Khotbah Matius 6:13b, Pekan Doa Wari VII (Minggu, 29 September 2012)

Introitus :   

 “Jenari nina Dibata man bana, “Aku Kap Dibata si Erkuasa”

Ogen:  Masmur 150 : 1-6; Khotbah : Matius 6 : 13b 

Thema: Kam kap Simada Kuasa

Ibas Pekan Doa Tahun enda kita ibabai ngerenungken ras ngertiken kerna Pertoton Tuhan (Pertoton siniajarken Tuhan Yesus).

Penekanen Ibas Pertoton Tuhan seh maka ikataken “Doa Sempurna”

Bapa Kami yang ada di surga, ……………………………………………   

Betapa bersyukurnya aku boleh menyebut Engkau, “Bapa”

Dimuliakanlah nama-Mu, Datanglah kerajaan-Mu …………………

Biarlah nama-Mu dimuliakan di dalam hidupku

Jadilah kehendak-Mu, di atas bumi seperti di dalam surga ……..  

Aku mau taat dan menjadikan kehendakMu yang terutama

Berilah kami rejeki pada hari ini ………………………………………..

Terutama rejeki rohani, yaitu Kristus Sang Roti Hidup

Dan ampunilah kesalahan kami …………………………………………

Kasihanilah aku, yang berdosa ini

Seperti kamipun mengampuni yang bersalah kepada kami ……..

Berilah aku kekuatan untuk mengampuni sesame

Dan janganlah masukkan kami ke dalam pencobaan ………………

Sebab aku mengakui kelemahanku

Tetapi bebaskanlah kami dari yang jahat ……………………………..

Terutama terhadap kesombongan dan ketinggian hati

Teridah maka lit ibas pertoton e unsur : pengakun, pengampunan, pemindon, pujin, pengendesen.

Kenca sienda (13 b) : “Sebab Kam kap simada kinirajaan, ras kuasa, ras kemuliaan sindekah-ndekahna. Amin

Bagin enda jadi bagin tambahen siihubungken kubas “Doxologi” [1] . Jadi Pertoton Tuhan enda itutup alu ungkapen pujin man Tuhan Dibata, si nuduhken uga Dibata nge siipermuliaken/ipebadiaken dingen ipejangjang.

Arah pertoton siitutup Doxologi enda mabai kita kubas pengertin makeken kegeluhen enda alu dem pujin man Tuhan Dibata. Jenari nuduhken maka sierkuasa ibas kerinana eme Tuhan Dibata. Perdalanen kegeluhenta ibas pertibi enda tetap ibas kuasaNa. Perlu sirenungken ibas pengertin enda eme : Adi Tuhan nge sierkuasa ibas kerinana, me labo perlu sidarami kuasa-kuasa sideban guna nampati kita ? Aruslah lit penggejapenta : Adi lakin ras Tuhan labo kita ngasup erbahan kai pe. Sienda pe njadiken perenungen man banta guna tetap mengandalken Ia ibas kegeluhen enda, Ia ngasup nampati, ibas Ia lit serpang pulah sebab Ia simada kuasa i doni bagepe i surga.

Arah pengertin enda mabai kita tetap ibas pengakun maka Ia kap sierkuasa (bd. Introitus : Kejadian 35:11a). Gia erbage-bage silit ibas pertibi enda (kuasa-kuasa), tapi labo banci naluken kuasa silit ibas Dibata. Kecenderungen ibas kegeluhen enda teridah maka megati manusia ndatken erbage kesusahen ibas kegeluhen enda minter idaramina solusi si instant, sebab siiteki kita cenderung kai siidah kita. Perukuren si nuduhken Dibata erkuasa cenderung ibas bentuk kiniteken si la teridah. Jelas kel siikataken Yesus kerna kiniteken gia la iidahna. (Yohanes 20:29) [2].   Sienda tentu mabai kita tek nandangi kuasa Dibata alu kiniteken gia labo siidah.

Ibas kita ngertiken kerna kuasa Dibata maka teridah me kegeluhen si dem pujin[3].  Tep-tep wari enda me jadi bagin kegeluhen kalak simengandalken Tuhan (ngakui kerna kuasa Dibata). Muji Tuhan tentu arah kerina dampar geluhta, subuk e arah keberadanta bagepe alat-alat siipake guna muji Ia. Pemazmur nuduhken uga ia ngertiken kerna cara ras alasen muji/pebadiaken Tuhan. Penggejapen kerna kuasa, kinimbisan, kemuliaan Dibata mahan bana ia makeken kerina keberadanna termasuk alat-alat : terompet, suling, tanduk, gendang, kulcapi, penganak, sarune, gung alu landek meriah seh erbolo-bolo sora pujin e. Pujin pengakun enda labo banci ngadi ibas kegeluhen kalak sierkiniteken, sebab ibas kita muji Tuhan alu dem pengataken bujur teridah ibas sie keberadanta selaku anakNa si erpengendes man baNa.

Ibas kita ndalani kegeluhen enda kita iajari kerna ertoto ras erdahin. Bagin enda jadi bagin ibadah ibas kita erkiniteken. Ertina tek nandangi Tuhan labo cukup ertoto saja (pasif) tapi ngelakoken kerna kai siitotoken kita. Hubungen simehuli ras Dibata arah pertoton njadiken kita kalak si dem kemalemen ate, sebab ibas kita ertoto man Dibata, enggo hadir Dibata la terjeng megi-megi saja, tapi mempersiapken si terbaik man banta. Sienda mahan bana kita arus terus ngelakoken kai siiarapken kita, seh maka sidatken siniarapken kita e.

Pdt.Alexander Simanungkalit

---

[1] Doxologi adalah kata Yunani untuk pujian, yang dalam kekristenan adalah liturgis istilah yang merujuk memuji Allah kemuliaan. Kata ini terbentuk dari kemuliaan (δόξα) bahasa Yunani yang berarti doxa, ketenaran.

[2] Banci siidah uga Tomas labo tek kerna keken Yesus si dem alu kuasa . “Nina Jesus man Tomas, "Ma perbahan idahndu Aku nge maka kam tek? Malem tuhu-tuhu ate kalak si tek man bangKu aminna pe la Aku idahna!"

[3]Mazmur  44:9 E maka gedang-gedang wari Kam ipuji kami, dingen asa lalap kami ngataken bujur man baNdu.

Artikel lain yang terkait: