Khotbah Perbahan Rasul 2:1-15, 40-42, Pekan Penatalayanen Wari I, Minggu 20 Januari 2013

Introitus :

Kukuseken me kesahku man anak-anakndu ras Pasu-PasungKu man kesusuren ( Jesaya 44 : 3b )

 

Ogen : Jesaya : 44 : 1 – 6 Khotbah : Perb.Rasul-Rasul 2 : 1 – 15, 40 – 42

T e m a :

“Kesah sibadia erbahanca perpulungen ersada

 

Kata Perlebe Ibas tahun 2013 enda sibengketi ka kegiateten itengah tengah Gerejanta alu Kebaktin Pekan Penatalayanen alu Tema Umum : “PENDAHIN KESAH SIBADIA” erpalasken Perb. 1 : 8, Roma 12 : 1 – 2

Arah tema Umum enda kita ibabai kubas pengertin maka Gegeh Kuasa Kesah Sibadia nge si pengasup kita ngelakoken pendahin si mehuli/kesaksin si teridah ras si tergejab arah kerina dampar geluhta sebagai kesaksinta si nggeluh.

Ibas Kitab Perb. 2 : 1 – 15 ituriken kerna Nusurna Kesah si Badia si e si enggo ipadanken Tuhan Yesus ope denga Ia nangkih ku surga.Ibas sada sada wari sanga wari Pentakosta pulung Ia kerina ibas sada ingan,rempet lit sora terbegi bagi sora angin meter rembus(terj.Lama bagi sora Bindawas)sora e ndemi rumah inganna pulung, emeka teridah bagi dilah api merap ncinepi ia sada-sadai. Kerina si pulung ije dem alu kesah si Badia janah ngerana ia alu bahasa-bahasa si deban ( bahasa asing) bagi ibere Kesah e ia ngerana. Kemamangen jelma si enterem si pulung ije sebab ibegina Rasu-Rasul e ngerana ibas cakapna, emaka nina: “ Makin kerina singerana enda kalak Galilea ? Engkai maka si begi Ia ngerana ibas cakapta sekalak-sekalak ? Lit kape si ngatakenca maka Rasul-Rasul e mabuk. Bagenda me jelma si enterem menanggapi kai si jadi, la iangkaina peristiwa kai si sedang terjadi e, mamang atena. Emaka tedis Rasul Petrus, iturikenna me man jelma si enteremperistiwa kai si sedang terjadi, eme Nusurna Kesah si Badia, alu mengutip Kitab Nabi Joel kerna nusurna Kesah si Badia terjadi me tanda-tanda sengget, terjadi Nubuat arah Serayan-serayan Tuhan. Dungna Rasul Petrus nuriken Kerna Tuhan Yesus sienggo reh ku Doni enda si enggo mate i kayu persilang guna nebusi dosa manusia. Emaka Petrus ngajuk kalak si enterem gelah jera ibas dosa-dosana nari ras ngikutken Tuhan Yesus gelah terkelin. Sebagai jawaben kalak si iajari e, ia enggo tek ras mindo gelah ia i peridiken. Menurut ayat 41, lit teremna kalak si iperidiken kira-kira 3000 kalak tambah kubas perpulungen e, ras kerina ia tutus megiken pengajaren Rasul-Rasul.

Ulihna teridah ibas kegeluhen ras ibas persadaan Perpulungen, nggeluh sikeleng-kelengen bagi kalak si ersenina, la mementingken diri sendiri, tapi kerina ia ncidahken rasa solidaritasna pekepar, ras eme jadi kesaksin si nggeluh si erbahansa ngena ate kalak si deban si erbahanca reh teremna kalak si tek, ras tambah lalap beligan si bengket ku bas Perpulungen. Alu gegeh/kuasa Kesah Si Badia ngasup Perpulungen e bersaksi arah kata ras perbahanen, ituduhkenna identitasna ise ia.

Pointer Aplikasi/Pengkenaina:

(1) Tuhan Yesus nepati janjina guna mengutus Kesah si Badia : ”Ialokendu pagi gegeh asum Kesah Sibadia seh man bandu. Janah kam me pagi naksiken kerna Aku man kalak sideban,i Jerusalem ibas kerina daerah Judea ras Samaria seh ku belang-belang doni” ( Perb.1: 8 ). Ajar-ajar patuh, ras itimaina janji e i Jerusalem seh nusur Kesah si Badia ibas wari Penta kosta ras ijeme i idahna ras isaksikenna kuasa kesah si Badia si jadi ibas paksa e. Uga sikapta ibas ibas nimai/mengandalkan Kuasa Kesah Sibadia, entah beluhta saja siandalken?

(2) Alu bekas gegeh Kuasa Kesah si Badia nge maka ajar-ajar pang ras berhasil meritaken berita si meriah aminna gia mbue hambaten tapi lanai ia mbiar ras pang ia meritaken kebenaren Berita simeriah aminna gia ia ilarang (“Kami arus ngikutken Dibata, labo manusia” bhs Ind. “Kita harus lebih taat kepada Allah dari pada kepada manusia” Perb.5:29)

Uga sikapta ibas menghadapi tantangen/hambaten sinihadapi kita baik aksi pribadi bagepe selaku lembaga Gereja, uga peran Kesah Sibadia ije, lit nge sigejapken ?

(3) Ulih pendahin Kesah siBadia arah pemberitaan Rasul-Rasul pantek ras tambah rusur teremna kalak si bengket kubas Perpulungen Tuhan. Ibas paksa enda kai nge si jadi daya tarik Gereja si perlu si cidahken, gelah kalak sideban pe er ngena ate man banta, lit nge aksi/pelayanen Gerejanta si teridah ras si tergejap man kalas si deban ( iluar Gereja ) sebagai aksi solidaritas eksternalta ?

Perpulungen e ncidahken identitasna alu : Tutus mengiken ras ndalanken pengajaren Rasul-rasul, nggeluh ia si keleng-kelengen bagi ersenina, ras-ras ia ncepik-cepik roti dingen ras-ras ia ertoto. Enda me tanda ke-ersadan perpulungen e ras “kerina kalak erngena ate man perpulungen e” arah sikapna nggeluh jadi kesaksin si positif man lingkungenna/dunia sekitarna ibas paksa e.

Alu mengandalken gegeh Kuasa kesah Sibadia tuduhkenlah ke-ersadanta selaku kula ni Kristus, baik antar Runggun, antar sesama anggota Majelis/ Pertua, Diaken, Pendeta, ras bagepe antar sesama anggota Jemaat sebagai usihen/sebagai identitas, ula terjadi sebalikna (inget kata-kata “cemohan masa lalu”... kalau mau berkelahi.... pergi saja ke Gereja sana......! jangan disini......ngertiiii ! ) Waspadalah.... kita harus jadi contoh !

(5) Ciri-ciri ke-ersadan ( kesehatian ) Jemaat mula-mula kenca nusurna kesah si Badia teridah ibas bentuk aksi nyata eme : 3 P

1. Pray together ( Ertoto ras-ras ) Perb. 4:24
2. Preach together ( Meritaken ras-ras ) Perb. 4 : 31
3. Pay together ( Mere/membayar ras-ras ) Perb. Perb.4 : 37 Ula min terjadi ibas ibas perpulungenta, adi ertoto saja oke, mritaken/ngerana pe oke, tapi seh paksa sipepulung adangenta/galarta ningen, .......iak, timai lebe...ya, ninta : Marilah si cidahken Ke-ersadanta alu bekas gegeh/ kuasa Kesah si Badia arah kerina dampar geluhta, gelah lit ije Kekelengen, lit kesabaren, idalankenna perbahanen si mehuli, mehuli ia, setia, meteruk ukurna dingen ngasup engkuasai diri.

Pdt.Esra Bukit

Catatan Sermon

1. Lit 3 hal sehubungen ras kiniersadan: (1) Kiniersadan rasul-rasul nimai janji Yesus; (2) Kiniersadan rasul-rasul Ibas ikuasai Kesah Sibadia. Sehubungen peningkaten iman; (3) Kiniersadaan ajar-ajar jadi legitimasi maka Pemberitaan ajar-ajar erbahansa kalak sitek.
2. Kehadiren Yesus (tubuh) mempersadaken kalak sinterem, bagepe janji Yesus kerehen Kesah Sibadia eme paksa kalak enterem i Yerusalem. Janji Yesus reh si peduaken epe pulung enterem jelma, saja ngenca sipulung e tek ntah la tek.
3. Urgensi Kesah Sibadia banci ianalogiken Ilustrasi semen. Semen iciptaken guna perekat adonan segelah lit keersadan si nteguh. Lit batu, pasir, lau, kerikil, batu bata. Pelain-lain unsur silit emaka iciptaken semen guna mpersadaken nteguh.
4. Pemberitaan Firman erpalasken Pendahin Kesah Sibadia pasti lit ulihna.
5. Perlu membaca Firman Tuhan secara terus menerus supaya tidak menghakimi orang lain dengan salah, seperti orang Yahudi melihat rasul-rasul dapat berkata-kata dengan bahasa mereka.
6. Pertanyaan apakah ketika rasul berkata-kata hanya dengan satu bahasa tetapi orang banyak mendengar dalam bahasa mereka masing-masing, atau masing-masing mereka berkata-kata dengan banyak bahasa? Mungkin dengan teknologi saat ini, yakni alat “translate voise” dapat menolong kita menjawab pertanyaan ini.

Artikel lain yang terkait: