PA MORIA TANGGAL 01 - 07 MEI 2022 - TEKS: YAHONES 4:5-14

PA MORIA TANGGAL 01-17 MEI 2022

 

Si man Ogen: Yohanes 4:5-14

Tema         :

JESUS RAS DIBERU SAMARIA

(Gender & Radikalisme)

 

Cataten:

Bagin siman oratenta enda, ntah pe turi-turin Jesus ras diberu Samaria hanya lit I Injil Johanes. La lit isuratken I Injil Sinopsis (Matius, Markus ras Lukas).

 

Tema PA enda: Jesus ras Diberu samaria eme sue ras judul si ibahan LAI. Arah tema enda nuriken engkai maka Jesus banci ras sekalak diberu samaria ras ija perjumpan e bagepe paksa digan ras kai akibat perjumpan e. Kerna si enda jelas ituriken injil Johanes (banci sioge mulihi ogenta).

 

Situhuna si paling penting arah perjumpan e eme materi percakapen ntah dialog Jesus ras diberu samaria e si la saja mereken kemamangen ras kedungenna perubahen man sekalak diberu samaria si latar belakangna kurang mehuli bagepe adi si oge perikop enda she dung uga ka akibatna nandangi anak kutana ras bagepe tentuna man banta si megiken ras mpelajari ogenta enda eme Jesus e tuhu kap Mesis, Ia me Lau Kegeluhen.

Kai nge banci sipelajari arah perjumpan Jesus ras sekalak diberu samaria e?

• Diberu Samaria enda eme bagin masyarakat kalak Samaria si lit ibas wilayah Israel Utara  utara si ndube wilayah kerajan Israel Utara. Mulai abad 6 ope masehi enggo lit pertentangen kalak samaria ras kalak Yahudi she ku Padan si Mbaru. Pertentangen e terutama isebapken alasen etnisitas ija kalak yahudi menganggap kalak Samaria la nai murni berdarah Israel erkiteken enggo kawin campur ras bangsa-bangsa di luar Israel. Janah kenca jaman pembuangen ras she jaman Yesus kalak Samaria enda ianggap kalak Israel la nai murni (Banci pe ibaca 1 raja 16:24, 2 Raja 17:24, 2 Raja 17:25-34, bagepe Ezra 4:2-3, Nehemia 4:1-2, 13:23-30, rsd).
• Jesus la ngenehen rendah diberu kalak Samaria e, bagepe Jesus sama sekali la rukur ras bertindak radikalisme (praktek kejahaten, “kekerasen”, merasa diri benar ras memaksaken kebenaren diri man kalak sideban).  
• Arah Jesus nggit ercakap-cakap ras diberu Samaria enda ngataken maka kerehen Jesus selaku Mesias labo terjeng kalak Israel saja tapi pe guna kerina bangsa I doni enda.
• Jesus menaken percakapen arah mindo lau ras seterusna ngataken maka Ia me Lau Kegeluhen. Kalak si menem Lau si ibereken Yesus la nai muas she rasa lalap sabab Lau e mereken kegeluhen si tuhu-tuhu si la erkeri-kerin (ayat 14). Enda ertina ise sitek man Jesus Kristus enggo lit ibas Ia keselamaten/kegeluhen si tuhu-tuhu (bd. Yohanes 3:16).

Kai nge relevansina ras kegeluhen Moria?

1. Ngerana kerna ancamen radikalisme tentuna enda tugasta ras-ras uga masalah enda banci iminimalisasi adi la banci ibeneken, ibas si e tentuna la ka banci hanya me labelken kelompok tertentu si memproduksi radikalisme tapi pe banci ibas kita nari. Emaka Moria arusna terdepan mereken ajar ras teladan man anak-anak itengah jabu segelah bibit-bibit radikalisme e la lit ibas anak-anakta ntah sinursurta.
2. Bagepe kerna gender si eteh maka Jesus la erdobahen pengidahna e, sabab kerinana nge jelma seri ilebe-lebe Dibata. Adi bage selaku Moria pe arusna ngasup ngaloken perbedan si lit itengah-tengah jabu, itengah-tengah masyarakat baik gender, suku, agama, budaya ras sidebanna. Emaka adi kune la lit anak Dilaki la ka engkurangi keriahen ras rasa syukurta man Dibata, bagepe sebalikna. Ntah pe kune kuh anak dilaki ras anak diberu I tengah jabu la ka memandang rendah kalak sideban si la bagi ia e. Bagepe adi lit ibas keluarganta beda agama, ntah perjabunna la ras kalak Karo la e ka erbahansa hubungenta la nai mehuli. Cidahkenlah perbahanenta mehuli e man ise pe tandana kita anak-anak Dibata (Bd. Matius 5:16, 1 Petrus 2:12).
3. Perlu tetap si inget maka si paling meherga si enggo lit ibas kita eme enggo sialoken LAU KEGELUHEN E eme Jesus kristus e ibas kegeluhenta. Enda me arusna jadi sukat-sukat penting ibas kita ras keluarganta janah tugasta kerina uga caranta gelah LAU KEGELUHEN E PE banci ka ialoken kalak sideban sabab Lau Kegeluhen e eme mereken kegeluhen seh rasa lalap.

 

Pdt. S. Brahmana

Artikel lain yang terkait: