Introitus:
Si peduaken bali ras si ndai e me, 'Kelengilah temanndu manusia bagi kam ngkelengi dirindu.(Matius 22:39),
Si peduaken bali ras si ndai e me, 'Kelengilah temanndu manusia bagi kam ngkelengi dirindu.(Matius 22:39),
Ogen: Matius 22:34-40; Khotbah: Daniel 3:8-16
Thema : SOLIDARITAS IBAS SEKTOR
Perlebe
Menurut penelitian sinilakoken Litbang Moderamen bulan Oktober tahun 2011 kerna Solidaritas Internal GBKP, khususna Solidaritas ibas tingkat Sektor ntah Pjj cukup mereken keriahen erkiteken hasilna eme “Tinggi”. Penelitian enda ilakoken arah ngedarken kuesioner ku klasis-klasis ras ibas klasis ipilih runggun alu kategori Urban, Semi Urban Dan Non Urban. Amin bage gia labo berarti themata wari si II ken enda lanai relavan icakapken, sebalikna arah thema pekan penatalayanen wari si II enda “Solidaritas ibas Sektor” sijadiken kesempaten memereksa dirita selaku sektor-sektor. Pemena, payo nge bage? Sipeduaken, Solidaritas si “tinggi” e payo nge erkiteken pengaruh kiniteken ntah erkiteken pengaruh adat/budaya selaku kalak karo? Ntah, sipeteluken dua-duana (Fifty fifty)? Ntah kai gia pendapatta, pengalamen 9 tahun melayani ikuta, ras 12 tahun ikota idah kami mbelin denga erkiteken pengaruh sipeduaken, jenari sipeteluken, emaka si pemena. Pendapat enda banci saja la kita setuju, labo dalih kita bebas menilai. Tapi bageme pengidah ras si igejapken kami, contohna antara lain ibas perjabun ras kerja adat, kecendrungen perpulungen lebih memperdiateken si lit buatenna, si erjabaten ras erkade-kade denga. Bagepe ibas kunjungen kalak sisakit ras ngapul-ngapuli partisipasi perpulungen mekatep (“usur”) la seri kuantitas ras kualitas ibas kerehen ras pemere.
Pendalamen Nats
Daniel 3:8-16 eme turi-turin telu kalak teman Daniel eme Saderah, Mesah ras Abednego siencisahken solidaritas si “tinggi”. Solidaritas enda labo erkiteken adat, ntahpe erkiteken ia sada bangsa eme bangsa Yehuda/Israel. Tapi solidaritas si icidahken Saderah, Mesah ras Abednego eme erkiteken ia patuh man Dibata. Ibas Daniel 1:8-17, enggo ituriken uga Daniel, Saderah, Mesah ras Abednego mpertahanken kapatuhenna nandangi aturen-aturen agamana, la ia nggit man pangan si isikapken amin gia e pangan ras inemen lau anggur ibas istana[1]. Bagepe ibas natsta icidahken uga spiritualitas Saderah, Mesah ras Abednego, teluna ia setia kawan[2], sada arihna, sada penggejapenna ras pengangkanna kerna Dibata. Ayat 16-18, “Ngaloi Saderah, Mesah, ras Abednego, "O Raja, labo lit sura-sura kami mperdiateken diri kami. Adi ngasup kin Dibata si isembah kami e mulahi kami i bas api ginuhur si gurlah e nari ras i bas kuasandu nari, tentu ipulahiNa kami. Tapi adi lang pe, ietehndu min o Raja, maka la kami nggit nembah dibatandu, janah la kami nggit nembah mungkuk kempak gana-gana emas si enggo ipajekkenndu e.” Arah pernyatan enda, teridah: (1) Sadrah, Measak ras Abednego ersada arih. Ibas bahaya, ibas perbeben, la ia ndarami selamat sendiri. Tapi kai pe terjadi ras-ras ia ngalakenca; (2) Enda banci jadi erkiteken seri pengangkanna kerna Dibata. Tek ia Dibata sisembahna ngasup mulahi ia ibas mara bahaya siugapa pe, termasuk api si gurlah si ipanasken 7 kali lipat lasna. Ungkapen ayat 17 labo nuduhken “keragun”, tapi lebih kubas penekanen otoritas Dibata, maka Dibata tehna kai simehulina man kalak sitek (labo banci idikte Dibata), emaka peraten Dibatalah jadi[3]. Alu kata sideban terserah Dibata, uga akapna simehulina bagelah banNa. Endame kiniteken si luarbiasa, kiniteken sipayo.
Pointer Aplikasi
(1) Solidaritas sibagenda me, solidaritas si icidahken Saderah, Mesah ras Abednego ibas natsta perlu pe lit ibas kita kalak kristen, terlebih ibas jamanta genduari eme merasa senasip, merasa “aku kap kam, kam kap aku”. Adi enda jadi gaya geluhta, pasti mbue sialami mujizat Tuhan ibas geluh enda.
Menurut penelitian sinilakoken Litbang Moderamen bulan Oktober tahun 2011 kerna Solidaritas Internal GBKP, khususna Solidaritas ibas tingkat Sektor ntah Pjj cukup mereken keriahen erkiteken hasilna eme “Tinggi”. Penelitian enda ilakoken arah ngedarken kuesioner ku klasis-klasis ras ibas klasis ipilih runggun alu kategori Urban, Semi Urban Dan Non Urban. Amin bage gia labo berarti themata wari si II ken enda lanai relavan icakapken, sebalikna arah thema pekan penatalayanen wari si II enda “Solidaritas ibas Sektor” sijadiken kesempaten memereksa dirita selaku sektor-sektor. Pemena, payo nge bage? Sipeduaken, Solidaritas si “tinggi” e payo nge erkiteken pengaruh kiniteken ntah erkiteken pengaruh adat/budaya selaku kalak karo? Ntah, sipeteluken dua-duana (Fifty fifty)? Ntah kai gia pendapatta, pengalamen 9 tahun melayani ikuta, ras 12 tahun ikota idah kami mbelin denga erkiteken pengaruh sipeduaken, jenari sipeteluken, emaka si pemena. Pendapat enda banci saja la kita setuju, labo dalih kita bebas menilai. Tapi bageme pengidah ras si igejapken kami, contohna antara lain ibas perjabun ras kerja adat, kecendrungen perpulungen lebih memperdiateken si lit buatenna, si erjabaten ras erkade-kade denga. Bagepe ibas kunjungen kalak sisakit ras ngapul-ngapuli partisipasi perpulungen mekatep (“usur”) la seri kuantitas ras kualitas ibas kerehen ras pemere.
Pendalamen Nats
Daniel 3:8-16 eme turi-turin telu kalak teman Daniel eme Saderah, Mesah ras Abednego siencisahken solidaritas si “tinggi”. Solidaritas enda labo erkiteken adat, ntahpe erkiteken ia sada bangsa eme bangsa Yehuda/Israel. Tapi solidaritas si icidahken Saderah, Mesah ras Abednego eme erkiteken ia patuh man Dibata. Ibas Daniel 1:8-17, enggo ituriken uga Daniel, Saderah, Mesah ras Abednego mpertahanken kapatuhenna nandangi aturen-aturen agamana, la ia nggit man pangan si isikapken amin gia e pangan ras inemen lau anggur ibas istana[1]. Bagepe ibas natsta icidahken uga spiritualitas Saderah, Mesah ras Abednego, teluna ia setia kawan[2], sada arihna, sada penggejapenna ras pengangkanna kerna Dibata. Ayat 16-18, “Ngaloi Saderah, Mesah, ras Abednego, "O Raja, labo lit sura-sura kami mperdiateken diri kami. Adi ngasup kin Dibata si isembah kami e mulahi kami i bas api ginuhur si gurlah e nari ras i bas kuasandu nari, tentu ipulahiNa kami. Tapi adi lang pe, ietehndu min o Raja, maka la kami nggit nembah dibatandu, janah la kami nggit nembah mungkuk kempak gana-gana emas si enggo ipajekkenndu e.” Arah pernyatan enda, teridah: (1) Sadrah, Measak ras Abednego ersada arih. Ibas bahaya, ibas perbeben, la ia ndarami selamat sendiri. Tapi kai pe terjadi ras-ras ia ngalakenca; (2) Enda banci jadi erkiteken seri pengangkanna kerna Dibata. Tek ia Dibata sisembahna ngasup mulahi ia ibas mara bahaya siugapa pe, termasuk api si gurlah si ipanasken 7 kali lipat lasna. Ungkapen ayat 17 labo nuduhken “keragun”, tapi lebih kubas penekanen otoritas Dibata, maka Dibata tehna kai simehulina man kalak sitek (labo banci idikte Dibata), emaka peraten Dibatalah jadi[3]. Alu kata sideban terserah Dibata, uga akapna simehulina bagelah banNa. Endame kiniteken si luarbiasa, kiniteken sipayo.
Pointer Aplikasi
(1) Solidaritas sibagenda me, solidaritas si icidahken Saderah, Mesah ras Abednego ibas natsta perlu pe lit ibas kita kalak kristen, terlebih ibas jamanta genduari eme merasa senasip, merasa “aku kap kam, kam kap aku”. Adi enda jadi gaya geluhta, pasti mbue sialami mujizat Tuhan ibas geluh enda.
(2) Api sigurlah[4] la ngasup meneken kita, sebab solidaritas erpalasken kiniteken, erpalasken patuh man Dibata eme bagi si isingetken ibas introitus ras ogen: engkelengi Dibata ras manusia ngena ate Dibata sidalanken sebab alu bage kita enggo ndalanken kerina Undang-undang Tuhan. Kasa kalak si bage ipulahi Dibata me ibas kerina mara bahaya bagepe ukur kalak si ilat siatena meneken kita. Tambah sie la banci lang maba dampak si luarbiasa nandangi doni enda. Khususna i Indonesia, ibas usaha mengentasken kemiskinan, misalna, kuakap nginget bage bayakna sumber alam negerinta enda, adi labo kita erbana-bana, bagepe labo bagi kuan kuan karo “gundera sala gundera, buluh belin kubenturi, kutera kalak kutera, beltekku mbelin kubesuri” kuakap sejahtera nge kerina rakyat Indonesia enda. Tapi kinatana lenga bage. Teridah kal sibayak tambah bayak, simusil reh musilna. Engkai maka bage? Jababna banci saja mbue, saja ibas konteks themata sendah eme kurang “rasa solidaritas” e. Ula padah ndauhsa sinen, tingkat sektor ntah Pjj-ta saja, eme kita sapih-sapih kristen lit denga nge temanta e nggejabken kurang denga akapna solidaritasta sada ras sidebanna, khususna si la lit kade-kadena simehaga, la lit sima-simana, rsd. Lit nge anggota perpulungen e enggo mulih rumah sakit nari maka iteh ia sakit ras idahi kurumah, e pe labo piga sindahisa, ncidahken perhatin ras keleng ate, tandana aku kap kam, kam kap aku. Adi bage denga kin kita ibas sektorta, mari siperobahi. Adi lang merandal, mari siterusken ras sitingkatken.
Pondok Gede, 17 Januari 2012
Pdt.S.Brahmana
Pdt.S.Brahmana
-------------------------------------------------
[1] Daniel ras 3 kalak temanna la nggit man pangan si isikapken erkiteken pangan e la ipersiapken sue ras ketentun aturen agama (Torat), misalna daging e lit denga darehna (Bd.Imamat 17:10-14). Pangan e banci saja ibuat ibas meja persembahen man dewa-dewa Babel, rsd (Alkitab Edisi Studi, hal.1393).
[2] Definisi Solidaritas eme sifat (perasaan) solider, sifat satu rasa (senasib), perasaan setia kawan, sepenanggungan (Pius A.Partanto & M.Dahlan Al Barry, Kamus Ilmiah Populer. Surabaya: Arloka, 1994, hal.717; Juga lihat Kamus Umum Bahasa Indonesia edisi ke tiga karangan W.J.S.Poerwadarminta, 2006, hal.1138).
[3] Edward J.Young, Tafsiran Alkitab Masa Kini 2 Ayub-Maleaki. Jakarta: Yayasan Komunikasi Bina Kasih/OMF, 1991, hal. 553
[4] Api sigurlah banci pe si analogiken perbeben nggeluh, kiniseran, la bagi ukur, rsd.
[2] Definisi Solidaritas eme sifat (perasaan) solider, sifat satu rasa (senasib), perasaan setia kawan, sepenanggungan (Pius A.Partanto & M.Dahlan Al Barry, Kamus Ilmiah Populer. Surabaya: Arloka, 1994, hal.717; Juga lihat Kamus Umum Bahasa Indonesia edisi ke tiga karangan W.J.S.Poerwadarminta, 2006, hal.1138).
[3] Edward J.Young, Tafsiran Alkitab Masa Kini 2 Ayub-Maleaki. Jakarta: Yayasan Komunikasi Bina Kasih/OMF, 1991, hal. 553
[4] Api sigurlah banci pe si analogiken perbeben nggeluh, kiniseran, la bagi ukur, rsd.
0 komentar:
Post a Comment