Friday 14 January 2011

Khotbah 1 Korintus 12:12-31, Pekan Penatalayanen, 19 Januari 2011 (Wari IV)

Introitus:
”Kam me kerina kula Kristus janah sekalak sekalak kam ringringNa” ( I Kor.12: 27 )

Ogen: I Kronika 26 : 20 – 28; Khotbah : I Korinti 12 : 12 – 31

Tema:
” Menata potensi perpulungen guna muat bagin ibas erbage dampar kegeluhen ”

Kata penaruh
Kita idilo guna jadi saksi Tuhan arah kerina dampar geluhta, si teridah ras tergejab man jelma si enterem. Guna sie kita ibereken Tuhan erbage bage pemere rikutken panggilenta masing-masing. Bagi itekanken arah ayat Introitus kit kerina ( kalak sierkiniteken man Tuhan ) eme kula ni Kristus, ras kita masing-masing sebagai ring-ringna. Alu bage perlu si gejapken maka kitpe atan ibas kula Kristus, ras sebagai bagin ibas ring-ringNa lit fungsinta masing-masing sue ras panggilenta.
Ibas Ogenta ( I Kro.26: 20 -28 ) teridah kenca Rumah Pertoton dung ipajekken Raja Salomo, emaka iaturkenme pendahin kalak Lewi si ertanggung jawab guna terlaksanana peribadaten ibas Rumah Pertoton. Alu berfungsina Imam-Imam ndahiken dahin masing-masing sesuai ras tanggung jawabna maka peribadaten pe erdalin alu mehuli.

Ibas I Korinti 12 : 12 – 31, Rasul Paulus menekanken litna persadan selaku Kula ni Kristus, aminna gisa melala ring-ring si beraneka ragan ( berbeda-beda sada ras sidebanna ) Emaka arus tetep lit ke-ersadan aminna gia bangsa/ suku pelain-lain tapi ibas Tuhan tetap ersada. Labanci sijuru-jurun, labanci mementingken diri sendiri,la banci kita siakap sibenarna, tapi arus ngasup ngergai kalak sideban. Dibata enggo ngaturken alu serasi, gelah kula e la erbelaah-belah, tapi adi sada suin kerina kange nggejapkenca, ras adi sada ipehaga kerina kange ermeriah ukur. Alu bage maka arus megermet nandangi pendilo Tuhan man banta, sebab enggo itetapken Tuhan sekalak sekalak ibas dahinna, deba jadi Rasul. Deba jadi nabi, jadi Guru, bagepe pemere jadi pemimpin,jadi sinampati kalak, pepalem penakit, pemere singelebihi kuasa manusia.

Pointer Aplikasi :
(1) Kita arus mediate, ngergaken,makeken potensi-potensi si lit ibas Pepulungen, rikut ras pemere si lit ibas diri masing masing.

(2) Potensi silit imanfaatken guna banci muat bagin ibas pelayanen perpulungen, sue ras bidang/keahlian masing-masing, misalna ibas bidang ekonomi /peningkatan ekonomi Jemaat, bidang pendidikan, bidang kesehatan keluarga, rsd.

(3) Pedauh ibas dirinta nari biak-biak si banci encedaken kiniesadan Perpulungen, misalna iri hati ( IHA) kita siakap sibeluhna, la ngasup ngergai pendapat teman,sebab kita siakap sibeluhna.

(4) Meningkatkan spiritualitas ras solidaritas selaku ringring ni Kristus, gelah alu bage kita ” senang melihat orang senang – susah melihat orang susah ” ula sebalikna ”Susah melihat orang senang – senang melihat orang susah” (SMS)Mari erlumba kita ibas majekken Kula ni Kristus alu makeken talenta si lit ibas kita sebab ikataken man banta; ”Sisampat-sampatenlah kita ibas maba baban geluh enda ” ( Galatia 6 : 2a ).

By: Pdt.Esra Bukit


Artikel lain yang terkait:



0 komentar:

Post a Comment