Khotbah Perb.Rasul 18:1-8, Pekan Keluarga wari II (Senen 6 Juni 2011)

Introitus:

Sangap kal kalak si malang man TUHAN , si nggeluh ngikutken kerina perentahNa (Masmur 128:1)

Ogen: Masmur 128:1-6; Khotbah: Perb. 18:1-8

Thema :

“Jabu ras Pendahin (Karier)”

Kata Penaruh

Zaman enda tuhu-tuhu aneh, sebab bage teremna manusia bage ka me macamna perukurenna, si langa erdahin latih akapna ndarami dahin, lit ka deba erkiteken milih-milih dahin lalap la dat dahin, lit istilah pengangguren intelektual, ertina kalak si enggo sarjana singarapken gaji galang (erbahan standart gaji, misalna adi la kin gaji 4 jt, adi enggo kita sarjana pangen la erdahin) piah lalap la erdahin. Si enggo erdahin merasa la puas e maka sada Minggu jah, pindah ka, langa ka dua Minggu pe enggo pindah ka. Lit ka jelma merasa terpaksa erdahin erkiteken sie lanai teridah kreativitasna (enggo bagi mesin otomatis saja, berkat pagi-pagi, mulih karaben bagem gedang-gedang wari). Lit ka silanai tehna tumburen memanfatkaen dahin e guna memenuhi kerina hasratna, lanai ngukurken dosa ras kalak si deban si penting bas ia hasil. Memang lit ka nge kalak erdahin alu meriah ukur, semagat, nikmatina pendahinna.

Ibas berngi pe-2 ken kita erbahan Pekan Kebaktin Keluarga tahun enda si jadi renungenta eme “jabu ras pendahin” (“karier”), gelah kita erlajar arah Kata Dibata, engkai maka kita harus erdahin, uga kita ndahiken dahinta janah kai kin tujun erdahin e janah sieteh ija posisi Dibata ibas kita erdahin.

Pendalamen Nats

Ay. 1-3, Mberat bas manusia erguna man Dibata, adi si perdiateken ibas ayat enda icidahken sada gambaren si tuhu-tuhu la entabeh, baik man keluarga Akwila bage pe man Paulus. Keluarga Akwila si erprofesi sebagai tukang tenda i kota besar (Roma), “harus/terpaksa” pindah ku Korintus (kota si lebih kitik asa Roma) pindah ku kuta lebih kitik jenari harus memulai (merintis) usaha ibas ingan si mbaru, tentu e situasi si la mengenakken. Bage ka pe Paulus ibas Atena nari lawes ku Korintus lit ibas kebiaren (bdk. 1 Kor 2:3 “Aku juga telah datang kepadamu dalam kelemahan dan dengan sangat takut dan gentar” jadi jelas banci si bayangken uga situasi Paulus ibas paksa e. Tapi perjumpan Paylus ras keluarga Akwila mpeturah kerihen ukur, erkiteken kalak enda banci menjalin kerja sama ibas erbahan tenda, janah si lebih luarbiasa eme membukia kesmpaten si mbelin man Paulus meritaken berita si meriah.

Ibas ay. 4-5, ituriken uga Paulus tetap banci meritaken berita si meriah, setiap wari Sabat ia berusaha meyakinken kalak Yahudi ras kalak Yunani. Terlebih-lebih kenca kerehen Silas ras Timotius erbebbasna ia meritaken berita si meriah naksiken maka Yesus e Mesias.

Ay. 6-8, Injil e semakin di hambat semakin merambat, ijenda ituriken uga perbeben Paulus ibas meritaken berita si meriah, enterem kalak si memusuhi ras menghujat ia, dahin oerbetita si meriah meritaken berita si meriah ngenca, tek ras la tek kalak si deban e lanai urusenna. Nina Tuhan Yesus ibas Matius 7:6 Ola iberekenndu barang si Badia man biang sabap ilawanna nge kam; ola itamakenndu mutiara ku lebe-lebe babi sabap kugapa pe iperjatina nge. Jadi Paulus la ngadi terjeng kalak la ngeloken berita si ibabana, tapi idaramina ija kalak si ngasup naglokenca, she maka berita si meriah e tetap ermbarna.

Pointer Aplikasi

1. Paulus erdahin erbahan tenda gelah banci tetap ia meritaken berita si meriah, alu kata sideban ia erdahin e tujunna si terutama gelah banci meritaken berita si meriah. Pesan moralna man banta kerina Tututsi erdahin gelah lit bekalta meritaken berita simeriah. Jadi alu bage kita erdahin guna kinirajan Dibata, labo majekken “kinirajanta” bas doni enda.
2. Pendahin keluarga Akwila jadi pendukung dahin Paulus ibas meritaken berita si meriah, pesan moralna man banta, entah kai gia profesi keluarganta masing-masing marilah si pakeken e jadi “sarana” dahin pebelangken berita si meriah, baik ibas kita mbuka lapangen kerja, entah mereken penampat man kalak si meritaken berita si meriah, bdk. Matius 10:42 Inget! Ise mereken sada cangkir lau mbergeh lah gia man sekalak ajar-ajarKu si kitikna kal erkiteken ia ajar-ajarKu, tuhu ialokenna nge pagi upahna."
3. Erdahin e eme anugerah labo hukumen erkiteken dosa Bdk. Kej.1:28
4. Arah pendahinta sekalak-sekalak kita enggo jadi “mitra kerja” Tuhan ibas nerusken kegeluhen i doni enda. Ma la akapndu mungin reh Dibata ku doni enda jadi “supir angkot?” sementara supir angkot e perlu kel, ma la akapndu mungkin Tuhan e reh jadi “perjuma nuan page, cina, sayur” ku doni enda sementara profesi sie penting kel ibas kegeluhen doni enda, adi lalit si kujuma ku rumah si lit ibas istana ah pe rempet nge melus., Ma laakpndu mungkin Tuhan ndahiken dahin “jadi tukang sampah” sementara adi lalit utksang sampah lanai bo teringani inganta tading e. Jadi pesan moralna man banta : Kai pe profesinta entah pendahinta, dahikenlah alu tutus, sebab man Dibata kap kita erdahin e (bdk. Kol 3:17). Calvin ngataken lalit profesi si lebih mulia, labo lebih mulia dokter asa petani, labo lebih mulia pendeta asa tukang sampah, tapi kerina pendahin e guna saling melengkapi she banci erdalan kegeluhen ibas doni enda.
5. Pendahin eme alat pangaktualisasian diri  arah ija kin si tandai Obama ? arah ija kin si tandai Osama ? adi aku secara pribadi ku eteh arah berita kerna “pendahinna”, arah erdahin banci si cidahken “kualitasta baik mental, spirtualitas ras keahlinata) Ibas dahin kita banci berkreasi, berinovasi she kita itandai ras ialoken kalak.
6. Erdahin eme dalan ndatken pasu-pasu (bdk. Kej.3:17) tutusi alu cur-cur panas pe langa tentu tercukupi keperlun geluh apai ka adi kita kisat, sebab kalak kisat e dungna kicat. I mangga Dua, lit ije merekna “Bakso Loncat” tapi adi timai kin adi la ibuatken, asa ndigan pe labo lompat ku babahta e. \
7. Tanggung jawabta erdahin alu tutus, selanjutna endesken man Dibata (bdk. Mzm 127:2). Ibas sada penelitian man 2000 kalak jelma si erdahin, 78 % erdahin erkiteken sen, sementara 22% erdahin erkiteken “mencintai Pekerjaannya”, kenca erdahin 20 tahun. Si 78% (erdahin erkiteken sen) 1 ngenca jadi Miliarder, sedebanna e deba stress, penjara, sementarara diantara 78% (si erdahin erkiteken keleng atenta pendahinna) lit 400 kalak jadi Miliarder Pesan moralna man banta kelengi pendahinta, dahiken alu tutus janah mari mengembangken diri arah pendahinta. Labo erdahin guna upah sebab upah eme efek kerja, sebab kalak si erdahin pasti ndatken upah.
8. Manusia berhasil hanya di tentukan oleh 20% IQ tambah 80 % SQ dan EQ , ertina kalak si pentar pe adi la terteki labo pernah iprompsiken busna kubas keduduken si lebih tinggi, tapi adi kalak si sedang-sedang pe IQ-na tapi adi terteki emosina terkendali ras spiritualna pe sehat pasti terus ipromosiken bosna. Pesan moralna man banta perlpulungen mari dage si bina kiniteken anakta (EQ ras SQ) maka ibas mengejar karirna pe la akapna mesera ras terdauhen la ia ikuasai dosa. I Indonesia la kurang kalak pentar tapi la piga kalak “mbiar man Dibata” emaka bagenda me jadina kegeluhen bangsanta.
9. Masmur 128 “mengandung melala pesan” si banci jadi kesimpulen ibas kita ndahiken dahinta :
   1. Siipasu-pasu Dibata ngenca banci ternikamti kita (bdk “istilah uang setan di makan hantu”
   2. Memang soal umur e mutlak bas kuasa Dibata, tapi adi sibahan secara logika manusia daging manusia e ibarat mesin, adi terus erdalan la ngadi-ngadi tentu pedas aus kerina onderdilna, ibandingken ras mesin si la ipaksaken tentu lebih awet. Emaka nina pemasmur “idahna me kempu-kempuna”
10. Kuan-kuan kalak karo :”adi duit sifatna muit-uit, adi ate erduit kita harus kemuit, adi lit kalak erduai la kemuit e pasti mekuit” emaka marilah sidahiken dahinta alu tutus, timai pasu-pasu Dibata., selamat bekerja mengejar karier si meganjangna Silo Deo Gloria.

Pdt. Saul Ginting, S.Th

HP : 082111125849

Rg. Klender

Tlp. (021)18605007

Artikel lain yang terkait: