Iteruh enda ikutip kami 8 etos kerja professional si itulis Jansen Sinamo ibas bukuna (Etos21: Delapan Etos Kerja Profesional). Waluh etos kerja profesional e eme: (1) kerja adalah rahmat (anugrah): aku harus bekerja penuh syukur; (2) kerja adalah amanat: aku harus bekerja tuntas penuh integritas; (3) kerja adalah panggilan: aku bekerja benar penuh tanggung jawab; (4) kerja adalah aktualisasi: aku bekerja penuh semangat; (5) kerja adalah ibadah: aku bekerja serius penuh kecintaan; (6) kerja adalah seni: aku bekerja kreatif penuh sukacita; (7) kerja adalah kehormatan: aku bekerja unggul penuh ketekukan; (8) kerja adalah pelayanan: aku bekerja sempurna penuh kerendahan hati.
Pdt.S.Brahmana
0 komentar:
Post a Comment